極上帝王水產

營業中

休息中

好耐冇食到放題啦，男朋友見到openrice極上帝王水產有優惠，$179／位放題，見個名咁霸氣又做緊優惠，一於去試一試佢。 店員好貼心💕本身我地book左7點半，但係早到左15分鐘，店員冇介意仲即刻安排我地入去坐，又好詳盡介紹我們點樣點餐，上餐嘅時候又會介紹下d野食係邊一類，貼心服務指數5個心🥰❤❤❤❤❤ 首先點嘅當然係好耐冇食嘅新鮮魚生la，黎到的時候非常驚艷，魚生放係船上加上花朵嘅裝飾令到整盤魚生極奇奢華，用黎打卡一流！👍魚生種類多😋，基本上叫乜有乜，帶子同象拔蚌令人最驚喜，兩款刺身都好新鮮！😛糯糯的帶子口感同爽脆嘅象拔蚌形成強烈的對比但佢哋的鮮味就如出一轍，冇得輸呀！鮮味指數🐟🐟🐟🐟 跟著一開始點嘅海鮮鍋整鍋上桌，個湯好足料，有蟹棒，大蝦，各式丸類，等等，咁多料自然個湯底極鮮甜，超。級。好。味！飲下飲下竟然飲左兩大碗🤤好味指數🦀🦀🦀🦀 正當我們滿心歡喜等緊之後d小食嘅時候，就出事啦，上黎的涷豆腐竟然有少少酸味😱😱嚇到我即刻lur返出黎🤕，一口牛都有少少咬唔開🤔 好彩之後嘅羊架回覆正常水準，超鐘意佢嘅羶味，勁香！勁有羊味！食完羊架的口腔留有羶味嘅陣陣迴盪！超。級。enjoy！enj

買了openrice coupon 明明說晚市可以吃三個鐘 之後過個半鐘職員話要last order 漏單嚴重 一堆東西沒來……一般餐廳都是用餐時間最後半個鐘last order 第一次聽說用餐時間3個鐘 個半鐘last order 根本就是另外一種方式不給妳吃夠鐘。 千萬不要買openrice餐券…

第一次為佢而寫食評。星期六無bk位食飯，7點鐘walk in竟然有位，開心到無諗“點解星期六放題walk in會有位“。入到去，條路迫到只夠岩岩好一個人行到。枱面已經細，佢先黎一鍋火鍋加個爐阻住一半枱面咁濟。之後用qr code嗌野食，頁面只有一行顯示食物，有一半食物唔知點解連相都無張睇下。到送野食黎，枱面無晒位擺野，侍應係會直接放係你隻手就走，我隻手幾時成為張枱既延伸？？都算，食物既質素真係：無樣野食得入口！“叫極上帝王水產，啲三文魚全部有根又，啲鮑片發脹又梅，啲八爪魚淡茂茂，全部都好似浸水過度發泡咁。啲玉子入面唔知點解係要有吞拿魚。數量完全係唔跟order, 隨廚房見邊樣食物滯銷到熟食：牛油雜菌好似啲樹根撈牛油，又乾又完全無菇味。鹽燒海蝦變左椒鹽燒蝦，連最無需技術既炸紫心香芋丸，都可以炸到勁梅勁淋。總結就係無樣野食得入口，完全係浪費食物。係可以令你係好肚餓既情況下，你嗌一round試完已完全唔知第二round有咩仲想嗌，最後去食雪糕算...聽到隔離既兩枱都係講同一樣說話：未食過咁難食既放題。最夠膽死係咁既食物質素，仲收278加一，total 307每位。真係50蚊位都比多佢。寫呢編

我真係唔明點解會有咁多好既食平…呢間係我食過最差既一間放題…我係食午市放題的…魚生唔新鮮、炸物難食、火鍋料雪到好硬好唔新鮮、出菜時間又超級耐、全餐野我都唔知自己係到食緊咩野！午市放題209再加一咁既價錢我唔會再黎！

年記漸長，近年都少食放題，因為以前後生少少都真係會好「刷」得，依家食第二輪已經好快飽。所以就算食放題，都會揀高質又多食物種類嘅餐廳。今次旺角兆萬都有間好唔錯，生熟食物都有，竟然仲有鍋物。今次主要叫左刺身、壽司、燒物，刺身一開始已經有個SET，擺盤好靚，但真係好大盤，好彩都有8個人食，所以都清得哂! 反而我就叫左兩次海膽手卷，海膽鮮甜，仲要係細細件，食多個都唔怕滯。仲有火炙壽司都好正，細細件又燒到三文魚好香，入口即溶。燒物都好多選擇，牛舌係超好食!

