楚撚記大排檔 (寶光大廈)

營業中

休息中

冇野好講，非常正宗既大排檔味道！七味黃金炸一口豆腐外層酥脆可口，內裡則嫩滑鬆軟，質感變化與七味粉產生意外既碰撞，帶來意想不到既火花。菠蘿拔絲咕嚕肉簡直係重中之重，將上乘梅頭豬肉炸至金黃酥脆、鮮嫩多汁，相當惹味！

最近食得多西餐同日本菜，都好掛住香港嘅特色大排檔。今次嚟咗好出名嘅楚撚記大排檔。楚撚記主打多款特色小炒、海鮮等美食，款款都好有鑊氣，好滋味。蜜椒薯仔牛柳粒 $118每次食大排檔都必點薯仔牛柳粒！薯仔啱啱炸起，外皮香脆，內裡薯仔好綿密。牛柳粒size啱啱好，每粒都牛肉味濃，唔會韌。另外，仲配有青椒同紅椒，色彩豐富。所有食材都沾滿黑椒蜜糖汁，甜甜地之餘，仲有黑椒作調味。楚撚記小炒王 $108小炒王好香，好有鑊氣。主要材料有韭菜花、魷魚、蝦、蝦乾、白飯魚、腰果等。大部份食材都好爽口，口感非常好。魷魚、蝦等材料新鮮，白飯魚同腰果好脆。廚師將呢度菜炒得好香口，好好餸飯。蒜香骨（腩排） $108蒜香骨免頭嘅算好澎湃，又大量炸蒜，每粒都炸到金黃色，非常香口，撈飯一流。排骨都炸得啱啱好，肉質保留到好滑，好Juicy。配埋炸蒜一齊食勁夾勁香口美味。楚撚豬油撈飯（碗）$25 @1我哋仲食咗特色豬油撈飯，你們會提供白飯、豬油同豉油，我哋可以因應自己口味作調節。加咗豬油之後嘅飯特別香口。腐竹糖水沙冰（杯） $38最近仲有個好特別嘅腐竹糖水沙冰，飲落嘅味道就係exactly平時嘅糖水，將佢變成沙冰，口感非常特別

楚撚記大排檔西檸煎軟雞西檸煎軟雞嘅雞肉鮮嫩，加上檸檬嘅酸香，非常滋味，雞肉煎得金黃酥脆，外皮香脆，內裡保持多汁，淋上清新檸檬汁後，口感更顯爽口，十分開胃。特別鍾意廚師用檸檬片圍住碟邊做裝飾，非常精緻。鳳尾蝦多士（6件）鳳尾蝦多士係好多西方中餐外賣店嘅受歡迎菜式之一，經油炸煮理後，蝦肉依然新鮮、彈牙，搭配香脆嘅多士底，形成完美嘅口感對比。椒鹽九肚魚椒鹽九肚魚外脆內嫩，鹽香同椒香嘅搭配，更能夠提味，鹹香味十足，令到魚肉嘅鮮味得以充分釋放。搭配一點檸檬汁，風味更佳。清炒時蔬 - 通菜清炒時蔬有多款時蔬可以揀，都係以簡單嘅調味烹製，呈現食材本身嘅鮮甜。今晚就揀咗通菜，色澤鮮明，脆口爽滑，搭配蒜蓉嘅香氣，簡單又健康，讓人愉悅。楚撚豬油撈飯（碗）楚撚豬油撈飯大概係餐廳必試嘅一項。米飯吸收咗豬油同豉油嘅香氣，米粒分明，口感滑順。令人一口接一口。餐廳係免加一，又免茶芥，最後仲送糖水，紅豆沙同綠豆沙，滋味又清甜。

