果子｜海南雞飯·喇沙摻摻 (啟昌樓) (已結業)

大埔太和雖然有勁多嘢食，但係星馬菜就選擇比較少，今次黎度呢間裝修似小品cafe嘅星加坡菜餐廳試下。 行經見到佢夜晚嘅set menu都幾多選擇，價錢非常親民~ 我同朋友都算幾食得😆每人叫咗一個set dinner再加一個小食拼盤。 海鮮喇唦摻摻賣相非常豪華!有2隻大蝦同埋新鮮蜆， 捉了絕不馬虎。 湯底椰香味農，辣度剛剛好。摻摻喺油麵mix米粉， 兩種面條嘅粗幼度同口感控制得啱啱好呀。 朋友同樣叫咗喇沙摻摻，不過配豬頸肉。 豬頸肉爽口彈牙，唔會太肥膩，煎得好香口呀。 兩款喇唦摻摻都非常推介呀。 跟餐小食叫左白雲鳳爪同埋沙爹雞肉串燒。鳳爪冇骨酸酸甜甜，食落非常開胃，個人認為可以辣味重啲~ 串燒嘅沙爹汁好惹味! 鍾意食小食嘅朋友不妨好似我哋咁叫一個小食拼盤，有四款小食，每款有兩件。有香辣魚餅，南乳雞翼，絲網春卷同埋吉列蝦。我好中意個春卷，外皮超鬆脆，唔會咬落好硬咁。 最後唔好唔記得叫番杯珍珠鮮奶 ， 珍珠煙韌超驚喜!好過好多出面嘅台式飲品店呢。 總括黎講呢間餐廳食物高質，性價比高，喺呢區最好食嘅新加坡菜~

大埔區內食肆林立，不過就好少見有新加坡🇸🇬馬來西亞🇲🇾菜，同友人路經見到，就嚟試試啦！店舖雖然新開無耐，但七點幾已經坐滿，而且好多都係獨行俠🚶🏻‍♂️，所以身邊幾枱客都換得好快，只有我哋坐咗成個幾鐘😝講返食物先，香茅豬🐷扒雞湯麵個湯比較清淡，豬扒好薄身，咬落都好鬆軟，豆卜可能因為個湯所以都冇咩味，只可以畀合格。反而香茅豬扒椰🥥漿飯比較出色，豬扒好鬆軟，配飯加埋🍳、魚仔乾，好適合配飯🍚食，檸檬🍋薏米水好多薏米，不過得一塊檸檬🍋所以酸味唔太夠。

眼見個個去旅行放閃，大胃人在圍城，胃卻放縱天下，食到去新加坡⋯⋯cafe帶埋大胃之母去旅行，唔係，係去食好西是責任吧？點知佢抱埋小胃胃入嚟，多咗個B點算好呀？店員好好咁提供BB座，令到大胃之母唔使冇手食飯咁惆悵，抵讚晚市有定食，嗌個摻摻試吓，好多料，湯底幾惹味飲吓肉骨茶補身，都幾入味跟餐加$18有小食，串燒都幾嫩口春卷大胃都幾鍾意食㗎冇薄餅又點得呢？嗌個咖喱點點佢，正呀南乳雞翼一啲都唔鹹，入到味黑糖珍奶沖得幾可口，值得一試仲有薄荷珍奶，唔太甜，啱晒唔太健康嘅大胃之母星馬cafe真係幾少見，服務態度好好，係避閃嘅好地方

呢間餐廳開左冇耐，我成日經過都覺得好靚，都想去幫襯下，今日終於可以試下。🌸一入到鋪，已經好鍾意呢間鋪頭既裝修，裡面既小吊燈令人感覺好溫暖，而且牆身都用左白免為主色調，而餐枱、椅子就用左淺啡色，令人感到簡潔、乾淨、而且好清新既感覺。🌸咁岩我係3點去食飯，可以試下佢個下午茶。見到餐牌，價錢非常相宜，大約$30多就有一個餐有埋野飲。由於我都餓，我就叫左細雞絲喇沙摻摻。我叫餐果時，因為唔知咩叫摻摻，就問左知侍應係乜，佢解釋：即係碗野有面同米粉，當然個面底可以淨要米粉或面都得。咁我本身個人都三心兩意，就緊係兩款都要試啦，所以就冇改用一個面底。起初，我都諗住$30幾蚊，同埋佢話雞絲喇沙摻摻，以為得雞絲同面，原來裡面仲有雞蛋、魚旦、豆卜。個湯底好好食，雞絲嬾滑。烚蛋都出奇地滑。真係好有驚喜，我下次一家會再過黎食

