果子｜海南雞飯·喇沙摻摻 (啟昌樓) (已結業)

同老公叫咗喇沙摻摻分別係豬扒 同豬頸肉上枱後 慣常先試湯個人認為湯底唔掂 = 成碗都唔掂好飲🤤 椰味重 唔辣加埋有豆腐卜 索晒d湯豆腐卜好味嘅程度 昇華咗最後 我飲晒成碗湯老實說 我對摻摻(米粉+油麵) 唔感興趣食慣咗油麵 覺得只會出現喺車仔麵喇沙湯底配搭摻摻 食唔出個面底味道所以個摻摻留咗一大半 俾我老公食🤭豬頸肉 同豬扒比較豬頸肉勝出 其實豬扒佢地整得唔錯只不過係豬頸肉 咬落去爽口油脂加埋肉質嫩滑檸檬茶 茶底好淡我唔太着重 因為佢唔係茶餐廳所以對佢哋個茶底唔會咁講究檸檬薏米 正常飲品 冇特別暫時佢哋都做緊 星期一至四晚市有9折唔知係長做 定係只做一段時間如果冇加1冇9折 我都會再encore有加1冇9折 性價比就唔高🙂🙃

今日去咗馬屎洲散散步，回程當然要係大埔食埋飯先走啦😚見佢地嘅軟殼蟹火山包好似好吸引咁，就衝咗去食啦😋但見到隔離枱叫咗😦勁大份2個人食唔晒！！（打退堂鼓…）1人套餐：白雲酸辣鳯爪+牛肉喇沙摻摻+飲品$89喇沙湯底淡淡嘅椰香味，味道岩岩好👍🏻麵底由油麵及米粉混合而成，加埋芽菜口感好豐富😋另外，仲有牛肉、魚片頭，豆卜，半隻蛋！牛肉有少少偏韌！ 最喜歡充滿濃郁湯汁嘅豆卜👍🏻超讚‼️碟豆花椰漿飯（3餸）$79藍色飯係用天然嘅碟豆花天然色素整成，無乜味，就是用來打卡😂三餸揀咗豬頸肉、香煎雞翼扒、咖哩牛腩🙈真係勁大份，食肉獸一定好開心😂另外配料仲有蝦片、滷蛋、江魚仔、花生、青瓜

好幾年前黎食過肉骨茶，味道好正宗。今日黎開附近，就再一次幫襯呢間餐廳。晚上7點左右到，已經好多人等位，幸好裡面位置都唔少，等左15分鐘左右就有位。餐廳嘅食物好多選擇，除左招牌海南雞飯同火山包之外，仲不時會推出一d新菜式。（本來想點軟殼蟹火山包，點知當日已經賣曬，下次要早d黎）。無骨走地海南雞飯（$72）走地雞比一般嘅雞少d脂肪，雞皮晶瑩剔透，爽滑彈牙。雖然比平時嘅海南雞淺色，但一樣入味，而且雞髀同雞胸部位都有，油飯粒粒分明。另外點左3個小菜~星洲牛肉炒貴刁（$74）睇落有點似乾炒牛河，但其實味道係類似泰式炒河偏酸甜，牛肉係用左薄肥牛，另外仲有牛丸、炒蛋、沙律菜同檸檬等配料，幾開胃。小食拼盤（$62）有南乳雞翼、吉列蝦、春卷同香辣魚餅。其中春卷特別好味，外層係脆口嘅炸網絲，入面有大量芋頭同薯仔。蒜蓉炒通菜（$50）小鐵鍋上檯，好有鑊氣，通菜炒得剛剛好，咬落爽脆，而且份量好多，以呢個價錢黎講好抵。紅豆薏米水(跟餐$8)、美祿恐龍(跟餐$12）紅豆薏米份量唔少，味道唔甜，比較健康。美祿恐龍上面有大量美祿粉，就咁用匙羹食都唔錯。

