楚撚記大排檔

營業中

休息中

三個星期前我朋友第1次到這間餐廳晚飯、當時我們4個人叫了九道菜埋單，才1000蚊左右、並且每一道菜出來的時候都是熱騰騰的、味道也十分好、搞到我老婆今天都要求再去食多一次、但由於已經滿座，所以我們決定叫外賣回家吃。我家住青衣到荃灣這家店鋪大約13分鐘左右、最終叫了外賣，自己到店鋪取、到了店鋪大約等了5分鐘左右就已經有得取、但回到家裏準備打開來吃的時候就有點失望、菠蘿咕嚕肉已經腍了不夠脆、豆漿杞子浸時蔬、那些菜心太老了、口感和在店鋪食起碼差了20-30%、而外卖又沒有打折、所以相對性價比一點也不高、叫了四個餸+一個炒飯和一個炒麵、埋單$626蚊、所以建議大家千萬不要叫外賣、一定要堂食！

每次黎呢間餐廳都會好開心，因為一講個店名就會引起好多話題😂何況佢哋嘅小菜真係好撚手👍🏻懷舊嘅門面裝修設計，紙皮石地，全部都充滿香港懷舊特色😍晚晚都座無虛席，未夠六點就已經開始陸續入座，今日同朋友一早來，如果唔係晏啲就會人山人海😄戰鬥碗用嚟飲啤酒真係零捨好feel，隻碗都好細心雪凍埋俾你，配上一碟椒絲腐乳通菜，入味得來又唔會死咸，正😄豬油撈飯更加係我嘅至愛，喺香港地已經唔係咁多餐廳有得供應，嗰種香味係冇嘢可以取代，再加上蔥花，芫荽和豉油，耐唔耐食下就真係回味無窮💯呢度招牌菜原隻鹹豬手，真係不可不試，皮脆肉嫩，真係睇到粉紅色㗎，夠哂好味，送酒一流👍🏻香煎黑松露手打蓮藕墨魚餅，絕對唔可以錯過，黑松露獨有嘅香味，又香又脆，真係搶着食架😍食完仲有糖水送，真係特別窩心，抵讚👍🏻喺呢度食嘢，店員招呼好，服務周到，而且成個場氣氛都好好，呢啲真係香港嘅特色，嘆番幾個撚手小菜，碰碗笑談人生，一樂也😊

平時甚少去食大排檔，今次專誠冒着一號波黎食楚撚記。同平時大排檔好唔同呢度好乾淨、企理，仲主打懷舊風，好適合影下相。兩個人黎到叫咗3個撚手小菜。七味黄金炸一口金磚豆腐完全做到外脆口，內軟滑。最好趁熱食！食中式小菜一定叫我最愛之一，咕嚕肉。呢度嘅菠蘿拔絲咕嚕肉用上梅頭肉。炸皮輕輕包住豬肉，唔會過厚。甜甜酸酸好開胃。楚撚記原隻脆皮炸豬手比較新穎嘅菜式。一開始以為係完隻上，擔心好難share，原來已經骨肉分離。豬手皮好似燒肉皮咁，厚身得黎脆卜卜。味道方面，鹹鹹地令人一口接一口，好岩配啤酒。可惜師妹唔飲酒，用可樂代酒都好。連白飯都與別不同，有邪惡之選：楚撚豬油撈飯。美食係零卡路里🥹，好彩嘅係可以自己落。係白飯上加蔥，加豉油，再加精華嘅豬油，個人落嘅分量係1:1，已經可以食成碗飯。兩個人食到飽飽，建議多啲人黎食，可以叫多幾款小菜食。

