果子｜海南雞飯·喇沙摻摻 (啟昌樓) (已結業)

之前有朋友介紹過呢這間餐廳話好食，今日轉成同朋友嚟呢度食晚餐，餐廳環境舒適，有好多款套餐選擇，有一人餐和二人餐，亦都可以叫小菜和小食，我們點了新加波特色菜咖喱牛腩火山包（一定要趁熱食，麵包香脆，因為有咖喱汁好快會淋所以要先食😋跟幾塊印度薄餅，配點咖喱非常之夾👍咖喱味道香濃、唔太辣、牛腩嫩滑有幾舊豆腐乾墊底，非常入味👍）泰式炸蝦餅：（蝦肉彈牙炸得外脆內軟。走地海南雞半隻：（海南雞嫩滑、皮薄唔會肥膩，非常好味😋原隻菠蘿海鮮炒飯：（用新鮮菠蘿加上海鮮炒飯 ，開胃、炒飯上有兩隻大蝦很貼心的剝咗蝦殼，還有兩隻大青口，唔錯👍餐廳也有多款特色飲品, 點了焦糖凍朱古力，個人非常喜歡因為我喜歡食甜😋跟餐只需要加$14、朋友點了芒果沙冰，佢都話好好飲、跟餐加$20元，餐廳食物質素幾好，價錢亦都公道！值得推介😊😋

今日去大埔探朋友，到左夜晚一齊喺附近食飯，朋友介絡左去依間星馬菜餐廳，估唔到又幾好味喎。1.小食 - 炸芝士條其實係魚蛋入面包住芝士，炸得好香脆乾身，芝士味濃。2.無骨海南雞飯黃油雞肥美多肉，無骨啖啖肉，雞味濃有油香，雞肉及皮都好滑，點埋薑蓉醬汁，味道更加豐富。 油飯充滿雞油味，好香但不算油膩。3.新加坡火山包@咖喱牛腩賣相好震撼好有畫面, 火山包充滿咖喱牛腩，咖喱汁好似火山爆發咁流出火山口。味道方面，香濃咖喱用黎點麵包及薄餅，非常惹味，牛腩炆得夠淋又入味。4.香茅豬扒喇沙摻慘一飲喇沙湯就知有落蝦一齊煲好香既蝦味及咖喱味，油麵溝米粉連埋湯一齊食，濃而不咸味道有層次。5.滑蛋海鮮濕炒貴刁濕炒貴刁醬汁惹味，貴刁炒得好均匀，每條麵都包到醬汁, 海鮮材料豐富，有蝦，魷魚, 蟹柳,蜆肉同菜，非常好味。

一早帶完仔去interview，入到婆婆屋企都仲未食野，急急腳又話要出去大埔買餸，因為今晚齊人打邊爐喎。點解成日都好似趕頭趕命咁😅😅😅😅落車經過見到入邊座位都幾闊落舒適，決定入去坐低抖一抖食個lunch補一補充體力先。最開心就係有卡位坐，又舒服又有privacy入邊裝潢簡單舒適，望下水吧位置既一排吊燈，再望下牆上既掛飾，加埋背景播放既音樂～～～～～完全洗脫左一貫東南亞餐廳既風情，令你有一刻覺得去左cafe既感覺。😍😍😍😍睇餐牌樣樣都想食，忙左成朝，梗係要善待一下自己喇。叫左兩個午餐，加小食，再加特飲，成檯都係野食，睇到都開心返晒😍😍😍😍😍無骨海南雞（油飯）$56雞肉無骨又嫩滑，可以大啖大啖咬，加埋傳統既醬汁同油飯，仲有碗雞湯，呢個價錢絕對食得過👍🏻👍🏻👍🏻👍🏻馬鈴薯炸蝦卷（加$20）食完比較清淡既滑雞，再加有啲香香脆脆既野襯托一下，好似就無咁單一，豐富啲。小食類仲有好多其他選擇，花多眼亂，有個絲網春卷都好似好吸引，下次可以再試😍豬頸肉喇沙摻摻$62喇沙摻摻賣相好靚，味道唔錯，豬頸肉亦都爽口香濃好juicy。最怕啲煎完翻煎再翻煎既豬頸肉，乾到一個點，呢度就唔會有咁既情況。👍🏻👍🏻👍🏻串燒

