棋子燒鵝 (長沙灣道)

營業中

休息中

2023年2月15日 (星期三) 11:40am 15°C 店內裝潢現代時尚，但是餐桌與餐桌之間的距離近，變得焗促擠迫。 環境光亮整潔，餐具乾淨。 人數：2 人 HK$96 不用等位 叉燒公仔麵 - 叉燒肉質偏乾，咬下有靱的感覺，麵條軟腍。 叉燒意粉 - 叉燒肉質偏乾，咬下有靱的感覺，意粉軟硬適中。 香滑炒蛋 + 火腿 - 本人最欣賞的是炒蛋，顏色金黃，光澤亮麗，蛋味香濃，極度滑溜。火腿味道正常，不會太鹹。【推介之選】❤❤❤ 牛油厚多士 - 方包厚切，牛油塗抹量適中，烘烤後更香脆。 熱奶茶 - 非常濃滑，早晨一杯，格外提神！【 溫 馨 提 示 】：❶ 不收加一服務費

尋日行深水埗時，入去長沙灣道棋子分店，當時係下午5:50 分，門口有牌寫住下午茶至六點。當入到去已經聽到有一個阿姐就同另外個顧客講冇下午茶，咁跟住之後我就問阿姐佢都話俾我聽停咗，我就反問佢你個招牌寫住下午茶至到六點依家係5:50分，點解會冇。佢都冇乜理我，可能係因為好多外賣做緊佢話做唔切，跟住我再叫佢，叫公司改返個水牌之後我就走。

 本人曾经於八月七日到深水埗棋子買燒味,到達收銀位,女收銀離崗走去上菜！通知我等等！不约分鐘回崗又叫我企另一邊！我當時已準備落单燒鵝半隻！她又話我企位不妥,不跟我落单！我只好大聲問下企那裏才对！當時燒味檔有人大聲講為什麼大聲,本人是行動不便需持拐杖六十多歲老人家,只想買燒鵝及腩及义燒固家食用,在貴店門口被收銀戲弄！我只好乘地鐵往尖沙咀分店買！

燒鵝有柴火味不錯,但鵝太瘦無乜肉食,且份量太少。最驚嚇的就是义燒,無味且好似煲湯的瘦肉一樣.毫無义燒味道可言。結論......燒鵝免強可以吃。但义燒就得避而遠之。

返工突然想食燒味，就諗起棋子燒鵝，次次經過都比門外嘅燒鵝吸引！😂😂最後揀左燒鵝五寶飯同半隻桶子豉油雞，可以一次過試曬咁多樣嘢～😋😋燒鵝五寶飯-$44門市自取要$63，但我係foodpanda買外賣自取買滿$130，有45%折扣，只需要$44！非常抵食！👍🏻入面有燒鵝：入口皮脆，油脂分泌加上餓肉，都算唔錯，不過偏少⋯叉燒就十分推介，肥瘦剛剛好，入口好香口，肉質軟嫩。桶子豉油雞-$48.4好抵食好大份，好有醬香味，但肉質有少少老。

專食燒味既餐廳，有個唔識斬野既師傅買個外賣斬到個份量勁少！得果6細舊仔！食左一啖真係忍唔住要上黎投訴價錢已經唔係平過人服務態度又冇真係唔好再幫襯！棋子真係做衰晒棋哥個招牌！打電話去投訴仲要等勁耐先搵到負責人聽！

依家晚晚要諗食乜，最方便都係斬料，見呢間有得嗌二人餐，外賣自取仲有75折就膽粗粗試吓，結果就預上左一隻唔愛運動既豬同鵝😮‍💨。🐒2人餐💰$278(折後$208.5)👉🏻燒鵝👉🏻叉燒👉🏻油菜👉🏻🍚/🍜👉🏻老火湯/飲品(花生眉豆雞腳湯)叉燒偏肥，可能係咁岩個日比左肥叉我地，所以如果怕肥既話最好remark下，燒鵝就夠香，不過都係肥，所以都預左無咩肉食個湯反而唔錯，諗住都係會係好咸既味精湯，結果比想像中好。🐒鹽焗手撕雞(半隻)💰$70(折後$52.5)雖然斬料方面份量少，但手撕雞反而表現唔錯，份量多味道都幾好，折左既話都幾抵食

