果子｜海南雞飯·喇沙摻摻 (啟昌樓) (已結業)

大埔同大圍一樣，不嬲都有好多好正嘅小餐廳喺度打躉！今次呢一間餐廳係開咗冇幾耐，望落去個鋪面好靚好清新😍😍 相比起佢隔離間餐廳，真係有勁多人喺度等位等極都仲有人🤣 見佢咁多人排隊，我就心思思想試喇🙈入到去，坐既位幾鬆動👍🏼 而呢間野主要係食下啲馬拉菜同新加坡菜，簡直係我杯茶🤤🤤價錢方面我覺得真係好抵，每個人叫一個套餐包埋嘢飲，晚市黎講真係好平，真心覺得就算佢加埋一都食得過!!!!我哋一行二人叫咗碗喇沙面同椰漿飯，好足料！仲要有個好笑位係，我食碗麵發覺佢一邊係米粉一邊係油面，心諗唔通佢整錯咗個面，仲要碗麵勁大碗，食極都仲有😅😅😅 如是者，我梗係冇出聲啦，有得食咪算囉！點知返到屋企好奇check check, 原來呢碗野真名叫做沙摻摻，好似意思係話將啲面mixed 咗??? 🤔🤔 係最正宗嘅做法！嘩! 好彩我當時冇出聲姐.....如果唔係就真係攞到爆.......另外我覺得仲有一樣野值得推介，就係佢個杯鮮檸天葵梳打!!! 雖然要加錢，但係真心好大杯，而且又有得睇，最岩打卡用📸🤣

咁岩朋友搬左去太和，於是去個頭搵下野食！ 見到呢間果子cafe好似係新開，一於試下啦。去到個陣係2點，但都好多人排隊，不過等候時間唔算長，好快入座。 原來佢主打新加坡菜色，我同朋友分別叫左個 香煎豬頸肉喇沙摻摻 同埋香茅豬扒雞湯面。店員好細心，主動同我講雞湯面湯底會較清，岩曬！臨近新年食左好多熱氣野，得閒清清地都好！ 個喇沙有驚喜！ 面底除左米粉仲有油面！豬頸肉份量都多，亦有唔少配料，湯底重椰奶味同蝦味，似落足料煲！另一碗雞湯面，清清地都有雞味！不錯！另外 加$18 可以有多一個小食，我地加2客小食，係馬鈴薯炸蝦卷 同埋 沙嗲雞肉串燒。炸蝦卷外形已經好吸引，不過上台時係暖暖地，如果係熱辣辣會仲好d! 沙嗲串燒個醬真係食到一粒粒既花生，好夠味！最後仲有叫左珍珠奶茶，偏向台式風味～ 臨走時聽到隔離台食客大讚檸檬薏米水！下次食都想試下！

今晚去左搵朋友開飯，話說佢年頭見到有間鋪新開想去試下。入面裝修都幾乾淨，枱與枱之間唔會好迫，我地坐卡位都幾舒服。青檸香橙梳打，佢用類似柑橘蜜做底所以有少少甜，青檸味亦都好夠。黑糖珍珠鮮奶，珍珠幾煙韌彈牙，黑糖又香又甜。絲網春卷比想像中好食，以為會暖暖地好硬，但其實係熱辣辣的，個皮亦好鬆脆！沙嗲雞肉串燒，好嫩一啲都唔乾，沙嗲醬香得黎唔辣。香煎豬頸肉喇沙摻摻，湯底唔算辣，好香椰汁味，豬頸肉好爽口，麵用左米線+油麵，口感特別。咖哩牛腩煲+油酥餅，香濃咖哩味，唔辣但美道搭夠，雖然唔係用牛坑腩但都非常腍，而且都好多舊。南乳雞翼椰漿飯，飯既椰汁味比較輕，但聞落好香，雞翼既南乳味唔算濃，皮亦都好脆，肉仲係鮮嫩。

太和新開張美食發現😍鋪頭大，坐得舒適，7點去到唔洗等位，食完7:45已經拎緊飛排緊隊熟悉嘅黑糖珍珠奶茶☕️，相當不錯，採用鮮奶，味道濃郁，同岀面連鎖賣嘅差唔多🤫但呢到平一大折吖🥰try try 佢海鮮喇沙摻摻😍有驚喜，湯味十分濃郁，好惹味，配上🦐蝦、蜆肉等海鮮，豆卜索盡湯麵精華🤤🤤唔講都唔知😸原來摻摻係解兩隻麵，油麵加米粉🤔有唔同嘅口感層次，值得一試朋友叫咗肉骨茶飯，本身鍾意食嘅人會對呢間鋪十分喜愛😼朋友話以香港🇭🇰嚟講真係不錯👍🏼佢話食完好舒服，但我本身唔太鍾意肉骨茶所以麵好食d😼小食拼盤，有齊兩隻南乳雞翼、兩隻吉列炸蝦、兩隻香辣魚餅、兩隻絲網春卷，香脆可口🤤最鍾意雞翼，夠重口👍🏼個人認為蝦餅好食過魚餅🤤脆口啲沙嗲雞肉串燒，面上鋪滿醬汁👍🏼夠惹味食咗咁野，價錢又唔貴，夠曬親民，仲要唔洗加一，真係正👍🏼