今日入大埔搵fd，山長水遠特登入去咁有誠意，緊係要屈佢請的食返餐好啦今日佢帶左我黎呢間「果子」，主打星馬菜。係menu見到個火山包即刻好興奮，即刻想試！其他classic星馬菜當然都唔少得啦，呢到仲有椰漿飯添！黑糖珍珠鮮奶、薄荷珍珠奶茶，比平時飲開個啲珍珠奶茶有特別，唔錯超高質軟殼蟹火山包！入面意想不到地足料，除左有軟殼蟹，仲有其他海鮮，例如青口、大蝦、蜆肉，全部都索晒啲汁勁入味！好食又抵食藍蝶花椰漿飯，成個飯好colourful，望上去好靚。飯好香椰漿咪，又唔會太濕，仲可以自選兩至三款配料，任君選擇串燒拼盤，串燒一啲都唔乾，但最抵讚都係個豬頸肉，勁香勁重豬肉味，食完一片又一片停唔到好，超正呀！

喺太和嘅星馬菜，之前都食過幾次，今次自己去快食個午餐。餐廳係喺太和站附近，行過去5-10分鐘倒。餐廳入面都好寬敞，以米色同啡色為主，俾人好舒適寫意嘅感覺。叫咗一份海南雞飯午餐，包一杯嘢飲，再加咗一份小食。點產後大約兩分鐘後就上倒菜，首先嚟嘅係海南雞飯～無骨海南雞飯 🐓（$56）啱晒懶人食嘅無骨海南雞同油飯，套餐入面亦有湯。雞肉非常嫩滑，完全唔會韌！不過雞肉本身係冇乜調味嘅，所以要自己點佢哋比嘅三種調味：薑蓉、酸辣醬、甜醬油。可以按自己嘅口味選擇，個人就中意薑蓉同醬油～熱珍珠奶茶🧋（跟餐+$10）今日嘅天氣有少少凍，叫咗一杯熱嘅珍珠奶茶。不過之前飲過佢哋鋪頭嘅凍珍珠奶茶，覺得熱嘅會比較稀，亦都少啲奶味，所以會推薦大家試凍嘅珍珠奶茶。佢哋仲有唔同口味嘅珍珠奶茶/鮮奶，自己就試過黑糖同埋原味，覺得黑糖最出色！沙嗲雞肉串燒🍢（跟餐+$20）今次食最滿意嘅食物就係串燒，沙嗲汁好香😋 甜同鹹嘅味道亦好平衡，唔會太濃，啱啱好。雞肉亦係唔會韌😋餐廳嘅價錢唔算貴，份量亦都夠，另外鍾意餐廳飲品種類有好多！次次食都好有新鮮感！

同朋友去大埔超級城行街，行完落返地面諗住周圍行兜下大埔，行行下就比呢間果子門口既餐牌吸引住啦餐廳距離超級城都好近，昌運中心行前一個街口就係👍🏼我6點半就入黎，可以安排坐卡位兩個人好闊落。店員隨即比水，餐具🍴同介紹幾款招牌菜，我緊係即刻叫個軟殼蟹火山包啦同埋叫左個海南雞飯，串燒同炒菜睇下個火山包砌得幾靚😍好岩打卡✨同朋友係咁影相同拍片😂淋上咖喱汁果下真係好震撼同澎湃🤣火山包除左軟殼蟹🦀仲有大蝦、青口、蜆、麵包粒 份量十足🤩農夫包烤得香脆，咖喱汁香口濃郁無骨走地海南雞飯（$72）店員無推介錯，真係無咩油脂，肉質好嫩滑最緊要無血無骨，成舊放入口就得馬拉盞炒通菜（$50）用鐵鍋上可以保持熱度，而且份量都好重口味得黎又唔太咸 正😍串燒牛雞沙嗲醬好正😍好香 串燒又燒得岩岩好，肉唔會過乾👍🏼

