楚撚記大排檔

營業中

休息中

當區給合（懷舊、新派）大排檔菜我吃了黑松露蓮藕墨魚餅，口感彈牙帶鮮味！ 拔絲咕魯肉，肉無骨，味道一流！ 鯪魚球帶有彈力及鮮味（蜆介汁）！ 炸大腸拼波蘿，同時吃一流！ 啫啫通菜煲，即時吃一流！ 啫啫生菜煲，口感同時一流！（只限附送）薏米清心丸，口感清新！大部份菜式多不勝數，如果人多可試試。由點菜到到餐，效率準時，價錢合理。整體表現出色及鮮味，結合新派、懷舊及創新大排檔菜式！提提大家，最好事先訂位，否則白行一趟，尤其是周末假日！eg. 頭輪約17：30；其他時段，最好問職員。

要搵充滿香港地度風味既野食，荃灣真係有好多選擇，今次我地就黎到呢間港式大排檔試下🤤雖然叫做大排檔，但環境係非常新淨企理，配合懷舊主題裝修，食飯打卡一流😍我地叫左幾道小菜，包括椒鹽鮮魷，原隻脆皮炸豬手，一口金磚豆腐，同埋豬油撈飯椒鹽鮮魷：成個碟都係椒鹽同配料，一睇就知落足料煮，鮮魷除左食到佢既鮮味之外，椒鹽味都十足，而且份量都唔少，了了下d椒鹽又搵到舊鮮魷，抵食!😆隻脆皮炸豬手：中意食豬手既朋友一定唔可以錯過，外皮同名一樣，炸得鬆脆易咬。肉身好厚，肉質有口感之類亦唔會太韌，煮得岩岩好，上碟時已經切好一塊塊，唔使自己切餐懵🤣一口金磚豆腐：每舊豆腐都細細粒，可以慢慢食，加上炸得香口，用黎同親朋好友傾計餸酒一流🍺豬油撈飯：出面已經買少見少，估唔到呢度仲有。雖然看似好簡單普通，但係食得出佢係用靚豬油，入口就陣陣豬油香出晒黎，真係唔叫餸淨撈豬油都食得晒個飯🍚

無人不知既大排檔～食大排檔又想新派裝修同坐得舒服啲，一定係楚撚記，之前都成日黎荃灣分店，但就算堂食/外賣都太多人，成日唔想等就冇食好耐了，估唔到冇食一排，又好食左，員工質素都好左好多🥹！-💕 菠蘿拔絲咕嚕肉(梅頭) $113👅好味指數：9/10遲左影 搞到影唔到企係到既拔絲造型Tim🥲🥲份量超多，4人食剛好，咕嚕肉外層炸得好香脆😍 梅頭肉質好軟腍入味，甜酸汁味夠濃郁👍🏻，除左咕嚕肉，仲有3色椒同焦糖脆餅☺️，幾創新加埋一齊食又幾正🥰。-💕香爆黑椒牛仔骨煲 $113👅好味指數：8/10新鮮滾熱辣😍用煲上一開蓋就香氣撲鼻同「滋滋聲」，黑椒汁味極香濃，牛仔骨肉質軟腍唔韌，每塊都多汁耐嚼又入味☺️👍🏻 -💕 七味黃金炸一口金磚豆腐 $75👅好味指數：8/10一口金磚豆腐外皮輕脆重黃金味，內夠嫩滑，配埋炸蒜好惹味🥰。-💕 楚撚豬油撈飯 $23👅好味指數：8/10砵仔飯蒸得剛好，飯粒粒分明有咬口有米香🥰，淋上豉油豬油，潤滑而不油，配埋蔥花芫荽更香更完美。-環境：8.8/10服務：8.5/10整體味道：9/10回頭率：9/10

楚撚記嘅小菜即叫即炒，炒得好有鑊氣。一直好想去！但每次都臨時決定，每次都話full咗，每次都失望而回。今次醒了，提前book，終於book到！ 餐廳裝修富有香港懷舊特色，每個位都係打卡位，難怪唔止吸引到街坊客，仲有遠道而來的客人。拔絲咕嚕肉咕嚕肉份量都幾多，味道甜酸好開胃，而且炸得香口，皮脆肉嫩，仲有拔絲伴碟，大排檔價錢，酒店賣相！啫啫生菜煲又好有鑊氣，上菜時啫啫聲，生菜爽甜，蝦乾惹味，好搶手，一陣就食晒，真係聲色味俱全！ 蒜香雞翼上菜好神秘，完全睇唔到裡面係乜😅，雞翼鮮嫩，味道幾唔錯。楚撚記原隻脆皮炸豬手楚撚記馳名豬手，豬手大隻，皮脆肉嫩，味道唔太濃，食到原味，正！ 綠豆清心丸糖水送的，甜滋滋。

