校長燒肉日韓料理 (沙咀道) (已結業)

野食種類超多，倒如蝦餃、燒肉、刺身等等…..好多野食蝦餃好好食，雞翼幾好食呀，燒肉都好正。火力自己可以大/細。服務幾好，都算幾快清碟，價錢方面晚市星期日食，250（包哂所有野）。野飲都好多野飲，啤酒都任飲。刺身有：馬刀貝、元貝、蝦…刺身算少。放耐左會臭/腥。 所以拿左返來就要快點食。整體：我都會再去，食物好多，熟食又好食，甜品都好好食。好多種類。價錢250蚊一位啦。服務幾好。

冷氣不夠又污穢！ 燒的爐很不潔 ！ 因懶 只換張牛油紙 ！ 其它的韓燒是換爐的！ 很快就燒焦了！你的食物根本很易跌在爈邊！最基本的雞翼都這麼難 食！ 根本沒資格去開韓燒啊 ！ 肉又不新鮮

今日5點準時有得食，見呢間一向多人排，今日有機會就來試下，120分鐘任食，$108加1好抵，入到去場地都好大，烤肉火鍋可同時進行，款式好多，連點心都有😍一次過大滿足烤肉火鍋配料款式多多，雞翼都有幾種:土匪、水牛城、蜜汁、黑椒，其他雞扒、豬扒、牛扒、魷魚、多春魚連秋刀魚都有.火鍋配料肥牛、豬肉片、山根、豆卜、魚片頭、餃子、菇類、蔬菜，諗到都有，而湯底有豬骨湯、壽喜燒和麻辣選擇。食材新鮮，醃肉也不錯，夠晒入味沙律區都好多選擇壽司一啖一件，飯細細地，啱晒點心蝦餃、燒賣、排骨、牛肉、鳳爪、珍珠雞炸物香脆新鮮，春卷、麥樂雞、炸香蕉都好好食還有熟食，拎了蓮藕、豬手、咖哩蘿蔔、魚蛋，全部都好入味，豬手夠腍仲有人參雞湯、老火湯同碗仔翅食左咁多仲可以自己沖杯山楂檸檬陳皮無花果消下滯甜品拿了這幾款，有啫哩奇亞子，柚子啫喱，都好清新好味，仲有阿華田奶凍，食完熱辣辣既野食返幾杯透心涼，還有很多不同款式飲品、清酒任飲。

好懷念中學時期一大班同學去食燒肉放題，任食過程確實幾開心，成日經過校長燒肉都唔少人食，所以未食過既我地決定試一試佢。放題分左幾個時段，我地7:15入座，兩小時每人$208，都算抵食。兩人被安排卡位坐，座位鬆動，坐得舒服。除左燒烤仲可同時打邊爐，美食選擇非常多，除左各類燒肉外、壽司刺身、熟食、沙律甜品樣樣都有。燒烤食材齊亦非常多，豬、牛、雞、魚不同部位和不同醃料口味應有盡有，仲有唔少醃制食品。熟食有點心，碗仔翅，炸物，中菜小菜等等。飲品選擇亦非常多，一定有岩自己飲既野，有酒、汽水、罐裝飲品、紙裝飲品、湯、花茶等等。甜品自制款式都唔少，仲有水果、雪糕、雪條等。整體來講食材真係非常豐富，以價錢來講性格比算高，難怪成日深得一眾年輕人排隊去食。

荃灣一日遊，食足全日，今晚係荃灣揀左一間韓式任飲任食燒肉店（校長燒肉），好多年輕人同三五知己聚餐好地方，飲品選擇又多，一定有一款岩你口味，燒烤方面材料都唔少選擇，有五花腩、魷魚、牛肉、牛脷、海鮮、菇類、菠蘿塊、仲有已煮熟的食物提供、冷盤食物提供、有炸雞及其他炸物、爆谷機炸爆谷、手動雪糕機俾你整雪糕都幾有創意，岩晒一家大小來食燒肉，服務員的都幾好客，又主動同你換燒烤紙和收拾枱上垃圾，整個餐廳環境都乾淨衛生，非常滿意