A local place great for Hong Kongers💛, and even more outstanding to take foreign visitors here!坐得好舒服、乾淨又有冷氣既「大排檔」, 裝修仲好有香港情懷🇭🇰 門面已經有舊式戲院鋪排嘅大海報樓上雅座嘅霓虹燈模仿昔日舊報紙寫出楚撚記大排檔嘅歷史仲有模仿舊式大排檔嘅擺設模型, 從門口沿樓梯行上去已經有咁多打卡位餐具方面都會秉承懷舊嘅格調, 例如用雪凍左既戰鬥碗飲啤🍻又有豬油倒落去撈熱砵蒸飯🍚, 呢啲細節位做得好有心思食物方面味道係非常高水準, 炸/湯/煎全部都一流超卓🍖生炸豬手外皮脆到卜卜聲, 下面嘅用口又唔會炸到乾晒🥬時菜豆漿底濃🥛, 大量嘅鮮腐竹配豆漿令成碟素菜更有營養, 仲有紅棗同埋杞子調味, 食落去完全唔覺得單寡其中墨魚餅係必叫! 新鮮煎出黎好香口, 本身手剁墨魚餅已經好夠彈牙, 粒粒蓮藕增添口感, 加埋黑松露真心香🍄 最後仲有薑汁番薯糖水送, 好有人情味有咁高水準又有鑊氣嘅大排檔風味菜式, 價錢相宜之餘又乾淨企理, 店員仲好友善有禮, 唔怪得知平日都會爆曬場, 想食記得早啲訂位, 有用餐

呢間大排檔出名多人要等位，今日有幸早收工，即刻去試試佢◻️七味黃金炸一口豆腐 $75-豆腐細細粒炸到金黃色 再灑上香脆炸蒜 味道鹹香 外酥內軟-皮夠薄 豆腐芯熱辣辣🦑香煎黑松露手打蓮藕墨魚餅 $108-鍾意食黑松露嘅朋友可能都同我一樣追求果種「Gas味」 而且愈濃愈好-墨魚餅「Gas味」重 口感彈牙 兩邊煎至微焦脆 極為香口🐠秘製剁椒大魚頭 $138-激多辣椒🌶️包圍魚頭-通常係大排檔食個剁椒魚頭都至少2xx-呢間竟然咁平 本來都唔係太高期望 點知魚頭不單止新鮮無腥味 個辣汁仲好惹味-辣度嚟講都相當辣下 但當個味蕾慢慢接受到之後 就變得好惹味👍🏻🍚楚撚豬油撈飯 $23-豬油撈飯係咸豐年代嘅產物 對於我呢個自稱後生仔嚟講 都真係唔熟悉-但係食完呢個豬油撈飯之後 從此改觀-原來真係幾好味 齋食飯唔使要餸都得😂總括而言，終於知道佢長期等位嘅原因，有大排檔嘅風味，乾淨潔淨，值得推薦👍🏻

大排檔有很多種，都是大家熱熱鬧鬧地大吃大頓，而且也算是香港的特色之一，這間裝修挺有舊時的香港味道，但是新裝修的，兩者互相碰撞出來的感覺，是新式的大排檔的一種！不過重點是有冷氣！菠蘿拔絲咕嚕肉（１１３元）咕嚕肉用上梅頭肉，即叫即炒，來到熱辣辣，咕嚕肉炸得外脆內嫩的，份量也挺多的，醬汁味道剛剛好，酸酸甜甜非常開胃，拌起飯一流！而且最重要的是咕嚕肉放久了也不會軟掉，這個真的很不錯！秘製耳剁椒大魚頭（１３８元）魚頭是用上了鲩魚頭，但也是挺大的一個的！剁椒紅紅火火的，連碟上面還全都是紅油，但吃起來也不是太辣，約是小辣至中辣中間，而且是辣得挺香的，不會太單調！魚頭吃起來非常嫩滑，完全沒有魚腥味，而且很入味！愛辣愛魚的真的可以試！楚撚記秘製鳳爪（６８元）鳳爪是滷的，帶一點點的辣味，滷得非上入味，味道鹹香，吃起來軟軟糯糯的，煮得剛好！楚撚豬油撈飯（２４元／碗）飯是砵仔飯，用的是絲苗米，單吃就非常香了，而且粒粒分明的！而豬油和豉油是另外給的，想吃多少加多少，還配有點蔥花和莞茜，但因為我不吃莞茜的，就沒加上去，但跟蔥，豬油和豉油拌在一起真的很好吃。這樣會有種獨特的油香味，豉油是鹹甜口味的，不會太鹹！這樣吃

