極上帝王水產

營業中

休息中

呢間餐廳推出由中午12點食到六點終極放題。價錢都只係$229 ，長者$179 ，訂埋座仲有95折，呢啲咁筍嘅優惠，我又點可以錯過呢。👍🏻刺身、海鮮三文魚、象拔蚌、三文魚腩、大赤蝦、赤貝（上面仲有金箔）北寄貝、帶子樣樣都超級新鮮，而且有用冰鎮住！特別想讚牡丹蝦，條條都超肥美，蝦頭嘅蝦膏滿瀉，而且職員已經幫忙挑走蝦腸！👍🏻鍋物餐廳提供多款鍋物，啱晒凍冰冰嘅天氣，坐落枱就會見到gas爐，入咗仲有得俾你揀鱈場松葉蟹海鮮鍋同日式和牛壽喜燒鍋。湯底味道好雪白，清清地，放上咗蟹棒、青口，鍋底放滿晒娃娃菜，仲可以額外點上其他火鍋配料！👍🏻壽司種類都好多，最欣賞嘅係壽司size唔會太大，唔使驚啲米飯撐爆個肚！👍🏻炸物、燒物、小食餐廳嘅小食種類好多，焦糖燒菠蘿鮮甜多汁 ，日本黃金燒廣島蠔，吉列炸廣島蠔，蠔肉都好大粒，無腥無臭。烤奧良雞翼取代咗一般平時食到嘅芝麻雞翼，炸到皮薄肉嫩，飛天炒通菜都好夠鑊氣！只係天婦羅個皮炸得油左少少，唔夠脆。👍🏻甜品、飲品甜品雖然比一般嘅放題少選擇，但飲品真係出乎意料嘅多，台式飲品、盒裝飲品、罐裝汽水等等。就連豬奶、奶茶、茶一刻都有得飲！同時間雪條亦都有好多款式，韓國波霸奶茶雪

極上帝王水產 𝗗𝗲𝗹𝘂𝘅𝗲 𝗞𝗶𝗻𝗴 𝗝𝗮𝗽𝗮𝗻𝗲𝘀𝗲 𝗥𝗲𝘀𝘁𝗮𝘂𝗿𝗮𝗻𝘁 🇯🇵禁咗晚市，𝗟𝘂𝗻𝗰𝗵當然要出去食下飯🤗 今次去咗旺角食放題。𝗛𝗸$𝟮𝟮𝟵 一位超扺❗️訂座仲可以享有𝟵𝟱折嘅優惠❤️ 一坐低店員有簡單介紹一下，有日式、泰式同西式嘅食品。然後會先上刺身拼盤❣️刺身拼盤 🍣- 刺身船好巨型❗️有齊晒𝗠𝗲𝗻𝘂上嘅所以刺身🤩 再加左兩隻生蠔俾我哋🥰🥰有三文魚、帶子、甜蝦、赤蝦、象拔蚌、赤貝、北寄貝、榮螺、泰式生蝦、八爪魚、鮑魚片、希靈魚、松葉蟹棒。全部刺身都十分新鮮❣️超級推介💯生蠔🦪- 無諗過放題會有咁新鮮嘅生蠔🤩 每隻都肥嘟嘟，𝗰𝗿𝗲𝗮𝗺𝘆得黎又新鮮。即叫即開，超級驚喜🤩🤩🤩炸物🍤- 第三推介係炸物。見到好多圓形波波果碟全部嘢都超級推介☺️ 炸鮮奶、香芋波波、榴槤波、芝士年糕，全部都熱辣辣炸出嚟，唔會好厚粉，爆餡，好好食😋甲羅燒 🦀- 有專人幫你即場炮製甲羅燒🦀🔥 燒五分鐘左右再放入蟹籽、蔥、兩個小飯團，再等大約三分鐘就可以食🤗 味道調得剛剛好，幾好食😋 另外仲有𝗔𝟱和牛粒都係即場燒！入座即送一個火鍋，分別有『鱈場松葉蟹海鮮鍋』𝗢𝗥『日式和牛壽喜燒鍋』。如果想打邊爐🍲，仲有少量火鍋材料

突然間好想食放題就搵下有咩好介紹啦.. 見到有間標榜疫情延長戰, 日式水產午市放題 #6小時無限任飲任食, 咁誇張!? 即刻帶埋部LAPTOP當去COFFEE SHOP咁坐下打埋份功課! 重點係任飲任食呀嘛! 刺身賣相好掂, 第一輪會架勢D, 整架木船裝住哂D刺身, 可以打個靚卡先! 3文魚肉質肥美, 大大片, 好滿足! 其他刺身都十分新鮮, 好鮮甜!熟食黎講我鐘意呢到既小炒, 香蒜炒牛柳粒, 避風塘炒大蝦, 都好入味, 牛柳粒好林, 好香蒜味, 打俾佢地訂位仲有95折優惠! 好抵呀!!

