502
37
22
開飯介紹
抵食日韓式燒肉放題店，多款肉類選擇，另外還設有自助沙律吧，壽司、炸物、海鮮和甜品等亦有提供。
繼續閱讀
營業時間
今日營業
11:00 - 16:00
17:00 - 22:00
星期一至日
11:00 - 16:00
17:00 - 22:00
公眾假期
11:00 - 16:00
17:00 - 22:00
公眾假期前夕
11:00 - 16:00
17:00 - 22:00
以上資料只供參考, 請與餐廳確認詳情
優惠
61折
晚市3小時燒烤火鍋刺身放題(只限荃灣店)
$198
$328
65折
午市2小時燒烤火鍋放題 (只限荃灣店)
$98
$152
食家推介
相關文章
荃灣校長燒肉兩小時放題$238，除燒烤，也有火鍋、刺身，壽司、點心、炸物、小食、熟食……等，還有湯、甜品及飲品，還可自制沙律……刺身要了三文魚、鮮帶子，及要了鰻魚壽司……，三文魚軟滑油香，鮮帶子很鮮味。小食有炸薯角、洋蔥圈、麥樂雞、炸魚皮……熟食有鼓椒炒蜆、炆排骨、東風螺、貴妃雞……點心有蝦餃、燒賣、牛肉球……等等。還有節瓜粟米紅蘿蔔瘦肉湯，好清甜。主角燒烤肉類有很多款式，豬、牛、羊、海鮮……，丸類、腸類、蔬菜類都有，全部自助自取。牛仔骨厚薄適中，特別好牛味！牛五花肥瘦適中，很易熟，又香牛味，所以很喜愛！水牛城雞中翼、肉質帶嫩，很香。多春魚魚子特別香及爽口。韓風大醬牛肉片、韓醬豚肉、孜香豬扒、土匪雞中翼.......最愛韓風大醬牛肉片夠厚又入味.....還有非常多的款式，魷魚鬚、海蝦、香草魚柳、煙鴨胸片、照燒雞扒、麻辣豬扒、黑椒薄牛扒、一口牛、韓式豬肋骨、香草腸......，也有很多丸類、餃類.....而且還可以一邊食燒烤一邊食火鍋，餐廳款式多且頗高質，食得好開心……甜品的款式也不少，食得相當滿足……
繼續閱讀
夜晚黃金時段唔使等位都能夠即時安排入座，即刻開餐～但唔使排隊又唔代表食物質素唔好，只係因為呢個場地方夠晒大！兩小時燒肉x火鍋雙重放題成人收費最平$138一位，週末晚黃金時段都係$248，環境幾企理，座位夠寬敞，現場所見衛生狀況唔差，加埋過百款食物飲品選擇，性價比非常高！首先講下飲品，基本罐裝汽水，果汁茶酒都有供應，而且有個暖櫃提供熱飲，雪櫃旁仲有室溫飲品，相當貼心。更正既係有個自助花茶區，仲有埋功效同配搭建議，正！我沖左杯蒲公英，甜葉菊，紅棗，玫瑰，山楂，好清甜，好飲！飲品選擇都咁多，食物當然更多！沙律，冷盤，辣炒熱盤，刺身，壽司，炸物之外，仲有放題比較少見既蒸點心！蝦餃燒賣真係要趁熱食，辣炒蜆同辣東風螺幾惹味，刺身除左三文魚，虎蝦，帶子等，仲有大大隻赤蝦，鮮甜爽口！正呀！講左咁耐，餐廳主打其實係燒烤加火鍋，食物區有成七十款海鮮，肉類，丸類及蔬菜等，唔少本身已經醃過調味好，直接燒完唔使再點醬都夠好味。我推介羊架，香草魚柳，韓醬豚肉，麻辣雞扒。以往韓燒成日要換鐵板，但呢度響鐵板上鋪左張紙，連燒多春魚都唔會痴底！只係有汁既醃肉令張紙變黑，所以燒左2個鐘都只係換過一次紙！至於火鍋，三款湯底，個煲仲可以揀鴛鴦鍋，再次感受到餐廳在安排上的細心。甜品部分有糕點，布甸，軟雪糕以及雪條等等好多選擇！今期款蜜糖牛奶味雪糕好特別，不過唔太合我口味，眾多甜品中，我最愛始唔識始終係朱古力雪糕批！
繼續閱讀
#chuchu食在荃灣📍 校長燒肉日韓料理餐廳佢開咗好多年，🐷一路都想試，今日終於去試吓！有𨋢上一層，全層都係，地方好大！座位闊落，坐得好舒服！會播住耳熟能詳嘅歌！—————————————————————❣️ 燒肉x火鍋 雙重放題 $248價錢真係好可觀！好抵！仲要係好多野食，咩種類都有！過百款野食飲品！🥩肉類韓式燒烤大部分都係醃過的！味道都唔錯，牛肉有韓風大醬牛肉片、一口牛同黑椒味牛扒！雞有雞翼雞扒，都有好多種味，土匪雞翼，水牛城雞翼都有，仲有雞腎雞軟骨！豬就有韓式豬腩片呀，豬頸肉，五花肉！🍲火鍋料有幾款湯底可以自己揀，豬骨，麻辣同壽喜燒，自己拎個鍋斟好，拎翻去就得！選擇超多，其實有啲料我諗打邊爐同燒肉都互通的，除咗肥牛同豬肉之外，仲有豆卜、山根、公仔面同烏冬…….