校長燒肉日韓料理 (沙咀道) (已結業)

校長燒肉風聞已久，知道佢嘅放題又平又抵食。之前疫情嘅關係，點都有少少避忌，而家疫情都差不多過去，所以就決定再嚟食。呢度嘅食物選擇都好多，有熟食、點心、有打邊爐、又有燒肉，仲有甜品同酒，講明係校長燒肉，嚟到呢度嘅主角就梗係燒肉嚟食。無論係打邊爐或者係燒肉，佢嘅選擇都係多到好目不暇給，雞翼、柚子醬醃豬扒、牛肉、台灣腸、多春魚都好推介拎嚟燒。飲品嘅選擇亦都係超多，加埋就腳嘅地點，如果想食燒肉，又想打邊爐，呢度真係一個超好嘅選擇。