極上帝王水產

營業中

休息中

呢一間嘢! 間直垃圾到極至,首先下午在openrice 訂位19：00, 已經提早15分鐘嚟到, 竟然話沒有mark 到位, 結果要同 walk in 一齊排😠七點幾先入座已經冇羊架、芝麻雞翼、清酒、梅酒…what!即刻嚇一跳!其後嗌嘢食我都唔知點講,係冇一樣嘢係正常,(強調)係正常,食物質素差, 我未試過每一樣嘢都咁不知所為-……xxx,刺身唔新鮮, 燒菠蘿凍嘅, 冷豆腐好似室温,熱食都唔熱, 從未試過食放題食到唔敢食, 還有2小時變100 分鐘, 60分鐘就話last order 😠跟住就拎張單嚟叫埋單, 話30分鐘前截單, 咩事呀？食咗60分鐘咋喎......雖然佢地之後話睇錯時間, 但已經沒胃口食, 沒下次,完！

旺角兆萬勁多間放題，試過甘多間都係中意極上帝王水產💛💛呢度長期爆滿，記得要book枱！首先入座即可揀一個鍋物，可揀壽喜燒或者海鮮鍋。冬天天氣涷最岩就係食返個暖暖的邊爐🫕。食完仲可以帶啲配料繼續打。不過我地當然要留肚繼續作戰。食放題一定要食盡刺身，呢度啲刺身好大塊，又厚切。好怕食放題啲刺身細細塊，食完好似冇食甘，大大塊口感先一流。刺身好新鮮，睇得出啲色澤好鮮明，款式都唔少。熟食方面我比較喜歡溫泉蛋，一些前菜如八爪魚螺肉，天婦羅，炸生蠔，芝士薯餅，燒雞肉串，燒牛脷等。壽司方面，超中意黑松露油甘魚，黑松露帶子，花之戀。不過為左可以食多啲其他食物，都係唔叫甘多壽司飯飲品有啤酒任飲，啱晒我同朋友，樽裝有氣提子汁同100%椰子水都唔錯。記得飲品櫃旁邊就係甜品雪櫃，選擇唔算多，不過已經食到好飽所以我地都冇拎。不過店員有提一提我哋可以去入口處拎雪條雪糕，所以就算做咩好飽都食咗益力多味雪條同西瓜味雪條😋

因疫情關係好耐冇食放題，今次同幾個人一齊gathering決定去食放題食飽佢。既然係食放題，緊係去食大量嘅刺身啦，咁樣先可以回到本㗎嘛。 除咗食刺身咁仲要考慮時間因素啦，到咗時間其實都唔會特別催你走，仲可以畀啲時間你食埋啲甜品。正。除咗正常嘅刺身入嚟嗰陣時仲可以揀要一客海膽，好鬼正。 刺身其實都比一般放題多左鮑魚，赤蝦同埋松葉蟹棒，咁嘅價錢想去邊度搵到咁特別嘅刺身呀。松葉蟹棒都算幾新鮮，鮑魚都幾好食，所以我都 encore咗好幾次，回曬本。除咗食刺身，啲天婦羅呀炸雞翼呀都算幾好食，食到飽到行唔喐先走出過門口，又可以同班friend吹咗咁耐真係好鬼開心。

最近年尾啦返工好辛苦 所以就決定同同事一齊去食放題放鬆吓啦 今日就同同事去咗兆萬既極尚帝王水產🍥 我哋都比較鍾意食刺身 所以一開始就點左比較多三文魚 三文魚好新鮮好肥美 性價比10分高💕 之後就食咗唔同類型嘅熱食啦 佢哋嘅避風塘炒雞軟骨真係好特別 炒到雞軟骨好香好脆 超好食 佢哋嘅燒菠蘿超好食😋 真係超超超推介！ 係有焦糖在上面的 笑得剛剛好咬落去甜甜酸酸的 所以我最尾叫左幾次 佢哋最近仲有新嘅菜單就係可以燒牛肉粒同埋蟹蓋 因為我唔食蟹嘅所以我就冇試 但朋友食咗之後話好正 而我就食咗好多好多牛肉粒 🥰 兩個人買單唔使$600 性價比來講真係算好高 服務態度都幾好冇漏單😀