必食軟殼蟹火山包 海鮮喇沙摻摻🦀🦞軟殼蟹火山包 $168係舖頭馳名招牌菜！嗰日係幾乎每台都有嗌😆軟殼蟹好大隻，炸得香脆，都Juicy ！入邊仲有蝦同青口 碟上邊仲有好多蜆☺️所有海鮮比嘅份量都好多 配上佢嘅醬汁唔會好辣 但係味道好出 所有餸菜都好入味🤩麵包浸左啲汁好好食，不過份量真係好大個🤣海鮮喇沙摻摻 $88麵底係用咗油麵同米粉，鍾意呢種口感，湯底好重椰香味，微辣～材料都好豐富，有大蝦丶蜆肉丶魚片丶蛋😛串燒拼盤 $86✅雞肉丶豬肉丶牛肉串燒丶豬頸肉串燒嘅沙嗲醬好好食😋味道濃郁又有花生粒 肉質鮮嫩多汁 雞肉特別好食😙豬頸肉都唔錯👍🏻鮮檸天葵梳打 $16呢個配搭唔係好常見，幾特別！酸酸甜甜，入口清新開胃😲食咗咁多野都係呢個價錢都算唔錯，嗰日去食晚市客人都唔少～ 不過勝在餐廳位置都多，而且闊落，用餐期間都好舒適！😆

呢間小店平時見到都幾多人排隊，今日刻意出嚟探店！裝潢是以小清新路線為主調Menu嘅選擇亦都好多，火山包的確可以刺激到我嘅眼球，毫不猶豫決定叫一個大蝦火山包！要抓緊夏天嘅尾巴，決定要兩杯沙冰，一杯係水蜜桃，另一杯係藍莓，兩杯都涼透心，而且甜度適中，口味絕無藥水味😀馬拉盞炒通菜～在通菜有熱鍋上枱，保持熱辣辣，而且菜嘅顏色保持翠綠，令人食慾大增，味道惹味可口～串燒拼盤～每次選擇串燒都非常掙扎到底要豬牛定雞，呢個全消拼盤滿足晒我三個願望外，仲有燒豬頸肉😆串燒嘅肉，尺吋都非常適中，一口一啖，而汁醬更加令人欲罷不能！大蝦火山包～最期待嘅火山包終於出場，坊間多以汁淋上包，令到包已經唔香脆，但呢度分汁上，認真細心👍🏻而且個汁濃厚程度適中，非常惹味，十級推介，海鮮非常新鮮！份量非常合理😊

成日過到黎太和都會經過果子，本身以為淨係得海南雞飯同喇沙食，今次見到餐牌先見原來仲有其他星馬菜 見到餐牌上既火山包同喇沙摻摻，同朋友都覺得好吸引，就決定入去試試啦！餐廳內既環境好夠光，環境亦好闊落，坐得好舒服。 店員既服務亦都好周到我地兩個人嗌左沙嗲雞肉同豬肉串燒 $22/2串沙嗲直接淋左係串燒上面，唔洗驚每次都唔小心沖沙嗲醬涼串燒燒得好香，咬開有肉汁，保留到油脂，唔會燒到乾晒粟米墨魚餅 $18價錢相宜有粟米粒，不錯馬拉盞抄通菜 $50份量多，$50有一大鍋通菜而味道亦正正常常，十分抵食南乳雞翼喇沙摻摻 $64十分足料既喇沙有魚片頭，魚片，豆卜，蛋等等另外當然仲有主菜南乳雞翼喇沙湯底椰香味好濃，食落唔會覺得辣，岩晒唔食得辣既我！ 湯底唔係一般味精既喇沙湯包，摻摻有油麵同米粉，兩種麵一齊食，口感好豐富。壓軸出場既當然係主角軟殼蟹火山包！一上菜我同朋友已經望到呆左，份量太大了吧！ 大大隻軟殼蟹下面仲有好多海鮮，3隻大蝦，3隻大青口，同好多隻蜆蟹膏汁可以自己淋上，麵包沾左呢種蟹膏醬真係好有風味！ 成個農夫包都可以食，我地食到最後都將個包切開黎食，麵包吸晒蟹膏汁勁惹味超級足料既一味菜，果然係主

