校長燒肉日韓料理 (沙咀道) (已結業)

有日官人想食燒肉，又唔想食平時食開果幾間，結果就去搵咗荃灣嘅校長燒肉。一去到樓下嗰陣時已經好有驚喜，唔去到都唔知原來咁多人會排隊！一上到去驚喜更加不斷，我無睇過menu book既情況下，一上樓梯就見到有魚生放題！reception隔離原來仲有雪糕，對面竟然仲有甜品櫃😱驚喜都仲未完，一坐埋枱發覺點解仲有電子發熱勞，跟住見到人喺出面攞一鍋鍋湯，原來枱係有得一邊燒一邊洽！湯底有三款，日式豬骨湯底sukiyaki湯底同埋麻辣湯底。肉就多到數唔哂，絕對要食香草魚柳，柚子豬扒，雞腎雞軟骨！如果唔怕鹹嘅朋友，一定要食埋豬柳。唔洗怕熱氣架，飲品櫃有大量飲品選擇，清熱下火又有，啤酒都有。如果唔想凍飲仲有得自選茶葉沖熱茶。極度建議朋友一定要試一次，包你開心果食出奇蛋

校長燒肉風聞已久，知道佢嘅放題又平又抵食。之前疫情嘅關係，點都有少少避忌，而家疫情都差不多過去，所以就決定再嚟食。呢度嘅食物選擇都好多，有熟食、點心、有打邊爐、又有燒肉，仲有甜品同酒，講明係校長燒肉，嚟到呢度嘅主角就梗係燒肉嚟食。無論係打邊爐或者係燒肉，佢嘅選擇都係多到好目不暇給，雞翼、柚子醬醃豬扒、牛肉、台灣腸、多春魚都好推介拎嚟燒。飲品嘅選擇亦都係超多，加埋就腳嘅地點，如果想食燒肉，又想打邊爐，呢度真係一個超好嘅選擇。

作為荃灣街坊, 如果未食過校長燒肉, 真係會比人笑而我為左唔好比人笑, 今晚就約左朋友一齊去食作為荃灣友, 話係校長燒肉等, 之係係沙咀道既D個路口等, 荃灣友一定要知呀去到已經好多人排隊, 睇黎真係好受荃灣街坊歡迎燒既肉都好多款, 有多款牛, 雞, 豬, 魷魚等等咁當然仲有唔少熟食食啦, 目測最受歡迎就一定係辣酒煮東風螺啦竟然仲有點心, 有蝦餃, 燒賣, 排骨等等, D個真係有驚喜係等緊個爐熱既時候, 就緊係食啦, 我地扲左好多刺身, 都幾新鮮, 而且蝦好大隻, 食多幾隻都回本啦夾左好多款牛, 有黑椒, 紅酒, 大醬, 我地最鐘意就係大醬口味, 最有特色! 而且因為用左牛油紙, 職員可以好密咁幫你換, 咁食都食得健康D飲品都係任飲的有多款甜品食, 有我最愛既COCOBERRY, 我覺得佢唔會太甜, 好好味仲有近D幾年好受歡迎的蜜瓜雪條, 食多兩條都已經回本啦總結熱食, 燒食, 甜品都唔錯, 唔怪得咁多人排隊, 咁多人鐘意黎食啦

知道荃灣有間燒肉連火鍋放題好受歡迎, 所以一早預訂, book 左7:15果個時段, 每位$208，限時兩小時。去到, 裝潢好似打war game的地方, 沿路, 先見到日式魚生, 刺身, 一次過可以取3款, 中間一邊係凍肉,一邊係熟食, 中間係醬料, 蔬菜, 沙律, 見到一大個飲品櫃, 任飲, 仲有啤酒, 清酒,梅酒, 一邊仲有炸物, 同點心蒸籠，每碟點心一兩件，因太肚餓, 所以一出去就比熟食吸引住, 先來一碗碗仔翅, 朋友鍾意食豬腳, 所以攞左幾隻比佢食, 我食完都講左句, 真心好食, 味道醃得入味, 又淋, 又有薑蔥蒸魚, 到主角了, 拎左兩三轉燒肉, 大部分都有醃過, 最喜愛係牛扒同雞翼, 所以燒完唔洗沾醬料都好夠味, 不過我較重口味, 我喜歡灑上鹽巴同孜然粉, 尤其係雞腎配孜然粉, 特別惹味。食完燒烤燒肉, 真係要啤一啤佢下吓火先, 呢隻啤酒啱晒女仔飲, 清甜味, 易入口, 又解渴。最後再整個火鍋, 烚啲蔬菜同雜菌類, 旁邊有個茶葉, 花茶角, 種類繁多, 可以消滯。最後食一轉甜品, 都有好多選擇, 有布甸, 大菜糕, 仲有一個大雪糕櫃, 有驚喜, 好似去左個便利店咁多款,

