楚撚記大排檔

營業中

休息中

平日嘅夜晚，約咗好朋友食飯，好朋友話想試吓啲地道野，就嚟咗荃灣嘅楚撚記啦！我哋首先打咗去訂位先嘅，分別係17:30、19:15、20:45同埋22:15，可惜早啲嘅時間已經full左，所以我哋就揀咗20:45。我哋準時到達，上兩層就係座位啦，沿着樓梯行，見到好多香港嘅懷舊裝飾，坐低咗打開Menu，見到超多唔同款式嘅小菜，我哋就盡量嗌啲出邊少見嘅菜式嚟食。🌱楚撚豬油撈飯白飯嘅濕度啱啱好，配埋清澈嘅豬油，淡色嘅豉油，仲有芫荽蔥，好食。🌱蝦醬骨咬開蝦醬骨，肉質非常林，一啲都唔鞋口，而且係有好濃郁嘅蝦醬味，一碟份量都唔少，呢個幾抵食又好味。🌱豉椒鵝腸鵝腸炒得夠乾身，青椒紅椒洋蔥都好爽口，好惹味。🌱黑松露墨魚餅淡淡的黑松露味，加埋粒粒嘅墨魚，非常彈牙，外邊香脆。🌱綠豆爽清心丸最後餐飯食到好飽啊！店員話今日嘅糖水有綠豆爽清心丸，我最鍾意食㗎 ！呢個潮式糖水我覺得真係好好味。我哋三個大人一個小朋友埋單四百幾蚊，我覺得價格相當好，食物亦都好美味，所以我會再過嚟食㗎 ！

一直好鐘意食大排檔既我，覺得要搵間好食既大排檔都幾靚，要搵間咁乾淨既大排檔仲難之前同過朋友黎已經覺得呢度既裝修好靚，整到有舊式香港既感覺，特色之餘D野又好食楚撚記原隻炸豬手好大隻既豬手,豬皮夠曬脆，仲有配芥末醬同甜酸醬，食落唔會太柴，火喉岩岩好，仲保持到肉汁，好味飛天通菜煲同平時食開既馬拉盞通菜唔同，呢個飛天通菜好有鍋氣，食落去仲有少少辣吊味，我覺得又係另種感覺七味黃金炸一口金磚豆腐最鐘意佢舖滿曬炸蒜，正

其實之前都食過一次楚撚記，但突然心血來潮，好想食佢個豬油撈飯所以就二話不說去食！！今次叫左個佢個秘製鳳爪做小食，辣辣地幾開胃，同埋幾厚肉，唔錯～同埋叫左先知原來咁大份一碟好似有成８隻，兩個人岩岩好，正呀!跟住當然要叫佢個招牌咕嚕肉啦，之前都食過，食得出佢ｄ豬肉幾新鮮，而且炸粉剛剛好，仲要好脆口。一定要食！！今次試左個新野，香爆黑椒牛仔骨煲。食落同普通大排檔既味道差唔多，不過唔同既係你食得出食材又係比較新鮮。值得一讚既係，平時大排檔食既牛仔骨一定係落左鬆肉粉，但呢個我食唔出有，所以幾impressive.當然唔少得令我特登黎食野既豬油撈！平時冇乜機會食到呢ｄ懷舊野，一諗起就淨係識黎呢度哈哈！雖然好肥，但真係好香口。。食完再算！