今日約咗老友去太和嘅「果子」食飯。 餐廳環境寬敞，光線十足， 用淺木色為主， 十分舒服！我哋叫咗晚餐《無骨海南雞飯配白飯 $64 》同小菜 開心Share ! 我覺得晚餐套餐十分抵食《 無骨海南雞飯配白飯都只係$64 ， 仲可以upgrade 小食同飲品！ 因為海南雞已經去骨， 食起來很方便，啖啖肉， 雞肉嫰滑， 有雞味，配上特式醬料就更加滋味！，仲有多款小菜以便客人選擇。香濃惹味《咖喱牛腩煲+ 油酥餅 $78》， 牛腩半肥瘦， 嘅比例適， 一層筋一層肉，口感好好。 咖哩爆香再炆， 牛肉味濃， 牛腩又香又腍， 配上熱辣辣嘅烤餅， 烤餅沾上咖喱， 特別好味 ，好食！ 《星洲黑胡椒粉絲蝦煲 $128》， 份量十足， 有五隻大蝦，香濃嘅黑胡配上鮮甜大蝦，大蝦爽口彈牙，十分惹味。仲有粉絲吸收蝦嘅精華，真係好惹味， 好好食， 值得一讚！

週日突然又變天，諗住食碗熱辣辣粉麵暖下胃，見到一間名叫果子的新馬泰餐廳，有喇沙啱曬我.見到價錢都算OK，決定一試.睇裝修應該岩岩開張無幾耐，環境簡約寬敞，1點左右入座已經80%好彩唔曬等位.午餐有lunch set可以選擇 我叫左海鮮喇沙掺掺（嘖係米粉➕油麵底）配無骨鳳爪.海鮮喇沙湯頭濃郁，食到陣陣椰香，配料屬於標配（魚片頭、蝦、豆泡、蛋）無骨鳳爪好入味，酸酸甜甜好開胃！芒果沙冰好濃郁的芒果味，還吃到粒粒芒果男朋友選擇印尼炒飯加配魚餅 胚芽奶茶最喜歡印尼炒飯的串燒（雞肉串加沙爹醬，食到花生粒！雞肉好嫩）配埋三隻剝好殼的蝦，肉質彈牙，係游水蝦！抵讚👍🏻 太陽蛋加蝦片！很豐富（個人覺得飯可以再乾身小小）魚餅得兩舊男朋友覺得好好味唔夠食！

今日同朋友黎到哩間果子 Cafe食晚餐，叫左兩個晚市套餐，海鮮喇沙摻摻$68 配熱檸檬薏米水，同無骨海南雞飯（白飯）$64配熱檸水，套餐加$18可配小食，叫左白雲酸辣鳳爪（6件）同絲網春卷（2件）。額外仲叫左沙嗲雞肉串燒（2串）$25。海鮮喇沙摻摻，當中的摻摻係馬來西亞用語，有「兩溝」的意思，指油麵混合米粉的一種粉麵，油麵有口感但係唔吸湯汁，加埋米粉吸收湯底精華，口感、味道可以同時滿足。哩個摻摻賣相唔錯，用料十足，湯底蝦味同椰汁味濃，非常好食！無骨海南雞飯（白飯），奉送有雞湯，雞肉嫩滑，配有薑茸、辣椒醬、甜醬，雞肉沾醬一齊食，非常下飯，醬汁雖然係配角，但係缺一不可！至於小食方面，酸辣鳳爪，鳳爪無骨，醬汁酸辣開胃，非常好食，最後仲追加一份！絲網春卷夠有特色，外有網紋脆皮，內有芋頭等製成嘅餡料，但始終係油炸品，食得多會膩，都係一件起兩件止。沙嗲雞肉串燒的沙嗲醬甜而不辣，內有碎花生增添口感，配埋燒雞肉好好食。呢間餐廳晚市套餐價錢平民化，而且唔收加一，套餐加小食都唔過$100，而且呢度環境乾淨企理舒適，適合朋友聚餐。