#黃金椒鹽粟米 👅9/10 $69🤩超級邪惡嘅鹹蛋黃粟米，上菜嘅時候超級熱辣辣，粟米甜甜地加埋鹹蛋黃真係好正！😋 .#脆皮炸大腸 👅7.5/10 $101🐷炸大腸唔會有臭味抵讚，🥶不過今次食嘅就有少少肥得滯，🫢佢下面仲鋪咗一層罐頭菠蘿可以俾大家夾埋一齊食fresh下。🤣呢個配搭都唔錯其實!.#椒鹽鮮魷 👅8/10 $103✨上面鋪咗勁多椒鹽同蒜頭，不過份量唔算好多，🤣雖然佢係好好食但係我應該會留返quota 比其他嘅餸，🫢因為之後介紹其他餸我覺得仲好食😋.#馬拉盞炒時蔬 👅 8/10 $72💕今次揀咗馬拉盞炒通菜，🤞🏻啲菜好夠味同時亦都唔會好油，😂係連唔健康嘅我都可以ok嘅蔬菜，因為真係幾惹味。.#楚撚記小炒王 👅8.5/10 $92🥳上面有超級多腰果魚仔蝦乾嗰啲，加埋韭菜一齊食，💕口感超級豐富。😛 成碟餸都好夠味，不過食多幾啖就可能會有少少油覺得。

食食好但堂食會限時大排檔風味⋯最好人一班人黎食咁就可以試到多d野食而傢用code 自己手機點菜叫左杯藍妹啤一啤⋯俾左一隻「勝」既碗我環境都好有特式，打卡好岩叫左8樣菜燕麥金沙蝦球-燕麥好多，但蝦吾算出味啫啫雞煲-平實左d, 吾夠濃，炒得吾夠香豉椒鵝腸-夠哂野味，鵝腸都好多，推介菠蘿拔絲咕嚕肉-d肉吾肥，係梅頭，d汁好夠味瑤柱蝦粒帶子蛋白炒飯- 炒野都幾好，夠乾身飛天通菜煲-冇得輸😋😋香煎黑松露手打蓮藕墨魚餅-新鮮，煎到熱辣辣，好味豉油皇煎封一夜乾（馬友）-其實吾落豉油都好夠味，建議第一下都吾好落哂d豉油，會好鹹仲叫左一渣 竹蔗茅根紅蘿蔔馬蹄水，幾好飲、吾算太甜😋😋整體都好好食😋

荃灣經典大牌檔 楚撚記講起大排檔，大家都會聯想到地下污糟邋遢，濕爹爹。跟住一大班麻甩佬周圍走來走去隊啤酒。不過依間楚撚記就同大家想像嘅大排檔唔同。講話佢係一間大排檔，不如話佢係一間偽大排檔裝修，賣住大排檔嘢食嘅餐廳。如果你係期待傳統大排檔嗰種風味，咁就未必啱你啦。但係如果你就食得舒舒服服，咁就絕對值得食下。椒鹽九肚魚 $94這條九肚魚嗰份皮都好薄，入面嘅魚肉非常嫩滑。面頭有大量嘅炸蒜，椒鹽嘅比例剛剛好不會太咸而好香口。總括嚟講做得唔錯。唯一就係太細舊，食落去冇乜滿足感。乾炒牛河 $86乾炒牛河就非常出色，可以睇得出師傅嘅工架。首先一上枱熱辣辣，喺新鮮炒出嚟嘅。河粉嘅質地非常之好，唔會林啤啤油淋淋。而且條條分明亦上色。食落去都甜豉油嘅香味。河粉配以韭黃，芽菜，加上芝麻，食完都不覺肥膩。牛肉則係普通貨色。醬爆鴛鴦雞煲 $117鴛鴦雞嘅意思就係田雞加普通嘅雞。呢一個菜式係佢嘅招牌菜，但反而係最失望嘅一個。首先，田雞非常之少，我諗大概只有一隻。另外，就係雞脾胶位有少少生。佢嘅醬汁亦都唔係好吸引，不算惹味。餐牌上仲有唔少款式幾吸引。下次會想試下佢個炒飯同豉椒炒蜆😽😽

