桂花小幸 (將軍澳廣場)

營業中

休息中

本人與老公向來是台灣美食擁躉上網看到不少人說將軍澳這家餐廳CP值高自然要去試一試！我們於周六晚上七時抵達幸運地只等了十分鐘左右便可入座（七點半打後 餐廳門外已變為大排長龍！）這裏需要先到櫃台點餐付款雖然顧客蠻多 但出菜頗為快手 不過可惜的是 由於餐廳冷氣異常的冷以致很多食物都出現了溫度不足的問題以我點的酥炸排骨套餐為例 便有兩點不合格1. 涼了的酥炸排骨2. 第一口熱騰騰，但不足兩分鐘便沒有溫度的米飯針對第一點 說真的 沒有溫度的炸物真的不能接受雖然排骨放涼了仍是十分酥脆 但絕對不能稱為美食而且「涼」的程度簡直是到了耐人尋味的地步本人數度有衝動詢問職員涼的酥炸排骨是否該店特色但礙於其實整體食物不算失色 而且價錢化算 所以也就免得麻煩將就吃完算數 至於白飯更是無辜 原本熱辣辣的美味魯肉飯 變涼後頓失魅力 由於見證飯飯「熱」變「溫」所以也蠻肯定是冷氣過大的問題話雖如此 這家店還是有很多值得稱讚的地方 第一 晚市套餐所送贈的椰子紅蘿蔔雞肉燉湯真是十分出色除了入口既香又甜 椰子食落有浸浸滲著椰子奶香的肉味 雞肉更是煲到勁稔身 只需筷子輕輕一夾就散開了就連向來對套餐的「湯」不屑一顧的我 也忍不

呢間餐廳簡直係我嘅最愛，價錢超平，而且種類好豐富，重點係超級好食👅😍餐廳地點好易搵到，喺將軍澳地鐵站一想就到，而且呢度嘅職員態度超級好，勁熱情，重點係嘢食勁高質，仲要冇+1，超抵食🤩我同朋友兩個食到勁飽，埋單都只係好平嘅價錢我哋叫咗一個特盛紅燒四寶面裏面材料超級豐富，有滷水豬手、健心牛肉、花枝丸、滷水蛋，廚師一啲都唔吝嗇，落足料，特別鍾意嘅係依度嘅滷水豬手，肉質超級彈牙，仲要整到好入味，絕對係抵食之選👍🏻💕秘製酸菜魚米線🍜第一次食依度嘅酸菜魚米線，有驚喜，超級正宗，而且麵條好彈牙，湯底酸酸甜甜，超級開胃😛另外叫咗一個小食，手工煎鹹餅完完全全係台灣食到嘅風味，一啲都唔油膩，味道超級正宗，勁有層次😋仲叫咗一杯凍同一杯熱嘅鐵觀音珍珠奶茶🥤都係高水準嘅發揮，超級滿足嘅一餐💕

今日咁啱要去將軍澳搵朋友，當然可以錯過搵食嘅環節，一開OPENRICE，榜首就係呢間，當然要去試吓佢！一開始入坐嘅時候都好順利，非繁忙時間一去到就入咗，到點餐用QR code 揀好晒準備落單嘅時候，先發現要用佢指定嘅付款模式，如果唔係就要行返出去櫃檯俾錢，第一次嚟食都真係覺得好唔方便 （不過都應該冇第二次）叫咗個鹽酥雞排牌滷肉飯加多杯金牌咖啡，隔左唔夠1分鐘即刻上菜，我都心知不妙，但見佢個賣相都好唔錯，都有啲期待。食咗一啖之後，就迅速超級失望，嗰個雞排只係暖，嗰個炸粉硬晒，雖然真係冇乜油，但硬到完全唔想食，嗰個雞好鞋，完全係一碟趕客mode的飯，個滷肉飯冇乜香味，一個普通不過嘅飯，整體來講，賣相好好，但食落完全失望。  好貫徹地，佢個金牌咖啡都係失望之作，首先冇咖啡嘅香味，好淡。整餐來講，係超級失望。🍴桂花小幸 🚗 地址：將軍澳唐德街1號將軍澳廣場1樓133-135號舖抵食指數：🌘🌑🌑🌑🌑Encore指數：🌘🌑🌑🌑🌑