去開大埔同女友行街，去返翠和里嗰邊有好多選擇，見到一間叫果子既餐廳，開頭以為係甜品店，望真d先知原來係賣馬來西亞+ 台式食品餐廳入到去簡潔既裝修，好有文清風味！坐位一般以4 人檯為主，都適合一家大細嚟食飯！餐廳提供馬來西亞同台式風味，選擇都幾多，飯麵都有得揀！我同女友見到馬來西野食都非常雀躍！而且價錢合理，就order兩個餐嚟食！估佢唔到呢度既飲品都幾有驚喜，有馬來西亞既特色飲品'恐龍' ,喺香港真係第一次見，仲有堂食第一次見到有'珍奶'飲！跟餐加少少錢可以有小食加，我哋梗係唔客氣喇！我就叫左個酸酸辣辣幾爽口既無骨鳳爪，作為餐前小食幾開胃！女友叫左個煎得金黃色既香煎魚餅，味道同口感都似喺馬來西亞食嗰d , 煙煙軔軔，魚香味十足！肉骨茶好快送到，藥茶味十足，一聞就知係馬來西亞風味！伴碟都有跟油條，辣椒粒，真係一絲不苛！而且用料不俗，辣椒粒加入湯即時令湯變得辣口！非常惹味！肉骨茶份量不錯，有幾條一字骨，煮得軟稔，一咬就離骨，淡淡既藥材香味都滲左入肉！仲有大大隻雞蛋同豆卜，非常足料！女友叫既海鮮喇沙賣相唔錯，香濃既咖哩香味非常吸引！份量都幾大，用料幾足，大大隻蝦，魚片，蜆，豆卜等，重點係湯底

自問係喇沙嘅狂熱粉絲，當知道大埔有好味喇沙食喎，當然要試下佢啦😏😏海鮮喇沙摻摻($68）喇沙最緊要係個湯，湯底係偏椰汁味，入口好順好濃郁，如果加多少許辣會更好。第二重要係麵，一定要揀"索"到湯汁嘅麵，摻摻就最有馬來嘅風味，係米粉加粗面，係叻沙嘅最佳拍檔！餸係加分嘅重點，一定要有蛋，豆卜，蝦，芽菜同魚片，呢到嘅喇沙仲有加蜆，配合大大隻爽甜嘅蝦，增加叻沙嘅鮮味！喇沙可以配晚巿套餐嘅，加$18蚊要咗兩隻馬鈴薯炸蝦卷，薯仔絲包住個蝦卷再炸，炸蝦卷有薯仔嘅香，唔係普通咁用麵粉炸。蕃茄酸辣鳳爪沙律($58)沙律個量好多啊，個汁係偏甜嘅，少辣，食落好清新，尤其係食喇沙同咖哩呢啲濃味嘅食物時，可以中和返。咖哩雞煲配油酥餅($78)咖哩偏”傑”身，好濃味，唔算好辣，雞肉都好嫩滑，重點係多肉骨細👍🏻👍🏻另外個油酥餅同咖哩係絕配👍🏻如果個餅再煎香啲就perfect😋鮮檸天葵梳打($24)+青檸梳打青檸梳打係食喇沙必叫嘅，可以消下滯氣。天葵🤔🤔究竟係咩？飲落酸酸地，個味係未飲過，但入口又幾順。食完返去上網查下，原來係一種植物，有清熱氣同幫助消化嘅功效，有興趣試新奇嘢嘅人就唔可以錯過。

