桂花小幸 (將軍澳廣場)

營業中

休息中

今個冬天實在是凍，加上疫情，所以留在將軍澳區搵食，又來到將軍澳廣場時常人頭湧湧的台灣菜餐廳，入內看看桌號到收銀處點餐，送餐都算快的。點了冬天暖笠笠之選-胡椒豬肚湯飯，胡椒味道濃郁，豬肚片亦幾多，加上咸酸菜撈飯吃，開胃又暖胃，正！還點了一個三寶麵線，這次選的是清湯，比較清淡，也不錯。跟餐可加配小食，當然選了最喜歡的紫菜肉丸湯，紫菜多又好飲，必選。另外，還加了一客四隻的煎餃子，煎餃子煎得金黃香脆，料亦充足，很好味！

將軍澳廣場有好多有趣嘅食肆，今次嚟呢間桂花小幸係食台灣菜嘅， 2:30開始有下午茶，提供抵食嘅台灣美食，而且仲包飲品，難怪2:30嘅時候門口就有長長嘅人龍點餐。牛展心燒牛肉湯台灣麵$51 湯底非常美味，有鮮甜嘅入味，牛展厚切啖啖肉，面嘅份量好多，整體又香又好食。鹽酥雞排麵$39正宗台灣街頭小食，真令人懷念台灣的夜市呢芝士醬酥排骨吐司$28美味嘅台式吐司，配上香濃芝士醬和鹽酥排骨，非常之特別嘅台式三文治。拉絲肉鬆芝士蛋餅配地瓜薯條$40經典台灣美食蛋餅，配上肉鬆真係非常之好食嘅下午茶小食，地瓜薯條好甜，夠皮少少趣非常獨特嘅美食。日式紅豆抹茶$25香濃嘅抹茶配上甜甜嘅紅豆，十分之棒嘅冬日熱飲之選。芝士奶蓋阿華田$25勁正既FUSION DRINK~咸咸地的阿華田

在某些人眼中香港變得不穩定 ，然而在我眼中還是一樣， 是沒有能力還是沒有想法 ，其實真的重要嗎 ？這天和朋友一同吃飯， 但是也因為疫情的關係外賣自取成了我們的常態， 慢慢習慣了在街外吃飯的感覺，也習慣了在公園內靜靜的享受我們的晚餐的感覺。這餐我們的代表就是台灣菜， 小木耳，鹵水雞翼，鹵水豆腐，這三樣東西正正就是代表作，反正我就是喜歡這樣簡簡單單的生活，味道和台灣的沒有大分別，最重要充滿人情味，這就是人和人之間最重要的感覺。

呢間台式小店價錢親民又大碟仲要免加一服務費認真超高CP值呀👍🏻-🍗鹽酥雞扒（$38）雞扒炸得香脆可口雞皮脆卜卜，非常滋味但略嫌調味不夠似普通炸雞扒多d喔!🥟台南手工餡餅（$28）咬落外皮脆口入面餡料飽滿，肉汁非常豐富食嘅時候要小心肉汁燙唇喔！🍜秘罈酸菜魚米線（$68）冬日限定❣️魚片又多又大塊聞落好香酸菜味，辣味唔突出！但食落超大驚喜...先食到咸酸味，然後麻辣味慢慢湧現辣勁超強勁🌶真係估佢唔到呀🤩以主打台菜嘅小店嚟講...呢碗酸辣米線嘅水準唔錯喔！推介愛辣嘅朋友仔不妨一戰呀💕🍜紅燒半筋半腩牛肉麵（$64）牛筋軟稔，牛肉肉味香濃兩者份量都好多👍🏻紅燒湯底香濃惹味加埋蘿蔔做配料，索盡湯汁，超好味呀！🍹夏日水漾鮮果茶（跟餐$25，微糖）微糖甜度剛好，唔會太甜膩飲到清新果香😋水果份量激多有火龍果、藍莓、士多啤梨🍓🥤 鐵觀音珍珠奶茶（跟餐$23，微糖）珍珠嚼勁十足，份量超多！飲哂成杯飲品，仲有好多珍珠剩喔🥰茶底香醇濃郁，奶香味較淡！

