桂花小幸 (將軍澳廣場)

營業中

休息中

行將軍澳黎到將軍澳廣場，行到攰攰地就去醫下五臟廟。今次就去左桂花小幸度食飯。入去係因為佢門面，好有台灣一D 路邊既小屋咁，磚牆加木框窗，好有台式情調，未睇餐牌都己經知呢間係台式食品店。食台式食品一定要試既係滷肉飯，今次我地叫左鹽酥雞滷肉飯，鹽酥雞同埋滷肉飯都係台灣出名既名菜，黎都點可以唔試呀。滷肉飯味濃，料足，就咁連飯食己經超正，加埋香噴噴，熱辣辣既鹽酥雞，真係絶配。呢個套餐仲有原盅燉湯同埋上湯浸時蔬，單單呢個套餐己經可以用抵食夾大件黎刑容，但係我個人比較貪心，就叫埋叫左個涼拌貓耳朵同埋古早味滷水雞翼。涼拌貓耳朵其實就係涼拌黑木耳，口感爽翠，做餐前小食一流，岩晒依家天氣咁熱食，食完胃口都開晒，而早味滷水雞翼，我諗都冇咩人會抗拒到滷水雞翼，呢個超人氣餸菜，香噴噴又夠晒入味。正！

今晚收工，大肚嘅老婆落order好想食涼拌黑醋茄子，咁咪去買個麵加配茄子囉。因為疫情關係，返屋企就第一時間沖涼，老婆就繼續湊住個大仔，點知沖涼出黎老婆就喊緊，原來個外賣比咗涼拌木耳，冇咗想食嘅嘢之餘，木耳仲係大肚婆唔食得嘅。咁唯有打返電話去，聽電話嘅阿姐第一句就話投訴唔係呢個電話想收線，我即刻hold住佢，同佢講返情況，阿姐就話一係你依家嚟換，一係聽日你嚟送返個比你囉，大佬呀，沖好哂涼，聽日？大肚婆要位。之後換咗個男嘅聽，態度仲差，話大不了成個餐賠多個比你囉，講到我好似乞咁。講到尾，唔通要個客將一堆包好哂嘅外賣逐兜逐奥拆開check？而且，食肆請到呢d員工，簡直係天大嘅福氣！

位於將軍澳嘅桂花小幸，真係我每個星期必食嘅餐廳之一，每晚都要排隊等位，你就知佢咩料今晚我哋2個人比較肚餓，所以想大擦特擦一餐，叫左成檯都係食物，我今晚自己試左個手撕雞晚餐，好味，份量好足，有前菜有湯。我友人叫左份滷水雞翼加滷肉飯，佢啲雞翼真係冇得頂。另外，我哋加咗15蚊叫左2個小食，真係好抵，有好多選擇，我吔今次叫左紫菜墨魚丸湯同茄子，呢2個必食食台式嘢飲品當然唔少得，我叫咗水果茶，友人叫咗黑糖珍珠奶茶，唔太甜，啱啱好。

天氣咁熱好想食仙草黎消下暑，但係都唔係話想食就有得食架，問下朋友原來將軍澳廣場間桂花小幸佢地除左做正餐既食品外都有仙草呢D甜品食喎， 咁緊係同屋企人一齊去食喇。去到屋企人話見到佢地有個新菜式叫秘罈酸菜魚，其中有個叫秘罈酸菜魚湯飯，所以就叫左呢個酸菜魚湯飯試下加埋我想食既仙草甜品喇，首先講個酸菜魚湯飯，同我地諗既湯飯有小小出入，平時出邊叫既湯飯係，飯加埋係湯入邊，但呢個上既時候就好似酸菜魚湯係一個餸，加碗白飯咁。味道就偏淡，鍾意食清淡味道既，呢個酸菜魚岩晒你地。講返仙草我就叫左2個，一個係雜果黑糖冰仙草，入邊有黑糖沙冰、綠豆、新鮮水果同埋主角仙草。另一個就係紫薯珍珠黑糖冰仙草，一樣有黑糖沙冰，但係其他就變左紫薯、珍珠、棷果同仙草。 2款比較下，我就鐘意後者，因為珍珠同棷果都比較有咬口。

