桂花小幸 (將軍澳廣場)

營業中

休息中

食物中等，價錢偏貴，不過如果想食台灣野已有近嘅話就真係要去試吓啦， 我唔覺得佢好但係又唔覺得佢伏，送嘢食都幾快下，個座位環境都真係唔錯嘅都算抵食㗎啦😆😆如果得閒嘅話都可以入去食下幾

今晚黎到將軍澳搵朋友食飯，好耐冇黎過將軍澳廣場，原來依家好多餐廳選擇！.最後揀左食台灣菜，呢間餐廳裝修文青feel，用左好多小確幸生活金句做主題，不錯。.晚市有原盅燉湯套餐，有湯有飯有野飲，唔貴。.我地叫左鹽酥雞扒滷肉飯 同埋 紅燒半筋半腩牛肉麵 兩款主食.原盅燉湯冇味精，係蓮藕湯。.鹽酥雞扒炸得好香脆，但中間雞肉都嫩滑，好出色！.紅燒半筋半腩牛肉麵牛筋好林好有膠質，湯底係濃厚牛肉湯。.麻辣紅油水餃呢個麻辣醬好香好惹味，令水餃生色不少！.飲品方面都好出色！特別係芝士奶蓋抹茶好濃郁既抹茶拿鐵加上綿滑芝士奶蓋，好好味。

桂花小幸 (將軍澳廣場) (將軍澳).🔹台灣烤香腸🔹.烤得比較燶，外皮少焦，但好濃味好好食😋.🔹煲仔塔香三杯雞定食🔹.完全係常客但今日一改以往，改食三杯雞定食，味道都非常好，雞件乾身惹味，配白飯另有上湯浸娃娃菜，有肉有菜.🔹麻醬雞絲冷麵涼拌貓耳朵🔹.天氣太熱想吃涼麵，麻醬唔會過多，有青瓜絲蛋絲同雞肉絲，不錯.🔹原盅燉湯鹽酥雞排滷肉飯🔹.鹽酥雞排外脆，呢個係無醬汁點，同時你可以叫滷肉飯或雞肉飯.呢到係另外有得買台式的飲品，黑糖珍珠鮮奶呢到有得少甜，珍珠都幾有咬口; 仲有水果茶都好好飲，好清新—————————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌 桂花小幸 (將軍澳廣場) (將軍澳)將軍澳唐德街1號將軍澳廣場1樓133-135號舖

嚟到將軍澳廣場， 行街行到攰，下午茶時份揀咗「桂花小幸」坐低小休一會。需要等候一會才入座，非常旺場， 安排好座位後 ，揀好食物就到收銀處付款， 之後會有店員送上。餐廳充滿台式cafe文青feel， 很多將軍澳人 chill out 出沒嘅地方。屋企人想食滷肉飯，點了「酥炸排骨鹵肉飯」排骨炸得酥香美味， 外皮脆身但唔油膩， 咬落有肉汁， 啖啖肉超大塊，非常滿足！ 再蘸蜜糖芥末醬有另一種風味。滷肉飯醬油味好吸引， 滷肉肥瘦相間還加入香菇， 白飯一下子被掃光了～蜜桃烏龍蘆薈放入原個烏龍茶包沖泡，茶味香濃又有蜜桃香，解膩又清甜。仙氣火龍果茶火龍果味道清新， 茶嘅比例較少， 味道都是火龍果汁為主。秘製酸菜魚米線今次就試佢嘅秘製酸菜魚～ 期待已久因每次嚟都是吃牛肉麵止癮。酸菜湯底味道平均， 酸度，咸味適中和少少麻， 不算太辣， 而且湯底夠清， 可以喝幾口也不成問題 ，沒有那層爆炒嘅油～ 感覺較健康！酸菜有莖有葉 ，切得大細適中， 夠酸夠爽。 再細看還有黃芽白～魚片又滑又嫩， 數量不少 ，唔算厚切 ，但竟然一點骨也沒有， 刀工不錯。整體質素有驚喜！涼拌貓耳朵， 酸酸地清新開胃，木耳夠爽。