我地就叫咗兩個晚市套餐😋每個套餐都配一個小食、飲品1. 藍碟花椰漿飯 💙選配香煎豬頸肉+南乳雞翼😋本身配左蝦片、滷水蛋、花生呢個真係喜出望外,係估唔到咁好食🥰🥰個底用咗荷葉,個飯好出色,好特別,好夾😋2.招牌無骨海南雞飯😋❤️見到餐廳入面雜誌訪問都係介紹呢個,決定試下😋因為我本身都好鍾意食雞🥰真係好嫩滑,個雞油飯唔會好鹹,正呀😄3.肉骨茶將油炸鬼點落去真係好好味😚😋肉骨茶幾濃郁 4.無骨酸辣鳳爪👍🏻👍🏻酸辣適中、爽口入味😋不過不失5.沙嗲豬、牛、雞串燒加香煎豬頸肉😋🥰沙嗲串燒好惹味🥰好嫩、多汁💙豬頸肉鬆軟6.小食拼盤炸春捲、炸蝦芝士波、炸吉列蝦👍🏻👍🏻👍🏻炸蝦芝士波最好味,入面好多芝士😋飲品方面,我飲檸檬薏米水,好清甜,好多薏米😋男朋友就飲恐龍美祿😉總括嚟講,食咁多都係二百幾三百蚊左右,係好好食好值得嘅🥰💙

Follow得耐小編既人都知道我係1個超級鍾意星馬泰食物既忠粉黎既😆，一黎到已經備門口既餐牌吸引左，大件夾抵死！吾洗$80蚊就食到飽，佢地既飯用左蝶豆花整既椰漿飯，食完個口變左阿凡達🤣可以自選2️⃣～3️⃣個餸，每份既份量都頗多！飯隔離既醬汁超級好撈飯，無論係掂餸定系撈都係無得頂，之後仲refill左1️⃣碟😋-另外仲叫左海鮮喇沙摻摻，湯底好濃，啱哂重口味嘅人！但係可以再酸啲，份量亦都幾多，用左幼麵黎左，所以都幾吸湯汁！所有精華都索哂🤤

去開大埔附近，見到呢間食星馬菜既餐廳，係出邊睇個餐牌見到好似幾多野食，於是就試下，同朋友叫左個二人晚市套餐再加個火山包，食到超級飽🤣二人餐 $198🐽香煎豬頸肉喇沙摻摻 湯底椰香味幾重，微微辣，油麵同米粉既份量都好多，食極都仲有咁，豬頸肉係煎過，爽口唔韌，另外仲有幾舊豆卜同半隻蛋，吸哂啲湯😍🐽無骨海南雞飯海南雞去哂骨，食起邊便，雞皮爽彈，某啲位置都幾滑，都係例牌個三款醬可以沾，油飯未算好香，但整體黎講都唔錯既😙🐽絲網春卷 （2件）外層炸得香脆鬆化，食得出裏面有好多芋頭同肉碎，好足料，就咁食已經好夠味🤤🐽惹味沙爹牛肉串燒 （2串）沙爹醬惹味，有粒粒花生，牛肉唔會燒到好乾，都仲好軟淋🤩🐽蕃茄酸辣鳳爪沙律本身以為都係細細份既一個沙律，點知黎到係好大份，鳳爪都有成6舊左右，沙律菜同蕃茄仔都好新鮮，個汁味道偏酸，但小編好愛🤣食完好開胃🐽青檸梳打 & 百香果梳打青檸梳打都係一貫既味😂反而百香果梳打有啲驚喜，百香果味都幾濃，但又不太甜🐽軟殼蟹火山包 $168幾壯觀，包上有隻軟殼蟹，口感外脆內軟，而包入面仲有啲蜆、蝦同青口，估唔到有咁多海鮮係入面，但一定要襯熱食，因為如果擺耐左個包就會索哂啲咖喱汁同啲

