桂花小幸 (將軍澳廣場)

營業中

休息中

🔎將軍澳唐德街1號將軍澳廣場1樓133-135號舖「台式風味小店」- 桂花小幸雖然暫時未有得飛台灣，但又好想食台灣料理，於是近近地搵間係屋企附近既去試下，估唔到有意外收穫。首先由店鋪裝橫已經俾人一種好有台灣小店個種親切咁，以木為主題既餐桌餐椅簡單得黎又坐得舒服。唯一唔滿意既係店面冷氣頗大，我坐個張枱頭頂對正冷氣，吹到頭痛。落單可以用枱面上既QR code用手機點餐，都幾方便，又或者坐低之後行出收銀點餐。滷水豬手 ($58)豬手炆得幾淋，而且幾入味，唔會過咸。份量亦幾多。呢間餐廳既豬手表皮既毛去得好乾淨，唔會令人望落反感。好似我咁著重小節位既朋友可以放心order三盛牛肉米線—紅燒湯 ($68)一上菜第一個感覺係…好大碗！入面有5-6舊厚切牛展，兩粒彈牙牛丸，幾舊紅白蘿蔔。牛展唔會un又唔會痴牙，最好搵人同你share呢碗麵，咁就可以試多幾個小食喇!鹽酥雞排滷肉飯 ($58)呢個有少少失望，首先珍珠白飯好濕，會痴埋一pat pat，口感普通。其次係飯面既滷肉冇乜味，食落只係普通肉碎，冇台式滷肉既感覺。最後主角 — 鹽酥雞排唔脆身，上菜時亦都唔夠熱。不過勝在唔油膩，食完唔會滯住滯住。381

今日去咗男友公司附近既將軍澳廣場同佢食飯， 千挑萬選揀咗呢間台灣嘢😁 因為被佢近門口位置嗰個飲品位吸引左，而且呢間餐廳好多人排隊應該唔會差得去邊😂我哋大約等咗15分鐘左右就有位，呢度係偏向自助形式，坐低後自己去收銀處落單俾錢💰，唔駛收加一都幾好👍我地兩個人叫咗一個晚市嘅三杯雞套餐，包咗時菜同埋燉湯，加配鹵水蛋小食($6)， 另外單點左一個鹵水豬肚台灣麵配紅燒牛肉湯底，加配鹵水豆腐小食， 仲有一杯可可珍珠加曲奇碎半甜，好豐富😁首先黎左個鹵水豬肚面，即刻試個湯底，好好飲😱 有好香濃既牛肉味同藥材味，但一啲都唔“蘇”同完全唔味精，亦唔會太咸，豬肚全部都係爽口偏深色唔係韌到咬唔開果種，好食😋 麵有趙口，唔會煮得太淋😍三杯雞有好香既九層塔味，唔會太油，煎得幾香口，時菜係蛙蛙菜，上湯底，清清地亦係一啲都唔味精，麵面頭有啲黑芝麻會香啲👍可可珍珠既珍珠好煙韌，濃濃既朱古力味，叫左半甜剛剛好好滿意既一餐，會encore👏

今日經過呢到，覺得呢間餐廳個多好靚，又估唔到係食台灣野，所以就入左去食。 我一見到menu諗都唔使諗就叫左鹽酥雞排麫，我真係好鍾意食台灣鹽酥雞排，本身仲諗雞排加紅燒湯會唔會好奇怪，但竟然係出乎意料既好。雞排炸得非常好，外皮酥脆鹹香，雞肉就好嫰滑，而紅燒湯濃得黎唔會嗆，唔會搶味，配埋雞排都夾到。 而朋友就叫左個蕃茄水餃麫，水餃好足料好飽滿，咬落肉同菜既份量好多，而且好新鮮，有水準。而蕃茄湯底亦都唔錯，好濃郁，加上蕃茄既鮮味都幾重，唔錯。 為食既我就當然唔夠喉，所以就叫多幾個小食。呢個香脆墨魚腸片煎得好脆口，而入面又有好多彈牙既墨魚肉，有雙重口感。而味道亦唔錯，墨魚肉既鮮味濃郁，配上台灣腸既口感，幾有水準。 相對黎講，花枝丸冇墨魚腸咁彈牙，但鹽酥既外皮就加左分。外板既調味岩岩好，鹹得黎又更加提升左花枝丸既鮮味，食落香脆可口。 這兩款小菜滷水蛋同滷水豆腐都是追加的，十分平價但質素卻不差，滷水味雖然不算重，但食材都十分新鮮。 食到口喝仲有好多飲品揀，荔枝QQ綠茶既綠茶茶味唔算好濃，但幾清香，再加上有淡淡既荔枝味，味道不錯。而QQ亦吃得出是高質素的，口感不錯。 芝士奶蓋白桃烏龍茶既芝士奶蓋整得

