桂花小幸 (將軍澳廣場)

營業中

休息中

晚餐想食台灣野，又咁岩見到門口貼住真心誠意做靚湯，所以就叫左外賣自取叫左個鹽酥雞排雞肉飯，份量無得彈，雞排亦都大大份，仲有埋一份菜好多時外賣都比較少食菜，呢個套餐配搭都唔錯，有肉有菜，睇落均衡鹽酥雞排D炸粉就有點厚，但雞肉都OK，尚算多肉同多汁至於個肉躁飯，不過不失，唔算太油，唔知係咪用左雞肉既關係，色澤一般不過個湯就有點失望，畢竟係比佢門口個介紹吸引而買仲話真心誠意做，應該落左味精，Ｄ湯水過份咸，但係蓮藕好味食完之後隔左陣就非常口渴，唔建意飲太多，下次亦都唔會叫煲湯套餐整體黎講，還算OK，不過一個套餐，四個外賣盒又好似多左點包裝上可以再改進一下點樣可以再環保少少。

今日同朋友行街，行到攰攰地見到有間台灣野去試下食物款式幾多，價錢都好合理鹽酥雞扒飯同平時食既有唔同平時食既一味得個咸字 要係咁飲水或者炸得太過龍無哂肉汁鮮味但呢個岩岩好 又唔會炸得太過乾身 亦無雪藏味最驚喜係椒鹽花枝丸，真係好好食入面成粒都係花枝丸，重要係熱辣辣同外脆內軟仲有好多墨魚粒，本身見餐牌寫係必點都係抱住試下既心情點知真係有驚喜，好彈牙吾韌2個人食細份（3粒）岩岩好半根半腩牛肉麵牛肉肥瘦同埋軟硬適中，唔會柴口而麵條亦彈牙，而湯底亦濃郁。門口亦有台式茶飲店原來喺入邊食嘢都可以點台式飲品珍珠奶茶茶味超級濃郁，珍珠咬口夠煙靭同以前去台灣旅行食既差唔多總括黎講都係推介 下次會再黎

桂花小幸將軍澳廣場有泊車優惠！揸車人士搵野食又方便！下午茶想食台灣野！桂花小幸下午茶時間都幾多人等位係冒險樂園玩完就拎到位🥰😻蔥油雞絲熱拌米線（$65)天氣比較熱就唔想食有湯既系列就叫左拌米線！蔥油好足味😋夠撈麵😚雞絲滑既好味！😻鹽酥雞雞排滷肉飯（$59)鹽酥雞就正正常常！ 反而係滷肉飯有驚喜！下午茶size 佢都算幾大！同埋夠既滷肉撈飯一流😻芝士奶蓋鐵觀音+珍珠（$29)😻梅子金萱冰茶+蘆薈（$23)食台灣野廢水is a must!!!!外賣杯方便飲唔曬重可以拎住走🥰芝士奶蓋奶同芝士味岩岩好唔會偏重其中一邊🥰冰茶係夏天好解暑😊😻台式肉鬆多士（$20)朋友就因為食左午餐就叫左下午茶既輕食沙律醬加埋海量肉鬆既多士🥰紫薯珍珠黑糖冰仙草（$38)又點少得糖水！勁大碗！三個人share 岩岩好！上面乜都有齊😍珍珠紅豆白丸大滿足豐富既下午茶！抵食又好味🤤

紅燒三寶牛肉定食（筋腩肚）牛腩大大舊，但係入口都幾嫩，唔會要咬好耐！另外，平時食得多滷肉飯，今次試咗雞肉飯，都幾推薦，因為啲雞肉都幾滑！古早味滷水拼盤食肉獸一定要跟多個滷水拼盤，牛展牛肚同雞翼滷得好入味！蕃茄酥炸排骨米線（蕃茄湯）蕃茄湯底幾濃，米線軟硬度啱啱好，酥炸皮骨皮脆肉嫩，入口仲熱辣辣，夠哂邪惡！脆脆阿華田厚厚嘅cream再加上可可碎，雖然好邪惡，但係都好滿足！蜂蜜檸檬蘆薈朋友就鍾意叫啲清新啲嘅飲品，少甜就啱啱好！

近排成日有機會黎將軍澳, 特登行入去桂花小幸li個位睇下要唔要等太耐, 平日還好唔會太耐, 見到有新野推出, 梗係要食真d😋.🥢沙嗲牛肉冷麵 咁啱我唸起想食沙嗲牛就見到有得揀, 而且仲要喺大熱天時涼一涼嘅冷麵👍🏻. 一如店家style都係大大份勁足料der, 沙嗲牛好易咬開感覺一定唔係低質嘅牛肉(讚), 汁底夠唒濃稠撈完每一口都濃濃沙嗲n花生香, 送涼拌貓耳朵又係勁醒胃之作.🥢滷水豬手 推介大大碟好多件滷水豬手, 因為真係啖啖肉啖啖collagen, 啲滷水仲要非常之入味但唔係死醎個隻, 一咬就係, 2個人開心share必食之選.🥢麻辣牛肚熱拌米線份量有成個盤咁大嘅米線, 牛肚鋪滿大半碗👏🏻, 味道夠唒麻辣, 拌菜中嘅酸菜仲增加左唔少風味添, 整體唔會好乾, 反而好夠汁底. 附送嘅紫菜貢丸湯粒貢丸大粒到嚇親!! 係勁有台式味道嘅貢丸呀, 真係大碗又抵食.🧋芝士奶蓋抹茶厚厚芝士奶蓋勁抵飲嘅奶蓋抹茶🍵真係行過開都要整返杯! 又大杯, 抹茶味香, 奶蓋濃厚重, 足料呀.🧋益力多檸檬🍋梳打成枝益力多嘅份量加上檸檬同梳打水夏天飲啱唒解渴, 大大杯食辣野救火之選.🍧紫薯薏米黑糖冰仙草超正😋 勁足料