喺荃灣搵嘢食，想食一啲好飽，款式又多嘅嘢，就行咗入校長燒肉。見到好多人對佢讚口不絕，我都加入來試一下。入邊有幾樣野真係特別好，食物款式當然係抵讚啦，又多，又好食。同埋我都覺得佢幾新鮮，可能因為人流好多，大家不斷拎，佢不斷補貨，真係好正！特別係佢嘅魷魚酥，我食咗唔知幾多條，超好食。其實飲品嘅數量我都好在意，佢有好多嘢揀，目不暇給，就咁飲佢啲飲品都覺得好抵。而且員工十分之勤快，一叫佢哋有幫手嘅地方，佢哋就嗱嗱聲幫我搞掂。咁嘅食物質素加埋員工咁好嘅服務，令我對校長燒肉又多一層意義。我食嘅時段係最貴嘅時段，不過都係$200左右一個人，如果下晝嚟會更加平，一班朋友想搵個地方傾偈食嘢，呢度有大有舒服，十分之建議大家嚟到。

荃灣人氣食肆，當晚訂咗七點三十分。 餐廳在2樓，上到去先發現格局很像食自助餐的一樣。 地方都算整潔， 每張枱都有一個燒烤爐及一個電磁爐。食物的種類非常豐富，除了有燒烤及火鍋的食材外，還有一些熟食，炸物，刺身，點心和甜品。燒烤食材方面有多種肉類，味道亦有多種選擇，肉類醃得當入味，雖然係平價貨色但質素都不錯。火鍋食材方面，除咗肥牛之外還有多種肉類，蔬菜選擇方面有雞髀菇，金菇，生菜等等。炸物有春捲，咖哩角，薯條等等……雖然不是現場即炸但食落依然香脆及吾油膩。熟成有咖哩魚蛋，炒菜，清酒煮蜆等等…… 清酒煮蜆有清酒香味好食。點心有排骨，糯米雞，金錢肚等等……甜品有糕點，布丁，雪糕，雪條。 呢度仲有我喜歡食嘅朱古力脆皮雪條，脆脆的朱古力包著雪糕，正。總結: 餐廳食物種類繁多，雖然質素一般，但性價比極高。

今晚我地去左荃灣沙咀道好多人食既「校長燒肉」講真幾有驚喜，性價比好高！所以都好full，平日黃金時段無吉枱門口清楚列明收費，黃金時段全包都係二百頭餐廳地方好寬敞，坐得舒舒服服攞野食既地方都夠大，好多人出去拎野都唔會逼一入門口見到淨係茶類都勁多款凍飲選擇亦唔少重有雪糕！淨係一支雀巢煉奶紅豆便利店賣$12架除左雪糕重有幾款甜品，生果有一款超甜西瓜，又紅又起沙，超好食調味料一樣超多選擇，除左燒肉調味料多，火鍋調味料一樣！餐前冷盤小食、沙律，重有6-7款炸野，刺身壽司、蒸點心及幾款熟食真係多到離曬地火鍋配料燒烤款式好多，完全試都試唔曬望落重好乾淨衛生食得好滿足，真係好多選擇！講真味道對得住呢個價位，肉類係bbq果種，醃得幾好味，如果同韓牛、日牛果d貴價燒肉緊係無得比，但用bbq層面，有冷氣又舒服，又多選擇，可燒又可烚，又雪糕生果飲品飲任，已經好滿意

琴晚同屋企人嚟咗呢間任食烤肉，食完覺得驚喜。刺身有好多款，三文魚切得好厚，帶子鮮甜，紅蝦都好鮮甜同大隻。飲品方面：你可以選擇自己沖嘅茶，種類好多。飲品櫃亦都很多嘢飲。👍燒肉方面：豬牛雞魚都樣樣齊，食物調味好味，唔會太咸。重點要提既係佢既調味醬汁，有好多款，任你揀同埋張枱都準備了幾款烤肉既調味料，的確唔錯。（佢仲可以打邊爐）甜品方面種類好多，布甸、果凍、雪糕、雪條，基本上好難試哂！我食左佢個朱古力球雪糕，朱古力味很濃👍熟食令我有個意想不到是佢連點心都可以吃到湯，沙律，炸物都有，以放題烤肉，佢既食物種類真是很多。呢間放題，適合男女都可以黎食，因為食物種類太多選擇，燒烤紙都可以更換。

