楚撚記大排檔 (寶光大廈)

營業中

休息中

朋友又吹雞約飯聚，要吃特色小菜來這間大排檔就合心水。未夠晚上七點已經要等位真誇張呀。椒鹽九肚魚🐟椒鹽九肚魚是一道經典的粵式海鮮小炒，味道酥香惹味外脆內嫩，九肚魚的質感嫩滑如豆腐，所以又稱為豆腐魚，口感細嫩幾乎入口即化，帶有淡淡的海鮮甜味。外層薄薄粉底油炸後形成酥脆鬆化，喜歡這家的做法不會有一層很厚的炸粉，所以不愧是這裏的招牌菜式之一。香煎黑松露手打蓮藕墨魚餅🍥這碟我示它為蓮藕墨魚餅的天花板，因為用上新鮮墨魚肉手打成膠，口感緊實彈牙帶有天然的海鮮甜味，表面煎至金黃仍鎖住內裡肉汁，入口外酥內嫩。而蓮藕粒切碎的蓮藕混入墨魚膠中，咬下時會爆出清脆口感又清甜。還有黑松露散髮濃郁的土質芳香，帶點蒜香和堅果氣息，瞬間提升層次。楚撚記小炒王🫛小炒王是香港大排檔經典菜式之一，以鑊氣十足、食材豐富、咸香惹味的招牌菜送酒必點。材料有韭菜、腰果、蝦乾、魷魚、冬菜、銀魚仔和蝦仁等，猛火快炒特別夠鑊氣，加上XO醬、蒜片、辣椒、豉油、蠔油、魚露和菜脯爆香，辛香撲鼻。馬灣可樂🥤馬灣可樂是香港本地一款懷舊風味的可樂品牌，主打「復古港式口味」，與國際品牌（如可口可樂、百事可樂）相比，它的味道更樸實、甜度較低，帶有獨特的「

「楚撚記」大排檔的拔絲焦糖香燒脆腩仔，看到網上照片感覺非常吸引，今晚特意來嘗味。門面並不吸引，走進用餐大堂才驚覺地方之寬大，媲美大酒樓。大排檔裝置不乏懷舊霓虹光管招牌，和不少綠色鐵閘作點聚。細味多款小菜，「楚撚記」保留著大排檔的特色，上菜快、有鑊氣、貨真價實和免加一小費。店內有免費 Wi-Fi 和 有兒童餐椅，真的很週到。營業時間頗長：5:30pm - 12nn，我好奇地詢問女服務員，原來方便演唱會入場前散場後也可以吃飯！開飯啦！拔絲焦糖香燒脆腩仔 ~鳥巢狀拔絲圍住脆腩仔，賣相很不錯，拔絲焦糖香甜脆口，腩仔皮脆肉鮮又鬆化，腩仔的鹹香，焦糖的蜜甜，雙重脆口感，令人不甘回味。蜜椒薯仔牛柳粒~薯仔走過油，令薯仔口感帶焦香，薯仔與牛柳粒掛上黑椒及蜜汁，味道一流！豉汁排骨蒸陳村粉~呈片狀的陳村粉口感爽滑，用豉汁排骨蒸，味道很清爽。很有驚喜免費糖水奉客，也是一絲不苟，兩款糖水讓客人有選擇，而且甜度適合，不會過甜。椒鹽鮮魷~爽脆彈牙的魷魚配合適當椒鹽，鹹香冶味，酥脆可口。清心丸綠豆爽~我的至愛，清心丸有煙靭嚼勁，綠豆粉糯又健康。紅豆沙糖水~很綿密、清甜，添少許花奶令顏值大增。

最近和朋友到了土瓜灣的楚撚記吃小菜。之前在荃灣區也有嘗過，今次一樣沒有失望。 牛仔骨煲$128蒜香醬汁濃郁，牛仔骨有口感，肉汁滿滿。煲仔上菜熱辣辣，配飯一流。 豉淑炒蜆$105炒蜆粒粒分明，口感十足，豉汁充份與蜆肉融合，十分惹味。 香煎黑松露手打蓮藕墨魚餅$118必點煎物。濃郁黑松露味道配上厚實有咬感的蓮藕墨魚餅，每口都十分滋味。 竹蔗茅根紅蘿蔔馬蹄水$78吃小菜配上健康自製的飲品，清熱氣，甜度剛好，足料。一支足夠幾人飲。 最後還有免費的糖水綠豆清心丸、蕃薯糖水清甜健康解油膩 很有家的味道