一进门就被复古霓虹灯和粤语歌包围，大排档烟火气直接拉满！！重点是每道菜都味道不错😭家人们！！！在香港土瓜湾挖到一家能把我香迷糊的大排档！！！谁懂啊😭从门头到菜品全是港片里的烟火气，吃完直接想按头安利给所有来香港的宝子！！🌟 咸蛋肉饼 ，肉饼厚实但一点都不柴，咸蛋黄被剁碎后均匀混在肉里，咸香沙沙的口感直接升华，我能就着这个菜炫三碗白米饭！！！🌟 咕噜肉 ！！上桌就被香气勾住，肉块超大，外皮炸得金黄酥脆，咬开还能听到“咔呲”声！酸甜酱汁裹得超均匀，是小时候吃的那种地道港式酸甜味，完全不会腻！🌟 飞天通菜 镬气直接拉满！！绿油油的通菜在猛火下快速翻炒，脆嫩爽口，蒜香味浓到骨子里，青菜都能吃出幸福感谁懂！！🌟 椒盐排骨 也是必点！！每根排骨都被炸得金黄焦香，咬开还能看到鲜嫩的肉汁，椒盐调味咸香适中，连骨头缝里都是滋味，啃到停不下来！！

呢間真係小熊貓嘅至愛❤️舒適寬敞嘅環境，掛住霓虹燈光，有復古嘅味道～ 琳瑯滿目嘅香港懷舊菜式，香港嘅正宗大排檔味道👍🏼🐷 拔絲焦糖香燒脆腩仔小熊貓第一次食到呢個咁特別嘅燒腩仔～ 好考功夫嘅拔絲焦糖圍住脆卜卜燒腩仔～ 隨着時間，焦糖慢慢溶化，甜味滲入燒腩仔度，入口香甜又鬆脆，加上正宗五層樓嘅豬腩肉，味道實在令人難以忘懷🦐 燕麥金沙蝦球口感十分豐富，充滿鹹香嘅鹹蛋黃遇上香甜嘅燕麥，同蝦球好夾，又鹹又甜嘅味道充滿記憶點，而且好送飯🌽 黃金椒鹽粟米充滿鹹蛋黃嘅鹹香味，亦帶有椒鹽味，十分惹味，食到停唔到口🦆 楚撚記脆皮燒BB鴿果然係皮脆肉嫩，加埋淮鹽同喼汁，肉味更加出色，又可以食多碗飯🙈🍚 楚撚豬油撈飯呢個真係夠晒經典～ 溫馨提示，一上枱好食啦，因為啲豬油要趁熱淋落個飯度～ 油滑嘅豬油香加上香甜嘅豉油，再加啲蔥花，入口有種溶化嘅感覺，香味喺口中爆發🥕 竹蔗茅根紅蘿蔔馬蹄水食咁豐富嘅晚餐，就叫返個馬蹄水嚟中和下，新鮮嘅馬蹄水好清甜溫馨提示：晚餐會附送糖水，今晚就有紅豆沙或者清心丸綠豆沙，兩款都好好味，甜而不漏

想食好耐但次次都book唔到位！放假終於的起心肝去食！果然真係好味😋📌香煎黑松露手打蓮藕墨魚餅手打墨魚餅口感彈牙配上蓮藕碎口感更有層次！識落還有陣陣黑松露香味‼️我的最愛🌟📌金沙黃金白飯魚熱氣之選🌟香脆的白飯魚🐟沾滿鹹蛋黃醬‼️作為下酒菜真係一流🍻📌菠蘿拔絲咕嚕肉每次去大排檔都必點咕嚕肉！店家選用梅頭來做😍所以肉質嫩滑！香脆的拔絲外層配上軟綿綿的肉！味道酸酸甜甜很醒胃！📌黃金炸饅頭伴煉奶新鮮即炸的饅頭，點上煉奶一絕！大推🌟📌懷舊豬油撈飯邪惡之選‼️其實我未食過⋯如果叫復刻版可以自己一手一腳炮製豬油飯😆味道很香，白飯粒粒分明好味道👅