見到review唔錯，買咗179蚊餐飲劵，同friend一齊好興奮咁去食，點知……. 生魚片唔係好新鮮，食落去麻麻地；火鍋麻麻地，感覺好似擺咗喺雪櫃好耐，唔新鮮；壽司d飯唔實，一夾就散；炸物品質參差不齊，多數炸物唔夠熱，令食物減分；雪糕限每人一支；環境衛生感覺都有d唔ok😣。唯一ok嘅就係服務生態度，但係有d食物，點咗單都遲遲未上，之後都費事再嗌。就算午時放題可以食6個鐘，d食物都可以令你即刻走人。老實講，呢次係我食過最差嘅一次放題，絕唔會再幫襯！

話說帝王水產我自己以前都食過三次，一年係2020年3月尾（應該），一次係個半月前。2020年個次唔提了，重正正常常。個半月前個次有啲唔好既感覺，因為個次見佢單張5點到5點半係189所以上去食，點知一上去屈我價，價錢一開初屈我219，我聽完即刻同佢講係咪收錯價，問完同我講話改左價錢，189係長者價，然後經過幾分鐘討論，比我209（唔包加一）。咁雖然心情已經一般般，但係一來肚餓二來印象呢度放題算ok,咁就坐低食。而今次，我因為朋友生日而再食呢間放題，食既時間係7點。好老實講，無保持到水準之餘，越黎越難食，一味靠食立場，其實好可恥。呢餐除左帶比我朋友一日唔快樂既生日，亦令我對呢間野失去信心。我一次過綜合兩次食物既經驗，講一啲結論同比較，比大家有啲立體的感覺。先講下比較正常同呢間店有質素既野，刺身。刺身食得出係新鮮，三文魚會比腩位，食落會有油脂，算幾肥美。帶子帶腥味，味道鐘唔鐘意就見仁見智，但係口感會有啲空虛。甜蝦有有頭版同無頭版，無頭版細隻蝦味重啲，作為頭盤任食唔虧。有頭版肉身厚實，口感會好過無頭版，不過蝦腸重連住，同埋好易因為浸冰走哂蝦既甜味。壽司方面，生既壽司睇刺身品質，就唔評啦。灸燒系

第一次同朋友食呢間放題，用左openrice coupon預先買定，價錢都唔錯抵食，訂座仲包送炭燒A5和牛，入座都有送海鮮鍋或者壽喜燒鍋。入座後服務都好好，有不停同你介紹餐單同埋有邊張單會等比較長時間（C,D,E,I）可以叫定先。壽司刺身好快送到，熟食都好好食。之後都會問有冇嘢食係仲未送到，可以幫我地追下。不過漏單情況都幾嚴重，有d嘢食係一開始坐底叫但係到夠鐘埋單都冇俾到，追過單都係冇嚟到。如果冇呢個情況，呢度會係我地食過咁多間放題中最好個間。

人生食過最差嘅放題 掃code點餐以為好方便？ 入到去一個字雞 版面簡單到連一張圖都冇 點餐嘅分量又來唔足 等待食物時間長 食物質素偏差 連最基本嘅熱食唔熱 刺身唔凍 炸物更加唔駛講 大家想去挑戰下自己嘅忍耐可以去試試

衛生環境極差，一邊食，d🪳🪳會在你身邊畫咗畫嘅牆上，不停行上行落，實在太離譜，同職員講，就叫你調位離開d🪳🪳，但她就繼續若無其事咁在後一張台，舖滿一盆一盆前菜小碟！食物也很差，不是跟你的order送食物來，一開始送一盆剌身來，款式㕑房定，不論你喜不喜歡，有半盆是我們不吃的款式，結果有半盆是入垃圾桶，實在太浪費了，為何不跟客人的order送食物呢😓食物點心紙雖然種類多，但味道很差差差，炸物d粉成吋厚，吸晒油，中晒伏🤢🤢🤢一邊食一邊驚，驚食完要入廠🤮🤮，唯有食火鍋類安全d，自己煮熟晒先至食！真心後悔揀咗呢間食任食，貪佢時間長，結果😭😭😭！！唔怪得繁忙時間都大把位啦！