今日同朋友去左行街街 見到呢間台灣菜都好多人係門口排隊 就去左食啦😚😋我同朋友2位 等1張枱就入到去lu-台式小食拼盤 🍱 $68呢個拼盤有炸花枝丸🌸、炸雞翼🐥、炸餃子🥟、同埋炸蕃薯條🍟不過今日冇晒花枝丸 所以就換多左兩隻炸雞翼比我地😋😋個拼盤熱辣辣、啲炸皮都好脆😋正👍🏻-麻辣牛三寶米線🍜🐮 $79佢有得揀麻辣大/ 中/ 小辣😋 我地第一次食 所以叫左小辣試下先上到菜原來佢啲麻辣油係分開上嘅好有四川料理嗰種麻味😋幾過癮架牛三寶有牛筋、牛腩、牛肚 三個餸😍😍仲跟埋西生菜🥬同埋一啲配料～超大碗😝-蕃茄濃湯水餃 🍅🥟 $52/ 8隻蕃茄湯底好甜好濃🥰😋水餃係豬肉餃～皮薄餡又多😍😍推介呢一碗😛💓-見到佢隔離舖係專賣台式手搖飲品所以我地都加錢叫左兩杯特飲～🥤🧋🌸芝士奶蓋桂花烏龍茶 $30🍊夏日水漾鮮果茶 $29

店舖坐落喺商場唔太起眼嘅位置，不過一到午市/晚市都一定要拎飛先等到位。今耐冇去台灣旅行啦🥲所以好想食下台灣嘢止下癮。今次係食tea set 好抵👍🏻好大份，一個人食一個set會超飽😂仲有大大杯嘢飲!

Weekend❤️ B+BC Taiwanese Cafe🐮🍜☕️💫..將軍澳區內一間台灣菜長期多人，印象味道不錯份量足又抵食 (沒加一)🤗，滷水炆煮入味出色，款款都好好吃，餐廳仲設有外賣手搖飲料店，經過就算唔堂食都可以買飲品🧋，回味一下。趁週末就來吃個lunch🥢，台灣菜真的是讓人吃下感到簡單溫暖，吃下滿滿人情味💕，讓人回味無窮！🔸麻辣蕃茄豬肚米線 $56特濃之蕃茄湯🍅，酸酸甜甜帶微辣，豬肚炆煮軟淋，整碗味道開胃十足啊。🔸三盛紅燒牛肉麵 $75紅燒牛肉湯，就算清湯都很香濃牛膩肉香🖤，三盛 (腱心牛肉、牛腩、牛筋)，款款出色又入味軟淋鬆化，都是我喜歡的，份量同樣足料。牛魔王系列：香濃牛膩肉香，滷水出色入味且軟淋得宜。🔸古早味滷水拼盤 $68(腱心牛肉、牛肚、雞翼、蛋)🔸黑糖珍珠鮮奶 $27🔸鐵觀音珍珠鮮奶茶 $272款少甜少冰，同樣大杯，珍珠煙韌🧋，週末就是要來一杯喔！..台灣菜就是簡單吃下溫暖，週末的小確幸❣️。..×××××ש將軍澳唐德街1號將軍澳廣場1樓133-135號舖..

1️⃣鹽酥雞扒滷肉飯份量好多，雞扒都脆身，肉嫩，唔會好鹹。滷肉飯d汁同肉都多，夠哂餸飯💰HKD$59佢個青瓜前菜要讚呀，好清新👍🏻2️⃣紅燒牛筋三寶麵有牛肉，牛肚，牛筋，蘿蔔。湯底飲落有小小杞子味。蘿蔔好淋，索哂個湯超正😋牛筋好滑。餸超多，食餸都飽咁滯😂😂💰HKD$753️⃣滷水豬手超大隻，都好夠滷水味，肉好淋👍🏻👍🏻💰HKD$584️⃣芝士奶蓋阿華田好濃味，芝士好香滑👍🏻好大杯💰HKD$255️⃣芝士奶蓋桂花烏龍好清新，芝士香滑💰HKD$25