終於一嚐長期客似雲來嘅楚撚記，感受半失去嘅香港大排檔風情。裝修擺設都好復古！即刻叫返支懷舊版忌廉先！脆皮炸大腸（鳳梨底）（$101）炸大腸表面炸得香脆，配搭菠蘿一齊食唔會過分油膩。西楚霸王雞（半隻）（$148）炸蒜多到遮住啲雞😂雞肉超級嫩滑，炸蒜同醬汁都好夾，推薦！黃金椒鹽粟米（$69）最出名嘅小菜之一，香甜嘅粟米佈滿咸蛋黃，邪惡得嚟又令人忍唔住不斷食。粟米真係好甜！一咸一甜意外地夾！菜甫銀魚煎蛋角（$72）睇上去平平無奇嘅煎蛋角，但就係簡單菜式先顯功夫。菜甫銀魚好多，所以蛋角煎到好大塊！熱辣辣食超滿足又飽肚。濃湯海鮮粉絲什菜煲（$98）足料又好食😋鑊氣豉椒炒蜆（$99）炒得好有鑊氣，上枱時仲熱到出煙，蜆都洗得乾淨無沙，放心大啖大啖食。蓮蓉壽桃（$44）好少見壽桃有印上綠葉😂白蓮蓉甜度啱啱好😌食完原來仲有糖水送！味道似係綠豆糖水，加左類似麻糬嘅透明正方體入去，好食！價錢合理、味道水準高、菜式多、仲有懷舊風情，完全明白點解經常大排長龍！下次再嚟試其他菜色😋

今晚終於食到傳說中既楚撚記啦，朋友要早一個星期前book，而且仲係食17:30嗰場，不過唔緊要，食到已經好開心~我地4個人叫左沙嗲粉絲金菇牛肉煲、生炒骨、馬拉盞炒通菜、椒鹽白飯魚同猴頭菇蟲草花淮山螺頭煲豬骨湯。講下個湯先，上之前侍應哥哥拎左碟湯渣黎，然後問我地幾多個人再幫我地分埋好細心。個湯好清甜好好飲。生炒骨勁好食，佢係我all time favourite，外脆內嫰，酸酸甜甜，最鍾意佢無咩肥肉，唔會食到成口油。椒鹽白飯魚 - 出面唔係間間有所以點，啲白飯魚size都ok，唔會太細條，個漿好薄而個魚又好脆口。馬拉盞炒通菜 - 唔會好鹹，好有鑊氣，好好味。沙嗲粉絲金菇牛肉煲 - 其實佢都好味，不過因為太多汁而個汁又好厚身感覺有啲heavy，但送飯係一流的。食到咁上下，原來佢送糖水，姐姐會拎住個盆行埋黎問你要幾碗，呢晚係綠豆清心丸糖水，唔太甜，仲要雪凍左，好味~

呢日收工約左同事試下呢間超人氣晚晚爆場既大排檔 #楚撚記 🔥😍 室內既大排檔裝修好懷舊，超有老香港既風味😍--🔥七味黃金炸一口金磚豆腐($75)一黎到我地就叫左呢個一口豆腐，廚師將豆腐切成小方粒，入口岩岩好，豆腐被炸到金黃香脆，食唔停口🤤-🦑避風塘鮮魷($106)大大碟既鮮魷份量十足😍 魷魚食得好大嚿，入口新鮮彈牙。炸鮮魷既炸衣好薄炸到好酥脆，之後再用左大量嘅炸蒜去炒，超有鍋氣好惹味🤤🤤 -🐂香爆黑椒牛仔骨($113)熱辣辣既牛仔骨用瓦煲呈上，黎既時候仲有渣渣聲，聽到都流晒口水🤤 牛仔骨煮得超軟腍，每件牛肉都索晒黑椒汁，香濃惹味🤤 撈飯絕對一流！-🐖🍚豬油撈飯($23/碗)呢個豬油撈飯真係好少地方有得食，見到仲唔即刻嗌會對唔住自己🙈 飯蒸到粒粒分明有米香，落埋豬油，蔥花同芫荽簡直係完美！一定要叫🤤整體黎講， #楚撚記 真係名不虛傳，餐廳環境有特色，同時保持乾淨整潔，第一次食大排檔咁舒服🥰 食物質素又唔錯，價錢唔貴，推薦！(記得book位啊!!)