目測店鋪出面冇人等位，外賣檯上嘅數量亦只有數份，為何出品質素越來越差（有相為證）。台灣麵原來係呢間店舖我最鍾意選擇嘅菜式，明白堂食和外賣係會有少少唔同，但有冇用心做係睇得出嘅。

唔係住尼區，偶然約朋友係尼區食下午茶揀左尼間。下午茶時間唔使等位可以直入，店舖裝修行台式小清新風，牆邊有書架擺滿圖書，但明顯只係裝飾用途，書目內容都幾雜😅睇書名見到啲台灣言情小說名，都唔知店主係有意定無意～ 頓時對餐廳既印象分減低。鹽酥雞排台灣麵。 7.5/10下午茶來說，份量足夠👍🏻麵質亦煮得剛好，雞排肉質可以，外皮略嫌硬了些，但整體是合格的！配清雞湯底十分安全～滷蛋滷肉飯。 7.5/10份量也很可以，滷肉不會太肥膩，亦有碗湯浸時蔬解解膩～椒鹽花枝丸米線。 7/10花枝丸外層炸槳有椒鹽味，但略嫌厚，無甚特別的菜式蕃茄滷水雞翼湯米線。 6/10朋友點的餐點，雞翼有雪味，蕃茄湯偏甜，她吃了幾口就不想吃了。黃金蕎麥茶。 7/10淡淡蕎麥香，暖暖的，下午茶套餐免費加配👍🏻

到咗放假嘅時候, 又可以瞓到自然醒, 慢慢落街食個早餐😂😂。原來已經到係晏晝， 當然要食得豐富啲。本來諗住喺桂花小幸 可以食到又平又抵嘅下午茶， 原來搞錯咗星期六日係冇下午茶嘅😅😅。 好彩都有滷肉飯套餐😋😋紅燒半根半腩牛肉麵牛筋夠淋又入味， 牛腩鬆軟分量多， 面質煙煙靭靭， 湯頭夠濃， 加埋辣椒油就更加好。鹵水蛋滷肉飯套餐配涼菜蔥油時菜+紫菜魚丸湯健康清新之選😋😋， 紫菜魚丸湯 夠曬多紫菜，紫菜真係好好吃，冇沙又夠爽。滷肉飯夠香濃， 米飯黏黏的， 涼拌木耳清新爽口，酸酸地夠醒胃。台南手工餡餅+桂花雞翼餡餅煎得金黃香脆， 肉多又夠多汁， 非常juicy， 肉味濃濃的。 雞翼脆卜卜， 加埋甜滋滋桂花糖都幾特別。夏日水漾鮮果茶🍓🍉🍊🍇🍋百香多多梳打🍹😀套餐加特飲可以每杯 減5蚊， 呢度嘅夏日特飲都唔錯，果味清新，而且比價格茶飲店便宜， 大約都係廿幾蚊左右。

📎滷水牛肚呢個牛肚好有咬口，唔會好似出面某啲餐廳醃到林晒😋滷水煮得入味，值得一試❣️📎滷肉飯🥰滷肉肥瘦均勻，配埋白飯好滿足🤩不過呢個滷肉飯嘅醬汁偏多，同牛肚一樣食到尾有少少鹹🤓📎滷水牛腩配滷肉飯牛腩炆得軟淋入味，某啲位置仲連帶少少牛根，咬落去有少少黏口嘅感覺🤤味道適中滷肉飯就同另外嗰個餐有同一個問題🙈啲汁多咗少少📎滷水豆腐滷水豆腐調味啱啱好😆不過相對其他食物冇太大驚喜整體份量真係好多😂結果都係叫咗外賣打包返屋企夜晚再食🙈

