果子｜海南雞飯·喇沙摻摻 (啟昌樓) (已結業)

平令正馬拉菜肉骨茶飯 $58湯底好濃，濃得黎唔會太咸，幾好味，肉質香軟，抵食。香茅豬扒椰漿飯 $54啲飯夠椰漿，豬扒爽口，份量剛剛好，唔會太多飯，豬扒都幾多。餐廳裝潢似文青風格，本身以為系cafe，點知系食馬拉菜，幾好坐，價格又平民，不錯。

行過見到門面幾乾淨,幾靚就入左去試下~ 入面好光猛, 同附近餐廳比較都算大間, 坐得幾舒服午餐有set, 試左幾款食物南乳雞翼椰漿飯 南乳雞翼唔係好入味, 但好香口, 雞翼有3隻.. 唔係好夠飽 … 如果多一隻就好喇 椰漿飯有淡淡椰香, 唔錯配埋花生同炸魚仔, 口感唔錯香辣魚餅 Lunch set 可以加錢要香辣魚餅 ~ 味道正正常常海鮮喇沙我覺得喇沙湯底個味道好似百__廚喇沙麵, 唔知有冇人都咁覺得呢 ~總括黎講, 食物味道同質素不過不失, 但要係食肆臨立 ge 大埔區長做長有, 可能要再進步先得喇~ 

在大埔有很多新的餐廳，突然很想吃新加坡/馬來西亞菜，就搜到這間果子的餐廳， 它是主打新加坡/馬來西亞菜，地方大且舒服。有多種新加坡/馬來西亞菜選擇，先點了一份無骨海南雞飯(半隻)，皮光肉嫩，好好味。然後點了一份沙嗲雞肉串燒(3串)，雞肉肉嫩，上面淋上沙嗲，好惹味。然後就到主食，這個是香煎豬頸肉喇沙摻摻， 一片片薄薄的豬頸肉，容易咬開又好味，不過有點辣。這是南乳雞翼撈麵，香煎雞翼非常好味， 配合撈麵超正，推薦大家可以試一試，另外還有一碗雞湯。【地址】太和汀角路11-13號啓昌樓地下13號舖暫時分享到這裡，謝謝收看這篇分享，下篇見♥♥♥ ------------------------------

繼續找尋亞洲美食🤤，今晚又去咗試下新嘢，難得早咗收工，平時係好多人等位。呢間係新加坡🇸🇬菜，早已聽聞是高質素有水準，今次揀咗🤔🤔。肉骨茶🐷：肉夠腍身，藥材湯都夠味，仲有隻蛋手🥚。海鮮🦞叻沙：正宗係摻摻，有米麵，而且隻蝦🦐都夠大隻。魚餅🐟：夠辣又好味👍🏿.整體而言都幾滿意，係嫌唔夠熱，味道同製作都收貨，仲有海南雞飯同其他選擇可以再去試試。加上環境寧靜三五知己傾計都很不錯。🤤

朋友搬左去太和，租既新屋係火車路再入10分鐘路，入伙黎探下佢，路程唔算遠因為都近火車站(後來先發現有巴士係九龍直到)，佢帶我去左樓下附近依間叫果子餐廳食晏晝TEA。店面好光猛，坐都幾舒服，冷氣充足，夏天黎食冷氣夠晒。餐牌有好多食物款式我地都係打算SHARE黎食，就點左兩個餐，叫咗個印尼炒飯，即炒夠晒熱，上枱仲有出煙賣相吸引，即到好似米奇老鼠咁，細路望見一定愛，炒飯好香飯粒炒得夠入味，蝦都好新鮮，味道唔錯。印尼炒飯有沙嗲雞肉串，沙嗲醬好香like，雞肉嫩口，兩者夾埋好食yummy，所以另外再加配左個小食沙嗲雞肉串, 有兩串。另外叫咗個海鲜喇沙摻摻，呢個超有水準，湯底好香，好香喇沙味，蝦都係新鲜wow，開頭唔明咩叫掺掺，食落先知原來碗摻摻有米粉同油麵二人共存，口感二撈好特別，而目份量超多，一碗其實夠兩個食，真係好飽，湯汁味香好食午餐加配左個小食，都只係10幾蚊，馬拉盞通菜通菜爽口，份量好多，而且味道很好味，呢個好抵食。飲品方面，叫咗杯鮮奶珍珠奶茶，珍珠份量非常多，口感好咬，鮮奶味濃like。而朋友叫咗西瓜冰，夠凍，冰打得好細好綿，佢話啜到有西瓜蓉yummy好似飲緊鮮打西瓜汁咁，夏天飲碞晒解

約左兩個好耐無見既朋友，想搵間坐得舒服啲傾到計既地方，就搵到呢間啦！舖位前身係秋月居，同以前一樣，每張枱都有足夠既空間，唔會坐得好逼，坐得舒舒亦可以傾好耐計👍🏻講番食物先，整體質素算不過不失啦～雞翼味道普普通通，不過都夠熱。海鮮喇沙亦都係普通，湯底好味但如果濃啲就更好啦。朋友既豬扒椰漿飯無乜椰香，但當普通豬扒飯食都接受到既😂味道黎講更好味既大有店在，不過都不失為小聚既好地方😊 想傾計多過重視食物質素既可以考慮下😀