喺大埔成日都會經過呢間餐廳，今日睇睇menu覺得都幾啱食，就入咗去試吓喇😆餐廳入面裝修都幾光猛，我哋坐喺卡位都幾舒服～一睇menu就比呢個新加坡火山包吸引咗🤣我哋叫咗個軟殼蟹火山包 ($168)🦀個汁唔會好辣，幾惹味，入面材料都唔少，有青口、蝦同蜆～隻軟殼蟹仲要好大隻添呀！炸得好脆😁個包真係好大，其實食完都真係有少少飽😂不過好滋味😋之後我哋都叫咗個店員推介嘅肉骨茶煲 (1-2人份量) ($82)😋呢個煲好大煲，仲要配咗白飯，我一個人應該食唔哂😂好貼心地有個火熱住個湯，所以飲落去都仲係熱辣辣～入面嘅材料主要有豆卜、枝竹、金菇同不同部位嘅肉，點埋個醬油都好好食！我哋仲叫咗個串燒拼盤 ($86)😆總共有牛豬雞串燒各兩串，同埋燒豬頸肉😋啲串燒唔會燒到好乾，都幾香，而且上面嘅汁都好好味😗豬頸肉都好夠味～食得太多肉，都係要叫碟菜平衡返，我哋叫咗馬拉盞炒通菜 ($50)🤤好惹味，配埋肉骨茶個白飯一齊食，好味😛我哋叫咗一杯嘢飲，係水蜜桃沙冰 (加$20)🍑我鍾意佢唔會太甜，桃味亦都好自然😛食咗咁多嘢真係好飽，而且價錢都唔算貴，我覺得不錯😚

踩完單車網上找到這間馬拉菜由大埔走路過去有點距離·點了二人餐$198有兩款餐前小食一個小菜跟兩個粉麵還有兩杯飲品。燒豬頸肉沙律🥗豬頸肉很香口 沙律dressing是酸酸甜甜很惹味很開胃·南乳雞翼🐥這個炸得很可以皮還是脆身而且南脆味很濃·沙嗲牛肉串燒🍢上菜時已經有點冷掉還好沙嗲味不錯·森巴醬通菜（另加$22）醬料舖在底一定要拌勻才吃不然就是白恰通菜。🐷香茅豬扒喇沙摻摻🍜🐥海南雞喇沙摻摻🍜（加$10）豬扒夠香口有香茅味但只有小小可憐的3小塊·海南雞是雞胸部位但雞肉本身夠嫩滑而且份量十足.喇沙配料很多有豆卜芽菜蛋魚片可惜喇沙湯比較稀身完全不掛麵是湯還湯 麵還麵🤭剩喝湯是好喝的可能是個人問題比較喜歡稍稍杰身一點🧋胚牙珍珠奶茶（珍珠+$3）普普通通😂純粹想過珍珠癮🫖牛蒡杞子茶 （+$2）平時喝別家都是含糖這裡可以無糖！！茶有牛蒡味不如淡如水總體而言經過路過唔好錯過CP值高可以一試✌🏻

呢日黎到大埔呢間果子, 估唔到又幾咁驚喜! 我地都叫左好多野食, 因為實在太耐冇見, 一路傾一路食, 唔覺唔覺都叫左咁多haha~ 我地叫左軟殼蟹火山包、藍碟花椰漿飯、無骨酸辣鳳爪、春卷、咖哩角、通菜煲、麥皮蝦! 每樣野都真係好好食! 特別係個藍碟花椰漿飯! 呢個椰漿飯可以揀送, 我地揀左要串燒同埋豬頸肉, 食落味道一流又抵食! 軟殼蟹火山包真係夠哂衝擊我地既視線! 成個包夠哂大件, 仲要軟殼蟹既份量有好多! 一人食幾件都得! 汁既味道同包非常之夾, 而軟殼蟹又夠哂脆口, 點汁一齊食, 食到人一啖接一啖咁停唔到口! 真係好正! 無骨酸辣鳳爪、春卷、咖哩角呢D 小食就夠哂開胃, 間隔住咁食, 食落唔覺滯, 仲可以再食多D 野! 特別係個鳳爪, 酸酸甜甜夠哂開胃! 通菜煲超有獲氣, 麥皮蝦就夠哂多份量! 真係超抵食!