又有一段日子冇黎食飯，老公話好掛住D台灣麵，於是今日就黎食番個牛肉麵!蟲草花杞子雞湯飯睇MENU見到有新野，係養生既蟲草花杞子雞湯飯!製作需時所以等左20分鐘先上檯，一黎到係見到一大碗湯~攪下佢，入面真係好足料，蟲草花數量都幾多~雞件食落唔鞋口亦冇雪味，將一匙飯加湯一齊食~又暖胃又滿足!涼拌貓耳朵、上湯浸時菜另外加$15配埋涼拌貓耳朵同上湯浸時菜~清清地好健康，涼拌貓耳朵酸酸甜甜好開胃，只係加$15有呢個配撘非常之抵!三盛牛肉麵牛丸、牛腩同牛展呢3盛配埋彈牙既台灣麵真係冇得輸，牛腩唔會痴牙，牛展大執又夠厚，真材實料!牛肉濃湯水餃呢排熱氣唔敢食煎炸野~清清地食個牛肉濃湯水餃作為小食就最岩!水餃Size適中~肉餡鮮嫩，浸湯食一流!皮唔係薄款但咬落有種煙韌感，同肉餡配撘十分得宜~仙草草莓茶、十勝紅豆奶茶兩杯特飲仙草草莓茶同十勝紅豆奶茶各有出色之處~仙草草莓茶清新又唔會有藥水味，甜甜地女仔好岩飲~十勝紅豆奶茶紅豆蓉同奶茶融合，紅豆既甜同濃郁既奶茶配撘得天衣無縫!

尋日突然好想食台灣菜，聽一位住將軍澳嘅朋友介紹呢間嘅台灣菜好好食，於是專程去食。去到門口見到好多人等位，本身差啲想放棄，但諗起喺香港多人食嘅野食多數無伏，所以就等左一陣位再入去食啦。秘罈酸菜魚米線 $68首先一定要講講酸菜魚嘅份量，以$68嘅價錢，佢嘅份量真係物超所值，女仔應該唔會食得曬，所以真係好抵食。湯底有少少辣味，加埋酸菜就係酸辣湯啦，魚好滑同埋唔會有魚骨，越食越開胃，越食越爽。腱心牛肉麵（地獄湯底）$63牛肉麵我哋叫咗地獄湯底，辣得好香，偏向麻辣，但辣得又唔會太油。好耐無食過咁辣嘅野食，辣得好爽。鹽酥雞排 $38鹽酥雞排炸得好香，味粉唔會太多，所以唔會好鹹，炸皮亦唔會太厚。雞排肉滑嫩。蕃茄濃湯水餃 $28蕃茄湯好濃好香，好想成碗湯飲晒佢，餃子係白菜豬肉餃，啲肉好濃豬肉味，好夾酸酸哋嘅蕃茄湯。黑糖仙草凍鮮奶（少甜少冰）$24加配飲品有得減$5，所以我地兩個都加左飲品。食咗咁多辣嘢，叫番杯黑糖仙草凍鮮奶解解辣就最啱。芝士奶蓋玫瑰茶（微甜少冰）$23奶蓋奶味較重，好香好滑，玫瑰茶有種甜蜜香嘅味道，兩者幾夾。果然多人等位係有原因嘅，食完我都覺得值得等位，大件夾抵食，又好食。