將軍澳近年開到乜都有, 但都會周不時去番將軍澳廣場搵食, 近期較常去係桂花小幸, 皆因cp值高, 好味又唔貴!麻辣豬手麵 $67第一次叫中辣, 都幾辣下!! 湯底非常香新辣濃味, 麵條掛滿湯汁, 就咁食已經好夠味! 豬手係另上, 估唔到佢有咁多件, 4大件, 我諗成隻豬手係哂到! 而且件件有肉, 又滷得夠哂入味, 入口唔覺得肥, 反而係骨膠原FEEL, 係正架!滷水豬手飯定食 $68滷水豬手同樣4大件, 分別在於定食配飯外仲有跟個上湯浸菜, 好清甜, 而且食完濃味既滷豬手, 有啖菜食下感覺更好。台南手工餡餅 $2828蚊兩大件! 好抵, 外表香脆, 咬入去肉汁滿滿, 熱辣辣肉餡好味!煎餃子 $28味道同手工餡餅有D類似, 一樣係外皮香脆, 入面係豬肉同菜既餡, 有口感又好味。芝士奶蓋玄米茶 $25平時都係飲開奶蓋烏龍, 好少有配玄米茶, 清清地都幾夾!蜜桃烏龍多多 $25好好味~~~蜜桃, 烏龍茶同益力多既味道好平均, 唔會過甜又同時飲到3個層次, 推介!

週末的將軍澳popcorn商場人多到喊🥲，搵個地方休息下食個午餐，雖然等位等左一段時間，但食到心心念既酸菜魚都好值得呀😚。秘譚酸菜魚米線 $68巨大碗既酸菜魚米線都係$68咋😝，食量細的話兩個人Share都得😆。酸菜魚入味，夠酸夠辣，重點係冇骨喎！雖然冇得揀辣度，後面幾乎辣到我流晒眼淚🥲，但我都堅持食落去，因為真係辣到好爽呀😂😂。麻辣牛三寶麵 $79 中辣 麻辣湯底不得了，中辣原來真係好辣😂，又係食到我地噴火。唔食得辣既朋友仔自己衡量下啦😆。紅燒牛肉湯底食得多，試下麻辣味既都唔錯。牛丸彈牙，牛肚煙韌。都算唔錯。麻辣豬肚 $38 色澤紅亮，咸鮮香辣，軟嫩爽脆，好食😋。仙氣草莓茶 $25百香果芒果QQ茶 $19茶底草莓茶同QQ茶都好正呀。草莓茶夠清新，可解辣。百香果芒果茶唔太甜，椰果Q彈。

好多時候，我哋都係過住平淡無奇既生活。但生活並唔係日復一日，而是每日都有不一樣既變化，要喺生活中，珍惜每一個一眼即逝嘅瞬間美好💕🥰雖然冇旅行去，但係都成日滿腦子都係台灣美食：珍珠奶茶、滷肉飯、牛肉麵和鹽酥雞等等。。今日去咗將軍澳又突然好想食台灣菜， 雖然冇得去旅行都可以坐言起行， 去食LUuuuuuu叫咗鹵水蛋滷肉飯望落平平無奇但味道唔錯， 掛住食冇影到相🤭蕃茄麻辣🐽豬肚米線都算足料有好多塊豬肚，而且好爽口,可惜番茄味唔夠濃🙄麻辣三寶🐮牛肉麵🍜話明係三寶梗係有牛🐮牛腩，牛肚，牛筋， 而且仲有紅蘿蔔同白蘿蔔 每樣餸都好入味， 而且麵質好好😋必點之選現做餃子~煎餃子， 外面煎到卜卜脆 好香口，入面餡料仲好juicy😚

桂花小幸 (將軍澳廣場) (將軍澳).秘罈酸菜魚米線-因為每次到來都吃酥炸排骨麵，今日要轉轉口味，酸菜魚米線！ 酸菜魚夠滑，湯底酸酸辣辣，好開胃.麻辣紅油水餃🥟-今日我好想吃紅油水餃，真係好辣，但夠刺激，我吃了四個.滷水雞翼- 雞翼唔算好入味，普通雞翼小食，但都可以原盅燉湯鹽酥雞排滷肉飯-女朋友媽媽吃了這個，雞排外皮炸粉係厚少少，但好酥脆，雖然邪惡但係好物.煲仔塔香三杯雞定食-三杯雞件都幾入味，配白飯以及上湯娃娃菜.冷麵都很不錯，炎炎夏日有時真係唔想食熱野

