極上帝王水產

營業中

休息中

.好耐冇食日式放題，朋友今晚話想食，就揀左呢間極上帝王水產 每位$259 （未計加一）.我地7點入座，門口都多人等侯入座.坐低後店員叫我地揀個火鍋，我地揀左鱈場松葉蟹海鮮鍋 - 有松葉蟹鉗、鮮蝦、青口等海鮮，咁凍天氣有個火鍋暖下非常好.先黎刺身拼盤 - 款式好多！有北海道帶子、榮螺片、日本有頭甜蝦、泰式生蝦、珍寶赤蝦、希靈魚、象拔蚌等等.跟住我地就自己掃QR code oder 野食，好多選擇。.天婦羅系列：我叫左蝦 同 Bb露筍，仲有三文魚骨腩 同埋端爐燒既牛舌呢d食物即叫即整，熱辣辣又好味.仲有芝士蝦肉黃金沙律船，蝦仁沙律加上芝士焗，香口. 小炒菜式都幾好，香蒜炒和牛粒醬汁味道濃郁.避風塘雞軟骨 及 珍寶蜆肉就好香脆，配啤酒一流（有嘉士伯、象啤、大麥啤酒任飲！）.吉列炸蠔、日本芝士年糕 呢d炸物都有.最後當然又係甜品時間，除左朱古力心太軟蛋糕，仲有兩大個雪櫃，有韓國雪條、雪米糍等我就揀左阿波羅波子汽水雪條，童年回憶！仲有韓國既朱古力脆皮雪糕粒，不錯.成餐放題慢慢order慢慢食，餐廳都冇乜限時催人埋單走！

約左個因為疫情成2年冇見既飯腳食飯, 佢話好耐冇出街食飯乜都想試下, 咁食放題岩哂啦. 兆萬有好多間放題餐廳, 我地揀左呢間主打日式價錢又ok 既 「極上帝王水產」食放題第一輪必食刺身先, 呢到刺身種類都多, 三文魚甜蝦象拔蚌赤貝等等乜都有齊第1  round 我地試哂所有刺身, 都幾新鮮, 而且冇叫4件黎2件呢d 偷工減料既情況, 之後encore 都好快上檯之後二選一揀左個鱈場松葉蟹海鮮鍋 (另一款係牛肉壽喜燒), 味道都唔錯, 仲有d邊爐配料可以再叫熱食方面種類好多, 日式既有有炸廣島蠔, 炸天婦羅, 和牛粒, 芝士年糕, 海膽手卷等等, 其他野食有三文魚骨腩, 焗蠔, 避風塘蜆, 鹽燒牛舌 (極推介, 好好食), 燒菠蘿, 海蝦等等, 泰式亦有生菜包, 泰式生蝦, 通菜等等, 總有十樣八樣岩你食飲品方面一般大路野都有, 特別既係有嘉士伯同象啤, 岩哂鐘意啤一啤既人而雪糕雪條選擇都好多, 係d平時好小機會食到既, 特別係枝芒果雪糕, 好味到我食左3枝!呢個價錢有咁多野食, 都幾抵!

首先服務態度真係好好，另外食物方面都好新鮮，同好好味，等待時間亦都唔係好長！刺身食得出真係好新鮮，唔會有啲咩腥味⋯⋯同埋完全唔會吹人走，同朋友渡過咗一個開心嘅下午～價錢每人食左2百幾蚊～

冇下次！我已經對食冇太大要求！連我都覺得差 真係好唔掂！冬蔭公湯唔似！蘆荀天婦羅得炸粉既油味！避風塘蜆肉唔知食緊乜！送既2隻生蠔🦪腥到冇朋友！唯獨係火鍋正正常常～環境擠迫⋯坐得唔舒服！加上食物都用即棄碟裝，好唔環保囉

一開始黎果個海鮮煲 蟹又冇味 青口啲肉可以細粒到可以得2cm望到啲肥牛真係肥到80%都係脂肪，同佳寶最平果隻牛係一樣…刺生又係有雪味落單出餸又慢，等咗9個字 再叫佢 先出雞肉串條雞肉串仲要係叮出黎果隻，難食到唔知比咩反應啲芝麻雞翼，又係冇味 又要等咗成個幾鐘先到…燒蠔仲搞笑，入面係冇蠔架…得啲勁細粒既蝦 仲要有雪味以為再平啲既嘢都可以正常啲啦點知燒菠蘿 可以比罐頭果隻最痴線係….落單 既野食8成都未黎，就同我講就夠鐘叫我埋單大佬呀～～連埋加一 比成三百蚊 野又難食，又要黎唔到野食….你不如一入去果時問我 有冇興趣捐錢算啦我捐錢 都叫心甘情願….而家係同比人呃冇分別真心…如果你想中伏就去食啦抱住中伏既心情去食，我諗你冇咁嬲！！！