今次黎到呢間專食海南雞飯既果子餐廳，佢仲有喇沙食，果然係新加坡野既專門店，因為專注所以先做到專業嫁吧。門面好光鮮，感覺好衛生企理，算係打一個中上既檔次，座位分隔合理，對於依家疫情黎講，就更加重中之重喇。藍色飯底既串燒飯，本人真係第一次見，顏色好搶眼，見到都胃口大增，真係好特別，岩曬鐘意新鮮事物既朋友，食落除左有米香外，仲有少少甜味，所以都幾好食。串燒方面，夠曬新鮮好味，燒得好香口，咬落又夠曬juicy。麥皮蝦，望落夠曬特別，而且好香口，估唔到麥皮都可以做到好似蒜咁香口，而且仲健康好多tin，岩曬有三高既朋友。蝦夠曬大件，食落都好彈牙，幾唔錯。最正就係個叻喱包軟殼蟹，夠曬油香可口，叻喱味濃郁，配埋個鬆軟既包黎食，幾唔錯。

隱世星馬菜小店🌋必食地道辣椒蟹醬火山包！-田中每次黎大埔，每次都係踩單車，每次都一定諗唔到食咩。不過總之，踩完單車果餐飯，一定要惹味！開胃！飽肚！-🦀軟殼蟹火山包 ($168)1️⃣農夫包烤得極香脆，少有地配上新加坡辣椒蟹醬，沾汁後外軟內脆，一個人食哂都唔過份。2️⃣極巨型原隻軟殼蟹，田中果隻仲幸運地爆膏，同時配上大蝦、青口、蜆等等，夠哂足料。🍍原隻菠蘿海鮮炒飯 ($89)唔止菠蘿殼，菠蘿肉都用上新鮮菠蘿，相當清新嘅海鮮炒飯，酸甜開胃。🌶馬拉盞炒通菜 ($50)用鐵鍋上，炒得極香口，同時醬汁微辣，鹹中帶鮮，令人食唔停口。👍🏻8.5/10

OpenRice 個指示會帶你兜遠路，其實B出口行出去最近，穿過商場，過條馬路就會到，店面對住大馬路，好易搵架入面有好多位，而且好乾淨，店員都好親切價錢非常抵食，一唔小心叫到成枱都係野首先2杯超推薦飲品黑糖珍珠鮮奶//美淥恐龍海南雞喇沙滲滲滲滲即係油麵撈米粉，湯底椰香味重，有雞蛋豆卜等等配料，好掛湯超級推介星洲牛肉炒貴刁餐廳嘅推介菜式！真係好有馬拉風味，配料有埋炒蛋同牛丸等等，味道帶少少酸，好開胃想轉口味試非港式炒牛河一定要叫佢(*^o^*)軟殼蟹火山包成隻軟殼蟹放左係咖哩麵包上面，下面仲有蝦、青口同無限嘅蜆，材料超級多，價錢仲好抵食串燒拼盤（拼埋豬頸肉）燒豬頸肉一定一叫，咬落去多汁到流出黎，肉質好爽口，仲燒到勁香串燒已經鋪滿晒沙嗲醬，肉質彈牙，唔會燒到乾晒柴，呢個拼盤要試試啊馬拉盞通菜（超級大兜）

今日帶阿女呢附近嘅遊樂館玩 落巴士就見到呢間餐廳門口都有唔少人等緊位反正要食午餐就決定趁熱鬧試下職員安排咗個卡位 坐得夠舒服叫咗無骨海南雞飯同牛肉喇沙摻摻，午餐會包埋飲品仲可以用優惠價加配小食我哋就加配咗絲網春捲同埋馬鈴薯炸蝦卷海南雞飯好快送上，果然係皮香肉嫩 ，份量十足，仲有雞脾位太好！啖啖肉加埋醬汁非常惹味又好送飯，雞油飯亦夠濕潤。轉頭牛肉喇沙都送上 我習慣先飲下個湯底 都合我心意，飲落去微辣帶香，材料亦都唔少 除咗牛肉仲有魚蛋片，豆卜，雞蛋等等，摻摻就係米粉油麵兩樣溝埋，好味道至於兩個小食熱辣辣炸起，絲網春捲都經常食開，脆卜卜外面又有咬口，反而個馬鈴薯蝦卷比較有驚喜，一條條薯仔,口感十足。飲品要左仙草奶茶同紅豆奶茶畫個完美句號。