食物質素還可以，出食物時間仍可以有少少漏單，但可接受，但最不能接受就是趕人走，訂檯時已職員已說明可食3小時，到入座後職員亦說可食3小時，但吃了1小時時，已有職員走來說要last call，我說我係食3小時，但職員說因為食個半鐘就要last call，好的，沒關係，我照 last call，但到食了2小時時，又有另一職員行埋黎話我哋夠鍾，我又向她說我係食3小時，但她說因為太多人所以要我離開，但我都已食了差不多，只是未吃甜品及未飲夠，但因為我不想令我不開心，所以我不想與呢位職員理論就離開，希望其他人想幫襯呢間店時要有心理準備！

星期五晚市連加一$318，原本訂座8點，實際8點半先入得。落單叫野食，一係唔黎，一係就亂黎。落左單既去到走都未黎齊，無落單既野食就無端端會送黎。最離譜係去到9:50pm先比個訂座優惠既蟹蓋黎，唔追係借D依唔比你。中間追單仲要比炒散工發返我脾氣，真係服務周到。食物方面刺身普普通通，火鍋都還可以，因為想食既野都冇乜點黎，評論唔到。火鍋料生同熟係唔會分開，解凍左既肥牛係會痴埋堆生菜度送過黎，同埋生菜有蟲，大家小心

今次去到兆萬去食放題，見到一間又有火鍋又有刺身食嘅放題，好似好吸引就入到去試吓。坐低之後開始睇吓有啲乜嘢食，發現原來仲有泰式西式嘅食物。好快就送上咗刺身船，每樣食物都好新鮮，我特別鍾意三文魚，好厚肉。而朋友就鍾意生蠔，平時一般放題都未必有，但今次可以滿足晒西式日式嘅願望！之後就每樣叫咗少少，壽司嘅飯唔算太多，啱啱好，唔會好易飽晒，食材都好新鮮。我就最鍾意炸物，炸蠔外脆內嫰，又唔太油。食到差唔多再叫咗泰式通菜，再食埋個火鍋，已經夠晒飽。整體來說，依間放題食物質素算好好，日式西式泰式都可以滿足到我同朋友嘅口味！

屋企人生日諗住黎食放題開心下，預早訂位話有限量6揀1食品，原先都d有期望。訂左6點5位，早5分鐘到左，因為未有太多客到場，好快就安排我地坐卡位，侍應好細心地講解枱號，限量食品詳情。忙完點食品後，等左大約15分鐘左右開始陸逐上食品，明明寫左1件既食物唔知點解黎左5件，食食下突然侍應又放低左一盤夠8人份量既刺身話係送既，我地成全部O左咀，d份量咁亂，食晒個刺身又點試其他野？味道方面，刺身種類多但樣樣都無鮮味，生蝦甜蝦又霉，熟食有汁既食物又杰到漿糊咁，壽喜燒既牛肉淥一淥已又un又“鞋”，燒牛舌厚過平時3倍，燒羊架又係燒到又黑又硬。最嚇人係左45分鐘牆邊有隻小強行緊，拍瓜左俾侍應無反應，再過左30分鐘，牆上又有小小強向上行緊，我地專登唔拍佢大叫個侍應黎睇，侍應一到，連枱邊塊透明防疫隔板又出現第3隻小強，一門三傑真係極品，最極品係侍應見晒呢d活生生既畫面都只係輕描淡寫咁賴左係關樓上裝修事，講左句對唔住，但只係感覺到敷衍無誠意。無奈地食埋最後50分鐘，侍應呢個時候又催促話要截單，有咩未到可再追。唉，剛剛至俾3隻小強嚇完，差d要反胃，消化都未黎得切，剩番45分鐘話要截單？咩道理？不過個刻都無咩胃口再

見網上好評所以一試，但係結果令一家人失望，職員態度良好。但食物下單方面，當時全店只有3-4枱，但下單後都經常漏單，又或將下單數量減半（如：每次刺身下單，便自動將數量減半，4個人要12片三文魚刺身，枱得8片，叫10片便來4片😏）另外有所謂額外送嘅菜式，每人點選一款，但唔提醒就唔到，題咗話欠和牛粒，佢話幫我立即跟又冇到，杯升級雪糕又冇，到頭來最後欠我兩款自選食物🥲真係實實在在失望到不得了。🤷‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️🙅‍♀️