想chill住食大排檔，黎呢度就啱嗮！欣賞佢嘅復古裝修，好有懷舊香港味道，最正係又冷氣又乾淨過普通街邊大排檔🤣 個場都好大，唔會同隔離檯太近，可以暢所欲言。.香煎黑松露手打蓮藕墨魚餅$113:超有驚喜！黑松露同墨魚原來好夾，欣賞佢加咗啲蓮藕粒喺中間，令口感冇黐立立，仲有少少爽脆。煎嘅時間都較得唔錯，面層啱啱好有少少脆口感。超推薦！.楚撚記原隻脆皮炸豬手$159:欣賞呢隻豬手已經幫我哋起晒肉同皮，可以識得有儀態少少😝份量都唔少，而且啲皮炸得卜卜脆，撈飯食就啱晒！.豆漿杞子鮮腐竹浸時蔬$86:好鍾意呢個湯底，啲娃娃菜同腐竹浸左豆漿湯底好入味，加埋杞子有啲甜甜地，口感豐富～.楚撚豬油撈飯$23:係一碗思苗白米，有豉油同豬油撈，好香口！豬油撈飯而家真係好少見，一食就停唔到口🤣.藍妹啤酒🍻係用勝字底嘅碗🤣好有特色！好有一種要乾嘅感覺！

今晚同朋友去荃灣揾食，路經過楚撚記，可能是早的關係，見到唔駛排隊等位，咁就即上去食。餐廳類似大排檔風格，但地方寬敞，服務員水準一流。我哋點咗三道菜，第一道菠蘿拔絲咕嚕肉，廚師用了梅頭，肉質鬆軟爽口，加上酸甜醬和菠蘿及桃，增加鮮味同口感，再配上拔絲，簡直係絕配。第二道係原隻炸豬手，豬皮炸得非常爽脆，肉質香滑又Juicy。第三道係椒絲腐乳炒通菜，通菜新鮮翠綠配靚腐乳炒變得非常惹味。再來個砵仔白飯，加上豬油及醬油來撈飯，十分好味！食飽後服務員仲送上免費糖水，係我至愛的清心丸綠豆爽，食罷真係好滿足。朋友話佢哋的菜乾豬肺湯好正，但太飽了，唯有外賣一個當消夜。整體餐廳質素好高，唔怪得之前行過見好多人等位，真心值得推介！

一直都好想來試呢間懷舊型嘅大排檔，之前見到YouTuber都成日去食呢間，而網上都幾多好評,食物相片都吸引🤩今日夜晚7:00幾過嚟排隊，咁啱有最後一張枱直接入去。當我哋食完已經8:00好多人喺度排隊食下一輪。菜單有好多選擇，最後揀咗以下幾款每張枱都幾乎會點嘅菜式。楚撚記原隻脆皮炸豬手 $159見到附近嘅枱面幾乎都有呢一碟，賣相勁吸引、打卡一流📸而且份量都好多😚豬皮炸到脆卜卜，好似食緊燒肉嗰層皮咁💯，啲肉都好大舊，唔算咸！食肉獸必點🤩蜜椒薯仔牛柳粒$113 成碟餸炒到好夠鑊氣又好香😍，牛仔粒入口軟多汁，而薯仔有口感得來又吸收晒晒蜜糖同牛柳嘅香味😋😋大愛薯仔🥔依啲配菜青椒同洋蔥都好入味，成碟餸飯一流🍚七味黃金炸一口金磚豆腐$75一口豆腐外脆內滑，配埋炸蒜再點埋汁簡直冇得頂！🤩鑊氣豉椒炒蜆$99又係超高人氣嘅鑊氣小炒😋，蜆新鮮冇沙👍粒粒都充滿濃烈豉椒汁味🥳成碟都係餸飯一流🍚馬拉盞炒芥蘭$72 🥬馬拉盞味都幾濃，好爽脆！可惜芥蘭太大舊🥬飲品點左：🥤芬達支裝$13 🥤Zero可樂支裝$13 🍺藍妹大枝$33 識飲梗係要用戰鬥碗飲🥣夠晒霸氣又別有一番風味😎整體而言：全部嘢食都好夠鑊氣同味道，而且份