每次坐小巴都見到校長燒肉日韓料理好多人排隊，早幾日訂咗位今日去食~座位以卡位為主，2 個人坐好舒服又唔迫！$208 一位燒肉加刺身任食2小時~飲品選擇非常多，由花茶、汽水，甚至啤酒都有！今次嚟食燒烤當然要去拎食物去燒先， 基本上平時燒烤有嘅食物都有，豬、牛，羊當然唔少得，另有雞翼、雞腎、多春魚等，而且種類味道選擇多，單係雞翼都有4 隻味，當中水牛城雞翼醃得好夠味，食落酸酸辣辣~除咗燒烤仲有火鍋類食物，當中牛五花同豬五花，油膩分佈平均，拎去燒烤好正，仲可以包生菜食，好正！而刺身方面， 三文魚、希靈魚、八爪魚、仿鮑片，甚至泰式生蝦都有，三文魚夠大夠厚，必食！泰式生蝦味道就較啖~熟食方面，有飯、有人參湯、老火湯、碗仔翅等碗仔翅多料而且好夠味，算唔錯！甜品有西米露、蛋糕、雪條等，一口氣都食咗2 條雪條！整體：食物種類多，由生、到熟食都好多選擇唯一真係人較多，拎食物較迫😆

見好多人嚟排隊，又標磅「日韓」，諗住嚟試下好嘅地方- 嘢食種類有好多，有熟食又有燒肉&邊爐唔好嘅地方- 4個人開得一個燒爐，集中喺枱嘅一邊（另外一邊嘅兩個要烏個身嚟呢邊燒）。但要開埋另一個爐要加多$50，感覺有啲屈人，未見過開得一個爐俾人…- 好多嘢（如烤腸，燒賣）食哂就冇再refill, 遲嚟一步/拎慢啲就成場唔洗食- 最慘係最重要嘅燒肉部分都唔好食，啲肉又厚又冇味，仲差過一般舊式韓燒- 碟大部分都濕濕地，感覺唔太乾淨如果你當佢係一間純粹食放題嘅餐廳會好啲，如果為燒肉而嚟我會覺得失望咗

book左1915, 大概1900已經到,店員好快手幫我對booking資料,之後比飛仔再填出行紙,之後就排隊等安排入座前面有一家人好心急不停問上得未,店員都好有耐性招待入座後即時拎食物,款式多肉質亦唔錯,我鍾意校長既肉切得比較厚身大件,唔會碎濕濕,亦唔會一件肉上一堆醃料,食唔出肉味比較驚喜既係今次多左蒸點心,而且質素一d都唔差!款式比餐牌多,有排骨 牛肉球 金錢肚 燒賣 蝦餃 珍珠雞等等,都係酒樓要比大點特點既食物大部分肉都有試過,最喜歡紅酒西冷扒 金沙骨 漢堡扒 雞腎片 菠蘿(原個新鮮切開,好甜)爐上放左一張紙,食物唔會太容易燒燶,侍應亦換得頻密,態度好今晚最驚喜係飲品! 竟然有日本highball! 甜品我主要食雪條雪糕總括黎講真係唔錯,多左highball值得我一直encore!

可能這幾天吃的比較清淡，想來一頓放縱的！所以約一位朋友到荃灣吃放題！我們到達的時候大概7點，挺熱鬧的。我們坐下之後店員幫忙開爐，之後就是我們'放縱'的時候了。我先出去拿不同種類的肉，有牛西冷，豬五花，香葱鷄排，黑椒牛排。路過見到竟然有點心車，待會再去。最喜歡吃的是黑椒牛排，燒起來特別香，而且肉的厚度適中。 另外鷄排也不錯，不過需要點耐心燒。這裏的蘸料也很多，配上孜然粉是我的最愛，還有燒汁。然後我拿了鳳爪，排骨點心，感覺也不錯，挺創新的。 之後我也燒了帶子和八爪魚，正常發揮。這裏還可以打邊爐呢！真的什麽都有。 我拿了四川辣湯底，不過感覺不辣。加了午餐肉，貢丸，芝士腸，芋絲，最後還吃了個公仔麵！ 總的來説，這頓很豐富，推薦給想到荃灣吃多種類而且有點心的放題的朋友去。