星期日，在誤打誤撞的情況下來到將軍澳廣場的桂花小幸，由於是下午茶時間，店內食客不多，因此直接跟店員說兩位，收銀處職員指示外面取飛及等候安排入座，在等候期間，旁邊有另一台客，他們卻可以自行進店內找位置坐 其實店內有很多吉枱，其他店員(2-3人) 亦都只是在出菜位圍埋吹水，於是便直接走入去跟店員說其實是否不用取飛可以自己搵位座，店員像如臨大敵般即刻安排位置給我們坐低之後，要自己去收銀處落單及付款，我以為自己去左美食廣場。一間要客人自己出去買飛，再等送餐員送餐，如果我係老闆應該會減少一半樓面人手。講番食物質素，由於朋友已經食左晏，主要都係我食，我叫咗一份鹽酥雞排滷肉飯，另外再加一份餃子，同一杯凍檸茶，同行友人叫左杯十勝紅豆奶茶。上菜速度好快，基本上十分鐘內所有食物已經上枱。滷肉飯個飯係熱辣辣，汁嘅份量都算夠，但滷肉就偏少。去個台灣嘅朋友都知道，台北同台南做法唔一樣，台北將滷過的碎豬肉淳係白飯上面，而南部則叫做「肉燥飯」，南部的滷肉飯，會用三層肉放在飯面。所以呢間同香港大部分食台灣食物的店舖一樣，用北部的做法。另外，個鹽酥雞扒應該改名叫炸雞排，厚粉，冇椒鹽味。同埋一早炸定，唔熱。煎餃應該係即叫

入到將軍澳廣場逛逛百貨公司，行到肚餓搵地方醫肚。上網見到台灣餐廳《桂花小幸》好吸引，店內裝飾文青風格，感覺好舒適。原盅燉湯定食套餐-酥炸排骨鹵肉飯~本菇蟲草花雞燉湯，打開蓋香噴噴，好有益。酥炸排骨香脆可口，咬落唔韌，沾少少蜜糖芥末更美味。滷肉飯肥瘦比例好恰當，肉汁撈飯好開胃。仲有上湯娃娃菜。麻辣牛三寶麵-牛筋牛肚牛腩~牛筋有多件，又軟又滑~牛肚爽口，一咬就開~牛腩炆得夠淋又入味~麵質夠爽，掛滿牛肉湯最正！涼拌黑醋茄子~味道香濃，茄子索滿黑醋汁。鹵水豆腐也值得一試~另外加個鹽酥花枝丸(3粒)~ 熱辣辣炸起，爽口彈牙。仙氣火龍果茶~好清甜，火龍果有益健康。芝士奶蓋抹茶~味道唔算太甜，芝士奶味香濃勝過抹茶味。

其實今次係第二次幫襯，之前覺得燉湯、炸豬排都超水準，只係個冷氣過凍有啲惡頂，所以決定再幫襯，點知唔止個冷氣仲凍咗，連食物水準都覺得差咗，又冇燉湯彌補心靈損失，所以可能冇下次。🍓台式雞肉飯定食　HK$63就咁睇個價錢，係咪好抵先？嗱！論豐富度同多元度，個定食係可以嘅；但論味道就麻麻，汁唔夠味，雞肉有啲鞋同淡，個飯隨住個超強冷氣由好熱變咗凍，唯獨乾蔥嘅香味係惹味嘅。跟餐三配菜：茄子、青瓜、木耳，全部都幾好味，好有調劑作用跟餐紫菜魚丸湯：味道方面最正常亦最滿意跟餐蜂蜜綠茶：我發現呢款飲品真係好難會輸，正呀！🍓滷水豬手飯定食_升級魯肉飯　HK$74由於喺台灣食過萬巒豬手，自然對台灣嘅豬手會有啲要求，但結果呢度係令我哋失望咗，啲豬手唔夠骨膠原，唔係黏口，所以就算味道係啱嘅，但口感都唔啱。最慘係個魯肉飯，之前覺得好好味，但今次食覺得好「削」，唔吸引。🍓台式烤香腸 HK$28全餐飯最滿意，就係美味嘅台式香腸，雖然有點鹹😂PS 真心希望有店家嘅人睇到調高番個冷氣，否則真係會好趕客吓。