大排檔食物不外乎鑊氣小炒、撚手小菜，另一吸引之處，當然是上菜速度極快。跟朋友圍在木摺枱食小菜、飲啤酒，是人生一大樂事。楚撚記原隻脆皮炸豬手 $159即叫即炸所以製作需時，原隻炸脆豬手切件上碟，外皮炸得脆卜卜而不油膩，肉質保持嫩滑，帶點鹹香。菠蘿生炒骨 $90生炒骨表面炸得酥脆，炸漿不會好厚，粒粒都大啖肉，配上菠蘿和青紅椒，味道酸酸甜甜。椒鹽九肚魚 $94炸漿香脆薄身，魚肉嫰滑連骨都可以食，加上炸蒜香口十足夠惹味。啫啫芥蘭煲 $83伴以蝦醬調味，味道香濃。芥蘭高溫快炒剛熟，才能保持水份，莖部較粗，口感較佳。

呢間餐廳為食客提供一個舒適嘅用餐環境，嘆住冷氣食盡多款撚手小菜同鑊氣小炒🇭🇰💗黃金椒鹽粟米 ($69)炸粟米香甜多汁，粒粒飽滿🌽每件都掛滿鹹蛋黃醬同椒鹽，味道甘香濃郁，口感起沙🍳💗香爆黑椒牛仔骨 ($113)牛仔骨以砂鍋上枱保持鑊氣，肉質鬆軟入味，筋位有嚼勁，黑椒香濃惹味，值得讚係無鬆肉粉味🐮另配搭洋蔥同彩椒🫑💗避風塘鮮魷 ($106)薄薄脆香外層包住爽脆彈牙嘅鮮魷🦑加入大量炸蒜、辣椒、椒鹽炒成，夠哂惹味鹹香🧄💗楚撚豬油撈飯 ($23/碗)砵仔蒸飯口感較乾爽，飯粒挺身分明。加入豬油、醬油、蔥花同芫荽，香氣更濃，飯粒更有光澤🍚✨每人送老薑蕃薯糖水

同同事講開荃灣有咩好野食，佢不停話呢間好正😆講到咁正搞到我心思思，即刻book位食平日黎到，7點鐘開始多人，接近滿座。裝修走懷舊大排檔風格，都有唔少打卡位💈楚撚豬油撈飯🍚 $23/碗推介叫佢地嘅豬油撈飯🌟豬油同豉油分開上，自己鍾意落幾多都得🤗，加埋蔥粒同芫荽，又香又吸引，淨係食飯都覺得正💈楚撚記原隻脆皮炸豬手🍖$159豬手應該係呢到嘅招牌菜😳睇到個名已經想食，豬皮炸到脆卜卜，好似食緊燒肉層皮咁🤤，啲肉完全唔韌，亦都唔會過咸，好入味，叫呢個必須配啤酒飲🍻💈避風塘鮮魷🦑 $106蔥、蒜、辣椒、豆豉鋪滿整個碟，濃香惹味，辣得過癮😈鮮魷爽口彈牙又厚肉，完全唔厚粉又夠鑊氣，送飯一流💈豆漿杞子鮮腐竹浸時蔬🥬$86豆漿底感覺有營養又健康，黃芽白同腐竹都用豆漿煮過，吸晒豆漿嘅湯汁係入面，食落入味又滑溜💈藍妹(大支)🍺$33食開大排檔我都一定會嗌啤酒，一般我都唔洗揀，必叫藍妹🫣落左單店員仲會俾埋隻戰鬥碗我地😆更加有大排檔特色基本上啲野都好大碟，三餸已經飽到捧住個肚走，食完野店員會奉上每人一碗蕃薯糖水，秋冬夠晒滋潤😙

