校長燒肉日韓料理 (沙咀道) (已結業)

久不久就會想吃燒肉，今晚終於忍不住與男友去吃！同事介紹荃灣這間校長燒肉不錯，於是放工就出發！我們大約7:15入座，店內已經坐滿了8成，我們有幸坐到窗邊位置，男友說有點像去了台灣食燒肉的感覺！這裏不論是飲品、燒肉、火鍋料、還是甜品的種類也很多，而且擺放得相當整齊，給我一種乾淨的感覺。豬、牛、雞等肉食有不同部位和醃法，腸仔、雜丸、蔬菜等等亦應有盡有，種類多得試不完。除了燒肉和火鍋料，還有炸物和其他熟食，甚至連老火湯都有！飲品和雪糕櫃亦是有多款選擇。燒肉爐放了一張牛油紙，油煙相對會較少，燒久了職員會主動幫你更換牛油紙，而不用好像以前一樣整塊爐板更換，比較方便。雖然已經有不同醃料味道，但座位亦有擺放了各樣調味料給各位大廚大顯身手，十分貼心！個人來說比較喜歡這款牛肉，肉質較好，不會太肥或太韌。桌上還有另一個爐可以吃火鍋，我一邊燒肉一邊打邊爐煮菜，覺得可以平衡一下，減少罪惡感。還要特別一提它的刺身！是意料之外的新鮮，特別喜愛三文魚和帶子刺身，鮮甜！整體來說性價比高，座位舒適，食物飲品種類多，一次過滿足燒肉和火鍋的願望。

本身唔講真係完全唔知道呢間野係火鍋加燒肉一齊食一次過滿足曬你兩個願望🤤🤤🤤好正同時打邊爐加燒肉=淨係一個價錢食曬兩樣啲肉嘅選擇唔太多，但係很足夠兩樣一齊食會好飽，所以唔需要太多選擇

好抵呀！喺OpenRice見到呢間餐廳有優惠券，其實本身以為係假，去到會有其他額外收費，點知真係$78+$20服務費，係5-7pm。額外加多$40，就可以升級食埋刺身，但係我覺得已經好多嘢食所以我自己冇升級。入到去覺得燒肉店抽風幾好，唔覺得好臭油煙味。本身呢個價錢比我嘅印象一定係好污糟，點知入到去自助區全部都好企理。款式種類亦都非常多，由烤肉、打邊爐、中式點心、沙律、雪糕、炸物，連自助花茶都有😂我唔敢想像呢個價錢會做到，點知真係得咗！烤肉方面正正常常，感覺乾淨。自己比較鍾意食肥牛同五花腩，五花腩燒到咁上下脆扑扑超正。另外有一種調味過嘅牛柳，唔使點任何醬料，已經好好食。種類好多，魷魚雞翼雞賢，基本配料講得出都有，大家睇圖片啦🤗去到火鍋，有豬骨、麻辣、壽喜燒湯底，自助自己過去加湯就可以。火鍋配料，放置左喺烤肉自助區，基本上蔬菜類同時可以火鍋/烤，兩食😋由於烤肉太肥，我主要碌熟咗啲蔬菜，清一清油膩。沙律區雖然款式較少，但係潔淨程度超出我預期，味道亦不錯。我最驚喜係有自助花草茶區，大家可以揀選自己鍾意嘅花茶diy，我第一次見烤肉店會有，感覺好好！

係網上見到雅軒嘅廣告，見到啲食物非常吸引，就去一試。食燒烤放題主打都係肉類，但呢間舖頭啲肉類實在令人大失所望，有啲太鹹，有啲根本乸到梅晒。食物種類又真係幾多嘅，但都非常一般。平幾十蚊，食一餐俾錢買難受既放題，對美食冇追求可以一試，但對食有少少要求既建議都唔好去食，呢間野真係好唔掂。總之不論肉類同海鮮都冇一樣係新鮮，我明白一定係冰鮮嘢，但係真係同個鮮字冇關係。好似劣質用類加工再比你燒咁...總之食得好嬲...