 間唔中都想食下啲港式啲貼地啲，平靚正既野，呢間棋子燒鵝有好多款燒味賣，叉燒、燒鵝、燒腩仔、白切雞、燻蹄，乜都有，甚至仲有手撕雞同埋黯然銷魂飯添🤣嗌外賣既話平均都係四十幾蚊一個飯盒，飯盒入面飯量極多😳絕對夠兩個人食，仲有包多碗例湯或者飲品，夠曬抵食！ 1⃣️棋子叉燒飯（$40）叉燒有8至9件，算係切得比較厚，亦都係半肥瘦，食落唔會乾爭爭，不過叉燒食落冇蜜汁香，而且飯底冇乜豉油，飯都偏乾，算係份量取勝。跟餐既花生眉豆雞腳湯，好足料，成碗湯都裝滿曬啲湯料，而且飲落唔會好鹹，都唔錯👍  2⃣️鹽焗手撕雞飯（$40）個飯同手撕雞係分開裝既，份量都算多。手撕雞帶皮，食落都幾滑身，調味算係偏重手，鹹左啲，但係加埋啲芝麻，係香既，而且好下飯😌 

外賣叫左燒肉瀨粉，半個鐘到就送到黎，都幾快。燒肉、瀨粉同埋湯都係分開，唔會浸到淋晒，幾好。燒肉嘅份量都幾多，咬落都幾脆，$60，外賣質素來講唔錯👍。湯底應該唔係味精湯，比較清，瀨粉可以再多D就好喇。

吃了多次下午茶. 最近兩次食燒鵝瀨粉. 兩次都系給燒鵝髀, 但过熟. 皮好苦, 肉又乾又韌. 請送上飲品的亞姐, 給多一杯清水, 她回應轉頭給. 最近兩次都係佢, 亦系一樣咁樣回應, 然後杯水就冇咗影. 之前食嘅下午茶係有水準嘅！ 唔知點解最近變成咁樣！

今天來到深水埔工作，忙完後找lunch吃，經過這間棋子燒鵝的餐廳，看見它的燒味十分吸引，特別是燒鵝，所以決定一試。我點了一個棋子叉燒燒腩肉雙拼飯。它的叉燒和燒腩肉很大件，很正呢 🤤🤤而叉燒的肉不會過肥，咬起上來很多汁 Juicy.另外燒腩肉的皮很脆口，配上厚厚的腩肉，口感有多層次的衝擊，令咀嚼的時候很有滿足感，想大口大口的繼續吃下去呢！它的飯有很多，不會怕不夠飽，而且還有兩條菜心可以吃。這裡的燒味飯也很不錯呢！

放假去左深水埗買電腦野，之後去咗長沙灣道「棋子燒鵝」食午餐。顧名思義，店舖主打燒鵝，同時有各式明爐燒味或港式下午茶/常餐，定價適中原隻燒鵝髀飯店舖精選五斤四両的黑棕母鵝，採用獨特醃製配方及煙燻技術，使得鵝肉散發着陣陣荔枝柴煙燻香，配上秘製醬汁，非常滋味，佐飯一流！難怪大多數客人都係叫一碗燒鵝飯或燒鵝瀨粉～全日常餐棋哥叉燒米粉當然也需要試試！叉燒係半肥瘦的，香軟腍滑，帶有甜甜的蜜汁香，好好食哦香滑炒蛋及火腿配方包炒蛋果然夠哂滑，充滿蛋香🥚方包烘至金黃香脆，正呀！桂香切雞米下午茶套餐有多款選擇，另外叫多咗個桂香切雞米。切雞份量都幾多，雞肉口感嫩滑，鹹香滋味。同爽口幼滑嘅米粉好夾港式熱奶茶及熱檸茶奶茶夠絲滑，茶味香濃👍🏻檸檬茶酸甜解膩