【不可一，不可再！】這是我吃到一半，真的無奈極而寫的內容。二人，523 元；服務員很多，也很禮貌；食物選擇很少很少，上菜速度奇慢，你點的東西的量連三份一也沒，而你只點一兩件的，他會大量給你。說好的燒肉，進後變成要加錢才有，不過看原有食材質青與速度，你敢加嗎？真的不了。火鍋食材，佳寶超市的比它更好，那所謂的肥牛，真肥啊～一堆注射脂肪，肉本身是非常乾的。那個手卷，紫菜是軟的！像濕透水的啊！天啊～壽司呢？飯一點也不熱，不會有手的餘溫，因為它像是昨天吃剩的！刺身，色澤不用多說，我全試一件就停下了，難怪他不用上齊數量~炸物，只吃到粉，一定夠飽腹感。燒物，半小時會有一兩件，反正就是不給你，哈哈。而且，不好吃，冷掉的、乾巴巴的。甜點嗎？我吃了一口，也停了。。。。這是一次我人生很糟糕的放題體驗，也是惟一一次令我中途寫文的餐廳。這餐廳有一點很有速度，就是說好了兩小時放題，他會在1小時6分鐘後告訴你 Last order了，然後出單也神速，收錢和找錢，也只用了3分鐘，厲害！最後，但願往後不會有更多食客遇上這樣的事。

同朋友仔兩個人行完瓊華中心，就突然靈機一閃想去食個放題，咁就去試下兆萬中心既極上帝王水產放題，貪佢夠飽價錢又唔使太貴呀嘛！唔好以為$259套餐無咩野食，呢個套餐都有好多野食，除左有邊爐打，剌身之外，仲有好多唔同種類既野食，而且任飲任食，有無限提供到汽水同埋啤酒，性價比可以話極高，食物選擇都十分豐富。刺身黎講，質素都不錯，我地點左三文魚，吞拿魚，蝦，帶子海膽等等。擺盤相當精美，上台時即刻嘩一聲。全部刺身都好新鮮，唔係一般放題剌身質素。壽司我地叫左唔太多，味道都幾好，值得一提係佢地放左黑松露系壽司上面，令到成個味道豐富左，值得一讚!食完成個刺身同壽司後，其實已經有少少飽，店員提醒可打邊爐，咁我就揀左胡松葉蟹海鮮鍋，鍋上有蟹同海蝦為主，呢個味道就有少少太清啖，可能揀選返另一款和牛壽喜燒鍋會比較適合我呢種重口味人士。 去到呢一刻我地已經完全飽哂，最後叫左d熟食同串燒。估唔到串燒既質素又係ok ! 試左佢地咁多樣野都有水準，可以講佢性價比真心高！旺角放題極多而且質素十分參差。以帝王水產呢個質素可以令我返轉頭再食，期待下次多d朋友一齊黎可以試更多唔同款野食 , 到時再返黎試多次！

🌍極上帝王水產 (旺角)今日出旺角行街 順便去兆萬中心食放題 我哋黎左一間職員服務態度好好既日式餐廳 食物種類都幾多下 仲有手機落單好方便▫️刺身拼盤：我地叫左十幾種刺身 拼盤擺放得好靚 大部分刺身都好新鮮 尤其是八爪魚同甜蝦好好食 仲有泰式生蝦估唔到都咁好食 配搭埋泰式酸辣醬真係無得頂 值得再叫多次▫️炸物天婦羅：首先吉列炸蠔 用吉列粉炸過 外皮香脆 食落香口鬆脆 另外蝦天婦羅 蟹柳天婦羅用既粉漿唔會太厚 食落香脆可口 跟住香芋炸彈 榴槤炸彈都好好食 餡料足夠 最後BB露筍味道一般 ▫️和牛壽喜鍋：原鍋上檯，gas 爐煮熟材料，材料亦十分豐富，薄切和牛片，食落牛肉肉質唔算滑 但係湯底好飲甜品：雖然杯裝甜品就麻麻地 但雪糕值得一讚 種類好多 好啱心水 食完一條又一條 💵消費：209一位✨環境：7.1/10 🙋🏻‍♀️推介：7/10📍旺角西洋菜街1號兆萬中心9樓