同埋蔬菜區！🍣刺身壽司刺身選擇好多！三文魚、帆立貝、赤蝦、虎蝦、玉子、希靈魚…….🍤炸物有好多選擇，麥樂雞、炸春卷、薯條、薯角，全部都係熱辣辣同脆嘅！🧇點心小炒竟然中式都有！燒賣，牛肉球嗰啲都有！仲有炒蜆，花螺🥤🧋飲品飲品選擇種類好多，連美顔花茶都有！汽水、包裝茶呀都有！仲好貼心連暖嘅都有，好欣賞佢晚市可以任飲酒！啤酒、清酒同梅酒都有！🍦甜品好多選擇！有得自己唧雪糕（不過🐷去嗰日咁啱壞左）不過都有好多包裝嘅雪糕雪條，連新出嘅芝士奶蓋甜筒都有！仲有自家製啫喱、布甸、椰汁西米露同埋涼粉！🐷試左個斑斕布甸都好唔錯！.💬食到好飽，捧住個肚走🤰🏻—————————————————————不專業評分👅好味指數: 7.5/10 💰性價比: 9/10👍🏻推薦: 7/10 —————————————————————🏡地址: 校長燒肉日韓料理 (沙咀道) (荃灣)荃灣沙咀道298號翡翠廣場2樓👉🏻元朗、觀塘、大埔都有🕑營業時間：11:00-22:00（4-5落場）—————————————————————#chuchu打邊爐 #chuchu食放題buffet#chuchu食甜品 —————————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻♀🐷💬每一篇食評都好認真打架#香港美食 #hkfood #852food #相機食先 #香港好去處 #hkfoodie #hkblogger #hkfoodiestagram #週末好去處 #食好西 #美食推薦 #好食 #食食食 #tasty #美食 #飲品 #甜品#follow #like #like4like #人氣食店 #eatwithfoodiez
繼續閱讀
今次到荃灣的校長燒肉日韓料理食放題 ❤️食物種類實在太多 連自己都估唔到裝修都幾特別 有Icon man 好吸晴 基本想要食嘢野都有 可以稱得上超強放題 中式有點心：燒賣 牛肉等都有 小菜類有蒸魚及蘿蔔炆牛腩 相當不錯日式有刺身 ：三文魚 希𩆜魚 好新鮮韓料理韓式燒烤當然唔少得 燒肉來說種類多之餘醃肉味道都唔錯牛肉 韓風大醬牛肉片 一口牛及黑椒味牛肉 相當惹味 雞方面：雞亦有多種味道 推介土匪味雞翼另外還有豬韓式風豬腩片亦是推介之一呢度重可以有火鍋 可以一次吃到兩種風味飲品方面勁多選擇 連花茶都有很少見嘅椰汁 可樂 想啤一啤既有 啤酒 清酒 及梅酒點心甜品方面：可以自己唧雪糕 啫喱 及涼粉 正以晚市時段的放題來說，食物種類蠻多質素又OK，一定要再去
繼續閱讀
荃灣有唔少平、靚、正嘅餐廳，想要咩款式都幾乎搵得到! 之前就去咗間集燒烤+火鍋於一身嘅餐廳，就算一個想食烤肉、一個想食火鍋都冇問題晚餐只需$228, 刺身方面有三文魚、八爪片、墨魚片、馬刀貝、赤蝦等等…但今次冇拎到因為實在太多野食多到唔知點入手🫢另外有好多唔同種類嘅炸物同港式點心可以作為前菜，眼闊肚窄樣樣都想試，但係真係食唔到咁多，最後淨係食炸春卷同薯餅，係熱同脆嘅👍🏻燒烤區有多不勝數嘅肉類選擇不能盡錄，其中我食左嘅有香草魚柳、土匪雞翼、天然豬扒、燒汁牛扒、呢啲預先腌好嘅肉就咁一燒就食得！仲有幾款冇醃過嘅豬腩肉、牛五花等等，枱面擺放咗各種調味你好，例如味椒鹽、孜然粉、黑椒等可以自己邊燒邊調味。另外餐廳亦提供唔同味道嘅燒肉汁。火鍋區：火鍋有幾款湯底可以自己揀，用個鍋自己斟好湯底拎埋位就得非常方便。火鍋配料都非常多選擇，除咗肥牛同豬肉之外，仲有豆卜、山根、公仔面同烏冬等，同埋唔同嘅蔬菜同埋丸類，一定滿足到大胃口嘅你😙最驚喜嘅係竟然有養生花茶！我就自製左一碗金橘檸檬菊花，食完咁多熱氣嘢飲番杯花茶即刻舒服晒！呢度嘅甜品味道都唔錯，好鍾意佢嘅斑斕布甸、椰汁西米露同埋花奶涼粉，全部都好有水準。呢度仲有好多唔同種類嘅雪糕，竟然有Dryer’s vegan系列ice cream! 呢隻雲呢拿味純素雪糕食落好creamy雲呢拿味好香濃，好味得黎又健康，口感清新特別，食完都唔會有罪惡感！
繼續閱讀
您可能會有興趣的...