夏日熱辣辣~"唔識死"既我反而去食熱辣辣東南亞餐廳果子Cafe !今日試左印尼炒飯。擺盤賞心悅目。逐Part來雞串燒: 重花生味兼有花生碎, 燒得香蝦: 有少少辣但蝦身殼已好細心剝左, 容易進食蝦片: 有少少淋但還可以蛋: 荷包蛋既呈現好好睇。但如果蛋唔煮太熟蛋汁更多會為飯更帶來層次 (見下句)飯: 最欣賞既地方。咸, 辣, 甜三味十分平衡。飯亦不太黏身, 加上蛋汁個種溫厚既感覺, 好對我的口味。以 $64 一個午餐仲包埋飲品, 都真是值回票價。溫馨提示: 星期日午飯時間爆滿情況應該"不罕見"。所以, 記著book table, 咁就唔洗係出面日曬雨淋啦! 但係留意返, 佢最多幫你hold到 10分鐘架炸 (as of 19 May 2019)。

行完山，平時都少去太和果頭，見仲早未好多人，餐廳環境帶點日式style ，幾寬敞，價值又合理就簡左呢間。環境方面，光猛嘅日式裝修，淺木色為主。猶如餓狼嘅我地都叫左幾多食物下，全 部 都 幾 好 味！ 其中最推前菜南乳雞翼，識食一定食佢，個皮勁烤得勁香，吾會好油又濕，又五會太乾，入面好滑，加上調校得啱啱好嘅南乳味，真係勁正勁開胃，最後叫多咗一碟碟，大人細路都一定鍾意食必試！前菜特別要讚下青口，平時最怕啲青口食落去冇味，佢個白汁調得恰到好處，清清地可以完全帶出青口嘅鮮味，同時提升味道另外，豬頸肉沙律同冇骨嘅白雲鳳爪味道亦都達標！主菜朋友叫左黑椒蝦粉絲煲，自己叫左海鮮喇沙。當然海鮮喇沙冇令我失望(兩種面同多餸) 但估唔到佢個粉絲煲先係亮點(有Menu相)，平時唔食粉絲嘅我以為我朋友中伏，但啲粉絲入晒味，配埋啲蝦食勁惹味搞到我忍唔住偷左幾啖飲品推介檸檬薏米水，勁多薏米又唔會太甜，夏天真係好啱我呢啲偽養生嘅人。總括好耐冇食呢間味道咁好嘅，價值仲要勁親民加環境不俗嘅餐廳，走嘅時候都越來越多人。不過真係離屋企好遠，希望快啲有機會再食

呢間食店開咗一段時間，我同朋友已經食咗唔少次💕最愛食佢嘅豬頸肉/海鮮喇沙摻摻🥰湯底一啲都唔辣，好重椰香味，調到幾啱香港人口味。最重要係飲曬都唔覺得口渴，真係一啲味精都冇☺️另外，呢度嘅黑糖珍珠鮮奶都好好飲，好香黑糖味👍🏻不過，個人認為個肉骨茶飯太淡，冇乜味道....印尼炒飯的話啲串燒同蝦都唔錯，而個炒飯嘅調味就ok la haha總而言之，呢間食店質素唔錯，坐得舒服，性價比高，都好推介俾大家！

今日去完大埔林村玩 於是就嚟到太和附近嘅呢間果子 係食東南亞菜夜晚時間嚟到都已經好多人排隊 裝修似文青cafe 而且坐得幾舒服 仲有好多台式飲品可以選擇 正宗多國菜炭燒豬頸肉沙律 炭燒豬頸肉好香 加上泰式嘅酸辣汁 酸酸辣辣甜甜 沙律菜新鮮爽脆 成個配搭好fresh 食完夠曬開胃香茅豬扒椰漿飯 香茅豬扒夠厚身啖啖肉 香料味十足 椰漿飯喺香港十分少有 淡淡椰香令人一口接一口 上面加上香煎太陽蛋 用嚟撈飯一流咖哩牛腩配薄餅 咖哩牛腩原窩上大大煲 牛腩炆得夠淋 夠入味 薯仔同樣索曬咖哩汁嘅味道 配上香脆嘅薄餅絕配

大埔真的有很多高水準的小店，今天行完大埔超級城有些累，就到附近找東西吃😋看到這間「果子」門面幾靚，很有木系感覺，又是自己喜歡的星馬菜，就入去一試。一進店入，環境以木系和白色爲主，而且枱櫈也算放得寬敞，環境闊落，十分舒適。首先點了小食拼盆，雞奕十分大隻，味也不錯，啖啖肉，熱騰騰😋其中這個蝦餅也很好吃，很重香料味，中間又加了些像是豆的東西，更添口感，少少辣，十分惹味，在我吃過眾多蝦餅之中算是很高質的一個！😋👍🏻另點了肉骨茶，湯味香濃，很足料，有差不多五六塊肉骨，肉質很有口感，很淋，又不是太肥膩，好味😋又點了馬拉盞炒通菜，很香很惹味，還吃到一粒粒的小蝦米，更加香😋本身自己一直很喜歡吃蔬菜，每天也要吃很多，就多點一碟生菜，才$28是有超多的生菜！份量很多，很抵吃喔！侍應還給我們骨碟，很細心，店員也有笑容，服務很好，很有禮貌😊👍🏻