✨中女獨食難肥日誌 ✨桂花小幸 中女食將軍澳酸菜魚湯飯 $68魚肉幾滑，無骨！酸菜夠酸，飲幾啖加飯食，唔錯！特濃蕃茄雞排麵 麻辣番茄湯中辣 $67中辣都幾辣，蕃茄味真係幾濃，面頭鋪滿蕃茄！雞扒亦好大塊！麻醬雞絲冷麵配涼拌貓耳朵 $54天氣太熱來個冷麵！有雞絲及青瓜，配上麻醬好清爽！還有小碟貓耳朵，份量好大抵食！芝士奶蓋鐵觀音 $25朋友喜歡鐵觀音，茶味剛好，配上少少咸奶蓋幾特別芝士奶蓋桂花烏龍茶 $25最喜歡淡淡桂花香，奶蓋亦夠滑，微糖剛剛好涼拌黑醋茄子$18有兩款小食，選了酸酸地開胃黑醋茄子，好好味，有三大件！涼拌貓耳朵次次來必點小食，夠酸，小小的貓耳朵一口接一口！

將軍澳友又嚟飯堂食嘢啦，呢間真係keep住長期多人排隊呀~😂🤣·✨紅燒半筋半腩牛肉麵 $69牛腩大舊亦好腍，一啲都唔韌，唔似雪藏牛，好有牛味☺️牛筋好腍，又係大舊同多，食落啖啖骨膠原🤤紅燒湯有少少辣，帶有一點甜味，飲落去唔會覺得口渴，應該冇味精🤭個麵底都有口感，帶少少煙韌仲有青紅蘿蔔😂，蘿蔔醃過幾甜，有兩條白菜仔咁啦·✨麻辣牛三寶麵 $79我今次挑戰中辣🥵，牛三寶就係牛筋、牛腩、牛肚同上面嗰款一樣有牛筋同牛腩，呢款就多咗牛肚，口感有嚼勁而不韌中辣又真係好辣下，愈食愈辣呀🙈而個麵底對我嚟講偏大，食唔哂添·✨紫薯薏米黑糖冰仙草 $38黑糖沙冰，甜度適中，唔會死甜，沙冰份量唔算太多啱啱好😚有好多配料，有紫薯、薏米、綠豆，仙草份量多，偏硬唔夠滑嘟嘟·✨芝士奶蓋白桃烏龍茶 +$23無糖少冰，白桃烏龍茶底唔錯，而個芝士奶蓋都頗濃郁，幾有鹹香味🤤·✨鐵觀音珍珠鮮奶茶 +$24半甜少冰，呢度最正係原個茶包擺落杯嘢入面，所以個茶味幾出，鮮奶茶味濃，珍珠都好多

今日同朋友嚟咗將軍澳行街，聽朋友講話依間餐廳喺將軍澳都好出名，係數一數二嘅高質台灣菜，而家冇得去旅行，梗係周圍去搵吓有啲咩好嘢食啦，比我知道有依間餐廳之後，一於要過嚟試吓💕依度嘅嘢食好多元化，種類超級豐富，仲要係冇+1 ，所以好抵食，超級有台灣風味👍🏻嘢食方面，我哋叫咗一個滷水蛋牛腩滷肉飯呢個餐超級豐富，廚師落足料，滷水蛋整到好入味，牛腩都超級入味，肉質鮮嫩，仲要好甜好嫩😛紅燒健心牛肉麵絕對係好食！尤其是係湯底，味道好濃，仲要有勁多牛肉，超級抵食小食方面，我哋仲加咗一個鹽酥醬同埋桂花雞翼食返台灣嘅味道，鹽酥雞同我台灣食到嘅一樣，外層好鬆脆，雞肉仲要好嫩滑芝士奶蓋桂花烏龍同埋芒果qq綠茶🥭最後飲埋兩杯嘢飲，清甜又解渴

