楚撚記大排檔

營業中

休息中

好似係區內最近幾出名，可能因為依家普遍大眾都鍾意坐得舒服啲同乾淨啲，但係又想食返啲地道啲嘅大排檔嘢，今日介紹嘅呢間就最適合不過。🥰裝修用返懷舊香港嘅風格，都算坐得舒服。腐乳炒通菜，炒菜份量好大碟，食得出菜幾新鮮，醬汁夠得來之餘唔會太鹹。香煎黑松露蓮藕餅，比平時食開嘅蓮藕餅多啲風味，煎得非常香口，有八舊都好夠份量。豉油王煎蝦一道又愛又恨嘅菜式🤣，因為好好味得黎但係要搣殼🫢蝦好新鮮，不過醬汁就有少少重口味～餐廳亦都有提供豬油飯比唔怕肥嘅大家，不過我哋就冇試啦。整體質素都好高，價錢亦都非常合理，唯一挑剔可能係夥計唔太夠，因為實在太爆場🫣

一直都未有機會去荃灣楚撚記個度堂食，上一次食都係去朋友屋企叫外賣，一直都好想試佢豬油撈飯，所以早幾日忍唔住去訂位。菠蘿拔絲咕嚕肉佢地用上梅頭肉，唔會炸得太耐而變得太乾身，肉質非常嫰滑，掛汁力極強，菠蘿酸酸甜甜，份外開胃。干煸四季豆用上麻辣醬再加上一D肉碎去炒，入口辣辣地，帶一點麻，配飯一流。楚撚記原隻脆皮炸豬手每件都悉心處理過，唔會一件大一件細，豬皮炸得夠酥脆，肉質仍然保持嫰滑，再食多兩件，唔叫支啤酒真係對唔住依碟豬手。楚撚記豬油撈飯簡單的一碗白飯，加上豬油和豉油，雖然罪惡感提昇不少，但真係非常美味，頓時變成高質撈飯。

在楊屋道街市有一間食店一直都能夠全院滿座，週末假期食飯定必早2星期訂座《楚撚記大排檔》，用料上乘又有香港人味道食肆。楚撚記大排檔的餐牌種類相當之多，的確令人花多眼亂。幸好有撚手小菜系列是餐廳精心挑選最具代表性的食物。店內的裝潢全走舊有的老香港，配上懷舊金曲的確勾起不少回憶。楚撚記原隻脆皮豬手 $159一上桌相當吸晴的脆皮豬手，能夠做到皮脆肉嫩並份量何其多，完全是一大班人共聚必點之物。原條豬骨呈上亦可以打包回家，煲豬骨粥之用。菠蘿拔絲咕嚕肉 $113大人同小朋友都鍾意的菠蘿拔絲咕嚕肉，顏色色彩繽紛並帶酸甜口感，深信沒有半點抗拒的理由。旁邊更有拔絲的小旋窩，咕嚕肉的肉質富嚼勁，令人回味無窮。椒絲腐乳炒通菜 $65原碟的椒絲腐乳炒通菜，份量頗多滿佈腐乳的味道，有點懷念家的感覺唔錯。楚撚豬油撈飯 $20懷舊代表作又點少得楚撚豬油撈飯呢？簡簡單單的豬油與豉油配搭，油香四溢好吃。最後夏日炎炎餐廳更送出全新甜品「綠豆爽」帶有煙韌口感。