疫症又黎 又冇晚市今日同咗朋友去極上水產食放題六個鐘頭任食真係可以一路食足大半日當然我同朋友就冇咁做啦本身我哋期望都唔大但係呢間放題都幾多嘢食同埋味道都幾唔錯刺身都幾新鮮 我哋嗌咗三文魚、八爪魚、象拔蚌、甜蝦 味道都幾鮮甜 算係喜出望外天婦羅嗌咗炸蠔 估唔到係熱上 外脆內軟 有蠔味唔會腥另外多春魚同埋蕃薯天婦羅我哋都encore咗兩次串燒方面我哋嗌咗雞軟骨同埋燒菠蘿我最鍾意係燒菠蘿 嗌咗五轉出面有一層焦糖勁juicy飲品方面都係嗰啲大路飲品基本上都滿足到要求嘅

依家疫情食自助餐要行黎行去, 帶口罩好唔方便, 所以生日飯揀左食放題見到好多選擇日本和牛燒肉，優質靚牛打邊爐, 選擇多到唔知點揀磯燒蟹蓋有蟹蓋燒，淡淡的蟹膏味, 平時出面食既話都唔平架, 呢度可以食到刺身有厚切三文魚、象拔蚌、鮑魚片、八爪魚、甜蝦、泰式生蝦, 咩都有得食, 三文魚好鮮甜同肥美, 八爪魚彈牙A5燒和牛入口即溶, 令人回味，鱈場松葉蟹海鮮鍋有真正的松葉蟹鉗，仲有好多海鮮~鮮蝦、青口等等, 火鍋集於一身, 好鮮甜日式野之外仲有, 冬陰公湯, 估唔到唔係日式野都好有水準, 好入味正宗最近疫情期間, 6小時放題，可以食足六個鐘, 好抵, $229長者$179 訂座95折, 1米以下小童免費, 岩一家大細去食~~

話說屋企人買左openrice晚市放題3粒鐘任食任飲卷！我哋來到即刻去野飲櫃拎野飲🍻有好多款啤酒揀～神奇地竟然有象啤🍻一定飲飽食醉啦！講明放題當然要叫啲貴價唔飽嘅野食啦😝天氣凍！先試熟食！我就叫左香煎三文魚魚旗！脆卜卜好好味😋仲有燒菠蘿燒羊架都係我最愛😍香味可口～又叫左芝士波波、炸蝦天婦羅🍤同埋炸雞，都係必試之選～上來時都仲熱啦啦～正！到魚生啦！我屋企人話好肥美好新鮮～全部都好似唔使錢咁厚切上碟😂真心抵玩！而女人最愛都係甜品！呢度有好多款雪條揀🍧全部都係貴價韓國/泰國野😝好難揀！我要晒！

幾年前係兆萬食過一次放題，質素太差搞到我對兆萬上面果D放題有陰影。最近經常見到兆萬電梯食飯時間經常大排長龍，決定比多一次機會試試佢。 一出電梯，已經聞到陣香味，已經有預感今次唔會中伏架啦。好多人排隊等位，好在我地都算夜食飯，等左一陣已經有位。 入座每台送一個火鍋，我地揀左壽喜燒。個湯底好正，入面D肥牛好滑，煮左好耐都唔韌。 見餐牌大推磯燒，叫左份牛肉粒和蟹膏。牛肉粒真心正，同牛角果D質素一樣，蟹膏好特別，煮熟之後再加飯同魚子一齊食。 再黎係重頭戲魚生，個厚切三文魚一流，好新鮮。每樣刺身我地都叫左，無一樣係伏👍🏻👍🏻👍🏻我地再額外叫左兩隻生蠔，質素都係好好。 食左個火鍋和一大碟魚生，我和朋友已經無晒戰鬥力😂真係好好味，下次會再黎試多D熟食。