今日我再次遠征到將軍澳食飯！👏🏼👏🏼而且係排曬長龍嘅人氣小店！👏🏼👏🏼而且係我好鍾意嘅台式料理！👏🏼👏🏼大家記住呢個名喇——桂花小幸——絕對係抵食之選啊！😋同friend一齊食飯嘅好處係可以揀多幾樣然後share，今次都唔例外，我哋總共食咗兩碗麵，兩碟小食同兩杯特飲😝🐂三盛牛肉麵（清雞湯）（$75）有牛丸、牛腩、牛肉三種唔同口感嘅肉質，可以話係牛牛lover嘅盛宴。而通常會令人失望嘅牛丸居然出奇哋整得幾有內涵，有肉丸嘅鮮嫩而又唔鬆散（亦唔似得好多廉價舖頭咁整到實實淨淨，食到好似咀嚼肌做緊gym咁）。牛腩本身軟硬兩部分相處得和洽，我食落肚都同舊牛腩做埋朋友，感覺佢哋真係好friendly好inviting，nice到我想食多幾塊😛🍖酥炸排骨麵（紅燒湯）（$59）紅燒湯我個人比較like，排骨相比鹹酥雞排就係既生瑜何生亮嘅concept but其實你二者得一都可以得天下so whatever la已經好好👍🏼同埋排骨有醬蘸！🤤差啲唔記咗讚返佢啲麵真係好好食，呢啲就係正宗睇樣已經流口水嘅高質麵底喇——不失嚼勁又不失軟度，煮得啱啱好查實都考功夫啊adore adore🙇🏻‍♂️🍗鹹酥雞排（$38

桂花小幸一直係一間我好鍾意嘅台灣菜，價錢實惠得來味道又真係唔錯。今日同朋友就去咗食，我叫咗清燉牛肉麵紅燒湯底。面嘅質地好彈牙，牛肉好淋有牛味，配埋紅燒湯就係經典嘅牛肉麵。朋友食咗鹽酥雞扒配雞肉飯，鹽酥雞扒炸得好香口，又有鹹香，而雞肉飯呢就一啲都唔會柴，食落唔輸滷肉飯㗎。餐廳除咗鹹食，仲有一啲經典嘅台式甜品，今次食咗紫薯珍珠黑糖冰仙草，呢個甜品嘅賣相都幾特別，黑糖冰有特別擺喺甜品嘅面，啲紫薯都好香濃，而珍珠仙草呢啲都一直咁好味。飲品方面我就嗌左芝士奶蓋白桃烏龍茶加珍珠，白桃嘅味好夾烏龍茶，而珍珠又唔會太淋太硬，加埋奶蓋飲落好豐富。

呢間餐廳我係成日食嘅原因係因為我住喺附近喺樓下都好方便😂同埋佢嘅台灣食物係幾高質嘅👍🏻我自己都鍾意食台灣野原因係疫情底下冇得去台灣所以就食住先🥸今次我選擇咗午餐時間嚟 都幾多人排隊！三盛牛肉麵(蕃茄湯)三盛有牛腩牛丸同埋牛肋肉 材料其實係幾豐富嘅同埋係有牛肉味🤤肉味好濃 蕃茄湯係好清甜 唔似得坊間嘅番茄湯咁個味好假 麵質好彈牙 係有口感嘅麵條嚟😆 整體上係好食嘅凍阿華田正正常常不過不失唔會太甜👍🏻Remarks: 呢間舖頭平時都好多人排隊建議如果唔想排隊嘅話就早少少嚟攞飛等位人均消費:~100

桂花小幸 下午6點去食，唔係太多人，唔需要等位就可以入去。坐低睇完menu之後要自己出去外面order，員工會送食物到枱，食物都好快就到。呢幾款套餐都唔包飲品，要自己另外加配。。紅燒半筋半腩牛肉麵（紅燒湯）$69筋同腩都各有兩大舊，份量幾多，牛腩炆得好軟但唔會好柴。牛筋食落就會比牛腩膩。但兩樣都幾好食既。麵底可以揀米線或者台灣麵，個人就比較鐘意食麵，比米線更加有咬口。紅燒湯就帶有微辣，會更加開胃。。滷水蛋牛腩滷肉飯 $69套餐會有一碗飯，飯可以揀雞肉或煮滷肉，最後都係揀咗滷肉。除咗有滷肉之外仲有少少冬菇粒，令到香味更加濃。而牛腩會分開上，唔會令到全部味道溝埋一起。牛腩既味道都牛肉麵入面既都差唔多，不過就只係得牛腩汁。不過一份既量就有少少多。。麻辣牛肚麵（麻辣湯小辣）$52呢個都係揀咗台灣麵，但就揀咗麻辣湯，麻辣湯比紅燒湯食落更加惹味。而牛肚都係炆得好淋，唔會好難咬，份量都多。。涼拌貓耳朵 +$10套餐加既小食，一份+$10，份量唔算話好多。木耳幾爽口，少少辣都幾開胃。。芝士奶蓋阿華田（走甜少冰) $25走甜後都會有阿華田既甜味，而奶蓋偏杰身，帶有少少咸味同芝士味。同阿華田嘅味道都幾夾。