星期五晩等位等咗廿十分鐘, 以為好正, 好似常常滿座。 食物唔熱, D菜又鞋又老, 鹵豆腐冇味, 塩蘇雞D皮又硬又唔脆又冇味, 煎餃子變炸餃子, 仲要唔係平。 去茶X好過, 好佢100倍。 我唔係打手, 係真消費者! 🌋唔知有冇翻兜客人, 有就應用係無味覺的!

要先找位子，再到收銀處說枱號點餐，可同時點舖旁邊的台式飲料。點了Tea set $38 半份花生醬奶油多士+桂花雞翼+蕃茄米線，另外點了$28凍鐵觀音珍珠鮮奶茶。奶醬多士正常夠醬，我諗個餐得呢樣係正路。雞翼有兩隻，配一碟仔桂花糖醬，如果就咁食只係普通炸雞翼味。蕃茄面好細碗，碗口細過手掌，拳頭都大過堆面。鐵觀音珍珠鮮奶茶是很差，雖然點了少甜少冰，但它的問題是很稀，好像水開一樣，有甜味無茶味，低於一般台飲水平。天呀，啲好評從哪來，如果點我呢個餐真心完全唔掂。

一直知道將軍澳廣場裏開了「桂花小幸」這家台式餐廳，但一直沒有吃過。這天終於和朋友相約在這裏，試了一下。進到裏面，發現這裏的裝潢頗為簡潔舒適，而且空間尚算寬敞。在網上看到這裏最有名的是台灣麫，我們便各自點了一個麫食，再另加了一個小食，閒談起來了。首先送到的是8隻煎餃子。還有伴隨着的醬汁。煎餃子的賣相極佳，表皮煎至金黃色，微焦，加上整碟餃子都散發着香氣，剛放上桌已是極其吸引。我和朋友二話不說，便各自夾起了一隻餃子，吃了起來。小弟先沒有沾醬汁，就這樣吃了一口。一咬下去，裏面的醬汁便爆了開來，醬汁的質感頗為稠濃，而肉味亦十分濃郁，雖然是煎餃子，但吃起來竟有一種小籠包的感覺，以這個價錢來說實在是極高水準。再加上餃子香脆的外皮以及裏面頗豐富的肉饀，性價比十分高，值得一試。而小弟後來亦偷聽到鄰座的食客稱讚這裏的煎餃，想來是一向為人稱道的。很快，我們二人的麫食亦送到了。小弟點了一個特濃蕃茄雞排麫，而朋友則選了蕃茄花枝丸麫。在這裏，小弟不得不讚一下雞排，實在是炸得非常香脆，加上雞排肉質亦頗有口感，若是喜歡台式炸物，特別是炸雞排的，可以試一下。除此之外，這裏的蕃茄湯底亦不錯，味道十分濃郁，對得起「特濃」這

