極上帝王水產

營業中

休息中

這間位於旺角兆萬中心的＂極上帝王水產＂位置方便就腳，選擇種類繁多有：西式丶日式丶泰式丶港式應有盡有，唔同時段唔同價錢，價錢都幾實惠👍🏻刺身拼盤坐低不久服務員安排廚師指定的刺身拼盤，拼盤刺身新鮮色澤光潤，海膽鮮味不腥，帶子有彈性，三文魚夠肥潤，甘蝦鮮甜美味甲羅燒蟹蓋，牛柳粒甲羅燒配上特別的醬汁微微酸，非常醒胃。牛柳粒牛味濃郁😋😋因為海膽冇苦澀味又新鮮所以在encore手卷👍🏻真的很鮮甜燒牛舌夠厚身，食得過癮！羊架燒得入味有肉汁燒鰻魚一口一粒，夠厚身唔會太薄又唔腥。泰式春卷即叫即炸，一口咬下熱辣辣好鬆脆。白汁煮青口，青口嫰腍。松葉蟹海鮮鍋松葉蟹份量都幾多喎。冬陰公湯微微酸辣但有啲似羅宋湯😆BB豬仔骨大大件燒得很入味連軟骨也可以食埋。泰式炒辣蝦很惹味。炸蝦餅都係即叫即炸，外層酥脆👍🏻總括來說選擇多多，啱晒我呢d大胃王😝

今日又係去油尖旺行街嘅日子 去到美食林立嘅油麻地 點可以唔去最出名嘅兆萬中心嗰度食飯呢 今日揀咗呢間極上帝王水產 入到去環境都算舒適寬敞 天花板鋪滿唔同嘅旗幟 非常之色彩繽紛 唔錯唔錯食物種類亦都算多元化 首先職員畀咗一個 好靚嘅刺身拼盤我哋 材料有三文魚 帶子 北寄貝 甜蝦 珍寶赤蝦 希靈魚 松葉蟹柳 八爪魚 鮑片 同埋海膽 其中以三文魚同埋海膽最好食 海膽非常之鮮甜甘香可口 而三文魚嘅油脂亦都好豐富好新鮮之後就叫咗燒物 有羊架 雞翼 鯖魚 全部食材都燒得好新鮮 非常之正 之後到炸物 有炸紫薯 炸芝士年糕 比較一般之後就叫咗甲羅燒 甲羅燒有濃沃嘅蟹味而且搭配少少沙律醬 更加鮮甜可口之後就有牛柳粒 油脂非常之靚 好似落雪咁樣 所以就係叫做霜降牛柳粒

同朋友去食 睇傳單好似好多嘢食入到去覺得無乜款 價錢又唔平 最後埋單成260我地食食下刺身 仲要見到個盤有隻曱甴仔同職員講完即刻dum左佢 無任何表示之後食到最後 我地啲野岩岩到有個職員一黎問我地啲嘢食到齊未講完就即刻收哂我地啲嘢 啲喇完全未食 反而係間餐廳浪費食物。。。真係未試過咁差既放題以後都一定唔會去食 大家都唔好去

每當諗唔到食乜野好既時候，放題的確幫到手！哈哈！見呢度既黃金時段都只係HK$219+10%服務費，而且仲有95折Tim, 太約HK$230 就可以任飲任食兩個鐘，真係試下也無妨喎...海量甘多款既點菜紙！真係中日泰都有齊晒！好啱有選擇困難症既人黎食呀！係眾多既食物中，我比較喜歡牛舌，燒蝦同芝麻雞翼！牛舌坊間一串都幾十蚊，呢度既牛舌算是不錯，唔會靭又有咬口！蝦燒得夠香口又唔太乾身，肉質夠爽口！甘當然不會樣樣野都超級好食，不過比呢個價錢，我覺得餐廳已經交足功課了～有驚喜呀！放題竟然有 Movenpick雪糕食，不過是其一訂座優惠，係幾樣優惠中，我選了食優質雪糕，只要將特選紙交比店員，店員就會開個雪糕櫃比你揀！今次仲係有我未食過既合桃味tim ~ 好滑呀！正正正同一般放題一樣！汽水係任飲的，當中仲有啤酒，都係任飲ga! 以呢個價錢黎講！性價比都幾高呀！

日本放題，食物都是一搬搬啦！選擇多。但環境比較舊。地方好迫。甜品少。飲品種類都算多。最喜歡食個芝士連糕，海鮮不是太新鮮。多了泰式食品，個湯算唔錯，服務員都對答好好。

