極上帝王水產

營業中

休息中

星期六日想食好啲, 食豐富啲， 就同男朋友決定食放題。 睇咗好多間， 見到呢間食物嘅選擇多啲， 就上咗嚟， 見到好似唔使錢咁勁多人排隊。 就知冇揀錯。 睇返佢嘅嘢食最基本嘅： 刺身, 壽司, 日本小食串燒, 熟食.. 都好齊。 另外仲有啲泰式嘅熟食可以選擇， 又有雪糕可以揀， 咁多嘢食揀，同男朋友都眼大肚窄。 另外每人我哋叫咗呢一個芝士生蠔， 啲芝士同忌廉嘅味道好香 好濃郁 。而我最鍾意呢到放題一定食嘅咁就梗係刺身啦， 最正係甜蝦同三文魚，一啖一條， 食落好新鮮 最尾啲熟食同埋壽司都係 唔錯， 呢度唯一嘅壞處係迫，啲店員好勤力有啲似打仗咁樣不過食物質素搭夠 下次都會再來幫襯。

It’s been a while since we have all you can eat. It’s actually quite popular in Hong Kong for Japanese/ Hotpot cuisine. We picked this one because both of us love seafood (I actually start loving it recently lol) Anyway, Mong Kok is definitely an area for all-you-can-eat restaurants especially the building where this restaurant located. We heard that the sashimi here is not bad, so we picked a lot of sashimi to start with (salmon, uni, scallops, different kinds of prawns) and they also have two

於18/8/2018 定了4人枱慶祝生日！又因fb 內送了甲羅燒coupon .所以第一次品嚐。地方不算大、但服務員熱情，熱烈的款待，令氣氛充滿歡笑，嘻哈！甲羅燒真的好好味，所有食物都仍充滿熱氣，沒有味精感覺。……特別還奉上生日蛋糕，那份驚喜到現今仍存感謝！確是一間有人情味之餐廳

好耐無食放題，放工有個魔鬼同事引誘之下，放肆食左一晚呢間放題比一般既選擇有更多，單係壽司同手卷同軍艦都佔左4張紙仲有啲升級選擇，呢日我地就揀左要海膽，估唔到質素唔差啵，新鮮唔腥仲幾甜添放題少不免要叫盤刺身熱熱身既份量俾得好足，啲刺身都新鮮，個赤貝同甜蝦超鮮甜，之後都encore左round每兩位就會有一客鍋物，我地要左個牛肉壽喜燒，甜甜地又有菜，味道都ok之後我地都有點左幾款壽司一齊食，花之戀同火炙壽司就永無甩拖既而熟食燒物我地都點左好幾款黎食牛舌厚切而嫩，自己都幾中意芝麻雞翼炸得香口唔乾，同事食完再encore個焗蠔加上煙肉同蛋黃醬，邪惡之選飲品選擇都幾多，隔離仲有啲迷你既杯仔甜品添最後食埋雪糕同雪米糍已經滿足到暈

今日難得全家放假，去開旺角，決定瘋狂一下，走去食午市放題 放題就食過好多次，亦都試過好多間，所以我哋最後揀咗一間我哋全部都未食過嘅 我哋大約一點左右去到，已經有啲枱開始食緊！我哋全部都未試過晏晝去食放題，侍應哥哥話呢個時間泥最好，唔多人，啲嘢又啱啱送泥，好新鮮 築地刺身 & 海膽：冇得輸！阿爸阿媽不斷讚話超級新鮮！海膽超級正！種類又多 生蠔：新鮮肥美 牛油果軟殼蟹卷  &  寶幸玉子壽司  &  火焰沙律燒松葉蟹棒壽司  &  極上帝王花之戀：同樣地啲料好新鮮，紫菜係脆嘅，飯嘅酸道啱啱好 胡麻豆腐 & 大蝦柚子沙律：豆腐滑，沙律多蝦多柚子！牛油粟米  &  牛油雜菌：牛油味濃，但係唔會太油，份量適中！雜錦天婦羅：炸粉份量啱啱好，唔會炸得過硬 泰式手工庶蝦  &  日本芝士年糕  &  日本薯絲蝦：炸物普遍都整得唔錯 日本芝麻雞翼  &  日本紫薯餅：雞翼 juicy，紫薯餅個紫薯味好出！日本七味雞軟骨粒  &  雪花牛肉手打烏冬：維持應有水準！日式豉椒炒蜆  &  香蒜片和牛粒：差唔多粒粒都有蜆肉，和牛味道亦唔錯！正宗冬陰公湯  &  意式忌廉蟹肉海鮮湯：冬陰公湯好多料，有成三隻大蝦