最近跟朋友去了大埔踩單車，去到太和汀角路有間新開餐廳［果子］🍲，起初以為係cafe，原來係一間新加坡餐廳。除左常見肉骨茶、海南雞飯，仲有咖喱雞、白汁青口，款式都幾多元化。定價大多$100左右。小食方面有串燒、炸物，仲有酒飲添，如果夏天來到飲返杯消暑都幾好無骨海南雞飯 $62海南雞預設係已經係配白飯，岩哂追求健康既友人。友人話雞肉鮮嫩，無太多肥膏，食落啖啖肉，份量亦足夠。南乳雞翼雞湯麵 $52本身好少食南乳味雞翼，外皮金黃香脆，內裡肉質依然嫩滑，惹味非常雞湯底不油膩，麵條較為粗身，如果可以有米粉、河粉選擇就更好。白汁煮藍青口 $98難得見到較西式的青口，就點了一份來試。估唔到份量有一大鍋，白汁煮得香濃不膩，配以洋蔥好開胃不過有一兩隻開唔到既青口係鍋底，最好上菜前先查看清楚再給客人。好入味，白汁滲滿每隻青口裡面桂圓紅棗茶 $24養顏之選

想一次過食晒東南亞各國嘅美食，呢度真係一個好嘅選擇。.海鮮喇沙摻摻 🐙🦑🦐🦞🦀🐟 （推薦指數:😋😋😋😋😋）摻摻係都麵同米粉cross-over，一次比到兩個唔同質感的麵底比你。有蝦、有蜆、魚片頭、豆卜、蛋半隻，其實都好有營養好豐富。最緊要係佢個湯底，真係好香，椰汁味真係好正，又一啲都唔難，真係可以成杯飲晒。.南乳雞翼撈麵（推薦指數:😋😋😋）呢個撈麵都好好食，佢最底有啲豉油汁，所以個面唔會太過乾身，啲雞翼亦都非常之入味，南乳味過猶不及👍🏼。.海南雞半隻 （推薦指數:😋😋😋😋😋）海南雞好滑呀，仲要隻雞本身都好啖啖肉，唔會剩係得骨，真係咬到一啖淡嘅肉。佢傳統你俾咗三隻醬比大家，已佢個醬油唔係咁甜但係就落咗好香嘅紹興酒，如果唔鍾意酒味嘅咁可以點返泰式辣醬同埋薑蓉。10分推薦。.泰式蝦餅 （推薦指數:😋😋😋😋）喺掙扎揀魚餅同埋蝦餅，最後我哋揀咗蝦餅。好彩冇揀錯真係幾好食，炸得好香，如果可以厚返啲就好啦。價錢合理，都OK嘅！.黑糖珍珠奶茶 （推薦指數:😋😋😋😋😋）與其出去排成粒鐘先諗到，其實呢度都沖得好出色，不過奶同茶嘅比例可以略為少番啲就好啦。

鍾意入大埔行，但有時都唔知食乜好。上網發現有間新開既星馬泰台Fusion餐廳，咁就去試下。未去之前上網睇就已經知道價錢算幾平。去到發現仲有個晚餐餐牌，係好平好抵的，而且佢有得用優惠追加小食。我地三心兩意想叫唔同野試，仲要比店員發現左。佢就話其實1個餐可以無限追加。咁真係好抵！最後我地叫左好多野食。首先要講就係喇沙，有食開喇沙都知呢碗麵通常會由2種麵一齊煮的，而果子就將2種麵混合得好好，入口唔會因爲麵質既差異而覺得唔好食。椰漿飯。伴菜都不錯，但主要想講既係個飯。飯驟眼睇會覺得普通，但其實佢混合左椰漿，所以好滑好香，唔食餸都冇問題！之後講小食。我作為雞翼狂，點會唔點雞翼呢。佢呢度係賣南乳雞翼，我地前後叫左6隻，員工可能見我鍾意食，就話我地知原來佢呢度最近歡迎既小食就係南乳雞翼。味道對我黎講算幾新奇同特別，而且好入味，亦炸得好好。其次要講就係鳳爪。我好少覺得鳳爪係值得讚，因為我成日好易會食到臭叔味，雖然朋友個個都食唔出。但今次可以話係我第一次覺得完全冇問題。另外春卷等既炸物都好出色，冇乜油臭味，而且炸粉份量拿捏得剛剛好。飲品方面我地點左柚子蜜同埋黑糖珍珠鮮奶。我介紹大家不妨加錢貼埋，因為真係