星期六夜晚突然心思思好想食放題，去到旺角就剩係諗起兆萬。夜晚無book位真係好難係旺角食到飯。睇左幾間，最後都係去返9樓。因為食慣食熟。刺身。第一round就梗係食咗刺身先啦，叫左三文魚、甜蝦、虎蝦、八爪魚、螺肉等等。份量好多，三文魚厚切，甜蝦好鮮甜，赤貝有小小檸檬汁，可以去腥味。意式忌廉蟹肉海鮮湯。海鮮湯嘅海鮮有蜆肉同蟹柳，再加小小三色豆。飲落忌廉味好重，無咩海鮮味，不過放題水準黎講已經收貨。黑椒牛柳粒。一份嘅份量都好大份，牛柳粒個口感似牛腩，個汁好濃嘅黑椒味，個配菜都好好食。迷你海膽手卷。揀嘅間嘅其中一個原因係有海膽手卷食，海膽好新鮮有甘香，手卷細細份，兩啖就食曬，可以叫多幾個。泰式香辣炒大蝦。個炒大蝦同我想像中有啲分別，以為係有汁嘅濕炒大蝦，上台見到賣相有啲似避風塘炒，個蝦唔會炒到太乾身，啖啖肉。全晚上菜速度都好快，店員有keep 住問有冇漏單，好好服務！最後出門口拎多幾個雪糕就完咗今晚嘅放題。

已經好久沒有吃日式放題了 今天和屋企人到了兆萬中心的極尚帝王海產食放題 食放題唔使問第一時間當然係點好多好多嘅刺身 我點咗三文魚 甜蝦 等等嘅刺身 佢嘅刺身款式都比較大路 想讚嘅係佢蝦有幾種唔同嘅俾你揀 我自己鍾意食比較細隻的甜蝦 之後都再叫咗多一輪刺身慢慢食 之後就到熱食啦 叫咗好多唔同款㗎 最想介紹嘅係佢哋嘅牛油粟米同埋牛舌 牛舌係厚切㗎好好食 好新鮮 魚牛油粟米真係好耐冇食啊 佢啲粟米大大粒又炒到好香 最後仲點左個日式火鍋🍲 大家一定要記得佢嘅日式火鍋本身已經包左牛肉同配菜 因為我開頭唔知 又再另外點左 最後飽到傻咗啊哈哈 人均二百幾蚊就食到咁多嘢真係好抵 性價比真係好高呀

一次過食晒磯燒, 放題, 火鍋.. 另一半想同我慶祝紀念日, 旺角行街食埋飯先返家~~ 原來好細心事先book左間餐廳. 比起浪漫得黎貴夾唔飽, 我們更中意搵價性比高的餐廳去~~呢間極上帝王水產係兆萬中心9樓, 成棟兆萬都係放題, 但我諗最full都係呢間~~ 大家記得最好book定枱, 因為我們食平日晚上8點入座, 都全場爆滿.. 好誇張..第一round的刺身係安排的不用自己order, 嘩, 估不到成個大大大盤咁送上黎~~ 忍唔住影相打卡~~ 好開心~~刺身好多唔同款式, 完全唔似一般放題水準, 好高質~~~ 三文魚, 帶子, 赤貝, 北寄貝, 希靈魚 都係必encore~~ 蝦刺身都係三款, 赤蝦, 甜蝦, 虎蝦火鍋可揀海鮮或和牛壽喜燒, 細細鍋全程放枱上, 有空便滾一滾都幾過癮~~磯燒係我最期待的, 磯燒A5和牛, 磯燒松葉蟹蓋等等~~ 第一次店員好細心教我地點燒, 過程中都會幫手. 燒後的和牛粒加上少少salt, 將牛味帶出~~ 我發現磯燒爐仲可以拎黎燒其他食物, 如海蝦 薄肥牛片當然唔少得叫返放題壽司，小食，仲有甜品，雪糕雪條就係咁開開心心就食左3小時~~

班大食friend又話要去食飯，班友唔係去食放題就去任食打邊爐，雖然我唔係好食刺身但係都同班友去呢間日式放題試下啦。刺身我本身只食三文魚同希靈魚，咁三文魚都幾肥美，而佢又有希靈魚可以揀，唔係間間放題都有算幾好啦。返去主場，我主力就會食啲燒烤食品， 最貴嘅嘢就係羊架，廣島蠔同埋鰻魚， 由於唔係間間放題店都有廣島蠔同鰻魚，我就不停咁食佢啲廣島蠔同鰻魚，正到我流曬口水，火候啱啱好又唔會燒燶晒。除此之外仲有啲泰式食品，生蝦，咖哩蟹呀都食咗啲，都算記得特別。呢個價錢可以食到咁多嘢性價比幾高，下次同friend都有機會再嚟呢度食。