有一段時間冇嚟食呢間大排檔小炒，今日再同朋友嚟返尋味，餐廳裝修充滿大排檔風味，氣氛十分熱鬧。小炒鑊氣足，份量大，性價比高。椒鹽九肚魚新鮮炸起熱辣上桌，九肚魚外層酥脆帶微辣椒鹽香，內裡魚肉嫩滑無腥味，佐酒一流！咕嚕雞球酸甜汁調得恰到好處，好開胃。雞球外皮薄脆，雞皮脆到好似薯片咁，肉質juicy，驚喜是除有新鮮菠蘿外，還有蜜桃和彩椒，爽口解膩，有誠意。 沙爹粉絲金菇牛肉煲沙爹香氣撲鼻，粉絲吸滿濃郁醬汁，牛肉片量足且嫩滑，金菇和芽菜增添口感，配白飯的話，起碼食兩碗飯。 乾炒牛河大排檔必點，呢度炒得超有鑊氣，充滿豉油香，河粉爽滑連埋芽菜絲一齊食好爽口，牛肉炒得好嫩滑，大大塊，好滿足。仲配埋牛河必備的辣椒醬，超惹味。總括而言，呢度的小炒高質，三五知己一齊share，可試多些款式。餐廳最後仲送我哋紅豆沙同埋綠豆清心丸做甜品。

餐廳門前擺放了自家製熱飲，讓等位的顧客暖心。內部裝修充滿老香港情懷，舊海報、霓虹招牌、綠色鐵閘等，播放著80年代粵語金曲，充滿懷舊氣氛。餐牌上很多創意經典粵菜，選擇非常多。「蜜椒薯仔牛柳粒」新鮮炒起，熱辣辣送上，香氣四溢。材料有薯仔粒、青椒、洋蔥、牛柳粒等。牛柳粒腍軟味濃，薯仔粒煎得香口，再掛上甜甜蜜汁，非常惹味。「拔絲焦糖香燒脆腩仔」賣相別緻：燒腩仔用拔絲糖膠圍起來，如一個雀巢。燒腩仔皮脆肉嫩，肉汁豐富，雙重口感。配上甜絲絲的糖膠，又把燒肉味道提升一個層次。「咕嚕雞球」雞肉去骨，啖啖肉，外皮酥脆，酸甜芡汁味道適中，送飯最合宜。「竹蔗茅根紅蘿蔔馬蹄水」自家用老火淆製的馬蹄水，真材實料，味道天然，清甜降火。最後還有糖水“綠豆爽”和”紅豆沙’’奉送。這裏的菜式夠鑊氣，兼有創意。在懷舊金曲下享用了一頓美味菜餚。

呢間大排檔真係有驚喜！平時經過都見人頭湧湧，今晚終於試到，果然名不虛傳，每道菜都夠晒鑊氣😍金沙鹹蛋黃九肚魚：一上枱就聞到陣陣鹹蛋黃香，炸得金黃酥脆，咬落去外脆內嫩，九肚魚肉滑到不得了，完全冇腥味。最正係個鹹蛋黃外皮，鹹香得嚟又帶少少沙沙口感好正😊楚撚記小炒王：呢個真係超有鑊氣！韭菜炒得爽脆，蝦乾大大隻，鹹香十足，腰果仲keep到脆口，加埋啲銀魚仔，口感豐富到爆，食到停唔到口！ 蜜椒薯仔牛柳粒：薯仔外皮炸到微焦，入面粉糯，牛柳粒嫩滑唔韌，蜜糖同黑椒嘅比例啱啱好，甜中帶辣，好惹味！唯一可以再好啲嘅係薯仔可以再脆少少，但整體已經好正👍🏻楚撚豬油撈飯：簡單但邪惡到極點！豬油撈勻熱飯，再加啲頭抽同蔥花，香到不得了。飯粒油潤飽滿，每一啖都係童年回憶，忍唔住食晒成碗😍綠豆沙清心丸：最正嘅係晚飯有糖水奉送，食完咁多濃味嘢，呢碗糖水真係及時雨！綠豆沙甜度剛好，清心丸煙韌有咬口，飲完成個人涼浸浸，完美作結👍🏻呢間大排檔，枱凳一啲都唔迫而且好乾淨仲有冷氣，伙記手腳快又友善。晚市最好早啲到，唔係就要等位。 人均$200左右，食到飽飽兼滿足，鑊氣足、味道正，絕對會再嚟！尤其係個金沙九肚魚同豬油撈飯，真係食過返