呢間嘢個名都聽咗幾年，一路都冇機會食，今日難得去開土瓜灣，就去到哩間食。食飯時間七點未到去到，入面都差唔多九成滿，唔少一家大細喺度食飯。椒鹽九肚魚表面嘅脆漿夠薄，入面嘅九肚魚就好軟滑，椒鹽分佈均勻，熱辣辣夠晒香口。香爆黑椒牛仔骨煲黑椒牛仔骨哩啲鑊氣小炒，去到大排檔點可以唔嗌黎試下。份量唔細，牛仔骨大大舊骨連肉都有六舊咁上下。肉質軟嫩易咬又入味，配埋索哂黑椒汁嘅粉絲，送飯一流。難忘漁港蝦醬骨（海山骨）海山骨哩個名我都係第一次聽，蝦醬炸排骨未食真係想像唔到咩味。望落去咋得金黃酥脆，食落去蝦膏嘅香味濃而不咸，有驚喜。排骨肉質軟熟得黎有口感，完全唔柴。楚撚豬油撈飯（碗）米飯被啲豬油豉油包裹住，再加埋芫茜葱花，食落香口得黎又唔會覺得好油膩。臨尾仲有糖水送，今日係紅豆沙同綠豆清心丸，好圓滿嘅一餐。其實仲有好多菜式都想試，但係今次得兩個人就食唔到咁多，如果一大班人黎就可以試多幾款。整體黎講呢間嘢都幾唔錯，坐得舒服，環境乾淨，裝修有特色。侍應們嘅服務態度都唔錯，住附近真係會當飯堂。

這間位於土瓜灣的【楚撚記大排檔】，主打鑊氣小炒，有多款特色懷舊小菜，椒鹽系列等，價錢貼地且份量十足。香煎黑松露手打蓮藕墨魚餅這個墨魚餅是招牌菜式之一，陣陣黑松露香味配搭上彈牙墨魚膠及爽脆蓮藕，送酒一流。菠蘿拔絲咕嚕肉咕嚕肉炸至外脆肉嫩，一口一件而且啖啖肉，醬汁剛好掛在咕嚕肉上，酸甜開胃。燕麥金沙蝦球每粒蝦球都沾滿了咸蛋王醬及燕麥，味道比較咸香濃郁，蝦球新鮮彈牙。炸饅頭饅頭炸至金黃色，幾有彈性，點上煉奶更添風味。最後還送上糖水。這裏無需加一茶芥，適合朋友聚會。

📍 楚撚記大排檔 - 土瓜灣好耐不見的楚撚記🥢突然好才想食大排檔，但係呢啲天氣又好焗熱，只想坐喺一個有冷氣嘅地方，所以每次都會揀楚撚記，啲飯餸大大碟，可以同朋友share，又可以食懲多啲款式！最鍾意嘅就係懷舊氣息😍✨星洲炒米好有鑊氣好香口，配料亦都好多，份量大大碟，啖啖都食到餸，又唔會太油膩，帶點微辣，真心推介👍✨枝竹火腩豆腐煲上枱時咋咋聲，火腩有層層肥豬肉，入口即化，醬汁唔會太濃郁，仲有枝竹同冬菇搭配，撈飯一流🍚✨菠蘿生炒骨佢個生炒骨份量超多 而且每舊既肉都幾多 唔會話淨係得骨 個炸皮都唔會好厚個醬汁酸酸甜甜，幾開胃😍✨ 干煸四季豆最特別係麻辣既醬汁，本身以為只係乾炒，但係竟然會有麻辣，真係好驚喜。四季豆炒完仍然保持翠綠，醬汁再加埋肉碎可以用嚟撈飯，亦都唔會剩係得死鹹😍✨楚撚大檸樂清新檸檬香氣，帶有涼爽的凍檸水氣息，食飯飲杯檸樂，好過飲酒🍻

