桂花小幸 (將軍澳廣場)

營業中

休息中

將軍澳廣場一向都多野食，今日黎朋友介紹話正的台灣菜。午飯時間大排長龍，受歡迎程度可見一斑。門口有個外賣窗，可以order珍珠奶茶。等左大約20分鐘，可以入去啦。內部裝修別致，有小清新感覺，好文青feel。三盛牛肉麵 $68有牛筋，牛丸，牛展。湯底是紅燒湯，味道清新而且鮮美，牛筋好軟，牛丸彈牙，牛展有嚼頭。麵是台灣一貫的麵，煙韌，質感十分不錯。桂花雞翼 $23雞翼看是普普通通，但旁邊那個不起眼的醬汁卻是靈魂，桂花味超超香濃，每一口猶如置身桂花叢中，很珮服能調出這麽出色的醬汁。手拍黃瓜 $12黃瓜清新爽口，配蒜蓉，味道提升不少。芝士奶蓋玫瑰茶 $28我覺得比外面街鋪專賣珍珠奶茶更出色，而且價錢更加合理，芝士味濃，玫瑰茶很清香，兩者配合得天衣無縫。整個感覺真係好清新，覺得自己都文青左！

開完會已經是八時多，一個人想快快吃完回家，便到桂花小幸吃個晚餐。這裏的晚市套餐有原盅燉湯和菜最適合我。鹽酥雞扒滷肉飯套餐都是只是76元，不用加一，真是經濟實惠。我加了六元配個紫菜魚丸湯和配梅子綠茶。梅子綠茶酸酸甜甜、冰冰涼涼，十分開胃。紫菜魚丸湯清清地，不錯!滷肉飯不會太油膩，份量適中。雞扒分量夠多，炸得夠鬆脆惹味。隨餐有一個上湯浸時菜，今晚是黃芽白。原盅燉湯有雪耳、掛骨、蘿蔔。吃完也覺得非常飽足這裏是自助購物的，上菜速度也快，最啱趕時間一族。

住將軍澳的朋友推介了里間餐廳，於是今日過來試一試。特盛四寶面 （紅燒湯）材料豐富，四寶是豬手，腱心牛肉，花枝丸，鹵水蛋。 腱心牛肉尤其好食，牛味濃很有口感。面是粗麵很彈牙口感很不錯，配上紅燒湯底好正！ 手帕小黃瓜，跟餐加$12。味道不錯，手帕青瓜很爽口，醬汁酸酸甜甜的好醒胃！朋友說她的花枝丸紫菜湯好好飲！金牌咖啡，跟餐加$8。是台灣咖啡的味道，帶點甜，挺香滑的！滷水豬手有4件大豬手，好抵食，件件都有大豬皮，骨膠原豐富。燜得頗淋。滷水味濃。煎餃子4隻 味道不錯，煎得香口。 入面是韭菜和豬肉，正合我心意。麻辣紅油水餃 4隻麻辣紅油味道很香和刺激味蕾，水餃配上此餐廳的麻辣紅油十分好吃！桂花小杏價錢相宜而且食物質素不錯，眼見門口一直有人排隊可見其吸引之處，下次想食台灣野會再光臨此店！

復活節假期去朋友將軍澳會所打波，做完運動覺得特別肚餓，朋友就推薦我去 樓下商場的桂花小幸吃台灣麵。估不到晚上八時也這麼多人等候。等了二十分鐘，可以入座了，店内全部坐滿食客，真是很受歡迎啊!餐牌上也有套餐選擇及小食、飲品，種類也不少，還有一樣我最喜歡的就是不用加一。三盛紅燒牛肉麵$68，湯底帶甜帶少辣，味道非常之好及惹味，麵質咬落煙韌，加上炆得入味的牛腩、牛展、牛丸一起吃，真係正！畀我有意外的驚喜 ， 唔怪得是它的招牌菜。牛腩夠夠腍入味鹽酥雞扒滷肉飯套餐$76，有一碟份量不少的鹽燒雞扒，滷肉飯一碗，時菜一碗+老火例湯，只是76元，今時今日喺邊度搵呀？鹽酥雞扒夠脆套餐可以加6元配個鹵水蛋小食花枝丸$38，外面金脆，裏面咬落彈牙，好有墨魚丸的味道，好味的小吃。最後意猶未盡叫了兩杯特飲外賣。桂圓紅棗茶，桂花杞子紅棗茶，連外賣杯都靚靚的。它的裝修很有台灣文青嘅氣息，加上抵食、價錢平、所以到9時仍然吸引不少食客幫襯，朋友真冇介紹錯。