去咗土瓜環的「楚撚記」，又排長龍🫣餐廳提供鮮製熱蔗汁給排隊人士，真係好貼心。我們點咗「嚟撐腳二人套餐」香爆黑椒牛仔骨煲牛仔骨煮得非常入味，黑椒的香氣撲鼻而來，肉質軟腍，仲有好多粉絲，索左個汁好開胃。金銀蛋浸白菜仔白菜仔清脆鮮嫩，金銀蛋的香味令味道更豐富。港式燈籠滷味拼盆有墨魚、火雞腎和生腸，都滷得入味，特別是墨魚同生腸，口感爽彈，令人食指大動。豬油撈飯真係唔可以錯過，豬油的香氣同飯完美結合，再加上香蔥，好正！楚撚記脆皮燒BB鴿皮脆肉嫩，鹹香適中，好正！食完仲有糖水送，有清心丸同番薯糖水，好滿足。

今日終於到人氣大排檔，平日都爆滿，好彩老友一早拎定位，裝修用港式大排檔設計設計，乾淨拔絲焦糖香脆腩仔-脆腩果然又香外脆，外面圍咗一圈麥芽糖，將麥芽糖夾住燒腩再點少少芥末食，好食椒鹽九肚魚-椒鹽炸蒜份量足，九肚魚炸得外脆內軟，惹味香口田雞煲-熱騰騰香味撲鼻。田雞內厚又嫩滑，豬潤大件唔鞋，焦香氣味十足獲氣夠黃金椒鹽粟米-粟米加鹹蛋夠邪惡，鹹蛋佈滿粟米，啖啖都有蛋黃味，加試上清甜粟米又幾match蕃薯糖水-蕃薯好甜，重薑味，飲完成身暧晒清心綠豆爽-清心丸大大粒綠豆清熱，岩晒食完炸嘢後助排毒，甜味不錯👍

最近去咗土瓜灣嘅楚撚記大排檔，呢間大排檔嘅氛圍好輕鬆，裝修好有地道嘅香港氣息，喺出面等位嗰陣仲有免費竹蔗茅根水飲。港式燈籠滷味拼盤，滷味拼盤可以喺佢個List度揀三種食物， 我哋就揀咗墨魚、生腸同火雞腎，各有特色，滷味味道濃郁，點少少芥辣同甜醬食就更加好味。墨魚食落去係爽唔會韌。香煎黑松露手打蓮藕墨魚餅，呢度嘅招牌菜之一，表面煎香咗，食落好彈牙，黑松露味道好香，搭配蓮藕嘅清脆口感，吃落去真係唔錯。椒鹽九肚魚，味道香脆，魚肉鮮嫩，椒鹽嘅味道唔會太重，鹹鹹地好香口。馬拉盞炒時蔬，我哋揀咗通菜，份量相當大。馬拉盞醬夠香，醬汁濃鬱，裏面仲有啲肉碎同蝦米，通菜仲保持咗鮮嫩口感，送飯一流。楚撚豬油撈飯，呢到除左有最普通嘅白飯仲有豬油撈飯，而家唔係太多地方有得食，所以我地叫左一碗食，食下回憶嘅味道。最後仲有免費糖水送，非常滿足。

每次經過都好多人排隊所以我都book咗枱先過嚟細細個已經成日食冬菇亭大排檔呢度真係好有兒時回憶無論係菜式，同氣氛都好好座位舒適，上菜速度快，店員態度都好好見到佢推出咗晚市套餐，兩位都係三百幾蚊嚟到梗係要叫返支啤酒用戰鬥碗飲啤酒別具一番風味飛天通菜煲一上枱已經聽到渣渣聲熱辣辣非常香加上辣椒絲同蝦乾更加惹味楚撚記原隻脆皮炸豬手呢個招牌菜見到好多台都有食原隻豬手已經切好外皮香脆，豬手肉鹹香軟腍好多肉架蜜椒薯仔牛柳粒招牌菜之一，好惹味食到停唔到口牛仔粒同薯仔嘅數量好平均每一粒都均勻沾上蜜糖同黑椒，牛柳粒都好林薯仔明顯煎香過，沾上蜜糖汁後都有點脆口最後，店員會幫你安排糖水今日有番薯糖水，同綠豆清心丸兩個都好好味食埋糖水好圓滿