朋友成日同我講依間楚撚記好好食，而且好高人氣，每逢食飯時間都好多人排，成日都食唔到🤣今次我就超好彩，第一次過嚟就即刻有位😆💓細個已經好鍾意跟屋企人去食大排檔，但係隨着連鎖店不斷開，有風味嘅大排檔已經越來越少，今次居然比我喺依間餐廳搵返細個嘅味道🥳🎉除咗餐廳嘅裝修好懷舊，好有購香港特色之外，依度嘅嘢食都絕對係原汁原味，分量豐富，仲要勁有鑊氣，價錢都好親民，將會成為我以後嘅最愛餐廳😆特別推介嘅係啫啫雞煲好夠火喉，而且份量好多，雞肉好嫩滑，加左xo醬一齊炒，更加嘢未，我哋陪住豬油飯同埋白飯嚟食，係兒時嘅味道啊🙋🏻‍♀️另外要推介嘅係黃金椒鹽粟米🌽避風塘鮮魷魚🦑都超級入味，份量好足✨最後叫埋個楚撚豬油撈飯同埋白飯，下次再嚟過！

近年嚟嘅傳統大排檔買少見少，取而代之咗好多新興嘅大排檔style餐廳，當中就有一間遠近馳名甚至一位難求嘅餐廳，就係楚撚記大排檔啦~今次放工就馬上趕過嚟，平日7點時段都接近滿座，建議大家一定要預先book位！餐廳裝修充滿懷舊香港風味，亦都有唔少打卡位啱晒鍾意影相嘅朋友仔😝七味黃金炸一口金磚豆腐豆腐嘅質感炸至外脆內軟，配上特製嘅七味粉同椒鹽，惹味得嚟又唔膩，建議飲酒嘅朋友就一定要叫！絕佳下酒菜🤩菠蘿拔絲咕嚕肉咕嚕肉以梅頭肉製作，肉質軟滑！除咗菠蘿之外亦都加入咗蜜桃，呢一點值得一讚，為整碟咕嚕肉帶嚟清新嘅感覺！香爆黑椒牛仔骨煲牛仔骨有鑊氣，非常入味，牛肉軟腍肥瘦適中，配合黑椒汁送飯一流！楚撚豬油撈飯極邪惡但好好食嘅豬油撈飯😆豬油沾滿每一粒飯，十分香口，必食之選！

八個朋友去食，食咗唔少野，椒鹽魷魚鬚、炒通菜、湯，都好味。但我好想推介黑松露蓮藕墨魚餅。趁熱食，真係超級好味！！本身黑松露係好搶味嘅一樣野，但呢個黑松露又唔會搶咗本身墨魚同蓮藕嘅味，幾樣野d味非常之夾，口感又爽。飲啤酒個戰鬥碗非常有feel，尤其一大班人一齊食飯，好有氣氛。不過進食時間有限，所以難以玩太耐，食多味餸都有少少趕。補充一下，個柚皮非常一般，因為煮得太稔，無咗柚皮本身口感，而且味道未見十分正。不過總嘅黎講係唔錯嘅。