一如以往的超高CＰ值，將軍澳廣場的桂世小幸一直都是我的主場，無論是疫情前還是後，堂食還是外賣。雖然是疫情中，但還是有人在排隊等外賣新的晚市套餐，還有超暖胃的酸菜魚，價格親民得很這裡只要２００多，信不信由你！食物：特盛秘罈酸菜魚＄１２８份量超大，因為放滿了整整２個大盒！湯底的酸菜跟黃牙白多得好像不用錢似的，非常慷慨也很重秤，生魚片完全無骨，入口細滑。辣度算是普普通通，可以接受的程度。雖說很薄但只要不過度加熱，還是可以保持完整，以＄１２８來說，根本是性價比極高！紅燒牛三寶麵＄６９又是一道超值的菜，無論牛腩條，入口即溶的牛筋還是極稔的牛肚，每樣都有最少三大塊，麵質煙韌，湯底清甜而不膩，牛腩更有清湯腩專門店的水準呢！沒有因為外賣而偷工減料，值得一讚！

桂花小幸店內牆上寫著這樣的一段文字： "青春，朝氣蓬勃，百花綻開。人生，不也該這樣嗎?" 人到中年，庸庸碌碌的工作，年輕時的朝氣，真的會忘記了，但願做人能夠毋忘初衷。桂花小幸，微小而確實的幸福與滿足。星期日的下午天，可能因為沒有下午茶的關係，取票後很快叫號。涼拌黑醋茄子今次鎖定叫麵食套餐。小食先上，涼拌黑醋茄子顏色很美，保留著鮮艷紫色，軟綿綿的茄子肉很入味。手拍小黃瓜手拍小青瓜清酸爽脆，十分開胃。滷水豆腐滷水豆腐顏色很深，豆味清香，滷得很入味。涼拌貓耳朵涼拌貓耳朵拌上生蒜碎，爽脆中帶點醋酸味。台灣烤香腸烤香腸切成片狀，份量不少，顏色帶透明，應該內有不少脂肪。入口口感紮實，帶香口感。三盛紅燒牛肉麵三盛紅燒牛肉為腱心牛肉、牛腩及牛丸，腱心牛肉及牛腩各有三片，而牛丸就有兩粒。腱心牛肉無論外觀或味道均很似牛展，肉質帶點筋位，毫無脂肪，炆得軟硬適中。牛腩較肥，肉質更加軟腍，肉味亦更濃。牛丸亦見爽脆，肉味相對較淡。揀選配上養生清燉牛肉湯，藥膳湯底味道不算濃，容易接受。紅燒牛三寶麵紅燒牛三寶為牛筋、牛腩及牛肚，牛筋軟硬適中，煙韌彈牙，表面亦清潔乾淨，金錢肚則較為爽口有哎口。日式紅豆抹茶抹茶味道濃郁少

星期日下午四點都要等位紅燒牛肉麵加蜂蜜綠茶🍵🍜牛展薄薄嘅四片，淋但唔香唔入味🍜台灣麵煮得非常淋，質感唔喜歡🍜湯底有少少辣，少少甜，ok嘅蜂蜜加得少、怪味，唔喜歡鹽酥雞扒配滷肉飯加檸檬茶🍚滷肉飯有做到黏口，有油蔥香味，但色澤不佳，味道一般，飯芯硬🍚雞扒；凍、唔脆、乾、硬、皮厚肉薄、冇椒鹽味👎🏻👎🏻👎🏻🍚檸檬茶真係有我意想唔到嘅味，從來未試過有呢種味！你可以話佢好特別，亦都可以話佢極之奇怪🤪 唔喜歡真心唔明點解會有咁多好評呢間野個質素同個價錢完全唔合比例👎🏻👎🏻👎🏻味道唔好、份量唔多、唔新鮮，發現唔到優點唔會再嚟食lu

下午茶時間我自己都鍾意係將軍澳廣場叫桂花小幸。挂花小幸有一個特價嘅下午茶餐(星期一至五)，就係花之丸肉燥米線28蚊，可轉麵同湯底，加小食，下午茶餐加$6有台式飲品，例如蜂蜜綠茶同梅子綠茶，都幾抵。鹽酥雞扒麵配凍蜂蜜綠茶 $59+6 (星期日)咁我上次就嗌咗呢個鹽酥雞扒麵外賣(張單唔啱)，佢嘅鹽酥雞扒好夠味，炸口，雞排質感唔算啦太硬，會好難咬咁。我就叫台灣麵配紅燒牛肉湯底，其實係menu可以揀唔同嘅湯底，咁我自己就覺得紅燒牛肉湯有少少辣味，比較重口味。麵量可多，唔會因為係下午茶俾少d，食完都幾飽。凍蜂蜜綠茶唔會過甜，配返比較濃味嘅雞扒麵，啱晒!