今日約左好耐無見既小學同學出黎食飯 大家都係住大埔 就緊係係大埔食啦 行過見到呢間果子 啲野食好似幾靚 而且又唔貴 就入去試下啦首先叫左個海南雞飯餐 仲有湯 但個湯比較鹹 個人覺得一般 但反而個雞就有驚喜 除左貼心地去左骨之外 雞肉更異常嫩滑 非常抵讚同學叫左個肉骨茶飯 肉味香濃 肉質軟滑 而且個湯亦有足料藥材味最後就叫埋個咖哩牛腩煲配油鬆餅 呢個真係好食夾大件 牛腩份量好足 而且炆得好林好入味 配上油鬆餅一齊食簡直係一絕呀總體而言 呢餐真係食得飽之餘仲食得好既晚餐呀

最近經過太和附近，見到一間新開業不久主打新加坡及馬來西亞菜的餐廳－「果子 Life Café」，今日終於有時間約埋朋友來試一試。餐廳裝修簡約，傢具以淺木色為主，環境寬敞乾淨，光線柔和，我們被安排坐卡位，舒適闊落。餐廳食物主要以星馬菜為主，有麵、飯、小菜、沙律及小食等多款選擇，還有一些特式飲品，我哋就點咗兩個飯及小食來試。［小食］【白雲酸辣鳳爪】  $28共有8件的無骨鳳爪爽口彈牙，味道酸酸地不太辣，好開胃，切成小件更方便女士們的小口。【小食拼盤】 $59 有南乳雞翼、香脆吉列蝦、香辣魚餅、絲網春卷各2件，即叫即炸香噴噴，魚餅彈牙，好重香茅味，吉列蝦和絲網春卷都好酥脆，南乳雞翼鹹香味濃，惹味可口。［主食］【肉骨茶飯】 $62朋友話肉骨茶帶點馬來西亞風味，有淡淡藥材味，不算濃，味道亦不會太鹹，較易入口。排骨軟腍，筋腱位有嚼勁，而豆卜就吸收咗湯的鮮味，仲有雞蛋和油炸鬼，食得好滿足喎！【香茅豬扒椰漿飯】$58豬扒切成小件，份量頗足，煎至金黃色，香口入味，鬆軟有肉汁，椰漿飯充滿椰香，帶點黏糯，加太陽蛋的蛋汁一起吃，很滋味，而最欣賞的是那些香脆又鹹鹹地的小魚乾，非常惹味。［飲品］【青檸香橙梳打】

一個雷電交加的晚上，諗黎諗去都唔知食乜好，突然醒起有間野d大埔友不斷讚好，於是就黎試下。店務員都好友善，有一位係無論我地同佢講咩，佢都係應：好呀好呀😂差d忍唔住笑首先黎ge係摻摻👇🏻～～～～其實一睇都知⋯係好足料～亦都食唔到有沙👍🏻好怕食到有沙ge蜆，同埋佢個湯都真係幾好飲😂我飲左大量之後有串燒⋯小食拼盤⋯美祿恐龍串燒好食😋個醬有濃濃花生味拼盤一般～最正係個春卷隻恐龍🦕麻麻地⋯唔夠味⋯都係新加坡整得好飲呢個通菜係好食架👍🏻👍🏻👍🏻有d意想唔到最後係呢盤咖哩～ok~呢個係bad ending 🤦🏼‍♀️😭因爲我地差唔多食曬兼飽飽地先出⋯d雞⋯講真食落去感覺比較廉價，可能佢比較貴所以同我期望有落差，但個薄餅都ok，呀妹好鍾意食整張大合照先～兩個女仔算唔算食得多野？其實仲有1碗白飯架總括黎講，呢間都算有特色有服務有用心的小店⋯下次一於試埋其他野先@@

