果子｜海南雞飯·喇沙摻摻 (啟昌樓) (已結業)

經過店舖, 看到有拿沙, 想試試, 入店後坐下看了,  服務女員工只顧與男員工傾計, 近距離舉手叫她沒反應, 已有不好印象, 叫了海鮮拿沙摻摻, 蝦不新鮮, 內有蝦腸(附上照片黑色的), 蜆有沙, 湯不夠熱, 很失望, 不會再有下次幫親了

今日同老公去左大埔睇樓盤，睇完都已經晚飯時間，咁啱行到呢間餐廳門口，見到餐牌都啱食喎，所以就行左入去。入到餐廳就覺得好光猛，好乾淨，地方都算大，職員安排我哋坐卡位，坐位闊落舒服。呢度咁多嘢食，好難揀。最後老公就揀左個二人晚市小菜套餐，然後再散叫左個沙律同小食。蕃茄酸辣鳳爪沙律：沙律菜乾淨，車厘茄比較甜，鳳爪多，爽口，整體酸酸甜甜，好食開胃。小食拼盤：有南乳雞翼、春卷、香辣魚餅同埋香脆吉列蝦各款兩件。每款都係剛炸起，入口仲係熱，南乳雞翼好入味，春卷同吉列蝦好鬆脆，唔太鹹，香辣魚餅唔覺得辣，有口感，有芫茜味，幾香幾特別，點埋甜酸醬仲好食。馬拉盞炒通菜：通菜炒得青綠，唔會黃晒，入口鹹鹹香香。呢個係用熱鍋上，食到底d菜仲係熱，唔會凍晒，幾好。無骨海南雞(半隻)配油飯：重要嘅事要講三次，海南雞真係好嫰滑，好嫰滑，好嫰滑呀！仲要無骨，可以大啖大啖食雞脾。另外佢有三款醬，一個係薑蓉，一個係甜甜辣辣，一個係鹹嘅，我就鍾意點鹹果隻醬。油飯食落好香，軟硬適中，配埋無骨海南雞一齊食，無得頂👍海皇海鮮喇沙摻摻：海鮮每款都大大件，有睇頭。有大蝦、帶子、青口、蜆仔、蟹柳、魚片同豆卜，連湯一齊食，帶鮮味。呢個湯底帶

上網睇大埔有新加坡菜食！梗係入去試吓啦！睇menu 真係好多選擇！有個新菜式推介，好似好吸引咁！於是嗌左星州海鮮炒貴刁，飲檸檬薏米水～而女朋友唔係好肚餓！就嗌左個馬拉盞炒通菜，秋葵，2串燒雞+2串燒牛，佢就飲美綠恐龍！先講炒貴刁，啲海鮮好豐富！最貼心嘅係啲蝦係廚師幫我地剝埋架！而且啲青口亦都大大隻！另外仲有啲蜆肉+魷魚粒！貴刁嘅份量亦都好大份！個醬汁有少少辣～岩晒中意食小辣嘅朋友仔！串燒方面，牛同雞都燒得岩岩好！個人比較中龍食雞～因為佢啲肉都幾嫩！而且配埋個醬汁真係一流！個廚師落醬汁都落得好唔客氣！而且亦都唔會好鹹！一啖醬汁一啖雞肉真係好夾！蔬菜方面，個馬拉盞通菜炒得好香！好重馬拉盞嘅味道！而且蔬菜嘅份量亦都岩岩好！好有穫氣！個秋葵份量都幾多下！而且擺盤都擺得幾靚！價錢又抵食！中意袋秋葵嘅朋友必嗌！飲品方面，薏味水都俾得好快薏味！想養生嘅朋友必嗌！美綠恐龍亦都好大杯！亦唔係甜！So far, 呢間餐廳新加坡菜黎講，性價比都幾高！食物嘅水準都幾好～下次無咁飽，再幫襯嘅話一定會嗌海南雞飯！

果子店嚟地鐵站都大概有十五分鐘路程， 地鐵站出一程小巴先到，呢日天氣非常晴朗， 入到餐廳，點咗餐廳2個主打推介，我叫左海鮮喇沙摻摻，朋友叫左海南雞餐，等左10分鐘左右就齊哂野，有得食。熱檸檬薏米水 (跟餐送)自家製每次煮三小時，清甜可口，健脾去濕，清熱排毒，改善水腫，升價比高，值，抵過自己煮。薏米份量都多，質感夠厚， 平時薏米水都係配搭豆類甜品多，呢食酸性配搭， 試新野小食 沙爹雞肉串燒2串 22hkd沙爹醬係串燒嘅精華部分，雞肉串浸曬係沙爹醬入面，如果雞肉量多2倍，就更加吸引。海鮮喇沙摻摻 60hkd兩隻大蝦，蜆肉， 豆卜，雞蛋，魚蛋，喇沙湯底都夠甜， 配粗麵及米線。食完嘢，埋單好滿足，一個午餐就食左好多唔同既食物，好過屋企慢慢買餸，自己煮，餐廳食，直接買個簡單，方便