鍾意食台灣美食既各位，一定要試試位於將軍澳的桂花小幸，餐廳設計大方簡約，仲有好多打卡位。但礙於疫情只可以外賣返屋企食。麻辣牛肉雞翼米線$69麻辣湯底唔算好辣，我地叫左大辣都接受到。牛肉切到好薄，雞翼滷到好入味。成碗好大份，相當抵食！酥炸排骨麵$59酥炸雞扒面$59排骨同雞排外皮都炸到相当脆，配麵底唔會淋，紅燒牛肉湯底煲到相當入味。職員會幫手分湯，外賣拎到返屋企都唔怕淋晒d麵。黑糖珍珠鮮奶$24茉莉珍珠奶綠$15黎到呢度都要試下佢地既特飲，跟餐可以減$5，價錢唔貴又大杯，相當抵飲，真係良心店主🥰等開返堂食之後一定要再黎打卡😍

{台灣紅燒牛肉麵💛}#kong_girl_foodie出街食#桂花小幸#黃店 #黃色經濟圈💛💛💛💛💛💛💛💛.已經食過無數次，質素都好好，算幾多選擇！而且有好多台式飲品可以揀，仲有下午茶優惠添🤩🤩🤩.❣️紅燒腱心牛肉麵 $69今次個湯底比之前淡！冇咁惹味但係牛肉嘅部份都係依然咁好食👍🏻.❣️ 紅燒牛筋三寶牛肉麵 $69超大碗 牛筋 牛肚 牛腩都係好充料牛肚又特別多 都好淋好好食😋.❣️ 鹽酥雞扒 $38金黃色嘅炸雞皮 見到都流晒口水😋雞肉炸得啱啱好 唔會熟得滯👍🏻👍🏻👍🏻.❣️鹽酥花枝丸 $26好大粒！一啖食唔晒！炸到好香口，花枝丸質素都唔差！.📝總結雖然今次個湯底淡咗啲，但係其他食物質素都穩定！下次下午茶黎試吓先！.❣️食完俾分時間❣️🌟食物: 7.5/10🌟環境: 7.5/10🌟服務: 7.5/10🌟打卡: 7.5/10🌟推介: 7.5/10.📍 桂花小幸將軍澳唐德街1號將軍澳廣場1樓133-135號舖#香港 #香港美食 #美食分享 #香港吃貨 #hkfoodie #hkfood #hongkong #hkig #將軍澳美食 #將軍澳

大大話話都去咗接近三四次台灣，每次都去享受去食佢嘅夜市同埋地道食物，又平又好食！香港嘅台灣菜好少會食得飯嗰種地道嘅味道，而且價錢比台灣貴好多，不過依間桂花小幸係好少可我覺得價錢同質素成正比既餐廳~台灣烤香腸，外脆內軟勁似喺夜市食既味道呀！ ！麻辣牛肚同涼拌茄子，都係好出色既開胃菜~ 牛肚食落去麻辣惹味，涼拌茄子將佢整碎咗之後撈汁食一流，酸酸地好醒胃。今餐嘅重頭戲一定係依碗133地獄三盛牛肉麵👅 講到明係地獄，真係勁辣勁辣👻 但唔係盲目得辣味喎，同湯底嘅鮮香並重，正！叫咗份鹽酥雞扒滷肉飯，大大份勁抵食，雞扒肉十分嫩滑有口感😌 滷肉飯既滷肉惹味又可以撈晒成碗！黑糖鮮奶係我每次必點嘅飲品，質素有老x堂咁好飲，仲大大杯！芝士奶蓋白桃烏龍茶係第一次叫，一次過滿足我兩個願望，芝士奶蓋好香甜，而白桃烏龍茶比較清香，唔會濟又夠奶香😍

紅燒牛筋三寶麵有牛腩、牛筋同埋牛肚，基本上鍾意食牛雜既必嗌! 紅燒湯有少少辣但都冇蓋過牛肉味，加上麵身彈牙，食落牛味極濃! 牛筋爽口又唔會太硬，牛腩夠哂淋，好好食!三盛牛肉麵有牛展、牛丸同埋牛腩，如果兩個人都鍾意食牛既咁樣食法就可以食到5樣唔同既牛配料! 牛丸比想像中彈而且仲有肉汁，牛展有少少筋但都係一咬就開，整體都好新鮮唔會放到硬哂!桂花雞翼雞翼有層炸漿，配合埋即叫即炸既熱度同脆度，就咁食已經好出色而且雞翼仲有汁唔會乾爭爭，加上桂花醬，食落甜甜地加上雞翼本身既咸味，食落好夾!煎餃子另一樣必嗌既小食，餃子較厚身亦因為咁可以裝住好多湯汁，咬開就好似食緊灌湯餃咁!鮮果茶&十勝紅豆奶茶兩款飲品都可以揀少甜，特別鍾意紅豆奶茶，口感幼滑又有紅豆既質感，加上奶茶比例岩岩好，飲落超正!