媽媽生日飯局，諗住一家人開開心心食下放題，一入去感覺成個場環境好迫，好狹窄，行都側身過，好彩我哋人多關係安排咗係後排坐位，比起出邊座感覺好d😐一入到去人未齊櫈都未坐熱，經理已經好似好熱情咁話因為時間關係，先幫我哋劃住d剌身先，之後我哋可以再劃其他嘢食，我哋仲話ok唔該晒！點知。。惡夢就開始嘞😰😰開頭嚟個剌身盤都正常，但之後有好多食物不停咁送嚟，我哋先發覺個經理應該唔止劃d剌身咁簡單，我哋覺得唔對路就叫佢cut單唔好再入住，因為已經成張枱放滿食物，感覺係成個餐單嘅食物每樣都幫我哋劃晒，想快d塞我哋食飽走咁，期間仲有個職員走嚟問我哋夠唔夠飽，食咁多次放題都未試過聽到d職員咁問囉😳😳之後我哋再落單，點知d職員送嚟嘅嘢都唔係我哋order，叫佢攞番走仲黑面，之後order食物要叫個經理再三催促叫先有😤😤😤預約時及Recomfirm時已經講明有人生日，佢哋回覆話可以有2位免費，同埋因為我哋人多嘅關係可以唔限時，當時我都覺得間嘢都ok，加上埋單前我哋已問經理生日係咪要出示ID證明，經理話大家講個「信」字，唔洗睇，轉頭埋單又話要睇ID，話呢d係公司規矩，而且最多只可以免費一位，我哋再三講話recon

上網見到人post好吸引，就約齊人去食啦點知上到去間鋪黑蚊蚊好似無開燈咁，坐位超迫肥d都坐唔到⋯廢話唔再多講入正題1）刺生唔新鮮食落有陣怪味，叫咗一round 已經無再叫2）壽司🍣仲衰過食爭鮮3）食物又唔多選擇，叫饅魚黎到一粒一粒真係第一次見☝🏻咁孤寒就咪做放題啦4）炸物小食完全唔掂，未食過d栗米乾真真5）臨尾送咗隻不知所謂嘅蟹蓋簡直係食垃圾食放題食都咁真係第一次，以後會嚴重blacklist網上太多打手

如果唔係差得甘緊要，真係唔諗住寫食評，希望唔好再有人中伏，睇食評見好好，所以一星期前已經打電話book左8點，8點去到門口企滿人，心諗無死啦，應該唔差掛，等到8點半先有位，一入到去我個位成地垃圾加濕立立，食肆甘污糟，心諗野食唔方乾淨，落左紙到第一碟魚生到大約等左10分鐘，但叫的數量同佢黎既數量完全亂黎，叫一件羊架黎3件，件10件魚生黎得4件，魚生完全無味，雪得好嚴重，三文魚色澤唔新鮮，甜蝦完全無味，皇帝蟹棒同超市買最平蟹柳無分別，全晚最好係燒菠蘿同蕃薯$259＋10％食垃圾，一落到落下已經搞肚痛，真係請都唔會再去！

樓下派傳單講7點239➕1。上到來259➕1，問服務員，佢話傳單過期的，都算，環境:坐得一點都唔舒服，太逼了。成個場都好細。一坐下來服務員先比一張特別的刺生紙講，第一次會來得齊同快點，甘最好想要的第一次都落曬，之後的就會冇甘快。其實就是想暗示你聽冇甘齊.聽完都知大部分應該都差唔多啦!野吃點完了。點豉油的碟來不齊，就叫服務員拿啦，點知拿來的是一只小小㬵兜和一只裝蛋撻果仲碟(都是一次性）其他的就是正常的碟.簡直冇語，太不美觀。刺生來了，第一次真是唔同D，都齊的，味道算可以啦！之後來的都是減半。唉都算了，熟吃的烤饅魚，一上台，簡直迷你得唔知係咩！仲要拿蛋撻碟裝著！都唔知似咩！冇形象可言！串燒蝦叫十只來三只仲要唔新鮮，好多野吃真是來不足,其它熟吃冇要求都吃倒的。不會肚痛。這歺都將就過去。在吃的途中，服務員來左唔知幾次的問野吃齊未呀！仲有咩未來呀！看似好關心你張單！但我地大家都感覺倒：你地快D吃啦！出面好多人呀！真是太多講唔曬！可能佢地都知唔會有回頭客的。簡直激死。