約咗老公去荃灣買嘢，知道荃灣有校長燒肉，唔想洗咁多錢想平平哋食下烤肉即刻決定訂位。去到要喺樓下等一陣等夠鐘大家一齊上去入座，由於格升降機比較細，我哋選擇行樓梯上兩層😆😆未食就做運動😂😂我哋兩個坐窗邊卡位，舒服又可以八卦下睇街😎😎我最鍾意🤣🤣枱面有哩幾款調味料方便大家自己調教烤肉嘅味道☺️☺️細心😉飲品種類繁多，我哋飲到唔知揀咩好🤣🤣有選擇困難嘅朋友要諗定自己鍾意飲啲咩🤪🤪除咗雪櫃啲盒裝同罐裝飲品，佢哋仲有一個花茶嘅位置同埋有梅酒清酒，任君選擇😉😉我好鍾意佢唔花茶呢個位置，睇到開心，女士們唔敢飲咁多凍嘢，沖花茶下火清熱最好😍😍其他食物大致跟一般烤肉店一樣，肉類種類繁多，每樣食一件都已經飽到落唔到樓。😆😆食肉食多左可以食下沙律同埋刺身，沙律入邊有啲酸酸甜甜有啲酸酸辣辣可以解油膩感😎😎呢度有點心位置，有好細個嘅蒸籠每個籠入邊大約係一至二人份量。細細籠啱晒個口癮。🤪🤪🤪甜品有好多選擇又有啫喱又有布甸，最緊要有好多唔同款式嘅雪糕雪條。呢度烤肉爐面會放牛油紙，唔洗驚食哂啲黑色燶咗嘅嘢落肚🤩🤩順帶一提，隔離枱嘅媽媽竟然教小朋友將所有嘢掉落個烤爐度又冇公德心又唔衛生，個爐仲熱架，好危險⚠️，真係辛苦員工們！

今日終於嚟到勁多好評人氣爆燈嘅校長燒肉！我地兩個食肉獸可以大吃一餐喇！一入到去已香氣四溢，食物款式應有盡有，有得打邊爐，又有得燒烤，有豬牛雞羊魚， 當中牛扒同埋土匪雞翼好惹味， 仲有燒魷魚，菠蘿等等。壽司刺身，有甜蝦大蝦希靈魚三文魚，應有盡有， 樣樣都新鮮鮮甜。 飲品款式亦都唔輸蝕， 大量韓國飲品， 汽水可樂，綠茶，解茶，當中最特別係有黑啤，一邊笑一邊飲，同朋友邊食邊飲邊暢談甜品亦都唔輸蝕，有啫喱，芝士蛋糕，mousse cake，個有我最鍾意嘅雪糕同雪條食到口乾乾嘅時候就可以打埋邊爐， 有牛丸肉丸豬肉丸，各種菇類蔬菜，仲有熱辣響鈴同炸魚皮當我肚已經食到飽到七彩嘅時候🤰🏻行個圈再望下有乜嘢食順便落下格，原來仲有啲中式食物，估唔到有點心食！蝦餃燒賣唔少得，仲有金錢肚， 所以唔怪得咁多人book食校長燒肉！價錢公道食物質素高，服務態度有良好，一肚餓就會再諗起食校長燒肉！

今日去咗位於荃灣沙咀道298號翡翠廣場2樓嘅校長燒肉日韓料理，由荃灣港鐵站B1出口，行10分鐘就到，地點非常方便餐廳最大嘅賣點係可以同一時間食到日本野丶韓國燒烤同埋打邊爐，非常咁厲害，一個價錢食到三種完全唔同嘅風味，非常抵食既然有得打邊爐，一定唔少得醬料區，醬料獨立用又得，做混醬又得現場行過圈，發現真係超多唔同種類嘅嘢食，有中式、日式、韓式，仲有一定唔少得嘅甜品比較有驚喜嘅係，佢有花茶供應，仲要係超多種類，你諗得到嘅，基本上都可以係度搵到，仲要無限量供應，超正各大種類飲品，無限量供應