第一次食呢間大排榴，等左唔係好耐，２０分鐘就可以入座👍🏻👍🏻大排檔一向俾人感覺很污糟🙀最近先發現呢間楚撚記,，將舊式大排檔搬入室內！！🤩最重要係有冷氣！ 成件事變得好高檔👍🏻個名又够霸氣，環境又乾淨又大又坐得舒適～好有懷舊既感覺👍🏻最重要係啲野食同街邊既大排檔一樣够晒獲氣！ 今次我地嗌佐菠蘿拔絲咕嚕肉(梅頭)，平時都好鍾意食菠蘿咕嚕肉！ 呢道菜加上拔絲🤩再加上脆口，入邊既肉質軟腍🤩口感非常之豐富！係我食過最好味既咕嚕肉，來到一定要試下佢！👍🏻仲有七味黃金炸一口金磚豆腐，炸豆腐加上炸蒜🤤無可挑剔🤤🤤唔熱氣唔食！仲嗌佐楚撚記原隻脆皮炸豬手，皮脆！肉彈牙！配埋醬！好正！當然要跟埋白飯同啤酒🤩好滿足咁抱住個肚走....

酒逢知己千杯少 · 話不投機半句多工作上遇到唔順心既事 要搵朋友呷一呷·同朋友去左荃灣既楚撚記大排檔以大排檔為主題 · 非常有香港特式♡ 黃金椒鹽粟米 ($69)咸蛋黃金包裹住既粟米非 · 常 · 邪 · 惡粟米炸完仲好juicy • 咸甜咸甜好過癮♡ 避風塘鮮魷 ($106)眾裏尋他千百度被炸蒜完美cover既炸鮮魷炸皮好薄 · 鮮魷爽彈配啤酒無得彈♡ 香爆黑椒牛仔骨煲 ($113)用瓦煲上枱 · 相當有風味牛仔骨大大件 · 勁多肉唔係剩噒骨黑椒汁夠惹味 ·真係撈飯好選擇♡ 楚撚豬油撈飯 ($23)澱粉同邪惡係成等號再加埋豬油真係未食先跑三圈仲要豬油同豉油係自己加你想跑幾多個圈 · 自己負責番豬油真係堅香 · 加少少避風塘炸蒜你會決定同我齊齊增肥過冬♡ 青島 ($33)無戰鬥格但我有戰鬥碗食大排檔小炒飲啤酒 · 寧捨有氣氛༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ꨄ小小總結：難怪日日爆場 · 性價比真係好高無論氛圍定食物質素都有水準最鍾意係間餐廳真係有大排檔氣氛

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】楚撚記大排檔 @【地區】#Dr_eat_荃灣【類型】#Dr_eat_港式【價位】中價位【用餐時段】晚市【餐廳主打】懷舊大排檔小菜【𝗛𝗶𝗴𝗵𝗹𝗶𝗴𝗵𝘁】飯後送高質蕃薯糖水────────────────────【環境/服務/衛生】。以懷舊主題裝潢。將80年代嘅風格重新呈現。由地下至一樓，處處都是打卡點.【黃金椒鹽粟米 $69】。鎮店之寶嘅招牌主打之一。粟米表面塗上滿滿一層嘅金沙層。粟米嘅清甜多汁加上蛋黃嘅鹹香。一甜一鹹，味道恰到好處.【避風塘鮮魷 $106】。鮮魷炸至金黃色。炸粉超薄，咬落鬆脆，肉質鮮嫩爽彈。再加以大量炸蒜炒香。鮮魷吸收晒炸蒜嘅香氣。惹味之餘，下飯亦係一流.【啫啫滑雞煲 $106】。近日天氣漸涼，最啱食香噴噴嘅滑雞煲。熱呼呼又能暖胃。雞件吸收晒醬汁嘅精華。入味之餘，肉質keep到嫩滑。雞塊足料，啖啖肉仲有雞肝添.【白飯 $13】【Zero $13】────────────────────•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••【地址】荃灣川龍街118號百悅坊地下-1樓【分店】荃灣 | 西環 | 土瓜灣