係肥寶寶嘅生日，就梗係要去食放題喇。今次發現兆萬有間新嘅放題，價錢公道，就梗係去試下。先拎咗嘢飲先有名貴的松露帶子壽司，仲有其他壽司魚生刺身是常識吧雖然係日本放題，但都有個 section 係食泰國嘢，我就鍾意食泰式生菜包，夠惹味，用埋生菜包仲唔會話好飽。辣炒蝦燒鰻魚好正牛柳粒有點過熟。蟹粥就不過不失了，粥味為主，蟹味就食唔到了。牛舌好爽口，值得一試。羊架超晒班，不膻又夠腍，仲燒得好香添。松露炒飯真係多人食先好嗌，碗飯大碗到爆，松露味好香。蜆肉燒烤嘢好好味，燒雞翼同燒蝦都叫咗幾 round。雪場松葉蟹火鍋味噌湯訂位優惠有限定嘅甲羅燒，但就唔太正宗，用沙律醬同蟹籽整成，下面仲加咗啲壽司飯。最後行岀去仲有雪條任選，呢個特别嘅韓國朱古力脆脆雪條都唔錯啵。

小編周遊列國，記掛住香港的除了是奶茶和雲吞麵外，竟然.......是......放題！今晚就和熱愛放題的老友聚舊，當然要求帶我去嘗嘗旺角最人氣的放題～ 餐廳設計大阪味濃！員工士氣十足！客人簡直人山人海，排隊等入坐嘅人迫爆大堂！刺身質素超高，三文魚非常肥美、海膽一板上，絕不欺場，難怪坐無虛席！雪花和牛柳粒爐仔細細很精緻，可以自己動手燒，牛柳粒油份適中，輕輕燒燒入口即熔，全新感覺，朋友無介紹錯！飲品有日本果酒、韓國啤酒，仲有最新零系可樂！食物配美酒，加上真朋友！今晚我很滿足！驚喜位！Buffet先有嘅Movenpick雪糕，這裡都一樣有！味道質素都佳，超出我心目中放題水平！食客用腳投票！下次再會！

同朋友兩個人晚餐，今次遇上難度5粒星友誼難題！「我想食放題，但朋友唔食魚生！」朋友表示唔緊要；佢自備咗一間心水放題，保證可以大家都開心............小編先代表「生安白做」小隊，報告下刺生系列最好食係邊幾樣～刺身船選擇多，最緊要有我喜歡的帶子，仲好鮮甜！另外仲有甜蝦、牡丹蝦、三文魚等等⋯⋯欣賞佢哋就算我order少量都排得靚靚用冰兜上！手握壽司正在細細粒，壽司上放上黑松露，口感味覺都很有水準！海膽手卷海膽好味！鮮甜！一向在放題都少點海膽，都會覺得食材將貨就價，但今次食落又幾唔錯！都同樣欣賞佢細細件，適合少食量多嘅放題，紫菜也夠脆口，如果青瓜再薄身少少就更好了！到小編個熟朋友「唔熟唔食」小隊，熟食佢認為下列幾樣必食：炸榴槤波波榴槤波波炸到皮脆肉滑，裡面有熱辣辣的榴槤果肉，佢食咗3粒！榴槤雪條 & 榴槤綠豆 雪條好似食緊真嘅榴槤咁！雪條好滑身，勁香榴槤味！日本密瓜雪糕鹽燒鯖魚 & 蝦一件配一罐啤酒，正！餐廳內有啤酒任飲！蟹粥唔係講笑，蟹粥係幾好味！今次放題「唔熟唔食」小隊勝！佢食嘅熟食多我九條街，今次被榴槤吸引住！其實仲有好多好味熟海鮮無報導！唔緊要，下次再見👋👋👋👋👋小提示：坐位

全部嘢都無味，刺身完全唔新鮮，基本放題質素都無 雞翼同羊架完全無味。。。。。最嬲嘅係個咩咖喱炒蟹係有沙泥同蟹嘅鰓。。。。好噁心 唯一好食就係炙燒嘅壽司三文魚呀 曼魚個啲都係正常的 其他嘅食物真係唔好食 完全唔值呢個價錢，唔會再幫襯！ ！ ！ ！ ！羊架係燒得好香，但食落完全無味，同食緊啲白烚嘅肉無分別！