一開始在openrice找到這家店，看圖片和評價覺得還挺好的，就拉著我朋友一起來吃了。結果踩雷了！！我吃過那麽多家刺身放題，說實話這家店是最小的，小也就算了，你種類還不多，食物种类不多那就做到好吃就行，結果真是難吃到不行！食物特別是刺身看上去就不新鮮，我以往吃放題怎麼也會來第二輪，這家店我就點了一點點東西，吃了第一輪就吃不下去了，食物種類少，飲料更是少得可憐，東西真心难吃到死，雖然說總有什麼折扣優惠179一位，但是還要加沒人59的服務費，你要是沒提前在網上買179的優惠券，直接入座就179+59還要加一服務費，價錢不便宜，東西還難吃我是真心建議大家別去踩雷，當然這是自己去過這家店之後的體驗

因為屋企人生日，又見咁多lamlam脷，所以就一日前book左晚市放題。當日晏晝佢地就打俾我confirm booking，但佢booking前3個字又打尼confirm，又問我到邊，又講錯人數，又寫錯時間，又解釋係同事冇改返啱，但明明由頭到尾都冇改過任何時間人數。地方好細，條路又窄，得一個身位，單行變雙行。到食物質素，訂座佢會送生蠔海膽，咁我地就叫左幾隻蠔，頭入座15分鐘開始嗌，到埋單都未到，已經催左幾次。埋左單之後終於到，首先未食已覺伏，隻蠔大過隻蠔殼，又唔痴住，一擺落口咬仲有陣好勁既腥臭味，頂唔順吐左出尼。中間都嗌左其他食物，刺身還可以，正常水準，都多選擇，係個燒菠蘿完全係罐頭菠蘿。雪條多選擇，唔係cheap雞味。最後，唔知係咪佢地溝通有問題，前前後後俾左三次單我地叫我地埋，但我地喺第一次已經俾左錢。總括尼講，唔會再去。

松葉蟹膏好咸，嘢食頭2round都OK，第3round啲魚生唔新鮮最嬲係我係openrice比錢買卷，仲唔抵過門市比錢，因為要加59蚊，假期係75，最後比多左幾十蚊，晚市會抵啲同埋午市有個女侍應，好似叫極都唔想行過嚟，服務態度差，冇笑容又皺眉頭，唔想幫客人解決問題☹️應該唔會有下次食

原本打算一家人去食餐飯，就揀咗間放題食。一就坐，送咗個鍋，鍋入面嘅嘢食麻麻，條菜發黃。開胃冷盤啲中華沙律變曬味，見到就唔敢對之後嘅嘢食抱信心。第一輪order 諗住有生壕咪打算落單，但原來要加$90升級先可以order啲「升級套餐」。咁算，我order其他嘢，嗌咗隻溫泉蛋、擺到上台，隻蛋穿嘅，冇蛋味。甜蝦刺身嗰啲完全唔新鮮。漏又漏勁多嘢。食物唯一可以讚嘅係，牛舌唔會太韌。第二round 我order完，等勁耐，啲嘢食我食曬都未黎。過分嘅係，隔離檯冇點牛舌，但我哋點咗幾份都冇到過。 之後就等啦等勁耐，未試過食放題係要等嘢食到，而張檯係空晒冇嘢食。好在職員態度幾好，有問我哋有冇漏嘢。我哋照答，啲嘢食都慢慢黎緊。總結，職員服務態度好，但食物真係不了。唔新鮮，等好耐，漏單。大家可以聽下當意見算，始終都要自己試過先知係點。l

今晚第一次食（極上帝王水產）比其他同行貴又無嘢食，別家吃韓國或者日本雪糕，你就吃香港出品雪條，（生蠔未見有得吃👎👎)(一口牛變成牛腩，更本當香港人未吃過一口牛👎👎）下單十樣來三四樣，追單叫我找經理，點知個個都話係服務員，總結經驗去創興廣場（樂天大喜屋）什麼都有又不要追單，飲品最少多你40多樣，極上真係要收皮，吃得不舒服太迫啦！銀包亦都不舒服太貴有冇嘢食。

上網book左枱坐低十分鐘見到三隻小強轉枱前見到一隻細既諗住俾多次機會佢話轉枱我哋都同意左轉枱後再見到兩隻完全唔掂無曬食欲 cancel張枱走店員淨係say sorry但依家係間鋪既衛生環境唔掂講咩都無用永遠blacklist