位於將軍澳商場裡面的一家台灣菜餐廳，不論是堂食或是外賣，晚飯時間同樣多人。下單時，可以掃二維碼或者在外面收銀處下單及付款，沒有加收服務費。食物款式多樣，價錢很合理，份量相當大份。台灣傳統：秘罈酸菜魚台灣麵 台式的酸菜魚麵，跟四川的版本不同。麵條本身是跟米線，亦可免費轉成台灣麵，台灣麵條質感較挺身，亦不會浸得太腍。酸菜湯底裡有大量酸菜，還有薑片、花椒及芫茜。整體辣度不強，容易接受，酸酸辣辣的味道，十分開胃。魚塊份量有多片，口感嫩滑，沒有骨頭。湯汁餃子：番茄濃湯水餃 可以選擇4或8隻水餃，番茄湯底濃郁，水餃入面的餡料是豬肉，充滿肉汁。現打水果茶系列：仙氣草莓茶 沙冰打造成的茶底凍飲，嚐得到粒粒草莓籽，清新又解膩的果茶飲品。

今晚到將軍澳探婆婆，每次見到好多想試店子，今晚就試台灣野🤭🤭🤭人流都好多，拎飛都等左陣，店員每位都好有禮，想食滷肉飯好耐了。就點了雞扒滷肉飯，雞扒香脆嫩滑，滷肉入味配上珍珠米飯，一流加20蚊可配2款小食，滷水豆腐及紫菜魚丸湯，豆腐滑滑，味，紫菜魚丸湯紫菜多，魚丸彈牙。湯亦好清甜，一啖一啖喝掉了，秘罈酸菜魚台灣麵，魚好新鮮，魚肉滑，夠酸夠辣夠濃味，麵好彈牙，整體超滿意，手拍小黃瓜，前菜來說好開胃爽脆鮮甜美味。最後點了杯夏日水漾鮮果茶，清甜水果，點了小甜，清新，解渴。值得一試

今日陽光普照，走去將軍澳一帶逛逛。基本上甚少去，曾有時間去探索一下環境。與友人行得疲累，行至將軍澳廣場正好是午飯時段，找了一間主打台灣麵小館。紅燒惹味牛腩麵原用紅燒牛肉湯底，味道濃厚，甜美。牛腩好大件，肉質軟熟，有嚼口。米缐吸收了牛肉湯精華，特別滋味。紫菜貢丸湯追加小吃，貢丸比乒乓球還大，爽彈，有肉香。 只加$15確抵食。夏日水漾鮮果茶非常配合最近天氣，水果嘅清香，清新，涼透心。還有新鮮水果粒，好飲。

食到唔知食乜好，見到人排我有排。餐廳座位多，相對較逼，但都係坐得舒服的。食台灣嘢點少得紅燒牛肉麵，呢個係三盛，有牛肉、牛展同牛筋。面底可以揀台灣麵或者米線，大大碗都只係$75！抵到爛。朋友就揀咗秘罈酸菜魚麵，我偷試咗一啖，夏天飲呢個酸味味嘅湯，一流！最欣賞佢嘅麵質夠彈牙。鹽酥雞扒同樣唔少得，大大份，炸得夠香脆，雞肉嫩滑，唔會肥膩。呢個鹽酥花枝丸就係今日嘅驚喜，大大粒，好香花枝味，推介！最後叫咗杯鐵觀音珍珠鮮奶茶同埋茉莉珍珠鮮奶綠，可能因為我叫咗微填，相對教談，下次可以試吓半糖。

今日同朋友好想食台灣嘢， 又勁肚餓， 發現一間食肆，抵食夾大件， 有蛋有魚有菜又有飯， 仲有大大杯餐飲， 既經濟又飽肚又好食酸菜魚湯飯酸酸辣辣嘅酸菜魚， 魚肉香辣又鮮甜， 魚鮮味十足，用魚湯餸飯， 既有飯香， 又有鮮魚湯味， 食到停唔到口紅燒牛三寶麵當然係牛嘅三寶， 牛腩牛筋同牛肚， 香軟多汁嘅牛腩， 牛肉味十足， 內裏溫床很多肉汁， 牛筋亦都吸收咗鹵水嘅精華， 十分惹味， 牛肚亦爽口彈牙， 每一啖牛寶貝 都充滿肉汁椒鹽花枝丸剛剛炸完嘅花枝丸， 加上 椒鹽粉， 又惹味又可口紅豆抹茶抹茶味濃配合紅豆十分match， 十分濃厚芝士奶蓋鐵觀音厚厚嘅芝士奶蓋， 鹽香 芝士味甚濃， 配上淡淡清香嘅鐵觀音， 清甜又香滑

1、服務：點餐是掃QR CODE點餐，但系統好唔人性化，想點噶餐好難搵到，之後就霖住人手落單，但阿姊就叫我地自己寫低，跟住去counter比錢落單。。。寫左交去counter，點知仲要自己再講多次。。。想問咁要我地寫單有乜用，服務真係差。2、環境：環境係OK，地方闊落，坐得舒服；3、食物：我地點左牛肉麵、香酥雞排飯、牛筋牛腩飯，加珍珠奶茶，湯底OK，但其他就正常，不及之前食過噶台灣餐廳，價錢方面比較合理