原本呢個地方都係食燒肉，見校長燒肉開咗過嚟呢度，而且我又未試過，價格平，就算中伏都唔會話好心痛。樓下有職員，有𨋢搭上樓，地方面積算大，座位都闊，食物種類繁多，火鍋燒烤，飲品，甜品仲有酒樓點心，一次過滿足你唔同既願望。蜜汁與土匪雞翼，一般般，主要係唔太入味，唔好食，醃肉類又一般，雞扒好酸，唔敢食就掉左，牛肉正常。雞腎反而幾好，口感爽脆。選擇係多，但都冇啖好食🧐同埋個地下感覺好笠癡癡。點心類金錢肚反而又唔錯😏金錢肚幾入味，又唔癡牙。火鍋我地淨係用黎淥菜食，個豬骨湯底加埋啲娃娃菜，完全突顯到娃娃菜既甜味。甜品方面我好滿意，款多，每款細細杯，方便試曬佢，奇亞籽啫喱，呢杯好清新，伯爵奶茶底既仙草都出色，奶香，仙草同白涼粉都滑。整體來講，性價比確實高，不過啲醃肉就真心馬馬地，反而醃肉以外既野就幾好，呢個價錢都唔應該太要求。

好耐冇去過，哥又過黎睇睇佢有咩改變先，就咁睇已經倒多咗部夾公仔機因為一上到黎已經覺得好熱，所以第一樣想食嘅嘢就係雪糕呢個係蜜瓜味雪糕，蜜瓜味都幾重幾清新，雖然冇出邊嗰啲雪糕咁高質，但係的確好清涼消暑食燒肉之前，梗係要食吓啲沙律墊底先啦火鍋之選系列，想燒又得，打邊爐亦得主食方面，哥比較好一口牛同埋魚柳仲有牛油粟米同蒜蓉金菇而家多咗好多調味料，有孜然粉，黑椒黑椒容器非常方便，輕輕一扭，就磨成黑椒粉飲品方面仲有花茶俾大家揀，有好多唔同嘅味道想要凍飲品嘅，都有幾個雪櫃嘅嘢飲俾大家揀，有茶有汽水，韓式港式任君選擇平日夜晚只係$208+1就食到飽飽，大滿足🤤

荃灣平民燒肉火鍋放題之選🤩 見到好多中學生大學生都來食，頓時青春了🤣 咁多學生都捧場，就知性價比高啦！😌 就係呢間荃灣既校長燒肉日韓料理 @tsuenwancaptain 啦❣️..入座前就見到要排隊等安排入座～幸獲窗邊舒服卡位😎 兩個人坐得舒服呢！先出去行個轉～有燒肉區，多選擇，例如黑椒牛扒、韓風大醬牛肉片、黑椒一口牛、紅酒西冷扒、蜜味雞中翼、水牛城雞中翼、土匪雞中翼、秋刀魚、多春魚等等，已經醃好哂俾你去燒～..火鍋方面，係一人鍋咁，自己去湯料區倒湯，然後有火鍋醬料區，好多料😍 火鍋料都有唔少架！丸呀腸呀肥牛呀應有盡有！另外仲有刺身同壽司區🤩 刺身又幾好食喎好新鮮！..熟食區有醃製沙律/手拍青瓜木耳等，仲有邪惡的炸物🤩例如麥樂雞、炸雞、薯條等等，有埋沙律醬千島醬同茄汁😋 仲有個點心車好趣緻，有一籠籠燒賣🥢 湯就有中湯、人蔘雞湯同碗仔翅😌 飲品櫃都幾大架～有汽水有茶有果汁有啤酒；而甜品區都幾多選擇，水果、布丁、啫哩、糕點等，雪條櫃先驚喜！😍好多款呀！即刻拎返支經典大腳板先！🤣..終於明白點解呢度咁多人捧場，因為一個價錢食到燒肉同火鍋仲有其他野，抵哂啦！最好就幾個朋友一齊來食，就可以開心s