今日係朋友生日，知道佢鐘意食放題，就揀左呢間位於旺角兆萬中心９樓充滿日本風味既放題同佢慶祝。佢呢度係入座即送火鍋，有和牛壽喜燒鍋同埋海鮮鍋，咁我地都鐘意食海鮮所以就揀左鱈場松葉蟹海鮮鍋，有松葉蟹鉗、鮮蝦、青口等海鮮。呢個火鍋係一個迷你鍋，所以唔怕會食到太飽，而食唔落其他野食，仲有飲品任飲。之後我地點左個刺身拼盤，款式好多！最驚喜係有海膽刺身，仲有北海道帶子、榮螺片、日本有頭甜蝦、大赤貝、珍寶赤蝦、希靈魚、象拔蚌，泰式生蝦等等，刺身味道新鮮。掃一掃QＲ ＣＯＤＥ就可以繼續點野食，仲有可以食埋磯燒新Menu，有好多款式選擇，咁我地點左燒物有端爐燒既牛舌，燒菇同埋雞翼，我喜歡牛舌口感軟身。再點壽司船除了多款選擇外，大部份既味道都唔錯的，賣相都相當吸引。仲有水蟹粥，炸蠔，香蒜炒和牛粒醬汁味道濃郁避風塘雞軟骨及珍寶蜆肉就好香脆， 最後當然就係甜品時間，除左朱古力心太軟，仲有Movenpick，Dreyers雪糕，韓國雪條、雪米糍等真係大滿足，朋友都話食得開心～呢個價錢$259加一, 食到咁豐富既食物,性價比高, 所以真係值得一試。

近排好想食放題，於是上網睇下旺角兆萬有啲咩放題選擇，最後簡左呢間感覺不錯的放題店一極上帝王水產🦐 為免不想排隊walk in.我就上網打電話去book位💖所以去到好快有得食ya.呢間放題種類算多，有刺生 壽司 鍋類 炸物 磯燒 熱食 東南亞菜式 甜品 等等☺️刺生 好多選擇，就連蝦都有3款簡😜 最愛有頭甜蝦 好新鮮！炸物 推薦炸鮮芋 炸芝士年糕 炸鮮奶 以及炸蕃薯🍠 又熱又脆，有驚喜！磯燒方面，真係超中意，好小放題有得食。甲羅燒🤩一人一個，真心好食，好多蟹膏，仲可以撈埋啲蟹籽同飯，舔舔脷🥰熱食！不得不推介 炒通菜，吃完再嗌多2碟🥰吃多d菜身體好🤪 鍋類方面就必吃壽喜燒湯底，有肥牛有大菇有娃娃菜！仲嗌左唐生菜tim 嘻嘻🤩#我真係好中意eat菜！甜品款式多，仲有兩三個大雪櫃俾你拎凍嘅雪糕雪條糯米糍😘CP值極高💖💖油麻地A二出口兆萬中心一極上帝王水產🦐

今日放工後想過happy 個Friday 🥂於是同同事諗下食放題都幾好，見兆萬中心有好多間！見到呢間post圖片同價錢都幾吸引，當時7:30pm上到去已經滿座，不過好好彩等左10分鐘就入得！1.🐮牛肉壽喜燒（金菇、娃娃菜、牛肉、冬菇、生菜🥬）個湯底我覺得幾好味，好濃郁嘅甜豉油味道，其他打邊爐🍲配料可以係app再order!! 其實細細個爐幾好，仲要留肚食其他。2.饑燒（好好👍，有蟹肉、有小小沙律醬。燒完之後會加飯同魚子混落去，放題食到呢個真係唔話得）3.炸物（芝士年糕、炸牛奶、炸紫薯波波）芝士年糕好好食，個人好中意食！味道剛好4.刺身（三文魚、北寄貝、甜蚱、帶孑）味道還好，但甜蝦好食😋5.熟食（炒通菜，好入味有蝦醬味道）6.炸天婦羅🍤 (要上台就要快食，凍左就無咁好食）整體而言，$200幾食到咁多種類的食物都很不錯！

放工心血來潮想食放題就搵左放題集中處既旺角兆萬中心, 見到呢間有多國菜, 食物品類又多, 炸物,甜品款式都好多。就係九樓既-- 極上帝王水產 飲品櫃好多野飲揀, 有支裝,仲有韓國飲品, 比起外面放題餐廳真係多好多!刺身新鮮,冇雪味, 擺放得好靚for人影相.. 叫左3文魚係厚切, 蝦鮮甜, 呢到連蝦既刺身都有幾款比客人揀仲有火鍋有4個湯底揀, 肥牛肥瘦適中, 仲有海蝦等配料熱食份量唔算多, 所以樣樣都可以試下咁^^放題時間3小時, 但其實無咩計時, 都冇吹人走既舉動..