盅湯冇乜味，夠清淡。鹽酥雞好好食，夠脆，滷肉飯好食。芒果綠茶有驚喜。5點半入坐唔駛等位，坐卡位比較舒適。蕃茄炸排骨湯麵都okay，以上食物只要HKD$147，十分抵食。

已經好耐無去台灣旅行，只能夠食台灣野一解思鄉愁啦!呢間桂花小幸係將軍澳廣場一個唔太起眼既位置，但門口都好多人排隊！我地兩個人叫左兩個原盅燉湯套餐，一個三拼牛肉飯定食，另一個係鹽酥雞雞肉飯定食。呢個定食非常抵食，有浸時菜同燉湯附送。燉湯係蟲草花燉雞湯，味道唔會太濃，亦唔覺有味精，好過有d專賣燉湯個d鋪頭。上湯浸時菜餐廳就用左上湯津白，有少少上海菜味道，菜唔會太淋亦唔會太硬，作為定食既配菜一流。三拼牛肉定食用左腱心牛肉、牛腩同牛丸，份量非常足夠。腱心牛肉既牛味幾濃，牛腩都好入味，牛丸係台式牛丸，牛肉味濃，食落都好彈牙。而鹽酥雞扒雞肉飯定食，鹽酥雞扒炸得恰到好處，唔似街邊買個d台式炸雞扒咁重粉味，亦無咁濃味，能夠食到肉質鮮味。雞肉飯用左傳統台式醬汁撈雞肉煮，雞肉份量好足夠，醬汁都好配合到雞肉飯，好濃既台灣味。我地都叫左鹽酥花枝丸小食，5粒大大粒，鹽酥味無係台灣夜市食個d咁濃味，但都爽口彈牙好好食。食完野梗係要飲番杯台式特飲啦，我地叫左一杯芝士奶蓋阿華田同鐵觀音珍珠奶茶。芝士奶蓋阿華田唔算好甜，奶蓋撈埋阿華田味道幾特別，更加濃郁順滑。鐵觀音珍珠奶茶當然唔及酒樓個種鐵觀音咁濃茶，但撈埋珍珠奶茶又

星期五晚上6:00pm入座，不用等位餐廳裝修都幾雅緻雖是親民小店但有心思餐牌食物款式多價錢亦大眾化台灣嘢唔少得牛肉麵於是單點了紅燒半筋半腩牛肉麵（$64）好大碗湯夠濃牛筋牛腩炆得入味又淋$64出面都好難搵到抵食又好味另外叫了台式雞肉飯定食配涼菜（$63）又係價錢親民食物豐富定食包3款涼菜（有雲耳，醃茄子，醃青瓜）和1碗紫菜魚丸湯雞肉飯（後）的雞肉唔鞋，亦配有足夠滷汁送飯飯份量好大，男仔都夠單點了鹽酥雞扒（$38）即叫即炸熱辣辣切好方便食但略嫌鹽酥味不足另外用$15加配了滷水豆腐（後），黑醋茄子（右）滷水豆腐（後）味道足夠黑醋茄子（右）茄子非常入味，開胃，消暑正品坐得舒適2人埋單$180超值

ғᴏᴏᴅɪᴇ ᴛɪᴍᴇ今次就食桂花小幸💛去咗食佢哋嘅早餐，本身諗住有蛋餅早餐🥣點知咁啱冇🥺下次一定要食到😚所以最後食咗濃蕃茄花枝丸米線配煎蛋🍳烤吐司🍞($38有熱飲)蕃茄味都真係幾濃😍花枝丸佢就切開咗半粒，所以實際上係得兩粒🤣花枝丸食落都有咬口，米線係軟身啲嘅。番茄湯真係濃🍅好味😋