趁平日比較空閒，約了朋友一同聚餐，住大埔的朋友推介了附近新開的一家星馬菜餐廳，一於試試。 店內裝修走cafe風格，坐位擺放闊落，很適合朋友或情侶聚餐。 店子出名星馬菜，當然要點一客肉骨茶來試一試 ! 先呷一口湯頭，有濃濃的骨湯味，藥材味不太濃，較像於馬來西亞食到的口味。 肉骨茶十分足料，有多件排骨。滷蛋做的入味，加上吸盡湯汁的豆卜，令人不自覺喝完整碗湯 午餐+$20有小食，選了沙嗲雞肉串，香味十足，花生香味亦夠 隨餐可加錢轉特飲，選了芒果沙冰，十分大杯！於夏天似有透心涼感覺 如果住附近的話很推薦來試一試 !

而家疫情冇得去旅行 成日要搵唔同花款嘅餐廳尋求旅行啲感覺🤣🤣星期六踩完單車之後 同男朋友簡左食馬來西亞菜今次黎到大埔嘅街道 搵左呢間叫做果子嘅餐廳雖然果子主打食海南雞飯同喇沙不過我地今次想試下唔同既馬來西亞美食所以分別叫左兩個主食同埋幾樣小食🥰🌟咖喱牛腩火山包 $98呢個火山包份量極為大份包入面放滿咗咖喱牛腩 牛腩質感入口即溶火山包仲經焗過 所以咬落去卜卜脆另一食法係側邊薄餅可以包住牛腩食😋🌟星洲海鮮炒貴刁 $76價錢合理 海鮮份量充足 貴刁個樣睇落好似平時食開個啲河粉咁但其實食落口感係唔同架另外炒貴刁講求鑊氣呢個一食落口真係好入味🌟日式唐揚雞塊（6件） $36🌟一口越式炸蝦芝士波 （4粒） $24雞塊配上馬來西亞式甜酸醬食落去口感唔會太清淡炸皮亦都夠薄唔會食落成口粉🌟串燒拼盤 $86包左豬牛雞嗰兩串 同埋豬頸肉呢個真係真心推介 好抵食全部都冇多餘嘅肥膏 可以一啖擺落口😛🍹珍珠奶茶 跟餐價$10🍹仙草奶茶 跟餐價$10推介指數：8/10抵食指數：9/10👍🏻👍🏻👍🏻👍🏻👍🏻

去到大埔太和，估唔到有間咁重人氣嘅餐廳。晚上8點到要排20分鐘先有得入。。。本menu 好厚，我只係影左我有叫果d.黑糖珍珠奶茶唔太甜，重黑糖味，夠大杯。跟餐加$4老闆推介凍檸檬意米水佢地自家煲嘅，唔太甜，好夠料。下火，啱哂熱氣嘅我。馬鈴薯炸蝦跟餐嘅小食，新鮮炸，openrice 好多人推介。大家冇介紹錯，真係好食。第二份小食係沙嗲牛肉串燒唔算太特別，都係大家食開果d.個汁唔太辣，牛肉正正常常加$18 有個細肉骨茶出奇地高質。下次會直接叫一大碗好重藥材味，舊肉唔老。健康小小+$18 食個菜。正常海皇海鮮喇沙摻摻喇沙，一定係飲個湯先。湯夠濃，有兩種麵，夠正宗好足料。好飽咖喱牛腩炸雞椰漿飯。正宗嘅馬來西亞食法，成大碟成塊葉咁上。上面又有其他嘅料。唔辣。個藍蝶椰漿飯好香。夠哂飽。軟殼蟹火山包成晚嘅戲肉，幾飽都要試。個汁唔太辣，入面有其他海鮮。個包好熱，點個汁食好開胃。個蟹都幾大隻。不過兩個人真係食唔哂，一大班人黎食先好叫