這間在將軍澳廣場的台灣小店來充滿濃厚的台灣氣氛，因為店內播着很多台灣流行歌曲和牆上貼滿了很多次文青味道的相片，看得出下了不少心機在裝修上。早餐兩個人吃了$74 ，在將軍澳不算貴。值得一題的是這間店舖的奶茶是必點的，這是我學過奶茶之中冧巴溫!是在最好飲的台灣奶茶！！沒有之一，強烈推薦。PS：不是港式奶茶喔。這是雪菜肉絲花技米線，味道中等，不會太酸，米線不會太淋。65分。這是排骨辛辣麵，即是炸豬扒辛辣麵。可惜味道偏辣，不是我的菜，但豬扒是即炸的，加分！70分。但要睇一題的是員工服務態度差劣，問員工拿熱飲筒後，員工馬上皺眉和露出嫌棄的態度，有待改善。

周末到將軍澳廣場閒逛，途經此店見很多人排隊，我們也跟著排，午市時段等了很久才有位。冬天熱飲系列的黑糖生薑茶-堂食也以外賣杯上，花草雀鳥圖案很漂亮。生薑茶健脾暖胃，黑糖沉在杯底，所以喝到最後時會較甜，建議一開始拌勻才喝。酥炸排骨滷肉飯-炸粉不厚，排骨酥脆可口，蘸上沙拉醬則另有一番滋味。滷肉飯桂花雞翼-原來也是炸雞翼，醬汁甜甜的，估計是桂花蜜糖汁，味道清新。三盛牛肉米線-米線軟硬度適中；湯底濃郁帶微辣；腱心牛肉炆得軟腍甘香；牛丸帶點筋；伴碟蘿蔔亦不遜色，吸引了不少牛味。

將軍澳商場進行大改革，好多餐廳都未開，見到呢間好多人排隊，就決定試下！等左大概20分鐘，終於入到去！裝修幾靚，有台式cafe 文青feel,光線充足，坐位蠻舒服😌點了鹽酥雞扒麵，五分鐘就來到。雞扒個皮吾算好厚，啲雞肉很結實,而且很大份!麵條都好味，好入味。湯底值得一讚，少少辣，重牛肉味，而且吾太喊。餐牌都有好多不同小食提供，歡迎大家自行選擇！珍珠奶茶都不錯，珍珠幾Q彈，奶味重，茶味吾算太濃，幾大杯好抵飲

終於黎到週末了，但朝早都要返公司。做完野就該好好享受假日既時光💫 趁放假 總想多陪點家人，就去搵爸爸👨🏻 吃個午飯呢。將軍澳區內愈黎愈多人 食肆都愈開愈多。行經過商場發現 呢間台式餐廳人流不少，佈置不錯 好有文青feel。一於今次黎試試有沒有 既感覺 台不台耶。ll一碗集齊：牛腩`牛𦟌`牛丸既三盛，一定能滿足到牛魔王🐮既你。而紅燒湯底帶肉汁甜味，係最傳統又正宗既台灣牛肉麵代表呢。ll而花枝丸亦係台灣必食既丸類，台灣小食不能少。若然唔係食肉獸，呢款就係較為簡單既選擇。ll薄切牛肚炆得軟淋入味，不失為一個必點既單點小食。底下配襯芽菜 吸收晒肉汁 好好食架。ll跟餐加$12 就有一款小食，茄子控🍆 表示茄子點整都好味💜 哈哈。ll最後飲埋台式招牌特飲，台灣菜咁先至圓滿架嘛。..今日難得2父女👨🏻👧🏻 獨自共聚💕 聊聊天，人愈大 真的愈珍惜那些看似平凡 但愈顯珍貴既時光💫。默然回首 大概就是我值得回味的 。

popcorn一到lunchtime，到到都大排晒隊，桂花小幸都唔例外，12點半門外己經好多人。同朋友total 5個人食lunch，就咁望落去入面唔見有大台，所以多過4個人黎食都幾尷尬。我地安排左坐一張4人卡位，好彩我地幾個都係女仔，都坐得到，不過食晒野上黎就略嫌迫左少少。叫左個蕃茄酥炸排骨米線做午餐，上台時見到成個set，賣相都幾好。不過塊排骨同我想像中有ｄ唔同，似豬扒多ｄ（係咪我見識少呢？定唔通黎錯左？算啦，反正我都己經食左落肚）塊豬扒對女仔黎講都算幾大，而且Ｄ炸粉好少，食落真係啖啖肉！呢隻米線好彈牙，蕃茄湯底味道都唔錯 ,好夠味，夾埋幾開胃喎！其實呢餐午餐都算幾滿意，但如果可以多返條菜就好啦！另外,加飲品要加$6，我覺得貴左ｄ!