每次約食飯，想早一星期book台都唔成功。今次揀夜少少食飯，終於成功食到。大排檔有幾樣必嗌，基本上食邊間都會叫。今次得2個人食，收歛地只叫左三個餸。🍽楚撚記原隻脆皮炸豬手其中一個必嗌係炸豬手，配咗兩隻醬，芥末醬同泰式辣醬。炸得脆卜卜，起曬骨啖啖肉嘅豬手，正啊！不過多啲人share會好啲，兩個人食始終易膩。🍽菠蘿拔絲咕嚕肉（梅頭）鐵膽之一。拔絲應該算係gimmick，但淨講咕嚕肉都幾出色，醬汁酸甜開胃，寫明用梅頭，就食落啖啖肉，肥瘦算適中，唔會一啖都係肥肉。🍽啫啫生菜煲叫咗兩個肉，要叫碟菜balance返，雖然都係惹味菜。調味唔錯，但略嫌水汪汪左啲，如果煲底再乾身啲就更好。🍽豬油撈飯聽就聽得多，食就第一次。店員放低一支豉油一支豬油畀你自己調。試完先知，想好食真係要付出身體嘅代價，狠心啲落豬油！大排檔一定要飲啤酒，呢到配埋個戰鬥碗，比你豪邁地飲。當晚見到好多都係大班朋友去食，夏天都可以坐得舒服地食大排檔，食物又有質素，難怪要預早book。

/終於試到楚撚記啦 果然名不虛傳 今次早左成個月book位 去到都等左一陣先入到去 超級多人啊 如果係假日去記得book定位先 唔係walk in真係有排等架 今次一大班人去食 所以試到多啲菜式.🍍脆皮炸大腸鳳梨底($101)大腸炸到好脆身 好似啲乳豬皮咁 加埋鳳梨甜甜地 可以解膩.🌶秘製辣酒煮花螺($138)花螺份量都多 食落爽口彈牙非常新鮮 辣味十足 底層仲鋪蘿蔔 煮到軟綿綿入曬味架.🥢豉椒鵝腸($105)鵝腸清潔得好乾淨 食落好爽口 加埋三色椒一齊食好夾啊.🦐楚撚記小炒王（$99）小炒王用料非常豐富 魷魚同蝦食落爽口彈牙 加埋腰果及炸過既小魚仔 食落好有口感 咸香味十足.🐟椒鹽九肚魚($94)椒鹽九肚魚外層炸到好香脆 魚肉食落鮮嫩 唔會炸到乾曬 記住加埋醋一齊食啊.🥬飛天通菜煲($88)飛天通菜煲份量好多 用沙煲上可以keep住溫度 不過就偏咸 餸飯食就岩曬.🐮蜜椒薯仔牛柳粒($113)薯仔粒預先炸到好脆身 食落外脆內軟 牛柳粒好淋身 唔會有筋.🐟金沙黃金白飯魚($90)每一條白飯魚都沾滿鹹蛋黃先去炸 食落好脆口 鹹蛋味濃郁.🥢避風塘田雞($113)田雞份量唔算多 但田雞肉食落好

楚撚記大排檔個名就成日聽,終於食到成間餐廳的裝修都好懷舊,做出香港的味道晚市時段都8-9成滿座,建議要book定位避風塘炒鮮魷大大碟,好有鍋氣,面頭滿滿的炸蒜,超香! 魷魚裹粉薄薄地一層,炸得香酥,魷魚鮮甜彈牙豆漿杞子浸時疏好濃的豆漿味,面頭有好多豆皮,好香豆味,時疏係娃娃菜,好清甜,成個菜式都好養身楚撚記招牌炸豬手有啲似德國咸豬手,豬手皮炸到好香脆,但有少少偏硬,豬手肉爽彈,唔會有蘇味主食有豬油撈飯同白粥豬油撈飯:係用蒸飯,再上豬油自己按喜好加入,豬油好香,令到成個飯好香滑白粥好香甜好綿滑,主食都咁用心做,抵讚!