收到柯打今晚要斬料加餸， 放工正好經過深水埗『棋子燒鵝』。 念念不忘佢嘅燒鵝～店舖新開張，地方乾淨～ 廚房乾淨企理， 比起其他地鋪茶餐廳食得更放心！燒鵝飯$50份量好足， 念念不忘就係佢芳香嘅鵝肉， 一試難忘 ！鵝皮更滲出煙燻柴火香味～ 鵝肉唔算好肥但肉質一啲都唔韌， 有肉汁， 每一件都是享受。😋👍一定要試佢嘅蜜汁叉燒（$60半斤）， 選用了腩位， 唔需要半肥瘦也入口軟腍， 肉質鬆化，蜜味甘香。 叉燒色澤自然冇多餘色素， 屋企人讚不絕口！💖😋分量好足$60半斤似乎平過我喺街市買～ 這裏衛生啲仲美味啲！！鹽焗手撕雞半隻$68手撕雞啖啖肉 ，落單後先即撕即撈～ 雞肉肉質嫩滑， 雞皮夠爽， 鹽焗惹味香囗，最啱佐酒！忍唔住叫多個麻辣手撕雞小食($28)， 怕屋企人唔食得辣。 竟然唔算辣， 麻味唔重不過麻香十足， 叫人一吃上癮。 堂食下午茶價錢比連鎖茶餐廳更相宜～ 下次可以 堂食試吓其他港式茶餐！！

琴晚放工去左位於深水埗既棋子燒鵝買外賣反去加料，位置好方面；一出地鐵站轉彎就到，而且店舖格外乾淨，加晒分！鹽焗手撕雞半隻$68：吾想成隻雞食，可以選擇手撕雞。手撕雞有兩種味道比客揀－麻辣或鹽焗。吾食得辣既我就揀左鹽焗味道－味道咸咸的，雞肉嫩口吾鞋；就算拎到反去刀吾會出晒水甘！當中既雞皮又吾太肥，仲有沙薑味。爽脆海蜇 (半磅) $70：相信大人同小朋友會中意食海蜇，餐廳同時可讓客人揀全份或半份。半磅既海蜇吾會太少，用黎送飯一流啊！海蜇口感好爽口，味道吾會酸，不錯！燒鵝五寶飯 $63：五寶飯包有油雞，燒鵝，咸蛋，紅腸，叉燒。賣相幾大份，油雞口感同樣好嫩口；燒鵝吾太油，而且好香，啖啖肉；咸蛋大大隻，用黎送飯一流；紅腸大片又甜甜地；叉燒半肥瘦，口感吾硬。飯粒口感軟熟，整體也不錯啊！

去深水埗運輸署辦理一些汽車手續，之後要去買燒肉拜神，因為今日係十五，記得之前女兒去過棋子燒鵝斬料加送，味道唔錯，咁啱黎到深水埗分店，一於斬斤燒腩仔回家拜神。燒腩仔係燒大豬嘅五花腩部份，會先將腩肉本身嘅肋骨起出，食嗰陣只有脆皮、嫩肉同肥膏，燒腩仔以皮脆肉嫩為上品，肉質肥瘦相間，咸香滋味，加上鬆化香脆的豬皮，送啤酒一流！順便買多兩個飯盒，唔洗煮飯，燒鵝飯：.鵝皮色澤赤紅帶光澤，鵝皮帶煙熏香，油脂豐盈不膩，吃落有濃郁鵝味。叉燒飯：叉燒有蜜味而且腍身，但食落又唔嚡口，也有肉汁。