今日去將軍澳實惠睇下啲傢俬，雖然仲未買到，但好開心食到桂花小幸。呢間野lunchtime都爆滿，好多人排隊，估唔到附近咁多人鍾意食台灣野。等左大約10分鐘就有位，我點了蟲草花杞子豬肚雞湯飯，一來到已經一陣藥膳味，好香。豬肚好爽，原來唔止雞湯，仲有好多雞件同埋蟲草花。不過個湯先係重點，好好喝，仲有紅棗，感覺好補身😛特盛四寶麵好豐富！有豬手、花枝丸、腱心牛肉、鹵水蛋，多到淨係食餸都飽😂豬手同腱心牛肉好林好容易咬開，花枝丸都好好味。麻辣牛肚份量好多，食極都咁大碟😂好辣好刺激，啲牛肚索曬啲味，好正我鍾意紫菜牛丸湯清清地，食完辣可以解辣添。而蘿蔔牛肉湯的蘿蔔好入味😋我既日式紅豆抹茶裡面有好多紅豆，紅豆同抹茶的味道好夾。黑糖珍奶很香滑，不算很甜。呢度啲野食份量都好多，呢個價錢呢個質素係好抵食

今次嚟到將軍澳廣場嘅桂花小幸，發覺原來都唔係咁容易搵到，可能我路痴啦哈哈，係一樓我都搵咗好耐。入到去裝修唔算好特別，不過都幾有台灣風味，書架上邊放嘅係一啲台灣嘅小說，有少少去咗台灣咖啡店嘅感覺。嘢食方面，如果冇辦法用電子支付嘅話，就要去櫃檯度落單俾錢，呢點大家要留意番。咁我同朋友就叫咗兩樣嘢食，一個係雞肉飯定食，另一個係麻辣牛肉麵，其實兩樣都幾好食，不過我覺得雞肉飯嗰個賣相比較好，因為配搭咗小菜、湯同蔬菜，感覺好似精緻d。台式飲品方面，我哋叫咗幸福紅豆與豆乳，同芝士奶蓋桂花茶，個人覺得桂花茶真係又桂花味呢點已經非常抵讚，可惜嘅係紅豆比較普通，而且冇得揀甜度，有少少可惜。總括而言，呢間都算係將軍澳你想食台灣野嘅其中一個唔錯嘅選擇。

好少黎將軍澳廣場食嘢，今日過黎行Donki，行到攰攰地就黎咗桂花小幸食好西。行到入黎，除咗見到有埲牆擺滿曬書，亦聞到撲鼻嘅食物香味，真係肚餓死我地喇，好彩啲嘢食都好快上檯。1️⃣麻辣紅燒腱心牛肉麵（小辣） 4.5/5本身想要清湯，不過冇曬，好在紅燒湯底超好飲，暖暖地又少少辣，真係幾正宗wor又！牛肉肉質嫩滑，腱子肉嘅膠質豐富，係我最鍾意嗰隻牛肉，如果可以厚身多少少就perfect喇。2️⃣台式雞肉飯定食配涼菜、蔥油時菜及紫菜魚丸湯 3/5雞肉飯嘅雞有啲似手撕雞嗰種。涼菜係涼拌茄子，麻麻地。紫菜魚丸湯其實係紫菜花枝丸湯，我好鍾意花枝丸嘅彈牙口感。朋友最鍾意反而係蔥油時菜，佢話好特別。3️⃣煲仔—塔香三杯雞 1.5/5調味ok嘅，不過啲雞好柴同埋多碎骨，唔推介。4️⃣芝士奶蓋桂花烏龍茶 3.5/5桂花味好香，比咗勁多奶蓋我地，大滿足。5️⃣幸福紅豆與豆乳 3.5/5order咗半糖，於是真係飲到嗰隻豆香，夾雜住綿密紅豆，正！