之前一直想試好耐 但佢好難book 尤其係食飯時間🤣 所以今次特登提早食晚飯 所以終於食到了✌🏻✌🏻干煸四季豆 $75賣相同香味都非常吸引🥰 食落都好惹味好好味😋 不過食個時小心啲 因為會有啲花椒粒係到🤣 呢碟餸非常適合放飯😚 而且偏辣 所以更加送飯😝豉椒鵝腸 $105鵝腸一開始覺得唔係好多 但食下又有食下又有🤣🤣呢個一椒好好送飯😚 鵝腸好爽脆 而且好掛汁 豉椒汁正正常常既大排檔味道～秘製剁椒大魚頭 $138賣相超震撼🤣 勁多辣椒🌶️ 食落個汁偏油 而且都好辣 食得好過癮 份量都ok~楚撚豬油撈飯 $23第一次食豬油撈飯 按自己喜好 去調較豬油同豉油既份量， 第一次食個感覺都唔錯 都覺得幾好食 豬油好香 飯偏硬同夠干身👍🏻 可以做到粒粒分明～白粥 $13白粥佢地都煲得好綿 所以👍🏻👍🏻 米香味都有少少😋忌廉 $13康師傅冰紅茶 $12

今日約左老友去楚撚記食小炒，成日聽人講夜晚好多人，所以我地一早六點鬆d就去食喇！d枱枱櫈櫈，以至d裝修都好有懷舊氣氛，十足十舊香港既大排檔一樣一坐底梗係叫番支大啤先啦，一黎到就比兩個戰鬥碗你飲，有Feel呀！睇睇menu，原來呢度有豬油撈飯唔係度度有得食就梗係叫個試試佢.一上枱，佢唔係撈埋比你，可以自己調較豬油份量，幾好。黎到大排檔，咕嚕肉就梗係必叫架啦！食落好脆口好有鑊氣，而且ｄ豬肉都係好稔好滑，炸粉亦都唔太厚另外仲叫左個豬手，驚喜既係佢切埋比你，仲要非常工整。食落ｄ豬手唔同平時德國豬手咁咸，肉都好滑，而且個皮好似燒乳豬ｄ豬皮咁脆口！食左咁多肉，當然仲要叫多個菜啦。我地叫左個豆漿腐竹浸時蔬。又幾好食喎，滿滿既豆香味，又幾夾，唔會有好漏既感覺。總括黎講呢度每個小菜都非常滿意，而且食得出每一樣都係即叫即整，食材高質！下次一定會叫一大班朋友過黎食！

平時去食中菜館大排檔多數跟朋友 去深水埗太子附近而土瓜灣有間出名既小菜館之前成日好full 好難訂位最近係荃灣見到個招牌即刻訂位 約咗幾個舊同學聚舊 舖位係楊屋道街市對面我地食晚市 所以街市人流已散去馬路都唔算多車 招牌很易見到沿樓梯上去 都充滿懷舊氣氛牆身掛住80年代香港的照片音樂播放着陪住80後長大嘅金曲最有感覺是綠白格仔磚地板 🤩而座位以圓枱或卡位為主 幾閣落係一個同學敘舊嘅好地方 啫啫唐生菜煲$83充滿鑊氣嘅啫啫生煲，上菜時熱辣辣香噴噴，色香味俱全，是大排檔必點！正！ 避風塘鮮魷 $106椒鹽鮮魷就食得多啦，避風塘炒就更加惹味，魷魚炸至金黃色，肉質彈牙爽口，再用避風塘方法做調味，爆香了嘅蒜蓉散發嘅蒜香，係比較邪惡但又令人停不了口，再要飲多兩杯啤酒！ 楚撚記原隻脆皮炸豬手$159豬手皮揸得非常香脆，但肉質仍然可以保持嫰滑，最貼心是廚師已切好一塊塊，排得整整齊齊，影得靚靚之餘又不用自己再分。食下又一舊又飲一口啤酒，好快就清晒整隻豬手，正！ 楚撚豬油撈飯 x2 $23/碗豬油撈飯而家市面上買少見少，聽長輩講豬油撈飯係以前去大笪地大排檔必點。簡單的一碗白飯加上豉油豬油同蔥混合便成，餐廳