影片
更多
2019-03-22
25 瀏覽
去開大埔同女友行街，去返翠和里嗰邊有好多選擇，見到一間叫果子既餐廳，開頭以為係甜品店，望真d先知原來係賣馬來西亞+ 台式食品餐廳入到去簡潔既裝修，好有文清風味！坐位一般以4 人檯為主，都適合一家大細嚟食飯！餐廳提供馬來西亞同台式風味，選擇都幾多，飯麵都有得揀！我同女友見到馬來西野食都非常雀躍！而且價錢合理，就order兩個餐嚟食！估佢唔到呢度既飲品都幾有驚喜，有馬來西亞既特色飲品'恐龍' ,喺香港真係第一次見，仲有堂食第一次見到有'珍奶'飲！跟餐加少少錢可以有小食加，我哋梗係唔客氣喇！我就叫左個酸酸辣辣幾爽口既無骨鳳爪，作為餐前小食幾開胃！女友叫左個煎得金黃色既香煎魚餅，味道同口感都似喺馬來西亞食嗰d , 煙煙軔軔，魚香味十足！肉骨茶好快送到，藥茶味十足，一聞就知係馬來西亞風味！伴碟都有跟油條，辣椒粒，真係一絲不苛！而且用料不俗，辣椒粒加入湯即時令湯變得辣口！非常惹味！肉骨茶份量不錯，有幾條一字骨，煮得軟稔，一咬就離骨，淡淡既藥材香味都滲左入肉！仲有大大隻雞蛋同豆卜，非常足料！女友叫既海鮮喇沙賣相唔錯，香濃既咖哩香味非常吸引！份量都幾大，用料幾足，大大隻蝦，魚片，蜆，豆卜等，重點係湯底
入到去簡潔既裝修，好有文清風味！坐位一般以4 人檯為主，都適合一家大細嚟食飯！
餐廳提供馬來西亞同台式風味，選擇都幾多，飯麵都有得揀！我同女友見到馬來西野食都非常雀躍！而且價錢合理，就order兩個餐嚟食！
估佢唔到呢度既飲品都幾有驚喜，有馬來西亞既特色飲品'恐龍' ,喺香港真係第一次見，仲有堂食第一次見到有'珍奶'飲！
跟餐加少少錢可以有小食加，我哋梗係唔客氣喇！我就叫左個酸酸辣辣幾爽口既無骨鳳爪，作為餐前小食幾開胃！
女友叫左個煎得金黃色既香煎魚餅，味道同口感都似喺馬來西亞食嗰d , 煙煙軔軔，魚香味十足！
肉骨茶好快送到，藥茶味十足，一聞就知係馬來西亞風味！伴碟都有跟油條，辣椒粒，真係一絲不苛！而且用料不俗，辣椒粒加入湯即時令湯變得辣口！非常惹味！
肉骨茶份量不錯，有幾條一字骨，煮得軟稔，一咬就離骨，淡淡既藥材香味都滲左入肉！
仲有大大隻雞蛋同豆卜，非常足料！
女友叫既海鮮喇沙賣相唔錯，香濃既咖哩香味非常吸引！
份量都幾大，用料幾足，大大隻蝦，魚片，蜆，豆卜等，重點係湯底同馬拉嗰d一樣濃味，咖哩，椰汁味香濃！
最後出場既係珍珠煙軔而且香滑既黑糖珍奶，黑糖份量剛剛好，唔儲太甜，仲有第一次喺香港飲到既美祿恐龍！同馬拉既冰室一樣 上面鋪滿美祿粉，飲美祿之餘仲有得咬！ 相對嚟講香港既甜味比較適中，唔會勁甜，女友非常喜歡！
張貼
