極上帝王水產

營業中

休息中

因疫情關係好耐冇食放題，今次同幾個人一齊gathering決定去食放題食飽佢。既然係食放題，緊係去食大量嘅刺身啦，咁樣先可以回到本㗎嘛。 除咗食刺身咁仲要考慮時間因素啦，到咗時間其實都唔會特別催你走，仲可以畀啲時間你食埋啲甜品。正。除咗正常嘅刺身入嚟嗰陣時仲可以揀要一客海膽，好鬼正。 刺身其實都比一般放題多左鮑魚，赤蝦同埋松葉蟹棒，咁嘅價錢想去邊度搵到咁特別嘅刺身呀。松葉蟹棒都算幾新鮮，鮑魚都幾好食，所以我都 encore咗好幾次，回曬本。除咗食刺身，啲天婦羅呀炸雞翼呀都算幾好食，食到飽到行唔喐先走出過門口，又可以同班friend吹咗咁耐真係好鬼開心。