影片
更多
2022-10-06
342 瀏覽
荃灣經典大牌檔 楚撚記講起大排檔，大家都會聯想到地下污糟邋遢，濕爹爹。跟住一大班麻甩佬周圍走來走去隊啤酒。不過依間楚撚記就同大家想像嘅大排檔唔同。講話佢係一間大排檔，不如話佢係一間偽大排檔裝修，賣住大排檔嘢食嘅餐廳。如果你係期待傳統大排檔嗰種風味，咁就未必啱你啦。但係如果你就食得舒舒服服，咁就絕對值得食下。椒鹽九肚魚 $94這條九肚魚嗰份皮都好薄，入面嘅魚肉非常嫩滑。面頭有大量嘅炸蒜，椒鹽嘅比例剛剛好不會太咸而好香口。總括嚟講做得唔錯。唯一就係太細舊，食落去冇乜滿足感。乾炒牛河 $86乾炒牛河就非常出色，可以睇得出師傅嘅工架。首先一上枱熱辣辣，喺新鮮炒出嚟嘅。河粉嘅質地非常之好，唔會林啤啤油淋淋。而且條條分明亦上色。食落去都甜豉油嘅香味。河粉配以韭黃，芽菜，加上芝麻，食完都不覺肥膩。牛肉則係普通貨色。醬爆鴛鴦雞煲 $117鴛鴦雞嘅意思就係田雞加普通嘅雞。呢一個菜式係佢嘅招牌菜，但反而係最失望嘅一個。首先，田雞非常之少，我諗大概只有一隻。另外，就係雞脾胶位有少少生。佢嘅醬汁亦都唔係好吸引，不算惹味。餐牌上仲有唔少款式幾吸引。下次會想試下佢個炒飯同豉椒炒蜆😽😽
講起大排檔，大家都會聯想到地下污糟邋遢，濕爹爹。跟住一大班麻甩佬周圍走來走去隊啤酒。
不過依間楚撚記就同大家想像嘅大排檔唔同。講話佢係一間大排檔，不如話佢係一間偽大排檔裝修，賣住大排檔嘢食嘅餐廳。如果你係期待傳統大排檔嗰種風味，咁就未必啱你啦。但係如果你就食得舒舒服服，咁就絕對值得食下。
椒鹽九肚魚 $94
這條九肚魚嗰份皮都好薄，入面嘅魚肉非常嫩滑。面頭有大量嘅炸蒜，椒鹽嘅比例剛剛好不會太咸而好香口。總括嚟講做得唔錯。唯一就係太細舊，食落去冇乜滿足感。
乾炒牛河 $86
乾炒牛河就非常出色，可以睇得出師傅嘅工架。首先一上枱熱辣辣，喺新鮮炒出嚟嘅。河粉嘅質地非常之好，唔會林啤啤油淋淋。而且條條分明亦上色。食落去都甜豉油嘅香味。河粉配以韭黃，芽菜，加上芝麻，食完都不覺肥膩。牛肉則係普通貨色。
醬爆鴛鴦雞煲 $117
鴛鴦雞嘅意思就係田雞加普通嘅雞。呢一個菜式係佢嘅招牌菜，但反而係最失望嘅一個。首先，田雞非常之少，我諗大概只有一隻。另外，就係雞脾胶位有少少生。佢嘅醬汁亦都唔係好吸引，不算惹味。
餐牌上仲有唔少款式幾吸引。下次會想試下佢個炒飯同豉椒炒蜆😽😽
張貼
