桂花小幸 (將軍澳廣場)

營業中

休息中

將軍澳其實都係食沙漠😂近期開咗好多唔同嘅小店，桂花小幸呢個店舖名好靚😀原來係食台灣嘢。基本上台式小食、麵食 、飲品等都有。叫咗牛肚麵， 牛肚切到牛肚絲，份量非常多😊我揀咗牛肉湯底,，但湯底比較偏鹹。叫咗蕃茄湯麵，揀咗花枝丸及水餃， 蕃茄湯幾濃，而且仲有唔少蕃茄，花枝丸都幾彈牙，水餃幾大隻😉反而呢個面比牛肚麵筋好食。小食叫咗桂花雞翼，雞翼本身係炸嘅，冇調味，但加埋個桂花蜜糖，就食落去清清甜甜 帶桂花香😀花枝丸係我食親台灣嘢都必叫嘅🤣呢度嘅炸花枝丸同出面嘅唔同，佢嘅整法始較中式，有點似炸糉嘅咋皮，賣相會靚啲。飲品叫咗桂花烏龍珍珠奶茶，茶味較清淡，但又帶點茶香，奶味相對地重。