假日訓得太耐，兩點先出發去食野！估唔到都仲有咁多人係出面排隊🙈我地兩個人等左10分鐘~決定叫一飯一麵加個小食同飲品👀三盛紅燒牛肉麵 （$68 ）貪佢乜都有，牛𦟌、牛腩、牛丸，每樣至少有兩件👍牛𦟌好厚切，而牛腩夠淋之餘仲一d都唔韌😋配菜仲有蘿蔔同白菜。我勁中意個麵質，夠哂彈牙！鹽酥雞扒滷肉飯 （$58 ）雞扒炸得外脆內嫩，切了一塊塊方便食用😋鹽都夠既，略微不足就係個皮厚左少少～滷肉飯好大碗！超抵食～涼拌黑醋茄子 （+ $12）推介！茄子好入味，酸酸甜甜再加少少辣，勁開胃！而且茄子大大舊，一啖放入口超滿足！芝士奶蓋阿里山金萱（$28）茶底係用一大個茶包泡既，芝士奶蓋好特別，咸香味唔會好勁，反而有陣淡淡地既雲尼拿味，價錢合理，可以一試！飲品選擇都幾多🤩

早前到訪過將軍澳的四季良晨，非常爆場，味道也是相當不俗。今日到訪從慈雲山過來的桂花小幸，想不到那種文青風格也同時在這裡看到。除了文青風跟四季良晨相似外，原來餐牌內容也是十足近似，良晨是分店嗎？不過四季超爆場，2人枱也等了5分鐘才有。上次點了牛三寶飯，但由於牛肉不是浸湯，所以很快就冷卻了，今次再來當然要點牛肉麵。$68的牛三寶麵吃起來比較稔身細滑，雖然不煙韌Q彈，但就很適合我們這些下班後，拖著疲憊身軀的人們，比較容易消化嘛！牛筋牛腩也是都煮得稔軟。番茄湯底甜中帶微酸，也不會有極渴的味精感，那種鮮甜，非常易入口。朋友的四寶麵則多了花枝丸跟豬手，貫徹始終我喜歡於下班後品嚐一下那種稔軟，尤其把豬手經長時間炆煮後，骨膠原效果非常不錯。最後又試了最新的阿華田脆脆(因為我落單後改了單，所以貼紙不正確），忌廉濃厚細滑，加上我最愛的曲奇脆脆，只能說是正點吧！

今日又去將軍澳食午餐，兜兜轉轉考慮食邊間時瞥見這間鋪頭，名字又幾清雅，而且幾多人食，正好可以一食過究竟其實係台灣食店，除咗可以堂食外，還有個茶飲位拱外帶飲品，而且係自肋形式，自行到櫃檯點餐付款，再由店員送餐擺設和裝潢都好雅致，給人舒服隋性的感覺。安插一列紅磚牆，特顯文青色彩以台式料理小食和牛肉麵為主，價錢由本$28～$78不等，主食套餐還可以加錢配小食和飲品另一主力係茶飲，豆乳丶台式奶茶、芝士奶蓋丶果茶…應有盡有。炸排骨鹵肉飯套餐，份量超多，除炸排骨和鹵肉飯，仲有個前菜酸青瓜和千島醬炸排骨即係帶骨炸豬扒，炸得乾淨俐落，沒有過多的粉漿和油膩感，香軟鬆脆。而鹵肉飯鹵得芳郁入味，送飯良配鹽酥雞扒麵，揀咗紅燒牛肉湯底，雞扒炸到好脆，吃的時候＂卡擦卡擦聲＂，炸到咁脆雞肉也keep到多汁嫩滑。個麵較幼細，爽滑彈口，索咗牛肉湯後更好味，且不覺口渴，不是味精湯我哋仲叫咗個小食，呢個比較特別，叫桂花雞亦。大多數台式食店的雞亦都以鹵水為主，而這家有炸雞亦出品，確實意料之外，更特別係佢個名，桂花雞亦。如何桂花？其實係將雞亦點落個桂花汁嚟食，估下個汁咩味道，初初以為係醋，但其實係糖水，㸃落去食完全沒有違和感，