今日約左好耐無見既小學同學出黎食飯 大家都係住大埔 就緊係係大埔食啦 行過見到呢間果子 啲野食好似幾靚 而且又唔貴 就入去試下啦首先叫左個海南雞飯餐 仲有湯 但個湯比較鹹 個人覺得一般 但反而個雞就有驚喜 除左貼心地去左骨之外 雞肉更異常嫩滑 非常抵讚同學叫左個肉骨茶飯 肉味香濃 肉質軟滑 而且個湯亦有足料藥材味最後就叫埋個咖哩牛腩煲配油鬆餅 呢個真係好食夾大件 牛腩份量好足 而且炆得好林好入味 配上油鬆餅一齊食簡直係一絕呀總體而言 呢餐真係食得飽之餘仲食得好既晚餐呀

記得新開店無耐就黎試左次，但食物質素麻麻，個咖哩飯好一般，錢又計亂左不過今日突然想食肉骨茶，就去試多次，可能上次叫既唔係撚手小菜掛就俾多次機會點左個肉骨茶飯，香煎豬頸肉喇沙摻摻，南乳雞翼個肉骨茶味道十足，配上白飯可減輕中藥既味道，稍嫌沾湯食的油炸鬼有d涼左，有點油，不過整體唔錯，可一解對肉骨茶既思念😂👍🏻香煎豬頸肉喇沙都ok，豬頸肉嫩滑易吞，但食唔出有煎過的口感，材料很豐富，有三片魚蛋片，半隻雞蛋，幾粒豆卜，至少5片豬頸肉，十分抵讚湯底都夠濃，個椰汁味淡，可能我個人愛好奶味重的喇沙，特別一講，摻摻係指溝左2種麵類，有米粉同油麵😂米粉我就嫌味道未夠入味，煮耐多少少俾佢吸下味就一流因該一落單5分鐘左右就上菜，快得離譜吖！另外還點了南乳雞翼，外皮香脆入味，不過入面醃得不夠，無咩味道同埋價錢偏貴$22得2隻😅最後一提係杯檸檬薏米水幾好飲，唔會太淡味，有少少檸檬酸提升下味道，清新健康食物質素好壞參半，水準飄忽但如果想食肉骨茶黎呢度可以一試的

今天下午時段，來到大埔一家星馬餐廳搵食。這家餐廳給人舒適的感覺，環境乾淨整齊清休，不知是否要配合星馬的文化，所以侍應生的服務不錯，語氣也很溫柔文靜，有別於港式餐廳，是愛寧靜人士的好去處。下午時段可以有午市套餐或下午茶套餐，抵食之選這個南乳雞翼撈麵，雞翼不錯 ，很入味；但麵就沒有什麼味道只有醬油跟豉油差不多，味道比較單調肉骨茶不錯，是正宗馬拉的味道；也很足料，排骨不太肥，有蛋及豆卜這個下午茶細喇沙摻摻也不錯，麻雀雖小五藏俱全，有蝦、蜆、魚片、豆卜及半隻蛋，一碗細細的已經有齊喇沙材料這個印尼炒飯絕對是樣樣齊全，很美的太陽蛋，兩塊印尼脆蝦片，幾隻小蝦，兩寸沙嗲串，再加上濃味的炒飯這兩個小食分別是南乳雞翼及酥餅是跟下午茶餐加錢換來的，但酥餅一般，皮太厚又吸油各方面加起上來就是抵食之選，環境不錯。

呢間果子都開左一排啦，人流都絡繹不絕，決定trytry佢七點幾已經有幾枱家庭等緊位，好彩兩條友都等得快 仲要比卡位餐牌好文青風，靚靚環境都好簡約光猛睇睇餐牌價錢，又唔算話好貴喎，晚市黎講仲要冇加一 抵我地叫左個印尼炒飯、星洲黑胡椒粉絲蝦煲、白汁煮藍青口同一人一杯野飲。印尼炒飯有太陽蛋，三隻剝好既蝦同串燒！啲沙嗲汁甜甜地幾野味至於個炒飯入面係有青豆呀粟米蘿蔔個啲，我估係平時雪藏三色豆黎，我就嘛嘛地青豆既～ 唔中意食青豆既人可以留意番～個白汁煮青口係幾有驚喜青口唔會話好細隻，而且隻隻有肉，係有兩三隻冇開到口 加埋啲白汁同洋蔥食yumyum 同埋黑胡椒粉絲蝦煲👍🏼蝦四大隻，粉絲份量好多好多！又索哂汁！真係食粉絲都食飽叫左熱檸檬薏米水同凍焦糖咖啡。都唔錯👍🏼👍🏼