桂花小幸晚市限定燉湯套餐原盅燉湯湯時菜酥炸排骨滷肉飯燉湯好足料 有幾舊椰子同排骨 係偏向清甜嘅湯 仲有一份娃娃菜 有超大份即炸嘅排骨 排骨偏向薄身 炸粉唔算好厚 食落都幾香脆 而滷肉飯唔會太肥 整體好抵食紅燒牛筋三寶米線（養生湯）有牛筋牛腩牛肚 每樣都有3，4舊 唔會好韌 湯底都好濃藥材味 覺得配台灣麵會更好食蕃茄濃湯水餃 8隻蕃茄濃湯帶少少酸味 仲有新鮮蕃茄肉 水餃皮薄餡多 餡料係椰菜豬肉 配埋湯一齊食好夾黑糖仙草凍鮮奶(少冰半甜)仙草好滑好淋 半甜啱啱好唔會太甜 芝士奶蓋白桃烏龍茶（凍）（微甜）奶蓋偏向厚奶蓋 有少少鹹味 配茶底就唔會咁膩

想吃台灣食物，不一定要飛去台灣吃的，近近地將軍澳站便能吃了👍小食是點麵及飯加配的，15蚊便能有兩樣，很抵吃👍手拍小黃瓜,涼伴貓耳朵,涼伴黑醋茄子,款款份量也不少，絕對超值椒鹽花枝丸，很濃郁花枝味，充滿台灣味特盛紅燒四寶麵,有豬手，牛肉，滷蛋，白蘿蔔，菜及花枝丸配台灣麵，真的是大集會，很滿足的一碗麵!豬手炆得冧軟的，充滿骨膠原!牛肉味濃郁，香蘿蔔滑嫩無渣!蟲草花杞子豬肚雞湯飯,雞肉很嫩滑，豬肚也乾淨冧軟，湯頭有點像肉骨茶，好味黑白珍珠豆乳，是豆漿沖的珍珠鮮奶那種，味道也不錯，多了豆香味，珍珠冧軟QQ夏日水漾鮮果茶,很清涼的一杯飲料，看得見的水果，感覺較健康

蕃茄濃湯水餃好味，連埋湯一齊食更更好味叫咗牛肚、牛腩、牛筋米線、牛腩牛肚牛筋炆得啱啱好正，再叫個滷肉排骨飯、排骨外脆內軟份量大又有椰子濃湯、個湯清甜、我叫左杯我最鍾意飲黑糖仙草凍奶👍👍

悠閑的星期日，繼續尋找台式美食嘅味道。經朋友推介，今日第一次嚟到「桂花小幸」店外設有茶飲外賣。等左10分鐘，終於可以入座，原來店內坐滿晒食客。好彩地可以有個靚卡位可以坐，等咗10分鐘都值得。卡位牆上的佈置好簡潔精美食物方面有小食、麵食1. 紅燒半筋半腩牛肉麵(紅燒湯)($64)，牛肉煮得好腍，份糧多，湯底夠熱同味香2. 蕃茄酥炸排骨米線(蕃茄湯)($63)，排骨炸得香脆，內裡保持有肉汁，不會乾身米線吸收晒蕃茄湯底精華，每啖入口都感覺好大自然，好新鮮3. 圖右：鹽酥雞扒($38)，每次去台灣旅行必食食物之一，雞皮炸得脆口，內裡雞肉同樣保持不乾身，夠嫩同 juicy4. 台南手功餡餅(2件)($28)，餡料內有椰菜同豬肉，外脆內熱，有肉汁，小食推介之選5. 日式紅豆抹茶(凍)($21)，抹茶味濃，內有粒粒紅豆，二者好夾，好飲6. 桂圓杞子菊花冰茶(樽裝)($19)，健康飲品之選，內裡材料充足，菊花味香濃，冰茶入口舒服，剛好中和炸物嘅熱氣。一整體來講，食物水準高，充滿台灣味道，且價錢優惠，地方亦坐得舒服。今日真係「小確幸」比我遇上了「桂花小幸」