酸菜魚幾好台灣菜夠抵食，同埋又諗起鹽酥雞既味，所以一於限堂食前就食食佢。叫左兩個餐同d小食。小食要左涼拌貓耳朵，手拍青瓜。小食黎講都幾大碟，酸酸尾尾，健康嘅涼拌小食，餐+$15就有。鹽酥雞排，佢啲鹽酥雞都炸到脆卜卜，炸粉唔算厚，大大塊。煲仔紅燒肉定食配酸菜上湯浸時蔬紅燒肉係東坡肉，咬落鬆軟，啖啖肉，煲入邊仲跟埋鹵水豆腐同鹵水蛋，有酸菜上湯浸時蔬，份量夠晒飽肚。酸菜魚伴白飯都幾大兜，好多魚，d湯吾會太辣，連湯連飯，湯飯咁食幾好味，Ｄ湯都可以飲埋暖下胃～野飲叫左黑糖珍珠鮮奶同蜂蜜檸檬蘆薈。呢度嘅環境枱幾大張，坐得都幾舒服。

今天行程排得滿滿的, 由早上一直忙到下午, 所以就在附近來一個下午茶. 特地來到這角落的台灣餐廳, 竟然已經開始排隊等候.  在等候期間, 先看看餐牌. 等了3個字, 終於可以入座了.  快快去付款, 然後去自助區取開水和小碗, 再慢慢等待美食來到.       麻辣紅燒腱心牛肉麵  小米到台式餐館通常會點紅燒牛肉麵.  味覺敏銳的小米, 表示牛肉麵的湯底有微微的酸味.         涼拌貓耳朵  烏醋加蒜蓉加辣椒拌黑木耳.  黑木耳十分脆口.  平時光顧這家台式餐館, 大多都是點粉麵. 今次就破例, 點餃子. 一份煎餃一份湯餃, 可以嚐到二種口味!     牛肉濃湯水餃   是水餃浸在牛肉麵的湯底裡, 有牛肉味的水餃, 感覺賺了! 而剛才小米表示湯底有微微的酸味,, 原來是真的. 先嚐餃子吧!  餃子皮不太厚, 容易咬開, 椰菜和肉餡比例均勻, 還有肉汁呢!          現做煎餃子    即是烚水餃變用煎方式來加熱煮熟.   不平均的啡色焦焦面, 是餃子在平底煎爐煎熟的証明, 並非油炸扮煎熟. 只是煎餃表皮較韌, 門牙需要多點牙力咬開. 中間餡料跟烚水餃一樣, 都是椰菜和肉餡

喺將軍澳廣場呢個地方竟然係 商場嘅有一間專賣台灣嘢食嘅餐廳角落處處都有一個個年青嘅面孔 你食嘢嘅都係幾有活力嘅年青人咁個地方乾淨親切的店員都好服侍 點完餐之後 我欣賞了附近嘅裝修好快啲嘢食就嚟㗎 點咗個59蚊嘅鹽酥雞扒滷肉飯加八蚊我就有一個凍嘅 桂圓杞子菊花冰茶個嘢飲我覺得都幾養生個飯婆好抵魯肉飯真係幾好味好容易入口雞扒大件炸得酥脆食到飽飽另外我加咗15蚊要咗兩個小食就係 蘿蔔牛肉湯我本身以為係湯嚟嘅但係其實係浸住執嘅蘿蔔蘿包煮得好甜好入味亦都好多舊感覺好抵食好夠飽 另外我朋友就點咗個桂花雞翼食都真係幾特別因為點嘅係甜甜嘅桂花糖漿感覺清心 26蚊有三隻好夠熱呀好抵食 另外朋友點嗰個雜果水果茶感覺都好清新健康好大杯 二十幾蚊一啲都唔貴 坐得幾舒服裏面嘅田園風㗎有木嘅枱凳同埋一啲豪屋企感覺嘅掛畫裝飾咁樣感覺佢好似返咗屋企可以攞本書慢慢坐喺度先嚟 消磨 一個冬日下午