呢間💛良心大排檔「楚撚記」超有名氣，記得以前要大排長龍！一向知道餐廳不斷創新突破，致力研發fushion新 菜式！咁有heart ，不得不試！🌸🌸🌸🌸🌸🌸🌸🌸🌸🌸🌸🌸🌸🌸🍃豆漿杞子鮮腐竹浸時蔬 $86 👍🏻素菜精選！以新鮮豆漿煮腐竹，豆漿味道好出，娃娃菜浸泡於其中吸收豆漿，好甜好食！娃娃菜，與清甜的豆漿十分之夾！清新又健康丫！仲有養生苟杞！🍃香煎黑松露手打蓮藕墨魚餅$108👍🏻墨魚餅熱辣香口，蓮藕粒混於其中，口感豐富。黑松露醬添香氣亦不搶風頭，難怪好評如潮！！🍃啫啫滑雞煲$106一上台滋滋聲，香噴噴、熱辣辣夠誠意，雞件件件嫩滑，整體來講都幾入味同惹味，我自己覺得配白粥就岩岩好！🍃靚仔白飯（碗）$13🍃白粥（碗）$13🍃ZERO可樂$13

楚撚記大排擋一定係荃灣美食之選😚雖然每次食楚撚記都係要預早訂位但咁多人食亦唔係完全冇原因的😚🤙🏻佢哋嘅小菜全部都好惹味又有鑊氣🤩今次叫咗魚香茄子煲🍆鹹蛋肉餅同咕嚕肉🐷即使平凡簡單嘅小菜但喺楚撚記卻一啲都唔簡單🤙🏻✨全部都好入味又好餸飯🤣平凡簡單嘅小菜反而最考功夫🤙🏻🤙🏻🤙🏻楚撚記就做到呢啲水準🤩總括而言作為間冷氣充足而坐到舒服嘅大排擋楚撚記係一個好選擇👍🏻✨😚

成日都想試楚撚記大排檔，今日去開荃灣，終於有機會試到😆😆裝潢充滿懷舊氣氛，有大海報、霓虹燈等，地板採用綠白格仔磚，仲會播80後金曲添~楚撚豬油撈飯 好耐無食豬油撈飯！！即叫🤣白飯淋上豬油、豉油再加上蔥花，拌勻食真係無敵邪惡又好食！！楚撚記原隻脆皮炸豬手豬手皮夠哂香脆，肉質彈牙又JUICY～真正皮脆肉嫩勁香口，正！豆漿杞子鮮腐竹浸時蔬香濃豆漿底好特別，鮮腐竹好軟滑，仲有大量香甜娃娃菜，解膩又健康!香煎黑松露手打蓮藕墨魚餅蓮藕配墨魚，爽口又彈牙，好有口感，配埋黑松露醬提升味道層次，超正！最後仲免費送上綠豆清心丸，煙煙韌韌好甘香～

⁑📌 楚撚記荃灣川龍街118號百悦坊地下-1樓•嘆住冷氣，享受大排檔嘅美食係楚撚記就做到啦。暑假期間，到訪過兩次，內容會group埋同一個post一次過分享🙆🏻‍♀️•菠蘿拔絲咕嚕肉💰113咕嚕肉係我去大排檔/中式菜館必點嘅😎不過今次食嘅咕嚕肉我會話中規中矩啦。咕嚕肉賣相不錯，有拔絲同埋不同種類嘅蔬果點綴🎨醬汁比較濃稠，酸甜適中。不過咕嚕肉嘅粉漿上得唔夠均勻，有啲份置淨係食到炸到硬嘅粉漿。🎏推薦指數: 6.5/10•燕麥金沙蝦球💰113燕麥金沙蝦球有驚喜😋金沙呈淺橙色，雖然冇坊間一啲餐廳咁濃郁，但係咸蛋黃味係足夠嘅，而且勝在冇咁漏🍳夾多幾個蝦球送飯都冇咁有罪惡感🥢裹滿金沙，彈牙嘅蝦肉🦐再加上香脆帶點甜味嘅燕麥，一試難忘🍚🎏推薦指數: 9/10•啫啫唐生菜煲💰83唐生菜煲夠曬有鑊氣🔥生菜仲keep到爽脆多汁🥬不過麵醬為主嘅醬汁有點過鹹，略為掩蓋菜本身嘅味道。🎏推薦指數: 7.5/10•難忘漁港蝦醬骨（海山骨）💰113一上菜蝦醬味超香濃如果鍾意食蝦醬嘅朋友切勿錯過🥳👃🏼👃🏼不過濃郁嘅蝦醬味有少少蓋過肉本身嘅味道，而且肉質偏乾。🎏推薦指數: 7.5/10•金沙蛋黃九肚魚💰99有驚喜😆炸至外皮鬆