夜晚同朋友嚟呢度食飯慶祝生日，第一次嚟呢度，旺角大家都就腳方便，生日梗係要食得開心盡情，所以揀咗放題，可以放肆一餐！😋😚食放題最開心係見到成叠紙仔餐牌，勁多食物選擇！刺身一定要叫，因為我哋鍾意食嘅厚切三文魚、象拔蚌、北海道帶子、珍寶赤蝦、甜蝦，仲有泰式生蝦！😍泰式生蝦唔係到到放題都有，佢哋啲刺身真係堅厚切同新鮮！好多餐廳都係薄切同細塊。雖然話係日式放題，但係佢哋都有其他特色多國菜揀，啱啱講嘅泰式生蝦，仲有好正嘅泰式豬頸肉同冬陰公湯！豬頸肉燒得好香好惹味，冬陰公湯唔太辣，適合我呢啲食唔到太辣嘅人。仲有啲西式食物，bbq豬肋骨、芝士和牛手打漢堡扒和藍青口都要試！個芝士和牛手打漢堡扒入面真係啖啖芝士！🤩🤩而家冬天夜晚有啲凍凍地，重點推介呢度嘅火鍋，重料同大煲！雖然話係一個人份量，但係果煲野啲食材係滿架！豐富到嘩一聲！😱😱食飽就梗係食甜品啦，有我最鍾意食嘅炸牛奶，佢配上少少黑芝麻，外脆內軟，正呀！當然唔少得雪糕雪條，好大個雪櫃好多款俾你揀！😈第一次嚟，日式風格嘅環境，價錢二百幾蚊合理，除咗日式食物，仲有多國菜選擇，座位寬敞，十多款的雪糕雪條和飲品選擇，職員服務態度良好，上菜速度快，好在冇限時，

香港人生活繁忙點都要對自己好啲店員服務態度好好細心講解👍🏻值得一讚💜黎個lunch放題開心吓$209真心好抵入坐即送📍磯燒蟹蓋有驚喜的蟹蓋燒，淡淡的蟹膏味到，令人回味📍A5燒和牛入口即溶的日式A5和牛，超有牛肉味一定要趁熱食📍鱈場松葉蟹海鮮鍋有真正的松葉蟹鉗，鮮蝦、青口等等的海鮮這個火鍋一流📍日式和牛壽喜燒鍋好鍾意日式邊爐，有濃郁的甜是有味道，最愛日本和牛餐廳好細心手機QR code落單仲有擺盤好靚的刺身船，刺身新鮮鮮甜好味😋各款天婦羅系列、仲有不同的燒物、款式應有盡有又有泰式食物，各款任飲飲品，吉列炸蠔，日本芝士年糕甜品真是令人太有驚喜，有朱古力心太軟蛋糕韓國雪條雪米糍等等等等

📍極上帝王水產 (旺角)最近好想食放題 於是去左兆萬中心搵野食 我地去左一間佈置成日本風情 價錢唔錯 食物種類繁多 員工服務態度非常好🔻刺身盛：師傅擺放得好有心思就咁望住已經十分吸睛，點左好多款式的刺身，有厚切三文魚、象拔蚌、鮑魚片、八爪魚、甜蝦、泰式生蝦等，刺身用冰鎮住，keep 到新鮮，食落樣樣都好新鮮，蝦類都鮮甜美味，三文魚肥美厚肉，八爪魚爽口鮮甜，最後都追加左多次🔻椒鹽雞軟骨：炸得香脆可口，灑上椒鹽七味粉，食落十分惹味！ 我都再reorder 多次，真係好好味🔻海膽手卷： 輕型手卷既份量，海膽足料而且鮮甜，建議即時享用，紫菜會變硬就吾好食啦🔻甜品：門口有不同種類的雪糕，選擇多元化，可以嘗試不同的口味！

呢一間嘢! 間直垃圾到極至,首先下午在openrice 訂位19：00, 已經提早15分鐘嚟到, 竟然話沒有mark 到位, 結果要同 walk in 一齊排😠七點幾先入座已經冇羊架、芝麻雞翼、清酒、梅酒…what!即刻嚇一跳!其後嗌嘢食我都唔知點講,係冇一樣嘢係正常,(強調)係正常,食物質素差, 我未試過每一樣嘢都咁不知所為-……xxx,刺身唔新鮮, 燒菠蘿凍嘅, 冷豆腐好似室温,熱食都唔熱, 從未試過食放題食到唔敢食, 還有2小時變100 分鐘, 60分鐘就話last order 😠跟住就拎張單嚟叫埋單, 話30分鐘前截單, 咩事呀？食咗60分鐘咋喎......雖然佢地之後話睇錯時間, 但已經沒胃口食, 沒下次,完！