成日經過見到呢一間野，今日終於試咗啦～ 原來佢係食放題，開頭以為係專食燒肉安排位置舒服同埋佢哋係用燒烤紙，方便又衛生食物方面呢度種類好多，燒烤/打邊爐/壽司吧/連甜品吧/點心都有食燒肉梗係要食燒牛肉啦黑椒牛扒醃到好入味，攞嚟燒啱晒，仲有一口牛，韓風大醬牛肉片等五花腩唔錯，薄切配埋佢哋嘅醬汁可以encore鐵板燒魷魚鬚都係好懷念～牛肉同埋呢個牛仔骨牛肉味濃，見到佢油脂分布都好靚，性價比來講絕對OK鐵板燒魷魚鬚都係好懷念～正！呢到個碗仔翅有驚喜～味道唔錯而且唔會出晒水，可以一試

分享一下小小見聞價錢：熟客應該都知道識食一定食5:00-7:00，因為7點前走只係108另收加一，食物又夠多款式選擇, 所以cp值好高。刺身方面覺得一般，因為要加錢既關係，個人認為除非真係好鍾意食，否則唔需要特意加購火鍋：火鍋湯底有三款選擇，可以自取湯底打邊爐，分別係壽喜燒、豬骨湯、四川麻辣湯，當天我們選用四川麻辣湯，坦白講味道偏鹹但冇麻辣味，如果唔係鼻可以聞到有麻辣味完全唔覺得係麻辣，最後我地要加水再另外狂落蔬菜後先變成好好味既湯底。火鍋料方面款式數量還可以，除了牛和豬既火鍋片都太肥外，都沒有太伏。另外火鍋料不是提供一個食物種類一個食物夾，導致食物夾比其他客完夾有醬料既食物後會痴住好多醬汁，當你需要夾其他食物時會造成污染，特別當下既疫情環境中，覺得餐廳唔夠細心。飲品：飲品櫃唔夠凍有點可惜，比較特別既飲品係花草，因為天氣熱所以冇試，不知道水平如何，但花茶款式好多燒烤：燒烤種類多，但燒烤爐表面望上去好恐怖，感覺食物超過牛油紙邊邊碰到爐就唔敢食環境：裝修唔錯但地下好似「痴立立」

豬的生酮飲食都進行左一段時間，呢段期間都唔太敢隨便出去食野，怕唔小心食錯野。不過呢，燒肉同打邊爐都係生酮嘅好朋友，可以放膽咁食。剛好喺荃灣整完野，就同老公黎校長燒肉日韓料理。我地7點15分入座$208（另加一），可以食2小時。店內都好多人，估唔到閒日都咁多人黎食，應該都唔會中伏🤣。店內四周嘅環境佈置幾有特色，打卡位多，加埋餐廳入面嘅燈光好柔和，座位舒適闊落，感覺唔錯。 壽司，沙律吧，老火靚湯，熟食區，燒肉材料區，火鍋材料區，甜品區，飲品區等等，連中式點心都有🤣不過生酮緊嘅豬就只可以食肉同菜，未能一試味道。好彩肉類選擇幾多，五花牛，五花豬，牛扒，雞扒，魚柳，食物種類非常多。除左燒烤仲可以打埋邊爐，一次過滿足晒豬嘅願望。 五花豬用黎燒真係好正，d油炸晒出黎，咬落又脆又香。燒牛肉最好就燒牛扒，牛肉好腍，肉有味道又保持嫩滑，唔洗點醬汁，加灑上少少鹽，已經覺得好好食。 仲有五花牛，呢個牛用黎打邊爐會適合d,因為燒肉的話牛味冇咁出，用黎烚就好喇。湯底有三款，我地揀左日式豬骨湯同四川麻辣湯，豬骨湯味道不太濃，而麻辣湯嘅辣味適中，味道唔錯。蔬菜，菇類都好新鮮好靚，唔會乾爭爭碎濕濕，所以都食左好多。 最