夜晚嚟食，生日月份有折扣～食物款式選擇多，有各種冷盤小食，沙律，仲有現場切嘅刺身，炸物等。可以選擇打邊爐或者燒肉，肉類醃得好入味，咁嘅價錢來講好抵食。唯一唔好就係個地下好癡笠笠。

成日都好鐘意喺荃灣食飯，因為選擇真係太多了滿足到唔同要求嘅朋友😚今次就去咗沙咀道呢邊一間都好多好評嘅「 校長燒肉日韓料理」🤣門口已經清楚寫明所有收費，見佢夜晚黃金時段都好多人幫襯😳好多款唔同嘅肉類，記得食得曬先好攞呀🤣菜嗰啲嘅選擇都好多，唔需要擔心食太多肉好唔健康👍🏻最估唔到嘅係呢度連點心都有埋🤣 真係好多選擇呀，啱曬有選擇困難症嘅人👍🏻肉類醃得幾好味，味道絕對對得住個價錢👍🏻老實講刺身比我想像中好，本身以為呢度專做燒肉所以刺身會做得好差但事實上佢質素都中規中矩，而且每人每次仲可以揀三款嚟攞😛自己望住啲野熟好有滿足感🥰最後當然唔少得甜品啦，甜品有自己吱嘅雪糕同一啲出面便利店都經常見到嘅大排子雪條😍總括嚟講選擇多同性價比高，咁多款食物總有樣啱你嘅😀地址：荃灣沙咀道298號翡翠廣場2樓

今日又喺荃灣探個朋友， 於是我哋就一齊食飯，我哋兩個食肉獸就決定試吓校長燒肉，一去到已經見到樓下排晒隊，好彩都仲有位，等咗一陣我哋就可以入座。一上到去已經見到好多客人喺度拎燒肉配料，我哋都馬上出去拎配料，燒肉店嘅燒肉種類繁多，有牛扒，豬，雞翼，雞腎等等，而且唔單止仲有燒肉食，仲可以食埋火鍋，火鍋配料都非常之多，也蔬菜，肥牛，豆腐，響鈴等，而且仲有少部份嘅點心，餐前小食，生果同甜品，仲有飲品無限量供應。原來跟住門口位仲有一個小角落係比客人拎刺身，刺身種類都非常多有三文魚，馬刀貝，鮮帶子等，而且刺身都好新鮮。仲有一個小型嘅沙律吧同埋一個小型嘅自助醬汁區，一間少少一店舖真係應有盡有，而且食物種類真係好多可以滿足晒唔同客人嘅需求。飲品種類都非常之多汽水果汁等仲有啤酒，佢哋嘅甜品亦都好好味，我食咗西瓜西米露同埋啫喱，已經爆得不得了。一個好超值嘅價錢已經可以食到好多唔同種類嘅食物真係好大低，如果有機會過嚟呢邊都真係要試吓，呢類型嘅店舖真係好啱我同我朋友呢來嘅食肉獸。

肉癮起，就和朋友相約找家便宜又抵吃的燒肉放題來聚聚。長長的肉類自選區果然沒讓我們失望，各款肉類與海鮮配上各種調味，讓為肉而來的我們心花怒放。沙律和涼拌菜區，我們夾了一大盤泡菜和甜酸蘿蔔來解膩，完全一流。甜點和水果區。熟食區，試了一些炸物，炸雞塊的炸粉有點太厚太硬了，不過炸香蕉蠻有趣的。壽司和手卷區。至於刺身區就在一個小角落，有專人即點即切，不過每人每次只能取3款，每款3片。三文魚都算厚切，色澤也誘人；希靈魚扎實多籽；榮螺片爽口彈牙；帶子鮮甜軟滑；表現都不錯，就是要多行幾轉才能試全。燒肉是今晚的目的，燒了N轉，基本味道都不錯，而且隔了張紙燒烤，食物比較容易燒得金黃均勻，不會過燶。朋友還發現這裡連腸仔都是用金妹牌的，覺得肉肉的品質有保證。除了燒肉之外，桌上還有另外一個電磁爐位置可以煮火鍋，同時間一邊燒肉一邊火鍋，一次過滿足2個願望。飲品方面，選擇也不少，有幾個雪櫃的範圍可揀，但懷舊的碧泉蜜桃茶和新發現的鳳梨烏龍茶已經足夠滿足我。HKD208/位的晚餐（黃金時段）價錢不算貴，難怪幾近全場爆滿。

