桂花小幸 (將軍澳廣場)

營業中

休息中

尋日突然好想食台灣菜，聽一位住將軍澳嘅朋友介紹呢間嘅台灣菜好好食，於是專程去食。去到門口見到好多人等位，本身差啲想放棄，但諗起喺香港多人食嘅野食多數無伏，所以就等左一陣位再入去食啦。秘罈酸菜魚米線 $68首先一定要講講酸菜魚嘅份量，以$68嘅價錢，佢嘅份量真係物超所值，女仔應該唔會食得曬，所以真係好抵食。湯底有少少辣味，加埋酸菜就係酸辣湯啦，魚好滑同埋唔會有魚骨，越食越開胃，越食越爽。腱心牛肉麵（地獄湯底）$63牛肉麵我哋叫咗地獄湯底，辣得好香，偏向麻辣，但辣得又唔會太油。好耐無食過咁辣嘅野食，辣得好爽。鹽酥雞排 $38鹽酥雞排炸得好香，味粉唔會太多，所以唔會好鹹，炸皮亦唔會太厚。雞排肉滑嫩。蕃茄濃湯水餃 $28蕃茄湯好濃好香，好想成碗湯飲晒佢，餃子係白菜豬肉餃，啲肉好濃豬肉味，好夾酸酸哋嘅蕃茄湯。黑糖仙草凍鮮奶（少甜少冰）$24加配飲品有得減$5，所以我地兩個都加左飲品。食咗咁多辣嘢，叫番杯黑糖仙草凍鮮奶解解辣就最啱。芝士奶蓋玫瑰茶（微甜少冰）$23奶蓋奶味較重，好香好滑，玫瑰茶有種甜蜜香嘅味道，兩者幾夾。果然多人等位係有原因嘅，食完我都覺得值得等位，大件夾抵食，又好食。