這間店不是第一次來食，但這間分店第一次食，環境像懷舊中式酒樓🙂 食物鑊氣十足👍🏻水準依舊「黃金椒鹽粟米」 前菜來個小食，有椒鹽也有咸旦黃，好香口，送啤酒應該一流了，不過當晚要揸車，打消了念頭😃「沙爹粉絲金菇牛肉煲」 這個一定要配白飯呀，沙爹野味，是懷舊正宗味道，成碗飯食哂🤣「椒絲腐乳炒時蔬」 夠鑊氣，炒至閃閃綠綠，脆口👍🏻 腐乳夠香「豉油皇煎大蝦」大蝦用豉油皇炒係特別香口，而且蝦肉厚身，啖啖肉☺️最後仲為我們送上糖水 「紅豆沙」，起哂沙架，正！完美！

最近和朋友到了土瓜灣的楚撚記吃小菜。之前在荃灣區也有嘗過，今次一樣沒有失望。 牛仔骨煲$128蒜香醬汁濃郁，牛仔骨有口感，肉汁滿滿。煲仔上菜熱辣辣，配飯一流。 豉淑炒蜆$105炒蜆粒粒分明，口感十足，豉汁充份與蜆肉融合，十分惹味。 香煎黑松露手打蓮藕墨魚餅$118必點煎物。濃郁黑松露味道配上厚實有咬感的蓮藕墨魚餅，每口都十分滋味。 竹蔗茅根紅蘿蔔馬蹄水$78吃小菜配上健康自製的飲品，清熱氣，甜度剛好，足料。一支足夠幾人飲。 最後還有免費的糖水綠豆清心丸、蕃薯糖水清甜健康解油膩 很有家的味道

有一段時間冇嚟食呢間大排檔小炒，今日再同朋友嚟返尋味，餐廳裝修充滿大排檔風味，氣氛十分熱鬧。小炒鑊氣足，份量大，性價比高。椒鹽九肚魚新鮮炸起熱辣上桌，九肚魚外層酥脆帶微辣椒鹽香，內裡魚肉嫩滑無腥味，佐酒一流！咕嚕雞球酸甜汁調得恰到好處，好開胃。雞球外皮薄脆，雞皮脆到好似薯片咁，肉質juicy，驚喜是除有新鮮菠蘿外，還有蜜桃和彩椒，爽口解膩，有誠意。 沙爹粉絲金菇牛肉煲沙爹香氣撲鼻，粉絲吸滿濃郁醬汁，牛肉片量足且嫩滑，金菇和芽菜增添口感，配白飯的話，起碼食兩碗飯。 乾炒牛河大排檔必點，呢度炒得超有鑊氣，充滿豉油香，河粉爽滑連埋芽菜絲一齊食好爽口，牛肉炒得好嫩滑，大大塊，好滿足。仲配埋牛河必備的辣椒醬，超惹味。總括而言，呢度的小炒高質，三五知己一齊share，可試多些款式。餐廳最後仲送我哋紅豆沙同埋綠豆清心丸做甜品。

餐廳門前擺放了自家製熱飲，讓等位的顧客暖心。內部裝修充滿老香港情懷，舊海報、霓虹招牌、綠色鐵閘等，播放著80年代粵語金曲，充滿懷舊氣氛。餐牌上很多創意經典粵菜，選擇非常多。「蜜椒薯仔牛柳粒」新鮮炒起，熱辣辣送上，香氣四溢。材料有薯仔粒、青椒、洋蔥、牛柳粒等。牛柳粒腍軟味濃，薯仔粒煎得香口，再掛上甜甜蜜汁，非常惹味。「拔絲焦糖香燒脆腩仔」賣相別緻：燒腩仔用拔絲糖膠圍起來，如一個雀巢。燒腩仔皮脆肉嫩，肉汁豐富，雙重口感。配上甜絲絲的糖膠，又把燒肉味道提升一個層次。「咕嚕雞球」雞肉去骨，啖啖肉，外皮酥脆，酸甜芡汁味道適中，送飯最合宜。「竹蔗茅根紅蘿蔔馬蹄水」自家用老火淆製的馬蹄水，真材實料，味道天然，清甜降火。最後還有糖水“綠豆爽”和”紅豆沙’’奉送。這裏的菜式夠鑊氣，兼有創意。在懷舊金曲下享用了一頓美味菜餚。