同老友去荃灣搵食，佢想食燒烤，但我又想食打邊爐喎！突然醒起去校長燒肉就可以一次過食曬兩款喇~真係要大叫一下 : why not both?荃灣店的校長燒肉位於沙咀道翡翠廣場2樓，大大個招牌經過一定會見到注意返晚上會分幾個時段收費。以入座時間計算的餐廳內部枱與枱之間間隔寬躺飲品選擇眾多，有酒精無酒精通通都有除咗燒烤同打邊爐，仲有點心同燉湯等等當然仲有香港人嘅至愛刺身同壽司啦!食物品種多到眼花撩亂個食物區好似行極都行唔完咁~食完正餐仲有大把甜品俾你揀啊拎完食物就開始大顯身手，加左牛油紙感覺食物無咁易烤焦打邊爐既湯底有幾款，都係出去食物區自己拎~~兩個飲埋單每人都係$230！如果有朋友又係咩都想食既，又鍾意飲酒的話，校長燒肉係一個不錯的選擇啊

荃灣任食燒肉火鍋放題My families and I went to a restaurant called "Captain Japanese & Korean Restaurant" ( 校長燒肉日韓料理) located in 2/F, Jade Plaza, 298 Sha Tsui Road, Tsuen Wan (荃灣沙咀道298號翡翠廣場2樓)Each adult costs HKD$208(with 10%service charge) if enter in at 7:15pm, 2 hrs all you can eat.There are arrays of marinated protein(i.e. beef, chicken, fish,scallops...etc)I recommended the squid tentacles which is soft and flavourful. Sashimi bar serving myriad of sashimi ...I recommended scallops whick tender,sweet

買咗優惠卷發覺要另加$20已經感覺有啲差，之後去到再問加$40要刺身使唔使加嗰$20，樓下個帶位同事可能忙亂之中又答錯我哋話唔使，所以加咗，最後埋單要$120/兩人，加埋等於$138，原來最終出到嚟只係平過本身$10 HAHAHAHAHAA 嘢食好一般，種類多嘅，有點心、少少炸嘢、有得打邊爐，但我諗質素重要過數量，可惜做唔到。服務態度okay但環境真係污糟 連夾食物嗰啲嘢都污糟。坐嘅位置，側邊嘅隙都好多垃圾。真係唔會再嚟。

之前路過呢間野見到勁大班人好熱鬧😂都估到一定唔會伏🤫果然真係平靚正💕佢食物同飲品款式都好多實在太多所以不能盡錄（自己睇片啦😛)已擺ig story🙌🏻食呢度真係要有攻略🔫因為時間有限120分鐘又要燒肉又要邊爐真心好忙🤪我今次食係B時段 $158（另收加一）但我生日月去又有88折（正😛)如果唔食刺身價錢只係$108(crazy🤫)刺身我食左三文魚同墨魚🦑都幾新鮮（無肚屙😏)仲有d點心糯米雞山竹牛肉蝦餃鳳爪🤪蝦餃比人秒掃(i am loser）燒肉區勁多款魷魚鬚正🦑雞翼都有幾隻味揀全部都好食大大隻🤪🐥甜品剩係食左雪糕係froyo尼🍦偏酸都幾好食🥳火鍋有麻辣湯底🌶同壽喜燒湯底兩隻湯都好味我狂淥d蔬菜同菇食😄🥬🌽由於第一次去食所以好多野都未試得哂我覺得全餐飯都好奔波😂😂😂實在太多選擇太多野要拎但以呢個價位真係無野好挑剔🤫💕