見到open rice咁多好評一於試下，果然冇失望! 點左個滷水豬肚麵配清雞湯底，豬肚切絲上份量幾多，滷水味唔太重不過好香好彈牙，麵質偏粗口感ok, 個湯好好飲，有少少藥材味，頗為出色，令人難忘，而且有好大塊嘅紅蘿蔔同白蘿蔔，令個湯更清甜! 價錢唔算好貴，但味道好好，多好評係冇呃人嘅!

🔎將軍澳唐德街1號將軍澳廣場1樓133-135號舖*「台灣Café，質素有保證」- 桂花小幸.古早味鹵水拼盤($58)有鹵蛋、鹵翼、牛展等等，應有盡有。份量又多，相當吸引。而且呢個價錢咁大份真係唔貴。鹵水汁好夠，每啖都好入味。養生清燉牛腩麵($58)相信個湯底至少燉咗8-9小時，因為真係相當入味。清燉感覺更加養生，而且又唔會覺得佢太啖唔好食。加埋牛腩一次過食的確好滿足。芝士奶蓋白桃烏龍茶($28)芝士奶蓋好濃郁，加埋有自然嘅白桃甜味，及烏龍茶嘅甘甜味，令成杯飲品都好似昇華咗咁。煎餃子($28)火喉抵制得宜，唔會太燶，而且一上碟都好熱，趁熱食更好。涼拌黑醋茄子($12)最近天氣回暖，所以無咩胃口。食返款涼拌黑醋茄子覺得開胃好多。🍽7/10

適逄清明時節假期，表姐一家由美國回港一同掃墓，整個家族又可以趁機聚一聚了。表姐夫表示好想食台灣料理，聽朋友講有間o係將軍澳既台式餐廳叫「桂花小幸」很不錯，於是我哋就決定去試下吧。真係唔講得笑，我哋大約 8:00p.m 左右到等位，已經見到餐廳門外客人滿載，企得密密麻麻的。大概等了差不多20分鐘左右就有位了，職員安排得很好，每每都能夠照到客人的情緒，顧客至上。我哋叫左「滷水蛋滷肉飯」-套餐(+$6/$12就可以隨餐附上小食一份，「涼拌貓耳朵」木耳很爽口，特製涼拌醬汁惹味非常，少少辣，作前菜很開胃， 滷水蛋和滷肉都鹵得很入味，尤其是滷肉，肉質彈牙，很有咬口。隨餐附送的「原盅燉湯」- 天天新款，而今日既係「蟲草花系列」，足料至極，滋陰養胃，實屬都市人恩物。「麻辣雙丸拉麵- 牛丸配花枝丸」 套餐(少辣)，都係(+$6/$12就可以隨餐附上小食一份，「手拍小黃瓜」小黃瓜很清新怡人。 牛丸、花枝丸都很爽口彈牙，而我特別欣賞花枝丸，可能是童年回憶吧。另外，不得不提「古早味小吃」系列既「現做煎餃子」、「桂花雞翼」、「滷水豬手」，「現做煎餃子」，煎得金黃香脆，爆汁肉嫩，餃皮亦很透薄。「桂花雞翼」-  酥

將軍澳又開左新既台式餐廳啦🍽因為新開關係，都要排下隊先有得入。2個女仔叫左一個鹽酥雞扒麫，一個牛肚麫，4隻餃子同2杯珍珠奶茶。雞扒唔算大份（炸粉都好厚），牛肚都係普通牛肚咁，但麫既份量岩岩好，加埋杯野飲，一個女仔都夠食。佢既珍奶係大杯既，用外賣杯裝，飲唔曬都可以拎走，好似出面買既珍奶咁👍🏻（建議半糖，因為都有d甜）。如果你要搵一間正宗既台灣餐廳，呢間可能唔岩你，但你如搵一間適合三五知己傾下計，輕食既餐廳，桂花小田係唔錯既選擇。

星期六 夜晚黎食 見佢既食評都唔錯 環境都幾好 諗著試下啦點知 食落有d失望1. 牛肉麵個湯味太濃 濃到好似人造咁2. 餐廳用普通米 並唔係台灣米 食落口感唔似台式滷肉飯3. 另外 個酥炸排骨 出黎變左吉列豬扒 點沙拉醬 同我今朝係大家樂食既差唔多4. 叫左杯茉莉珍珠奶綠 感覺加左好多水 沒有奶味又淡 d珍珠都係冇味既 成杯水咁坦白講 我對食台灣野情有獨鍾 但係要我食到出黎打食評 真係第一次 我叫既每一樣野(見收據)都令我失望既希望呢間餐廳可以改善食物質素

之前一直想去吃，但是将军澳有点远，一直都没有付诸行动周末下班就去吃了，人还不少等了一下位置，卤肉饭还行不好吃不难吃，炸排骨一般，也不难吃，奶茶点了一个芋香的，不算特别好喝，应该不会再去的一家店