「楚撚記」大排檔的拔絲焦糖香燒脆腩仔，看到網上照片感覺非常吸引，今晚特意來嘗味。門面並不吸引，走進用餐大堂才驚覺地方之寬大，媲美大酒樓。大排檔裝置不乏懷舊霓虹光管招牌，和不少綠色鐵閘作點聚。細味多款小菜，「楚撚記」保留著大排檔的特色，上菜快、有鑊氣、貨真價實和免加一小費。店內有免費 Wi-Fi 和 有兒童餐椅，真的很週到。營業時間頗長：5:30pm - 12nn，我好奇地詢問女服務員，原來方便演唱會入場前散場後也可以吃飯！開飯啦！拔絲焦糖香燒脆腩仔 ~鳥巢狀拔絲圍住脆腩仔，賣相很不錯，拔絲焦糖香甜脆口，腩仔皮脆肉鮮又鬆化，腩仔的鹹香，焦糖的蜜甜，雙重脆口感，令人不甘回味。蜜椒薯仔牛柳粒~薯仔走過油，令薯仔口感帶焦香，薯仔與牛柳粒掛上黑椒及蜜汁，味道一流！豉汁排骨蒸陳村粉~呈片狀的陳村粉口感爽滑，用豉汁排骨蒸，味道很清爽。很有驚喜免費糖水奉客，也是一絲不苟，兩款糖水讓客人有選擇，而且甜度適合，不會過甜。椒鹽鮮魷~爽脆彈牙的魷魚配合適當椒鹽，鹹香冶味，酥脆可口。清心丸綠豆爽~我的至愛，清心丸有煙靭嚼勁，綠豆粉糯又健康。紅豆沙糖水~很綿密、清甜，添少許花奶令顏值大增。

呢間大排檔真係有驚喜！平時經過都見人頭湧湧，今晚終於試到，果然名不虛傳，每道菜都夠晒鑊氣😍金沙鹹蛋黃九肚魚：一上枱就聞到陣陣鹹蛋黃香，炸得金黃酥脆，咬落去外脆內嫩，九肚魚肉滑到不得了，完全冇腥味。最正係個鹹蛋黃外皮，鹹香得嚟又帶少少沙沙口感好正😊楚撚記小炒王：呢個真係超有鑊氣！韭菜炒得爽脆，蝦乾大大隻，鹹香十足，腰果仲keep到脆口，加埋啲銀魚仔，口感豐富到爆，食到停唔到口！ 蜜椒薯仔牛柳粒：薯仔外皮炸到微焦，入面粉糯，牛柳粒嫩滑唔韌，蜜糖同黑椒嘅比例啱啱好，甜中帶辣，好惹味！唯一可以再好啲嘅係薯仔可以再脆少少，但整體已經好正👍🏻楚撚豬油撈飯：簡單但邪惡到極點！豬油撈勻熱飯，再加啲頭抽同蔥花，香到不得了。飯粒油潤飽滿，每一啖都係童年回憶，忍唔住食晒成碗😍綠豆沙清心丸：最正嘅係晚飯有糖水奉送，食完咁多濃味嘢，呢碗糖水真係及時雨！綠豆沙甜度剛好，清心丸煙韌有咬口，飲完成個人涼浸浸，完美作結👍🏻呢間大排檔，枱凳一啲都唔迫而且好乾淨仲有冷氣，伙記手腳快又友善。晚市最好早啲到，唔係就要等位。 人均$200左右，食到飽飽兼滿足，鑊氣足、味道正，絕對會再嚟！尤其係個金沙九肚魚同豬油撈飯，真係食過返