今日同男朋友o係太和附近行花市，行之前醫左肚先～經過一間新開嘅餐廳，門面好吸引，有種文青cafe 嘅感覺原來係男朋友最鍾意嘅新加玻菜～餐牌都幾吸引，價錢好抵仲要全日冇加一，決定同佢試下好冇味！餐廳感覺簡潔舒服，裝修有心思餐廳食物種類豐富！食物同飲品都好多選擇同男朋友叫左主打有like 嘅黎試😋兩個晚市套餐加錢叫左兩款小食同白酒煮藍青口😋海鮮喇沙摻摻Laksa 半米粉半油麵，有魚片、蛋、蜆 、豆卜、兩隻紅蝦，好足料，蝦好鮮甜，湯濃椰汁味，仲有恰到好處既辣，好惹味肉骨茶重藥材味，又唔會好肥膩，仲有油條吸哂湯d精華，有辣椒甜豉油，似模似樣沙嗲雞肉串燒雞肉好嫩滑，花生醬好多花生粒，唔會好稀，好足料，夠惹味👍🏻網絲春卷依個有驚喜！要推介！米網 好脆好薄，唔會痴牙，餡唔太咸，好味，食到想追加額外叫多碟！聽店主講開，原來小食係即叫即炸！唔怪得知咁脆口又熱辣辣啦😆白酒煮藍青口青口好大碟，都幾大隻，個白汁好好味，d洋蔥吸哂味，好滿足侍應都好細心，會俾多隻蝶你放殻，滿左會主動幫你換～服務態度好好～晚市黎講，套餐60幾蚊包埋飲品，CP值好高，聽倒隔離枱都話好抵食下次一次會再黎食😋

I seldom visit Tai Po district, therefore, I decided to try out something new in this area before watching a theater drama nearby. Life Cafe is a newly open restaurant that serves seemingly mouth-watering Singapore and Malaysia cuisine. Bingo! Life Cafe, I gotta try you!It took a bit of wait as there was a large group of parents and kids taking a few tables for lunch on a Sunday afternoon, and you know how long they take to finish their meals, and forever to get them leave after finishing their

最近在外區吃飯多了，作為單車發燒友，偶爾也想大埔區吃吃，嚐嚐平民味道。而這間新果子好像幾有趣，開業不久已經很多客，店面光猛裝潢不錯，於是一個人走去試試。首先下了一個推介肉骨茶飯，裡面有海南雞三條骨幾件豆卜，肥瘦比例適中，湯底帶濃濃肉香，如果藥材味濃一些會更好。豬頸肉沙律的菜量不少，吃下去也是爽口開胃，酸跟辣的平衡控制得不錯，不過如果菜量可以多點更佳，豬頸肉旦配角，少一些也沒關係。以為我飽了嗎？還沒！接下來又點了半隻海南雞！一個人獨力ko有些吃力，不過全去骨的功夫，煮至僅熟的手功，也是值得一吃！

星期六又係代購交收嘅日子💰, 收工拎住一大袋搭E41去到安慈路站落, 順利搞掂當然揾野食, 餓到癲左. 見到對面有間cafe feel嘅餐廳, 有一pair人等緊, 門口lunch menu係星馬fusion菜, 亦有台式飲品揀, 我地都拎卡等埋一份先.·海鮮喇沙摻摻 (HKD63)前幾日食左喇沙, 由於太鍾意喇沙湯底嘅辣味加椰香, 今日encore🎤. 果然無令人失望der. 兩隻大蝦🍤新鮮, 一剝就離殼爽爽的. 有四粒蜆, 幾塊魚蛋頭片, 豆腐卜, 雞蛋. 魚蛋頭係彈牙之作, 至於摻摻... 大概係又有粗麵同米粉？食材份量十足呢！細心店家準備一隻碟裝啲蜆殼蝦殼.·南乳雞翼椰漿飯 (HKD54)加入南乳li款濃味醬料醃好嘅雞翼勁入味, 煎雞翼卜卜脆又厚肉. 椰漿飯散發出椰青水嘅清新味道, 食左啖感覺椰漿味道完全融入飯粒, 太陽蛋+脆脆魚乾+咸香花生, 幾種口感都嚐到.·絲網春卷 (+HKD18)肚餓起黎梗要追加小食啦. 我地坐喺出菜嗰pantry隔離睇住春卷係現炸的, 好香口. ·凍黑糖珍珠鮮奶 (+HKD15)黑糖❤️珍奶❤️唔是唔加錢飲吧！甜度perfect鮮奶嘅奶香好出, 加上成個

新年前夕當然是聚會旺季今次與好友團來到北區覓食，試試這間新開的星馬泰餐廳，味道有驚喜！食星菜，怎少得喇沙摻摻！大推，賣相吸引，最愛湯底，帶點椰香帶點微辣，每一啖不稀不稠，恰到好處，配料還很豐富，值得再試通菜配上馬拉盞很惹味，用鍋上熱辣辣，更增爽感份量很有誠意，對得起價錢有餘，淨食青口之餘，將白汁撈飯，意外匹配好吃慣住食和聊天大笑，都忘了拍拍餐廳環境設計走簡約小清新路線，當晚人數尚可沒有限時，最適合三兩知己慢嚼談心～ 可惜小妹家住九龍，出街祟尚 “九龍中心主義”，唯有下次行經太和再encore