星馬菜是我最喜歡的菜式之一，久不久也要去吃，即使未能旅遊，都希望能味遊各國，很喜歡東南亞的風情呢！今天中午來到果子，最出名是海南雞飯和喇沙，爭扎了一會選了海鮮喇沙，材料很豐富，有大大隻蝦、幾隻蜆、魚片、豆卜、半隻蛋，蝦有驚喜，比預期的鮮甜爽口，湯底不會太鹹，有椰香，少辣，可以一直喝。麵底是油麵和米粉混合，叫摻摻，喜歡一次品嚐兩種口感。加$15有六隻鳳爪，抵食，鳳爪調味不會太重，少少酸幾清新，保留了爽爽的口感。再加$16轉特飲黑糖珍珠鮮奶，黑糖味道好香，珍珠煙韌有咬口，鮮奶順滑。

同朋友去完中文大學站參加活動後去太和食食星加坡美食，揀左個relax ge卡位坐我同朋友都點左唔同既ser lunch 食無骨走地海南雞飯少油脂皮脆肉滑 65hkd新加坡美食中必食海南雞飯有3種醬油汁;黑醬油秘製橙醬自製薑蓉雞完全走骨，入口冰涼，可以當係涼拌咁食有少少跟建既位置，份量都多，似係半隻雞份量要讚下，青瓜好脆，爽口配雞湯，好濃縮既雞香味，好正!小食白雲酸辣鳳爪小辣 15hkd夠酸，份量都多，想入味d要飲埋酸汁，拌生菜都可以食埋檸檬薏米水凍 (+2hkd)飲落似粥水質感，係咁熱天既情況下，點左凍飲，薏米水幫助去濕及消水腫的理想飲料，紓緩因濕氣積聚而出現疲乏困倦、情緒鬱結等「濕重」徵狀，去完一整日活動後，幫助休息下身體。

近排成日食外賣，今晚想食得特別少少，好耐冇食呢間馬來西亞菜， 所以就揀咗呢度。豬頸肉沙律先來個沙律，沙律都幾大份，超級多菜，配上泰式酸辣汁，感覺清新健康。星洲牛肉炒貴刁炒貴刁嘅份量同樣非常足，唔會好油膩，如果再濃味啲就更正啦。香茅椰汁煮蜆配白飯呢個菜式幾特別，所以試吓。個湯好香椰汁味，好適合送飯。小食拼盤拼盤有四款小食，每款兩件，包括南乳雞翼、春卷、香辣魚餅、香脆吉列蝦。我覺得最正係香辣魚餅，香料味重，好有風味。惹味沙嗲牛肉串燒個沙嗲醬幾好味，有少少花生粒，食落有口感。馬鈴薯炸蝦卷外層嘅薯仔絲炸到香脆，裏面係蝦肉，口感味道都唔錯。斑蘭咖央多士壓軸登場！呢個多士超級邪惡，超級好食，超級推介！多士烘得香脆，裏面塗滿斑蘭醬，夾住大大塊牛油，真係好好食杞子牛蒡茶養生之選，味道幾特別。青檸香橙梳打清新之選，大大杯，正！

星期六朝早去完龍尾沙灘玩, 好鬼肚餓, 有個住大埔朋友話八號花園對面有間食東南亞野既餐廳幾好味, 重點係份量大, 加上有沙冰飲, 曬到個人興洽洽最去不過啦, 一於去試試, 去到我睇下個門板叫果子, 我問我FRD係咪去錯, 佢話唔係, 哈哈, 以為食菓子一定係日本野咩, 坐底我叫咗個豬頸肉摻摻叻沙+南乳雞翼+百香果沙冰, 價錢都幾合理, 食物好返到, 叻沙湯底好濃, 椰子味同蝦味好平衡, 飲落好舒服唔會太搶, 少少辣好開胃, 南乳雞翼好出色好香南乳味, 外脆又多汁, 百香果沙冰好大杯, 唔係太甜, 好清新, 值得一試的餐廳

今日尼到大埔呢間食星馬菜，都聽講過係好食同埋還境好舒適，所以今次特登前來一試究竟！環境舒適，裏面座位之間都有好多空位，唔會太迫。另外都有大枱供應，啱晒一大班朋友過黎一聚。❤️‍🔥海鮮叻沙海鮮非常足料，蝦、蟹柳、青口都各有2份。湯底方面，唔會太辣，而亦好有叻沙既味道。所以就算你食唔到辣既，都可以嗌到黎食❣️愈食愈中意秋葵大蝦沙律🥗沙律菜好新鮮，配合佢特調既酸汁好開胃🙈大蝦都好新鮮爽口重頭戲就一定係呢個！原隻軟殼蟹咖喱火山包🤤軟殼蟹炸得幾好，炸粉唔會太口，原隻上，十分滿足。火山包好大舊，可以切落黎yam汁食。包身有唔會太乾，而且仲有青口。飲品方面推介 #檸檬薏米水 佢薏米水好有味，唔會係就咁水+薏米，加埋檸檬，好清新，啱晒食完野飯🥰