大排檔嘅菜式不嬲都出名好好味不過大部分大排檔都係無冷氣楚撚記大排檔就唔同喇除咗小炒夠晒鑊氣之外最重要嘅係佢有冷氣🌬環境亦都好乾淨舒適咁就唔洗食到大汗疊細汗💦餐廳係長期大排長龍想食一定要訂檯呀‼️🔸七味黃金炸一口金磚豆腐🔸菠蘿拔絲咕嚕肉🔸香爆黑椒牛仔骨煲🔸楚撚豬油撈飯楚撚記嘅小菜真係好有鑊氣，全部都係即叫即炒，又多款揀。一口豆腐炸到外皮勁香脆，但內裏嘅豆腐就好嫩滑，形成強烈對比，再加埋七味粉同椒鹽，食落好惹味🤤咕嚕肉份量都幾多，有別於傳統大排檔，楚撚記嘅擺盤好精緻，呢道菜真係有個拔絲伴碟，咕嚕肉個汁酸酸甜甜，非常開胃😋牛仔骨煲上菜時都仲炸炸聲，聞落超香流哂口水，佢個黑椒汁調得好惹味，唔會太辣，咸度亦都適中，牛仔骨炆得好腍，亦都有好多肉，唔會淨係得骨，非常有誠意👏🏻豬油撈飯真係要試吓，將豬油同豉油配埋香蔥去撈飯，真係無得輸，兩三下就食哂成碗飯🤣食完仲有糖水揀，有蕃薯糖水同綠豆配清心丸，我地每款都要一碗，兩碗都唔會太甜！清心丸煙煙韌韌好好食

天氣實在太熱太熱太熱(՞• •՞) (重要野講足三次)但係好想食小炒小菜去大排檔又怕唔夠冷氣朋友提議依間好食 抵食 裝修特別既楚撚記 上到樓梯仲見到edan…個「紙牌」兩個人坐低嘆住冷氣食 jeng 🔺黃金椒鹽粟米 $69有八件 粟米炸得金黃酥香 味道香甜 包住滿滿鹹蛋黃碎 有椒鹽既調味 雖然好邪惡好月巴但好鐘意❤️ 必點推介🔺香煎黑松露手打蓮藕墨魚餅 $108一碟有八件 墨魚餅手打勁彈牙 加左爽脆既蓮藕粒更加有咬口 墨魚餅兩面麵煎得黃金香脆又充滿黑松露既香氣 ♪๑•́ ₃ •̀๑🔺香爆黑椒牛仔骨煲 $113牛仔骨煲上枱個陣仲聽到嗞嗞咋咋既聲 牛仔骨入味好香黑椒味 煲底仲有三色椒洋蔥🫑🧅撈飯一流🔺豬油撈飯 $23提供左豉油 豬油 芫荽 香蔥按自己喜好將白飯撈勻黎食 成碗飯勁香勁好食~(˶‾᷄ꈊ‾᷅˵)~飯後店員仲送上碗熱薑湯番薯糖水做甜品🍠̋๑˃́ꇴ˂̀๑ 幸福仔

🔹️楚撚記大排檔🔹️每一次說這個名字，都想趁機說粗口🤣楚撚記大排檔保留著一份舊有的香港情懷，承載著大家滿滿的大排檔回憶，更帶來撚手小菜同鑊氣小炒，令大家捧腹回家😁真的不得不說，每道餸菜都很有鑊氣，調味料亦拿捏得很好。它們脆炸系列真得很棒，🙄我朋友也很努力的叫了三款脆炸食品🧆🥘🍗🍖🍻🍻🍻戰鬥碗🥣吃大排檔這麼地道的小吃，怎麼可能欠缺啤酒呢🤭乾杯🍻🍻🍻不醉無歸🔹️黄金炸魚皮👍👍滿滿的鹹蛋黄包裹着魚皮🤤還沒吃已經被香氣吸引，咬下去那種脆口感覺，不得了啦🔹️脆皮燒BB鴿擺盤都很精緻，搖搖籃🔹️鳳梨脆皮炸大腸👍👍炸大腸永遠比人很油膩的感覺，但中和了半酸甜的鳳梨一同吃下去，脆口及好像吃到大腸肉汁的口感，可以吃很多塊🤭🔹️鑊氣豉椒炒蜆🔹️欖菜肉鬆四季豆👍