🍜✨大埔新開星馬菜 食超足料喇沙✨大埔又有新餐廳喇同區少見既星馬菜主打喇沙 椰漿飯 肉骨茶😍價錢唔貴 份量足 住呢頭可以去試下☺️-🦐海鮮喇沙摻摻🍜（$68）湯底惹味香濃🤤椰漿既香味加微辣既咖哩辣度可以接受 利申譚仔食開清湯😂麵底有兩款 米粉加粗麵🍜兩種麵一齊食口感好豐富配料好多 超級足料海鮮類有蝦同蜆 🦐另外有魚片 半隻蛋 同入味既豆卜大大碗價錢又唔貴 推介😍-🍲肉骨茶飯🍚（$64）湯底係重點！飲到冇停口飲落有淡淡既藥材味唔係苦果種 似係補湯配料有排骨 豆卜 蛋另外有油炸鬼可以沾湯食整體較清淡 想食清d可以簡呢個-小食（跟餐加$18）🍤馬鈴薯炸蝦卷 好特別 炸得香口🥬生菜 純粹想健康d😂-🥤黑糖珍珠鮮奶（$24）🍹西瓜香橙沙冰（$26）飲品一般 黑糖珍奶偏甜 西瓜比較淡 不過冬天西瓜唔甜都正常😂

大埔呢間星馬菜新開左吾係好耐經過幾次都好想試因為比起大型連鎖食店都係比較鍾意支持本地小店餐廳價錢非常親民晚市套餐連飲品大約都只係$60左右而且仲要免加一所以都約抵食所以我地叫左2個晚餐同2個小菜咖哩牛腩飯咖哩非常香口，食落吾辣，牛腩夠入味牛腩肉質夠淋，吾會太硬南乳雞翼椰漿飯雞翼外皮煎得好脆而且有好香既南乳味椰漿飯有淡淡既椰漿味2種味道加埋出乎預料好食馬拉盞炒通菜如果吾鍾意食馬拉盞仲可以轉蒜炒通菜大大碟炒得夠哂鑊氣都只不過係$48豬頸肉沙律沙律加咗甜酸醬酸酸甜甜非常開胃而且豬頸肉好食到停吾到口另外加$9可以轉飲廿二蚊以下嘅飲品所以揀咗朱古力咖啡同埋珍珠奶茶咖啡加上可可粉好有朱古力味但又唔會蓋過咖啡本身嘅味道珍珠奶茶嘅奶茶係馬拉式奶茶所以加咗珍珠之後好特別同平時飲開嘅珍珠奶茶唔一樣總括嚟講價錢親民性價比高值得一試

今日行開大埔呢頭 見到呢間文青cafe 就入咗去食個午餐喇😻 餐廳以簡約風格為主 餐廳較入嘅位置 可以俾客人靜靜地咁傾計食飯👍🏻 午餐嚟講食物種類都算多印尼炒飯 見到有好多客人點呢個 飯嘅賣相幾靚 上面有沙嗲雞肉串燒 有大蝦 印尼蝦片 又有煎蛋 都幾豐富🍳 沙嗲汁甜甜地 又好香花生味 大蝦上嘅汁係印尼嘅辣椒醬 辣味幾重 點落炒飯度好惹味🌶 炒飯入面有少量雞肉 粟米 青豆 同紅蘿蔔粒 炒飯唔會太鹹 咖喱牛腩飯 好驚喜嘅係佢嘅配菜唔係薯仔 而係豆卜 豆卜吸咗啲咖哩汁好正🐮 牛腩唔會話好肥 炆得幾林 咖哩汁都好惹味 如果再多啲汁送飯就更加好🤧午餐再加咗兩碟小食 白雲酸辣鳳爪 小食嚟講份量都幾多 酸酸辣辣幾開胃馬鈴薯炸蝦卷 上枱熱辣辣 脆卜卜幾好食 點埋泰式辣醬都唔錯🦐黑糖珍珠鮮奶 呢排黑糖飲品咁hit 梗係要叫返杯嚟打吓卡 呢杯嘅黑糖份量幾適中 撈勻咗都唔會好甜 珍珠幾煙韌🥛美祿恐龍 係一杯好濃郁嘅美祿再加美祿粉係冰上面 好有兒時回憶🍫呢間餐廳無論主菜 小食 同飲品都above average 下次經過會考慮吓再食過