早排先食完放題今日我地又食啦！因為我真係好鍾意食放題。佢都幾多食物選擇，如果訂枱仲有個燒蟹蓋送，裏面有好夕蟹肉，撈埋飯同埋蟹籽一齊食真係好香口好美味。仲有好多特色卷物，有和牛卷，牛油果軟殻蟹仲有鰻魚，全部都係高水準之作。每二人仲可以有一鍋松葉蟹鍋，條蟹捧真係好大條㗎😋刺身都唔錯，尤其是三文魚好肥美好厚身，食落去啖啖肉。 甜蝦嘅種類都好多，有啲仲好大隻添，而且食落去都好鮮甜。熟食方面都唔錯㗎 ，個避風塘 炒蝦有少少辣，但係肉質都非常彈牙。牛柳粒嘅蒜頭味都好重好好味。飲品種類嘅選擇都非常多 ，有啲韓式嘅飲品都有。 而甜品亦都好多，我哋叫咗個芒果慕斯 ，都好好味㗎，仲有得叫心太軟添！

香港人對放題喜愛越黎越盛，所以放題店開到成行成市，要選擇一間平靚正食店真係花多眼亂，我屋企人對日式放題也情有獨鍾，朋友介紹係旺角兆萬中心九樓有間就十分適合，今次中午一早就走去捧場，等店開舖試頭啖湯，一出電梯就見到帝王水產招牌大字，下面就放左個凍櫃裡面好多貴價雪條，服務員安排卡位好寬鬆舒服，四周掛上色彩繽紛旗仔，似足日式居酒屋，飲品櫃都好多選擇，Peter仔招呼熱誠，逐一詳盡介紹如何點食，巳經覺得賓至如歸，抵讚首先上枱已經令我大吃一驚，真的這般大盤嘅築地刺身盛，廚師用心將刺身擺得齊齊整整，望見已經流晒口水，款色多到我都唔記得晒最深刻就係貴價海膽一盒滿晒，peter仔話最好用紫菜夾住黎食，味道更加正跟住當然推介鲜甜蝦啦，有虎蝦，去頭甜蝦，有頭甜蝦，全部滑滑又鮮味重有一定要試生蠔，又肥又唔腥湯冬蔭公湯必定要叫，湯入面重有幾隻大蝦我另外對火鍋情有獨锺，今次嘅雪場松葉蟹和日式和牛燒鍋，真係無得輸，正到無人有食到呢度已經物超所值，但係又想多少少，唯有再叫多两味，香蒜片和牛粒十分野味，大大粒和牛粒大蝦柚子沙律，好大隻蝦，鮮甜重有好多好多野無叫，個肚飽到頂唔順，唯有下回再試。

今次再食依間位於兆萬中心9樓嘅極上帝王水產🤤佢嘅賣點呢就係多國放題呀 有泰式野有意式野好多野任君選擇💁🏻‍♂咁當然一嚟就食日本野先喇🤤第一輪刺身特別靚仔嘅 打卡一流呀📷三文魚🍣就塊塊厚切🤤我自己就好鍾意食蝦嘅所以就係咁食赤蝦同甜蝦🤤赤蝦就好厚肉好鮮😍😍甜蝦就又甜又鮮無雪味真係要不停encore先得🤤帶子就大大粒又鮮甜仲有北寄貝象拔螃好多野揀🤤仲有板海膽真係好大板又甜真係好正好抵食🤤🤤食完刺身梗係到壽司🍣花之戀同黑松露帶子壽司 啲黑松露唔算好重味同帶子鮮味好balance👍🏻跟住梗係要食我嘅最愛火炙三文魚腩壽司喇🤤佢入口即溶真係正到唔識形容😍我仲叫咗兩舊海膽手卷過下口癮好彩佢唔算好大舊💁🏻‍♂除咗壽司同刺身當然唔少得一啲日本炸物好似芝麻雞翼同七味雞軟骨咁好多你想要嘅都有👍🏻👍🏻泰式方面就有炸蝦餅同串燒仲有生菜包好多野揀🤤🤤意式方面就有忌廉湯同意粉肥牛鍋物，蛋好流心，大大份！仲有心太軟等等嘅甜品真係好多選擇🤤如果同朋友諗唔到食乜嘅嚟依到都ok因爲依度乜式都有實有野啱你🤤