呢間餐廳試過摸過幾次門釘⋯⋯夜晚七點幾walk in ,full晒夜晚未到六點walk in, 又full 晒今次的起心肝早兩星期前打電話book佢只有兩個時段俾你選擇7:00-8:30。or 8:30後我哋好準時，未到7:00已經安排入座入座嘅時候店員強調8:30要交枱知道佢係掃QR code落單因為系統故障，店員當時未能提供QR code 過咗一陣，店員俾咗張紙我哋tick 再過坐一陣，店員終於print到屬於我哋枱號嘅QR code點知店員要求我哋要用QR code再落多一次單咁頭先你比嗰張嘢我哋tick係做咩呢？！Fine…係呢個時候個鐘已經係7:20我哋等到7:45見我哋周圍枱嘅人都已經有嘢食向店員催單7:55食物開始到…8:15佢開始向每台客收錢到差唔多8:30，舖頭內客人相繼狂風掃落葉式撤退我哋都好識做8:35就結帳啦真心佢嘅食物質素係唔差嘅你話係咪真係好食到要慕名而來肯定唔係酒樓嘅價錢快餐店嘅服務兩個人食咗$300用半個鐘嘅時間真心..我值得擁有更好選擇

同朋友約左幾次終於約到出黎食楚撚記！ 出名既豬油撈飯、拔絲咕嚕肉，一直都好想食！ 豬油撈飯$48 用傳統的缸瓦煮成的白飯，配上蔥及芫茜，加埋豬油及豉油，簡單又香濃的豬油撈飯就完成！ 雖然好邪惡，風味十足！ 可以食既地方亦都少之有少波蘿拔絲咕嚕梅頭肉酸酸甜甜的咕嚕肉係我至愛，每次食大排檔都會叫既餸菜，拔絲係非常講究技巧！每啖都配有酸酸甜甜的梅頭豬肉，確係令人幾開胃，豬油撈飯都食多兩碗椒鹽粟米每日都要食菜，甜甜的粟米都係令人食上癮，一啖一啖禁食，不知不覺就食咋，同人飲酒食粟米都可以架！ 秘製剝椒大魚頭大魚頭既鮮嫩嫩滑，加埋大量剝椒，熱辣辣禁食，一人一舊禁食下食下，加上大魚頭非常補身綠豆糖水配清心丸整體而言，楚撚記 岩多人一齊去食，可以叫多幾個餸，試多唔同既餸嘛！

想食左好耐 試左好幾次walk in都唔成功一於的起心肝打電話book位好期待長期都爆滿嘅大排擋去到門口已經勁多人排隊 基本上唔book位都幾難有得食有冷氣嘅大排檔 正菠蘿拔絲咕嚕肉 (梅頭)$99食大排檔冇可能唔嗌嘅小菜除咗菠蘿仲有蜜桃 咕嚕肉啖啖肉酸酸甜甜 好開胃楚撚記原隻脆皮炸豬手 $138個皮炸到脆卜卜 一啲都唔硬豬手本身有咸味 又唔太肥 加埋個芥末醬 正金沙蛋黃九肚魚 $86必嗌👍🏽外脆內軟 上枱一定要即食個咸蛋黃好出色好好味 一咬開啲煙標晒出黎 楚撚豬油撈飯 $20豬油撈飯勁邪惡 豬油好香加埋豉油完全停唔到口戰鬥碗配藍妹 飲勝🍻食完終於明點解長期滿座 大排檔鑊氣小炒始終係一個情懷

有冷氣嘅大排檔，就係正叫幾碟小炒再加啤酒，一個字爽！因為第一次訂到位黎食😁咁就唯有交俾職員介紹！好在有員工有耐性咁介紹咩招牌菜必叫最後叫左1.豉椒鵝腸2.墨魚餅（必叫）3.椒鹽鮮魷4.鴛鴦雞煲5.菠蘿拔絲咕嚕肉（必叫）6.土魷肉餅3個人食再加幾支啤酒啱啱好🤤服務方面：員工比較年輕，入嚟同走都有同事打下招呼，比較親切，講真呢點好過好多餐廳！！不過呢間餐廳訂位真係好鬼誇張，要早一個星期先訂到，臨走嗰時重見好多人等位，又見到超多人叫外賣。咁嘅食物再加服務環境都好之下，都難怪呢間餐廳咁旺👍