今日嚟咗荃灣楚撚記大排檔食dinner。呢度嘅侍應服務態度好好、好親切咁招呼我地入座。飲品叫咗忌廉，嚟到先知係經典嘅玻璃樽裝😍🤩好有驚喜、夠晒大排檔既風味👍首先上既菜式係啫啫唐生菜煲、惹味得來又足料，配料有蝦乾、紅辣椒仲有大大粒蒜頭。跟住上嘅係菠蘿拔絲咕嚕梅頭肉，咕嚕肉酥炸得來香脆、調味唔會太酸唔會太甜 啱啱適中😀👍伴碟嘅有紅椒、青椒、菠蘿同埋杏脯，同肉嘅比例恰到好處，食落幾開胃😋另外仲有香爆黑椒牛仔骨煲，非常入味 送飯食一流👍牛肉肉質嫩滑、肥瘦適中、骨嘅比例唔算多、算頗多肉食。我地叫咗惹味嘅肥仔選擇：招牌豬油撈飯，餐廳分開上蔥、豉油同豬油，比例任食客自己鍾意點落都得，可以按個人喜好 自由配搭👍我個人真係好鍾意食大排檔小菜，同多幾個朋友嚟一齊食 可以試多幾樣野😆下次會再幫襯🥰

楚撚記一向都是熱門小炒之選，記得電話預約，否則有機會撲空。用餐時間1.5小時，所以最好排隊時構思好食物，用餐時便可以盡情享受食物。🙂🙂店內都是懷舊裝修，播著香港懷舊的歌曲臨走時拍下店內照片，其實當晚是座無虛席，因為我是差不多最後一枱走人🤣所以拍下這樣情景燕麥金沙蝦球 $113必吃之選 鹹蛋黃的蝦球配上微甜的燕麥，很有新鮮感，除了減少鹹蛋黃的油膩感外，燕麥沾上鹹蛋黃後，用來拌飯真的一流所以記得要點白飯七味黃金炸一口金磚豆腐 $75軟軟的豆腐，配上炸蒜粒，又是拌飯之選楚撚記原隻脆皮炸豬手 $159頗大隻的豬手，脆脆的豬皮，配有甜酸醬及芥末醬。已經切好一片片，比起德國豬手，這個味道更適合我，因為不太濃味樽裝汽水🤩懷舊餐廳當然少不了樽裝汽水，聽說樽裝汽水特別夠汽的。餐牌

趕頭趕命咁趕人走😞本身我勁少係open rice 寫食評 不過真係個落差可能太大 所以都忍唔住寫d野反映下。成枱食物仲未食完已經急住要上糖水比你我明白香港節奏急速 都唔係急到咁下話。食物味道係ok ga 不過無乜鑊氣 上到枱d食物唔可以用熱辣辣去形容如果同大排檔比較 應該會有d失望知道呢間既多人book ，裝修又靚。不過應該唔會再食

老公難得收早，約好一齊去荃灣行街食飯比呢間餐廳門面吸引左就入去攞位上幾層樓梯就到了，沿路都充滿懷舊風味原來係食小炒的同老公一共揀左四款小菜椒鹽粟米，黑椒牛仔骨，鑊氣豉椒炒蜆仲有秘風塘鮮魷😍無諗過最有驚喜係椒鹽粟米🌽賣相已經好靚，金黃色，粟米香陣陣飄來除左椒鹽味，仲食到好香濃咸蛋黃同牛油勁match勁正。黑椒牛仔骨都係岀色牛味重，口感夠軟林，唔會過熟啱啱好黑椒都好香，味道調節得宜！😁秘風塘鮮魷夠惹味！份量十足，每件鮮魷都大件重點完全唔會覺得食緊炸粉，真材實料！相對鑊氣豉椒炒蜆較少少失望可能期待太高，如果再辣d會好好多整體都好滿意，係可以再食又再食既餐廳😍