今日4點先有堂，可以同friend食個好d既lunch先返去上堂。朋友提議食呢間放題，可以慢慢食，一於去試下。平日嚟到少啲人，加上lunch time人未多環境幾靜幾啱傾計，平時食夜晚人多又嘈，講野都要大聲啲。全部都係卡位設計，坐得幾舒服。野飲自己出去拎，款式都係平時放題飲開既。食放題第一round緊係刺身，人多咩都寫啲，嚟到嚇一跳。海膽係送既，好鮮甜。帶子大粒鮮甜。甜蝦同三文魚都好新鮮。當然唔少得我既至愛北寄貝之後叫左啲熟食。鰻魚切到細細粒，方便入口，嚟到仲熱，可以再叫。蕃薯仔都係必叫。金菇好香牛油味，個個爭食。再嚟就係壽司，好特別呢到有煙三文魚壽司，一樣好食。花之戀用料足。手卷細細隻唔會話好飽食唔到其他野。炸物全部熱辣辣，芝士年糕好煙韌，芝士又夠多，好回味。芋圓都唔錯。芝麻雞翼夠脆夠香口，另外仲有平時少見既紫薯薯餅，同樣好食，唔係求其貨色。食到咁飽都食唔落甜品。甜品都係普通雪糕，都ok。整體嚟講唔錯，lunch嚟食會更抵，人少少又可以食幾個鐘，唔去cafe溫書可以轉埋場嚟呢到。

放題食上癮，早收工趁未人多就捉埋朋友去食舖頭名就聽得多但成日想試都冇去食到今日就一於試試佢食放題刺身真係必睇一部分我最鐘意食既刺身呢到有齊晒真心好爽我將所有蝦刺身叫左3 Round 都仲想再食呢到每次叫既野食都係細細碟個人覺得咁樣好好，可以叫多啲試多啲又唔會大大碟食唔晒串燒好特別，咁樣望落好吸引同埋佢個串燒豬肉係超級好食啲醬汁好好食仲有心太軟首先佢細細粒，一啖食晒個流心好香好正又唔會太甜依家講起好想食😍😍

預訂了5人的晚餐，原本只安排了4人座位，反映後改換5人座食物很新鮮，種類足夠食一晚，服務和上菜都很快，各方面都相當優質抵食預先訂座會有每人只可叫一客的額外餐紙（好像不是一直有供應），海膽非常新鮮無腥味，遠超放題能品嚐到的品質，生蠔也是在同價格放題中最頂級的下次聚餐會再去

幾個人聚會最啱就係呢食放題鍾意食乜就叫乜完全冇負擔 今日就嚟到呢間開張幾個月位於兆萬中心入面嘅極尚帝王水產星期六嘅下午去到 人唔太多 唔使等位 入到去發現枱櫈都幾逼 如果夜晚食就比較擠擁相反午餐時間坐得比較舒服 嘢飲係自己攞 雪櫃都有近十種唔同嘅飲品 隔離仲有咖啡機 我就揀咗杯朱古力 不過勁淡 都係揀罐裝飲品首先叫刺身基本上放題有嘅種類呢度都會搵到 例如三文魚 玉子 馬刀貝 八爪魚 甜蝦 虎蝦 希靈魚 帶子等等 而且份量都幾足 叫一次都已經食到夠 冇再追加了 順帶一提呢度係做泰日西放題仲有好多唔同煮法嘅熟食蟹肉忌廉湯好有茶餐廳嘅味道牛油粟米甜甜地味道唔錯炸嘢選擇都幾多 有泰式蝦餅 芝心漢堡扒 炸鮮奶 榴槤炸彈 炸香芋蕃薯丸等等仲可以有附送嘅燒牛柳粒同埋甲羅燒 係diy 有得玩有得食食飽飽後甜品可以自己拎 門口有個雪糕櫃 入面有唔同嘅雪條同埋雪米糍等等

見甘多好評先試下😯點知 一食就知系打手作怪🤮樣樣食物都hea 整😥「得刺身還可以接受，壽司飯多過刺身，湯類一碗份量得兩啖擺明Hea整，真好聽送每人一客海膽，點知三個人先得一客份量。」未試過食完一間甘想比負評可一不可再。唯一系員工服務態度算好。但食物質素真系食到火都黎🤬

係兆萬拎到傳單寫239+1 點知上到去249+1 價錢同傳單唔同 又話送生蠔最後乜都冇 勁漏單點咗幾次都冇一次有嚟 最後話幫我哋催單都係冇嘢嚟 食物完全唔掂 坐位勁逼 第一次食到咁差嘅放題 我聽到有人等位個陣食吱吱冰 寫住免費領取 人哋唔食就話要收翻錢仲要廿五蚊枝