一般平時去大埔也是離不開因為踩單車或探朋友 , 當然今次也不例外 , 與友人短聚過後一同行逛畢超級城後已經5點半有多 , 便開始四周覓食未幾, 提起東南亞菜 , 經朋友推介下嘗試附近一間名叫果子的星馬菜 , 由超級城步行約3分鐘左右到達 , 相當方便 , 位置就在馬路旁大約6PM左右到達 , 門口已有客流年 , 門面外觀望上去比較新淨 , 估計開業不算很久全店主用木系裝修佈置 , 座位頗闊落 坐得舒適 , 舖面估計800多呎左右 , 大約可容納50多人比較實而不華的佈置擺設 , 點綴平實得宜 , 點餐時店員妹妹殷勤有禮款式不少 , 主食,小食,套餐,飲品 , 分類清楚簡潔與朋友達成共識後叫了  ($218)二人晚市小菜套餐:燒豬頸肉沙律,肉骨茶煲連白飯,海鮮喇沙摻摻,包飲品2杯($76)藍碟花椰漿飯-3餸,加飲品1杯 , ($98)咖哩牛腩火山包燒豬頸肉沙律: 燒豬頸肉炭燒味濃 , 肉厚彈牙 , 巧妙地完全鎖住肉汁 , 配以沙律菜佐口 , 以揉合豬頸肉的濃味 , 令人開胃肉骨茶煲連白飯: 藥膳味濃之餘又不會蓋過肉香 , 手法巧秒 , 配菜有金菇及魯蛋 , 撈飯食絕配 , 份量夠2人分食

大埔出名多隱世美食，但食【果子】我都係第一次。食完忍唔住畀返個好評首先係服務質素，啲侍應嘅態度好，上菜都好快，唔洗催，而且上到嚟啲嘢食係熱辣辣。可能係開冇耐嘅餐廳，整體都非常乾淨，坐位亦唔會好逼。講下食物，食物嘅質素都冇得彈，份量充足，夠足料平時食泰國嘢食得少少，肉又得一啲...真係唔會飽。呢間叫豬頸肉嘅話真係畀好多舊，食得好滿足味道方面，湯底非常濃郁（「摻摻」原來係拉麵mix米粉，好得意）雖然係食泰國菜嘅餐廳，但都有唔同嘅特飲，我叫咗珍珠奶茶，不過不失，都ok。

今日相約到閨密新家house warming ，到訪前諗住係附近食咗個午餐先上去，一番搜索下就搵到哩間「果子」星馬菜。「果子」雖然看似店子小小，原來內裏大有乾坤，裝潢以暖色為主，頗有溫馨感，店外堂食及外賣人龍不斷，令我們更添信心👍🏻週末午市套餐都有10數款，而且都係$5x-$6x 仲包熱飲，性價比極高，唔夠喉嘅仲可以以優惠價加配小食。小妹就揀咗香煎豬頸肉喇沙摻摻，而友人就話要試下無骨走地海南雞飯，為食嘅我哋仲加咗2個小食，分別係沙嗲雞肉串燒同埋馬鈴薯炸蝦。海南雞飯除咗可以揀白飯家油飯之外，計雞都可以揀黃油雞定走地雞，店長哥哥就推介走地雞，白雪雪嘅雞皮加上滑嫩雞髀肉，起哂骨又啖啖肉，加上經典雞南雞三色醬，勁滋味😋😋豬頸肉喇沙摻摻完全係足料正宗，除咁豬頸肉外，仲有豆卜、魚片、雞蛋🥚等，而且麵底摻摻係油麵mix 米粉、重點喇沙湯底，椰汁香濃唔會過辣，麵底掛湯力高，愈食愈滋味😋😋「果子」除咗有星馬飲品拉茶、薏米水外，竟然仲有台式珍奶同鮮果沙冰，夏日炎炎嘆番杯透心涼嘅沙冰就👍🏻👍🏻鮮果沙冰真係用新鮮果肉打成，飲落唔會係死甜而係鮮果嘅天然果香甜味，跟餐加配都係$20咋，勁抵抵抵！