屋企人去完新加坡同馬來西亞返黎，睇番d相，見到星馬菜就好想食啦 於是就搵下大埔附近有咩星馬菜，結果就比我搵到呢一間餐廳入到去，打開menu，款式好多，心大心細之下，就決定簡最出名既叻沙同埋肉骨茶喇！呢個係香煎豬頸肉叻沙摻摻，真係好香口、好好味，而且真係超足料。豬頸肉好厚，而且煎得好香。而睇到幅相都知，成個碗面都鋪滿食材，麵底係我最愛既摻摻，即係兩種粉麵撈埋一齊，成個口感都超豐富呢。之後就係肉骨茶飯，肉骨茶係星馬超級出名既菜式，不過新加坡同馬來西亞既做法略有不同。馬來西亞既藥材味較重，而呢度比較接近新加坡既肉骨茶，所以怕藥材味都唔需要擔心呢。湯頭好濃，同樣料都好足，好地道咁配上白飯同油炸鬼，值得一讚呢！仲有醬汁可以沾架！另外我地都叫左小食，包括沙嗲雞肉串燒、同埋香炸吉列蝦，特別想講既係，因為炸蝦係即炸，所以係好脆口。最後當然唔少得飲品啦。呢個真係真係真係要讚，因為好少餐廳有凍美祿恐龍，美祿粉佈滿成杯既杯面，所以味道係超濃、超好飲。另一杯就係前排hit爆既黑糖珍珠鮮奶，我直到依家都仲係好鐘意飲，黑糖既味道好香，鮮奶份量都好大杯，如果有更多珍珠就更好呢！總結黎講，係大埔太和一帶出色既星馬菜 

今日同男朋友拍拖去到太和，之前就聽過呢度啲喇沙係幾濃味。一入到去發現座位好闊落，好好坐。我今日唔係幾想食海鮮，所以就叫咗個豬頸肉喇沙滲滲，滲滲上菜速度好快，湯底好濃又夠熱，滲滲由兩種麵底混合，食落好有層次。而男友就叫咗海南雞飯，肉質都算滑。之後為食嘅我地就叫埋小食拼盤同肉骨茶試試，拼盤四款小食，魚餅+雞翼+絲網春卷+吉列蝦，新鮮夠熱，每樣兩舊啱啱好，肉骨茶亦好足料夠味。男友話好重藥材味，我就話咁先正嘛！不過一定要襯熱飲，攤凍咗少少就又重咗胡椒味。最後男友叫多咗杯黑糖珍珠鮮奶俾我，抵鍚！珍珠煙韌有咬口，黑糖同奶嘅比例亦啱啱好。總括而言係高分之作，下次去太和可encore 👍

朋友話太和開左間新餐廳，裝修好似幾靚仔，就約左今晚去食晚飯喇！😋😋個名叫做果子Life Cafe，但其實又唔係文青咖啡店，係食越南野啵！店員安排左張靚卡位比我地坐，真係開心！😍😍呢到既晚市套餐，價錢都係$50-70，包埋飲品，抵啊！我叫左呢到既招牌海鮮喇沙摻摻，朋友就試試佢個鮮蝦撈面！跟餐仲可以優惠價加小食添，我緊係要試下經典小食，絲網春卷啦！南乳雞翼都好想試，一於叫埋佢啦😆😆！餐飲我就試下佢杯黑糖珍珠鮮奶，而加周圍都有得飲，我就試試佢呢到好唔好飲先😋😋💓食物超快到啊！賣相好靚，相機食先🙈🙈💓！我個喇沙湯底好正啊，仲有大大隻蝦！！摻摻即係有晒油面同米粉兩種，好特別！朋友果個撈面都話d汁好正😝😝食到一半，唔夠喉，加餸！叫多份沙爹雞肉串燒同埋炸蝦卷，好味道😋！兩個人食左咁多野，埋單都係兩百幾蚊，性價比好高啊！