之前黎將澳探朋友已經食過一次呢間台灣野, 不過係食LUNCH, 覺得水準已經不錯, 所以今晚都再ENCORE多次, 試下其他野!!上次LUNCH好似得1,2張紙, 夜晚MENU好多選擇, 花多眼亂, 真係揀左勁耐先揀到, 呢間係要自己揀好左出出面CAHIER自己點餐, 好似好多台灣CAFÉ都中意咁樣, 都OK既, 叫完野食, 好快就送到, 真係好快, 肯定唔使10分鐘!!勁!!我叫左個燉湯餐, 超豐富!鹽酥雞排卤肉飯+椰子雞湯+上湯浸時菜$76OMG!!好大碟雞排啊!!!仲要炸到外表脆脆, 好似去左台灣夜市咁, 雞肉嫩, 夠熱, 不錯, 卤肉飯望落細細碗, 其實份量不少啊, 卤肉唔咸唔肥, 岩岩好, 撈飯真係一流, 比起白飯, 咁樣會不經不覺都食多左好飯!! 椰子雞湯個味道就淡左小小, 但睇得出材料真係好多, 我個碗入面至少都有3舊棷子4舊雞!!!再加埋個時菜, 我真係好飽!!!(仲要叫左小食)朋友就叫左個呢度出名既台灣麵! 地獄三盛牛肉麵$71我估地獄意思係指好辣, 但原來叫餐既時候都係可以再揀辣度, 佢叫左麻辣小辣~原來個辣仲係另上, 真係好貼心, 開頭見佢碗麵平平冇奇, 但一加左

星期日湊巧天氣好，就相約朋友跑下步，跑完就當然要補充體力啦，小食就最啱嘞！而朋友就推介呢間喺將軍澳廣場，主打台灣食品嘅桂花小幸！甫入店中，已被具有台灣文青cafe嘅裝修吸引！布置簡潔，讓食客坐得舒適！望住餐牌，已經聽到肚裏傳來「咕咕聲」，真係好肚餓，事不宜遲，即刻落單，一共叫咗四樣嘢食及飲品！ 鹽酥花枝丸脆卜卜嘅外皮配彈牙嘅肉質，好味👍🏼麻辣紅油水餃剛入口時唔覺得辣，再過一陣，麻辣味慢慢滲出，唔錯😃古早味滷水拼盤(蛋、雞翼、牛肚、腱心牛肉)鹵水味濃，咸甜味道適中！滷水豬手麵配雞湯麵質煙韌，有口感，配淡淡雞湯，最啱夏天食！豬手爽甜，又可以補充骨膠原，抵食😋！夏日水漾鮮果茶再配上清新嘅水果茶，飲落透心涼，暑氣全消！小店上菜速度剛好，店員親切，食物質素好，雖然喺將軍澳，但仿如置身台灣呢！

將軍澳其實都係食沙漠😂近期開咗好多唔同嘅小店，桂花小幸呢個店舖名好靚😀原來係食台灣嘢。基本上台式小食、麵食 、飲品等都有。叫咗牛肚麵， 牛肚切到牛肚絲，份量非常多😊我揀咗牛肉湯底,，但湯底比較偏鹹。叫咗蕃茄湯麵，揀咗花枝丸及水餃， 蕃茄湯幾濃，而且仲有唔少蕃茄，花枝丸都幾彈牙，水餃幾大隻😉反而呢個面比牛肚麵筋好食。小食叫咗桂花雞翼，雞翼本身係炸嘅，冇調味，但加埋個桂花蜜糖，就食落去清清甜甜 帶桂花香😀花枝丸係我食親台灣嘢都必叫嘅🤣呢度嘅炸花枝丸同出面嘅唔同，佢嘅整法始較中式，有點似炸糉嘅咋皮，賣相會靚啲。飲品叫咗桂花烏龍珍珠奶茶，茶味較清淡，但又帶點茶香，奶味相對地重。