第一次寫食評因為真係難食到極致張2人枱好似中學張枱咁細一開始送咗個唔知咩蟹湯底既火鍋一個鍋已經冇左半張枱個湯底淡到好似清水6嘢食咁⋯鍋入面仲放左一堆娃娃菜同蟹柳再加2隻青口😑——跟住有個譏燒定唔知乜嘢燒蟹蓋，個蟹膏酸到苦🤢問個經理，佢話因為啲蟹膏溝咗沙律醬？？？心諗蟹膏溝沙律醬係咩玩法⋯同埋沙律醬係酸架咩😑仲要個爐又大擺埋落嚟另外果半張枱都冇埋其他嘢食根本冇位擺——條路窄到行唔到啲侍應揸住個托盤喺人哋個頭同條頸隔離fing黎fing去隔離枱個叔叔就係咁避啲托盤避到面都黑埋咁都唔發脾氣個叔叔都幾好老脾好彩我哋坐最入⋯😑——價錢又係奇奇怪怪張表寫住$249星期五六日加$10但係無啦啦計咗我哋$279再問經理佢話星期五六日加$20？？？兩個人total食咗$614——仲有好多好多大部分放題一定有嘅小問題刺身有雪味啲炸物又油，炸漿糊又厚啲菜冇洗漏單就連啲豉油都冇味——重要嘅係❗️❗️第二日朝早一起身就肚痛仲屙到七彩同手震腳震真係好後悔琴日冇同佢理論啲價錢同食物質素差到咁真係冇下次——

食物質素一般般，可以選擇的種類不多，午餐放題沒有生蠔選擇，也沒有海膽可以選擇，至於甜品，也沒有Häagen-Dazs movenpick。但服務質素很好，我忘記致電book位，但職員也願意酌情處理。職員有細心教我們下單，服務很好！

因為有朋友生日，又未諗到去邊道食好，所以隨便係網上搵到呢間放題，見到好多好評就黎試試。結果係大失所望，首先，一入去食左頭一道菜（每枱入座都會送一個鍋），點單後到上菜食到第一舊刺身已經用左20分鐘。以放題既上菜速度黎講係慢第二，雖然店舖都有提醒話佢地出菜需時叫我地儘早落單既，咁我地都有儘量早啲落多啲，因為冇諗過出菜要去到咁耐啦。出菜之後發現好多都唔跟我地落單既野上菜，又漏左好多單，今到客人好難做，唔知應該點幾多。承接上面既問題，雖然一般食放題少少錯單都正常，但佢出單既量同我地點餐既相差甚遠。例如我地唔食既希靈魚，根本冇點既佢比左五塊我地，象拔蚌刺身本身想試驗式點下係咩黎，寫左2件佢比左十件返黎，冇點到既鮑串在同榮螺都出哂黎，原本點左五件既蟹棒變左蟹柳之餘仲要比左成十件比我地，完全係自由發揮出單。第三，食物既質素參差，我地食完第一輪既刺身，刺身質素未至於好大問題，以$307既價位，只能講有更多更好既選擇。所以我地又試左一輪熟食，我一般去都會食牛油粟米，諗住好基本，唔會有事。一上菜我嚇左嚇，但店員放低就走左，個牛油粟米上菜時係有半碗係黑色，成碗食落去係乾爭爭完全食唔入口，最後放棄左。點左個蟹

難得星期五晚可以同朋友食飯，諗住方面大家又想食日本野，search下見到呢間放題近600多個好評，心諗一定唔錯，點知一切都係假既……先講環境衛生超多小強！！！！！未調枱前我地已經見到有3隻阿強係牆到爬黎爬去…先不論食物質素已經影響哂胃口…後尾我地終於忍唔住且要求調枱，本身見到場內中間有張空枱，想要求坐中間唔洗再靠牆驚又有阿強…唔知係咁岩職員安排問題定點…最後我地都係被安排靠牆座位…食到尾聲又發現有強仔…成個過程至少見到一家5口另外座位逼 走廊通路窄 再加埋工作人員可能太忙手腳太急趕，一餐已經聽到唔少跌野聲，係我地身邊更加跌3次野，差d仲整污糟我地…經過走廊行路都感受到地下痴笠笠……而食物質素差到……食得放題，當然主角係食刺生壽司天婦羅呢d……但係冇樣合格……刺身唔新鮮，什至有腥味填5件比10幾件，寫10件既又比得3,4件……天婦羅粉漿厚硬又多油可以encore既都真係得炙海鹽三文魚壽司……主菜唔得…配菜都一般般牛油粟米呢d諗住實冇死，點知送到黎d粟米黑既乾既燒物又燒到又乾又黑豚肉烏冬塊肉咬多幾下有怪味麵豉湯叫左4碗，有1湯水位特別高，另外3碗特別低，一飲，呢3碗十級咸……碗水蟹粥送黎果