今次同男朋友黎到荃灣嘅校長燒肉之前行過見到咁多人 已經心郁郁 好在一早book左位 唔駛等好快就可以入座😙真係有好多好多嘢食 真係花多眼亂🤩淨係燒烤嘅肉類已經有好多款 雞牛豬通通都有 我當然要瘋狂燒唔同口味嘅雞翼 同埋大大片嘅雞腎！ my fav! 😍食咁多肉當然要食返啲蔬菜平衡下依度連蔬菜都有好多選擇！西椒翠玉瓜粟米菠蘿蓮藕生菜...💭除咗有好多款肉類 仲有壽司刺身火鍋湯品甜品 飲品仲有唔同嘅酒類可以揀！ 好啱一大班人暢飮～👍最特別嘅係竟然有個花茶corner🤩可以自由配搭冲出最想飲嘅花茶尤其是大魚大肉過後 總係想飲杯消滯解利嘅嘢 沖一杯清香嘅花茶就最好不過☺食完飲完當然唔少得甜品凍櫃起碼有五款雪糕甜筒雪條今次仲唔fat fat😝

燒肉好？定打邊爐好？why not both😂😂唔知食乜好時最好平平哋去食轉放題！！百幾二百蚊任食120分鐘😊唔急趕唔肉赤！首先燒咗肉先啦！出去見牛雞豬多春魚腸仔等等等等BBQ應該有嘅都有！食完一轉肉類燒番件鮮菠蘿減減油膩！出去拎轉即切刺身淨要咗三文魚都幾厚切👌掃埋沙律吧＋壽司＋巡視汽水櫃又番埋位繼續食😜跟住出去拎番個鍋揀好湯底食埋火鍋先！配料一樣應有嘅有！丸類蔬菜響鈴炸魚皮等等等等！等水滾去拎埋現成小食！Be最鍾意食果個煙韌嘅甜薯麻薯波波😍之後係時候去寵幸埋個甜品區域！樣樣細細杯可以試多幾款！個人覺得香芋奶凍幾香＆柑橘啫喱幾清新😉好啦！人大咗真係食唔到咁多lol好快飽飽滯滯！竟然俾Be發現有好特別嘅DIY花茶區🌹☕勁多選擇！！即刻沖咗杯自調嘅🌸玫瑰花+洛神花+山楂🌸！！！超鍾意酸酸咁嘅花茶！油膩感一掃而清❤️

又到晚飯時間～仔仔想食燒烤，我想食打邊爐，點算呢～～～其實好簡單，去 #校長燒肉 日韓料理 食就搞掂晒😊一個價錢，多種食法，皆大歡喜😁可以燒肉、又可以打邊爐、晚飯小菜點心又可以，連日色魚生壽司都有👍👍👍淨係燒肉款式已經多不勝數有豬、雞、牛、海鮮、腸仔、餃子⋯⋯而打邊爐都有三款湯底可供選擇有壽喜燒、日式豬骨濃湯、麻辣湯底~最正梗係揀鴛鴦湯底啦😂仲有各式各樣嘅沙律🥗車厘茄、粟米、沙律菜、涼拌等等等緊燒肉時間，仲可以食好多美味嘅熟食蒸點：鳳爪、排骨、沙嗲金錢肚、鮮蝦燒賣⋯⋯熟食小菜：東風螺、腸仔雞翼、南乳豬手、咖喱薯仔⋯⋯炸物：春卷、薯條、雞粒、薯波⋯⋯壽司：三文魚、熟蝦、甜蛋等刺身都有新鮮厚切三文魚、希靈魚、仿鮑片等咁多美食又點少得各式各樣嘅汽水呢，除咗汽水之外，啤酒都係任飲㗎！之後到最愛嘅甜品區🍮甜品都有10多款以上雞蛋布甸、仙草白涼粉、士多啤梨啫喱、奇異果果凍、冰花寒天⋯⋯仲有自製草莓乳酪雪糕🍦和各式各樣的甜筒雪條😍如果食得太多凍嘢，仲可以沖番杯熱辣辣嘅花茶飲🍵總括來講，呢度嘅美食種類多，食物食材都新鮮好味，環境舒適，最重要價錢親民，評分5分😄