最近轉到去將軍澳區出沒， 這裏很多商場 ，可以在這裏盡情shopping， 趁聚百貨公司特賣日， 但要來這裏就湊熱鬧。 不經不覺已經到了晚飯時間， 在商場逛逛 搜尋 有什麼好吃的餐廳。這間台式餐廳很多人等候， 應該會是不錯的選擇， 幸好只是等了十多分鐘便有位。原盅燉湯定食套餐：鹽酥雞扒 滷肉飯🍲🍚上湯浸時菜🥗清潤蘋果🍎合掌瓜雪耳無花果湯🥄超值套餐之選， 燉湯非常清潤順喉， 雪耳清爽爽滑， 湯頭滲出淡淡蘋果清香， 無花果的鮮甜味道， 非常清潤保濕。鹽酥雞扒份量不少， 炸到金黃色脆卜卜， 雞扒醃得夠味， 滷肉飯香濃美味， 但是肥肉會比較多， 女士們又愛又恨😂😂紅燒牛三寶麵(牛筋+牛腩+牛肚）麵質煙韌彈牙， 吸收了湯頭的精華味道， 牛筋夠淋 又夠滑， 牛腩份量十足， 金錢肚可以再淋啲啲就更加好。現做鮮肉餃子台南 手工餡餅兩款小食都係啖啖肉好多餡料， 外皮香香脆脆， 餡料充滿肉汁， 點辣醬就更加好食。夏日水釀鮮果茶水果茶清新爽口， 充滿了不同的水果， 香橙🍊火龍果😀藍莓🍇 草莓🍓檸檬🍋。脆脆阿華田濃濃的朱古力味道， 非常香甜順滑， 上面鋪滿了oreo朱古力餅。

好耐都冇食過台灣野啦，今日見到竟然有出酸菜魚，咁真係要試試!酸菜魚配飯好欣賞佢地成日隔一排就會推出新既菜單，保持新鮮度而且每次味道都唔差! 今次既酸菜魚以一人份量計其實都好夠食，味道適中而且酸菜爽脆味道又唔會過酸! 魚肉亦都夠爽同滑，配埋飯一齊食好夾!蟲草花杞子湯飯呢個真係養生首選，蟲草花杞子味道清甜而且雞肉嫩滑，整體加埋一齊好好食好有驚喜，個湯亦都唔會做得太油膩!另外再加咗鹽酥雞排、上湯時菜同埋貓耳朵。鹽酥雞排繼續保持一貫水準，夠脆又有肉汁。貓耳朵好開胃而且份量都幾多!最後當然要飲個紅豆奶茶，紅豆蓉起哂沙而且紅豆味濃郁，奶同茶比例岩岩好! 朋友飲薑蜜薏仁茶，清甜又易入口，解渴一流!

桂花小幸 (將軍澳廣場) (將軍澳).女朋友住將軍澳，呢間我倆真係成日食，價錢唔貴又大份，重點係味道很不錯.滷水豬手配雞肉飯- 我個人對豬手普通，但呢間整得幾入味惗身.酥炸排骨麵小辣- 我倆最喜歡叫呢個，因為酥炸排骨整得啱啱好，可配麵或米線，本來就係紅燒牛肉湯底，加$4可以另有一個小辣醬，以前呢個醬麻辣好惹味，但今日食覺得有少少唔同左.鹽酥花枝丸/煎餃子🥟- 花枝丸非常好吃，外脆又夠大粒，內裏墨魚夠彈牙.原盅燉湯鹽酥雞扒滷肉飯定食-配蟲草花雞燉湯，上湯娃娃菜，滷水飯有豬油香，嫌豬太油一樣可以加錢轉雞肉.夏日水果茶-水果茶非常清新，內有西柚，檸檬🍋蘋果等，秒速飲完整杯😂.📌 桂花小幸 (將軍澳廣場) (將軍澳)將軍澳唐德街1號將軍澳廣場1樓133-135號舖—————————————————————-