好耐無行將廣，開左唔少新食肆 夜晚八點幾，經過呢間餐廳仲好多人等位 咁多人捧場，應該都唔差，我地又等下先， 溫提：記得要先係門口按飛等位呀~等位比想像中快，等左一陣已經可以入去~入面以木為主的裝修，好有文青FEEL~ 最入面有一組紅磚牆，極有氣氛~ 因為2個人，所以要同人搭枱，不過枱都好大張就連一小個角度都花左唔少心思佈置架好想瘋狂影相呀，可惜當天太多人...............除左裝修靚外，另一個受歡迎既原因應該係價錢 呢度既食物都係幾十蚊一個套餐，仲可以加錢配小食 午市價錢食晚餐，抵呀~呢度屬於半自助式，即係要自己出去ORDER, 之後就等人送餐 去ORDER 時記得睇番自己枱號呀佢仲有電話點餐呀，不過我戶口無錢，玩唔到跟餐加配的涼拌黑醋茄子 + HKD 12呢款茄子真係要大大力推介 茄子淋身但又唔爛，黑醋配上少少辣，非常醒胃惹味 超級好食，好耐無食過咁正既涼拌小菜 連平日少食茄子的老公都讚不絕口呀~鹽酥雞排滷肉飯 HKD 58滷肉飯既滷肉入哂味，又唔係好肥膩，送飯真係一流 不過當日既飯粒感覺有一點點生夾底，影響左口感~鹽酥雞呢，雞就夠酥，亦都夠滑 可惜

有留意上一篇食評就知我已搬遷到將軍澳 所以放假依嫁都留在附近食 出門車費都幾貴......又不是特別方便今次就來到將軍澳廣場食Lunch,嚐嚐台灣美食，此店鋪原來2點半有下午茶餐價錢平多了，但我到達時2點，走的時候才發現...so sad 餐牌入座後看完餐牌，記住自己的枱號出門口收銀處自己購買，然後職員會送上食物或者用支付寶直接order也可以 但未嚐試過 好似滿方便的套餐三盛紅燒牛肉麵 $68 配上牛 牛腩 牛丸淹也夠味夠淋 份量滿多 也有蘿蔔和白菜 麵質彈牙 紫菜魚丸湯 $6 套餐可加配 一人份量 非常多的紫菜不會慳凍咖啡 $8 鹽酥雞扒滷肉飯 $58 雞扒炸得外脆內嫩，切了一塊塊方便客人品嚐滷肉飯分量多但滷肉比較少，食起少少乾身現做煎餃子 $28 餃子餡用上豬肉，但食落沒有什麼味道 建議加少少鹽 煲仔塔香三杯雞$48 小食價錢主菜份量 煮得很惹味滷水豬手$58 豬手炆得好入味，夠淋身 但有豬毛換了一碟還有少少芝士奶蓋白桃烏龍茶 $28有一大包茶包在內，不像平時在外order的已泡好 所以味道比較淡，要泡耐少少才有茶味 外賣慢慢品嚐就可以 堂飲不建議，要等大約10-15分鐘有茶味

今日黎到將軍澳，見附近間間都係連鎖無咩好食，就黎左小啲聲見嘅桂花小幸。呢間桂花小幸主打台灣野食，裝飾走文青路線，座位都唔算好迫。呢度係半自助型式。睇啱食咩就要自己出去落單比錢。出去落單之前記住自己嘅枱號，之後要話比個收銀聽。鹽酥雞排滷肉飯雞排炸得不過不失，肉都仲係好嫩滑。滷肉飯肥肉唔會太多，而個滷汁無咁杰身，比較健康清爽。煲仔塔香三杯雞呢個三杯雞用嘅都雞翼仔，肉唔會因為長期煮而變老。而且呢個收汁收得好乾身，好香口。麻辣牛肚本人最鐘意呢味，因為本身佢嘅份量已經好多。個麻辣汁調得好好，牛肚十分之麻，但係辣又唔太辣。辣得好過癮。芝士奶蓋桂花烏龍茶呢杯野幾有驚喜，首先芝士奶蓋夠多，而且夠濃。而個烏龍茶就唔算過濃有少少回甘。以台式餐廳嘅野飲黎講，質素係明顯好好。