—天氣咁熱買完餸都唔想煮 而餐廳喺街市旁邊直接喺到食完 拍拍屁股就可以走裝修走懷舊大排檔風 主打鑊氣小炒香煎黑松露手打蓮藕墨魚餅($108)黑松露撲鼻而來 墨魚餅兩面都煎得金黃香脆墨魚滑餅q彈有嚼口 中間夾雜爽脆蓮藕粒 豐富咗其口感香爆黑椒牛仔骨煲($113)揭開蓋時仲係咋咋嗞嗞聲自己本身都鍾意吮骨 入味之餘 牛肉都好軟腍煲底有三色椒洋蔥 同樣惹味豆漿杞子鮮腐竹浸時蔬($86)食咗較濃味嘅菜式 要嗌豆漿時蔬平衡返加咗杞子紅棗 成件事變得養生咗🤣最後我哋都有飲埋豆漿湯底楚撚豬油撈飯($23)白飯以砵盛上 加入豬油,豉油,葱花同芫荽品嚐舊時嘅人慳錢食法 其實簡單得嚟幾香口 好易扒晒碗飯汽水($13)——————————————楚撚記大排檔 荃灣川龍街118號百悅坊地下-1樓

記得對上一次食大排檔已經係半年前嘅事😹同成班朋友最中意就係去楚撚記 因為大排檔一般比人嘅感覺都係好舊式 但呢間唔單止裝修新穎好有港式氣氛 仲有冷氣比較乾淨 夏天食都唔會食到身水身汗***我地叫左佢地嘅原隻脆皮炸豬手 外脆內嫩 唔係好食豬手嘅我都覺得唔錯 啫啫唐生菜煲一上就聞到陣陣香味 熱辣辣非常惹味 至於菠蘿拔絲咕嚕肉味道酸酸甜甜 估唔到仲有好似平時食蛋糕上面嘅焦糖脆脆 夏天食非常開胃 豬油撈飯有埋豉油同豬油俾你任加 飲埋枝啤酒就非常滿足🤣🤣

佢地manage booking係幾先進嘅 - 打完電話book完即刻有短信通知，預定時間前幾日又會有多次短信提醒叫你確認預訂。你去到果陣門口果位就先用d西態度提醒你最後order時間同埋還檯時間。千萬不要期待佢地會祝你用餐愉快。上到去你唔出聲冇人會主動帶位，唔再出聲冇人會比開台QR Code你落單，唔第三次出聲唔會有人攞茶比你洗碗。D野食靠Presentation同調味都算係過得去嘅，但係唔知點解一個寫著自己有撚手小菜、鑊氣小炒嘅餐廳（佢最多都係大排檔而絕對唔係大牌檔）d嘢食可以一d鑊氣都冇，食落最多可以話佢係用大火嘅爐煮出黎，其實都幾神奇。碟避風塘田雞d炸蒜都整得幾靚，但係d田雞就冇味，方便食客撈埋d炸蒜一齊食。至於碟蜜椒薯仔牛柳粒我都pretty sure d薯仔粒唔係炸嘅, which is actually okay。碟嘢D汁多到有友好睇完張相話似燴牛柳多D，我覺得個形容都幾貼切。喺度用餐最正嘅地方就係明明同你講6:30 Last Order但係佢地勤力嘅員工6:15就走黎話送碗糖水比你，6:20就黎同全場每一張檯話Last Order（我明明記得6:30先係！），6:25走

一啲服務態度都沒有， 店內吉枱4，5張 足足等了一小時多 也沒有叫任何一個number， 再有再好食的東西，都 不想做，也沒有用。想 幫襯，請三思，要預算等2小時，進餐1小時半

好耐冇試過咁樣食到趕頭趕命，上網睇佢正評都唔少，但服務講真係唔合格明明餐廳有好多空枱，仲要有1張8人枱，但就話因為我地得7個人，只可以坐2張4人圓枱，真係R曬頭快餐店形式，上菜係10－15分鐘內的事，但上碟的食物竟然唔係100％熱，呢到就真係失望。趕客走佢限時都明白，但之後都冇客，完全唔見有人等位，但佢地就真係8點就last order，8：05分就送埋糖水上黎，之後就好心急收我地D 碟，8：20分就要我地交枱。。。食物質素期望越大，失望真係越大食物真係好一般，但價錢以大排檔黎講就偏貴，唔值好多碟都好油，同樣價錢可以有更多更好選擇仲想好多人一齊食一餐開開心心嘅飯？我就建議你搵第2間