今日黎到旺角食放題~”極上帝王水產（旺角）”係兆萬9樓餐廳以磯燒做主題, 門口擺左個雪糕櫃都係韓國雪糕黎, 出面買都要十幾蚊一支! 仲要經OPENRICE有DISCOUNT COUPON買!抵到不得了!好多款野食, 刺身多種類, 而且新鮮, 擺盤靚, 用黎打卡一流 ! 上菜速度算快, 熱食夠熱, 所有野都係即叫即整~ 呢間放題D壽司好多提供款式, 有芝士, 火灸, 花之戀等食物種類有西式: BBQ豬肋骨, 青口等,豬肋骨燒得幾好,肉質好,加埋醬汁食好正!又有泰菜食, 豬頸肉燒得夠香, 其他野食樣樣都唔錯! 真心推薦!

.好耐冇食日式放題，朋友今晚話想食，就揀左呢間極上帝王水產 每位$259 （未計加一）.我地7點入座，門口都多人等侯入座.坐低後店員叫我地揀個火鍋，我地揀左鱈場松葉蟹海鮮鍋 - 有松葉蟹鉗、鮮蝦、青口等海鮮，咁凍天氣有個火鍋暖下非常好.先黎刺身拼盤 - 款式好多！有北海道帶子、榮螺片、日本有頭甜蝦、泰式生蝦、珍寶赤蝦、希靈魚、象拔蚌等等.跟住我地就自己掃QR code oder 野食，好多選擇。.天婦羅系列：我叫左蝦 同 Bb露筍，仲有三文魚骨腩 同埋端爐燒既牛舌呢d食物即叫即整，熱辣辣又好味.仲有芝士蝦肉黃金沙律船，蝦仁沙律加上芝士焗，香口. 小炒菜式都幾好，香蒜炒和牛粒醬汁味道濃郁.避風塘雞軟骨 及 珍寶蜆肉就好香脆，配啤酒一流（有嘉士伯、象啤、大麥啤酒任飲！）.吉列炸蠔、日本芝士年糕 呢d炸物都有.最後當然又係甜品時間，除左朱古力心太軟蛋糕，仲有兩大個雪櫃，有韓國雪條、雪米糍等我就揀左阿波羅波子汽水雪條，童年回憶！仲有韓國既朱古力脆皮雪糕粒，不錯.成餐放題慢慢order慢慢食，餐廳都冇乜限時催人埋單走！

約左個因為疫情成2年冇見既飯腳食飯, 佢話好耐冇出街食飯乜都想試下, 咁食放題岩哂啦. 兆萬有好多間放題餐廳, 我地揀左呢間主打日式價錢又ok 既 「極上帝王水產」食放題第一輪必食刺身先, 呢到刺身種類都多, 三文魚甜蝦象拔蚌赤貝等等乜都有齊第1  round 我地試哂所有刺身, 都幾新鮮, 而且冇叫4件黎2件呢d 偷工減料既情況, 之後encore 都好快上檯之後二選一揀左個鱈場松葉蟹海鮮鍋 (另一款係牛肉壽喜燒), 味道都唔錯, 仲有d邊爐配料可以再叫熱食方面種類好多, 日式既有有炸廣島蠔, 炸天婦羅, 和牛粒, 芝士年糕, 海膽手卷等等, 其他野食有三文魚骨腩, 焗蠔, 避風塘蜆, 鹽燒牛舌 (極推介, 好好食), 燒菠蘿, 海蝦等等, 泰式亦有生菜包, 泰式生蝦, 通菜等等, 總有十樣八樣岩你食飲品方面一般大路野都有, 特別既係有嘉士伯同象啤, 岩哂鐘意啤一啤既人而雪糕雪條選擇都好多, 係d平時好小機會食到既, 特別係枝芒果雪糕, 好味到我食左3枝!呢個價錢有咁多野食, 都幾抵!

首先服務態度真係好好，另外食物方面都好新鮮，同好好味，等待時間亦都唔係好長！刺身食得出真係好新鮮，唔會有啲咩腥味⋯⋯同埋完全唔會吹人走，同朋友渡過咗一個開心嘅下午～價錢每人食左2百幾蚊～