行完旺角又肚餓 當然要去搵野食啦。同行友人想食放題，咁第一時間就諗起兆萬。咁大家都知道兆萬商場入邊有好多間放題嘅，咁我就見到一間寫住極上兩個字就俾佢吸引就入去試吓啦勁多落單紙，仲有泰式西式坐無虛席，人山人海壽司類別 嗌左藍鯨吞拿魚，不過我既最愛都係油甘魚 一d都唔腥蟹肉麵豉湯，真係有蟹架！刺身，三文魚，帶子，玉子，蟹柳，鮑片等等，鮑片幾好食，都唔腥又鮮甜牛舌，雞串，岩岩燒出黎 配埋個汁得呀！唔好以為點解嗌得咁少，其實已經係叫緊第二碟啦芝麻雞翼，無得輸！一個人食左四隻吞拿魚杯，牛油果軟殼蟹，芝士鰻魚卷，三款都做到好出色，好有口感 大滿足！雪場松葉蟹火鍋，呢個係送既！但係都好鮮甜！好有蟹味！蒜片牛肉粒，整到岩岩好 一咬就爛 香口海膽手卷，軟殼蟹手卷，一口size正！焗廣島蠔，呢個必試啦，因為好夾件事！總結，極上不枉叫極上！

日式放題店比比皆今日就揀左兆萬呢間日本放題，全因佢個名，感覺上應該刺身會新鮮，好幸運地今次去到等左五分鐘就安排座位啦。店內環境多以卡座形式，左邊有開放式廚房處理刺身，餐廳內部亦設有自助飲品吧及甜品櫃，方便客人自取，十分貼心。只能說而家既放題店食物種類超級繁多，從最基本既刺身壽司，鍋物到西式/泰式料理及爐端燒都有，選擇繁多。雜錦刺身放題當然要一試刺身，我們點了三文魚，帶子，玉子，蟹棒，鮑魚，螺片等等。刺身選擇種類多，而且都十分新鮮，比較鍾情於三文魚同帶子，厚切三文魚，每件尺寸都類近，吾會話偏多或少，而帶子亦十分鮮甜，一點兒腥味都無，十分推薦。卷物-牛油果軟殼蟹卷 & 汁燒牛肉卷卷物今次點了牛油果軟殼蟹卷 & 汁燒牛肉卷，兩款口味個人偏好前者，用左新鮮牛油果鋪上面層，入面裹住軟殼蟹粒，口感豐富。手捲- 一口海膽手捲 & 軟殼蟹手捲特別推薦海膽手捲，呢個迷你版本入面都放左青瓜絲和海膽，十分足料，鮮甜海膽，令人想encore多一份啊。和風小食-芝麻雞翼炸物當然都系放題必點之一，特別推介即炸芝麻雞翼，香脆可口。黃金燒廣島蠔呢個廣島蠔encore程度極高，每抬都有點，用左十分邪惡的芝士焗，所以芝士

一班人約出來食野，個個都中意吾同口味，約食放題就最岩架啦，之前有朋友食過話吾錯就來試下野識選擇都幾多，嘢食紙都有10幾張地方都幾大坐得都幾舒服，不過入座就排咗一下隊，所以有興趣嚟食可以book定位先放題除咗飲食之外都有任飲，有汽水啤酒紙包嘢飲同果汁酒店另外仲有少少甜品可以拎來食有好多唔同嘅口味，細細杯，推介藍莓同芒果口味叫咗好多唔同嘅嘢食，咩都試吓🤤刺身色澤幾好而且新鮮菇夠爽口，粟米都好甜另外呢度嘅天婦羅都炸得外脆金黃，可以試下壽司方面勝在用料算新鮮作為雞翼迷嘅我點可以吾叫翻個燒雞翼食最後仲可以一人揀一個甜品(雪條或者雪糕)我就冇揀到韓國雪條，選擇咗Cookies and cream 問Haagen-Dazs呢度嘅嘢食種類真係好多，坐得舒服，味道都唔錯，一班人黎聚會啱晒