呢間校長燒肉出咗名抵食，晚市包埋火鍋刺身燒肉都係每位$208加一，難得今日早放，決定去食～被安排坐喺窗邊，好闊落～選擇非常多，雞牛豬肉雞翼叉燒腸仔魷魚乜都有，仲有好多蔬菜任夾～基本上你諗到嘅火鍋燒肉配料都有仲有沙律菜炸物都好出色，因為都去得好快嘅關係，食落仲係熱辣辣Refill速度都相當之快～超搞笑有得食埋點心～我試咗珍珠雞同蝦餃，以為會好劣，點知好有驚喜，蝦餃皮博蝦肉大粒，珍珠雞就正正常常不過不失刺身方面就有三文魚帶子希靈魚等，超級新鮮三文魚大推～超正～飲品方面，除咗罐裝嘢飲外，老火湯同人蔘雞湯我都大力推～如果鍾意飲花茶嘅朋友，更加可以自己揀材料去泡返壺靚茶飲～甜品方面雖然呢味道普通，但勝在種類好多，好滿足總結，超級抵食，會再幫襯～

上星期去咗大埔分店幫襯諗住今日出去荃灣就順便試下啦，點知……上到去一睇D環境衹係普遍，食物質素有返咁上下都ok，但同大埔相比下真係差好多。D炸物一D都唔脆及乾。D熱食一個人係無攞到(因為D食物蓋衹要一放手就立即會跌番落去，如果一個人取食物一隻手攞碟另一隻手頂住個蓋，真係唔知點攞)。D點心一出衹攞到2籠蝦餃，到走都無咗補過。D燒肉尚算ok，但係個爐就非常之唔掂(如果唔係有張牛油紙放面，絶對唔會用)，唔知係洗唔乾淨或D漬太難清洗，總知一見到又無曬胃口。(張牛油紙係覆蓋唔曬唔爐)同一集團太埔分店送海鮮拼盤，荃灣分店就無？最後甜品尚算ok啦。

因為人在荃灣，見到呢間的評價不錯，決定去試吓。其實我到達的時間有點晚，14:05到，午餐時段15:30就完了。進入時店員告訴我15:00會停止取用食物，但我還是決定試試。食物選擇多，而且分類清晰。飲品的選擇亦很多，以這個價格來說我很滿意了

今次來到荃灣的校長燒肉還沒開門, 門口已經有很多人排隊等候首先刺身區有八爪魚, 希靈魚, 墨魚片, 仿鮑魚, 蟹肉棒, 玉子, 泰式生蝦, 三文魚, 榮螺片甜品區有雜果, 椰果, 和果子, 啫喱, 布丁沙律區有螺肉, 蘿蔔, 粟米, 中華沙律, 番茄, 芽菜, 泡菜, 沙律菜熟食區有排骨, 菜, 魚蛋蘿蔔腸仔, 另一款菜, 豬手炸物區有洋蔥圈, 紫薯波, 椰汁西米球, 麥樂雞, 香腸, 炸雞粒, 春卷旁邊有飯, 碗仔翅, 老火湯, 人參雞湯點心有珍珠雞, 沙嗲金錢肚, 鳯爪, 牛肉球, 鮮蝦燒賣, 蒜香排骨肉類區選擇非常之多, 超過50款, 我就不一一說明了火鍋用蔬菜區, 有木耳, 蟲草, 芋頭, 金菇, 生菜, 蘿蔔, 南瓜, 娃娃菜, 萵苣, 冬菇, 粟米, 鮑魚菇, 還有烏冬, 公仔麵火鍋湯底有日式豬骨湯, 四川麻辣湯, 壽喜燒湯火鍋醬料有蔥花, 芫茜, 蒜蓉, 指天椒, 炸蒜, 沙嗲, 辣椒油另一邊醬料區有蜜糖, 蜂蜜柚子醬, 燒肉汁, 千島醬, 胡麻醬, 秘製燒烤醬, 韓式辣醬, 和風沙律汁, 包飯醬飲品區飲品非常之多, 自己看吧還有清酒, 梅酒, 花茶, 奶茶, 咖啡先拿些