琴晚同屋企人去咗土瓜灣間楚撚記大排檔食晚飯，餐廳非常人氣旺，近乎全場爆滿，裝修真係抄足以前大排檔，有一道道綠色嘅鐵閘&吊風扇，仲有啲有懷舊風味嘅菜牌同裝飾。楚撚記原隻脆皮炸豬手 呢個炸豬手真係好正，係招牌菜之一！外面脆脆的，入面肉質又嫩仲保留到肉汁同鹹香味，食落去有種滿足感。份量都算大，適合幾個朋友一齊分享。楚撚豬油撈飯 (碗) 呢碗撈飯好簡單，但味道夠香！豬油豉油自己份量隨意落，加埋蔥同芫茜就更加香。米飯粒粒包裹咗薄薄一層油亦吸咗豉油味，吃落去超級舒服。香煎黑松露手打蓮藕墨魚餅 呢個墨魚餅味道都好唔錯，外脆內軟，加咗黑松露，食落去有種奢華感。蓮藕嘅爽脆口感添咗啲特別，墨魚又Q彈，成個墨魚餅都好夠彈牙，值得一試。菠蘿拔絲咕嚕肉 (梅頭) 咕嚕肉食落去酸甜得啱啱好，除咗咕嚕肉裏面仲有菠蘿同水蜜桃，伴碟有拔絲，亦有幾粒叮叮糖，啱曬鍾意食糖嘅我。椒鹽九肚魚 呢道椒鹽九肚魚味道唔錯，魚肉又鮮又嫩，椒鹽調味又唔會過鹹，薄薄一層香脆炸漿，食落去有層次感。另外叫咗呢度嘅可樂，係樽裝上嘅，所以十分夠汽。埋單呢度仲有免費糖水，當日可以揀番薯糖水或者綠豆清心丸。前者糖水非常夠薑味，番薯又夠淋；後者清心丸煙

食得外國菜式多，係時候撚返本地小炒，早排新年時同事屋企食團年飯就撚咗嚟楚撚記，佢話叫咗9碟餸，9款都好好味，於是我就同另一半嚟試吓。今次因為得兩個人，所以試嘅嘢唔多，點咗三個餸+一個粥，包括：鳳尾蝦多士秘製香辣水煮花甲脆皮炸大腸蚝豉菜乾豬骨粥鳳尾蝦多士 - 一碟6件，件件都香脆，蝦亦都爽口彈牙。秘製香辣水煮花甲 - 基本上100%還原水煮嘅配料，只係主角換咗花甲，辣度啱哂我口味，配料仲要有吸味嘅豆卜、粉絲、白蘿蔔，仲有大豆芽菜，絕對啱哂鍾意食辣嘅人士！脆皮炸大腸 - 豬腸炸到脆卜卜，而每一件豬腸都配有一舊煎過嘅菠蘿，食落酸酸甜甜。蚝豉菜乾豬骨粥 - 配料十足，蚝豉大大隻，豬肉其喺係用咗排骨，啖啖肉。每一碟都好出色，唔怪之得無訂位嘅人要喺門口排隊！所以嚟之前記得一定要訂位先呀！食完仲要有甜品送之外，仲要唔收加一，同事果然無介紹錯！

今日朋友介紹去食土瓜灣既楚燃記大排檔，門口排哂隊咁一定好好食啦，急不及待入去試吓香爆黑椒牛仔骨煲 $128牛仔骨好香，煲仔上特別惹味，配埋粉絲超級正椒鹽九肚魚 $98椒鹽九肚魚熱辣辣好脆口，超多蒜茸好香，魚冇骨好滑啖啖肉脆皮炸大腸 （鳳梨底） $108洗得好乾正，唔肥，非常之脆，好有咬口，菠蘿解下膩飛天通菜煲 $92飛天通菜好香好惹味，好多蝦米仔，唔會太咸鹹魚雞粒炒飯 $92呢個炒得好乾身，雞肉粒炸過勁正，非常好食既炒飯

最近到人氣大排檔✨楚撚記✨吃晚飯餐廳長期爆滿，每次經過都見到非常有人氣💫💕乜都有得食👏🏻👏🏻網上見到介紹每碟都有獲氣，難怪全場滿座✨價錢合理💫而且份量十足，非常適合朋友共聚餐廳內裡裝橫用了港式大排檔設計😚新式大排檔環境乾淨原隻脆皮炸豬手 - $166這道菜的脆皮炸豬手外酥內嫩，皮 crispy，肉質保持了豐富的鮮味，搭配特製的醬汁，讓整體味道更加升華。分量十足，絕對滿足😍煲仔香焗白胡椒蝦 - $169胡椒的香氣與蝦肉的鮮甜完美融合。煲仔的做法讓蝦肉保持了彈性，非常惹味。猴頭菇蟲草花准山螺頭煲豬骨湯 - $118特別驚喜的老火湯，猴頭菇和蟲草花味道香濃，口感豐富，冇加味精，見到每枱都點呢款湯飲，足足可以分到5大碗！作為一個喜歡飲湯的人，這道湯的味道絕對合我心意。送既蕃薯糖水好好味，薑味十足😍