琴晚放工就同朋友嚟咗呢間喺太和大埔食星馬菜嘅果子食晚餐。一入去環境都幾闊落，燈火通明咁。睇睇個菜單，選擇都幾多，我就俾佢嗰個新加坡火山包吸引咗，喺牛腩、軟殼蟹同大蝦之間諗咗好耐，最後朋友決定揀大蝦。食星馬菜，冇理由唔叫返個海南雞飯，咁當然就要試一試佢呢度嘅無骨走地海南雞飯。因為最近成日出街食飯，都冇咩點食菜，感覺都相當唔健康，所以就特登揀過清湯雜菜。飲品方面都好節制咁揀咗杞子牛蒡茶，而朋友就揀咗美祿恐龍。嘢食上菜速度都好快，好似唔使5分鐘就已經有食物陸續送上。追求健康嘅情況底下，我覺得呢杯杞子牛蒡茶確實能夠解解我最近食得太膩嘅情況。個大蝦新加坡火山包都真係好大個，份量相當巨型，如果大家都係大胃王就一定要嗌啦。清湯雜菜煲裏面有金菇、唐生菜、娃娃菜，仲有大量嘅豆芽，對於我呢啲長期重口味兼冇菜式嘅人來講，簡直係恩物。

果子 (大埔)大埔汀角路11-13號啓昌樓地下13號舖星洲黑胡椒粉絲蝦煲🥘 $128本身以為係粉絲蝦仁煲～所以上菜見到有五隻大蝦喺面頭好驚喜🦐雖然要自己剝殼～但大蝦夠新鮮冇雪藏味～蝦肉彈牙～蝦頭仲有蝦膏tim ~ 底層嘅粉絲索咗大蝦嘅鮮味～加以黑胡椒乾炒～好惹味～岩哂送飯～🍚肉骨茶煲（1-2人份量）🍖☕️ $78肉骨茶湯底藥材味重～啱小編口味～都有四五條肉骨～肉質冇因為長時間熬製以變鞋身👍🏻而豆卜素晒湯底精華～食落淡淡肉骨茶味！雞蛋都熬製得好入味～啡啡的好似變咗滷水蛋XD🥚原隻菠蘿海鮮炒飯🍍 $89原隻菠蘿殼奉上～ 啱晒影相📸️同埋令小編相信係用新菠蘿切粒炒飯～而唔係罐頭貨！海鮮份量都算足夠～除咗面頭嘅兩隻蝦同青口～仲有魷魚粒🦑飯粒乾身粒粒分明～鑊氣之選👍🏻清湯雜菜煲🍲 $52其他餸菜比較濃味～所以揀一個比較清淡嘅～雜菜煲有幾種蔬菜🥬有金菇，唐生菜，娃娃菜，芽菜仔～清清地平衡下！🍃香煎開邊鯖魚🐟 $32鯖魚煎香而不乾～肉質滑身～魚脂感豐富😋熱檸檬薏米水🍋 $8有養生之選檸檬薏米水😍薏米水可以去濕～啱晒而家呢啲潮濕天氣👏🏻

🦐 海皇海鮮喇沙摻摻 ($88)湯頭好鮮甜濃郁，海鮮份量夠晒多不欺場。豆卜索汁，米粉撈油麵兩種麵質有層次，係一碗出色既摻摻✨🐓 無骨走地海南雞飯 ($72)採用走地雞少脂肪，雞肉滑一滑，附三色醬非常正宗，已去骨，啖啖肉好滋味，油飯也充滿雞油香。🍛 三餸藍碟花椰漿飯 ($76)選了香茅豬扒、南乳雞翼、牛肉串燒，最吸睛係水藍色既椰漿飯，用左蝶豆花汁染色而成🦋有淡淡椰香味，配上濃味嘅三餸剛好，特別係牛肉串嘅沙嗲醬好香濃。🥬 馬拉盞通菜 ($50)相當惹味，通菜爽爽，吸收埋醬料嘅鹹香，米飯神偷 🍚 🥢 🍋 檸檬天葵梳打($16) 🥭 芒果梳打 ($12)味道酸酸甜甜，梳打好夠氣，非常解渴。

今日係大埔做完嘢約埋朋友嚟覓食因為我地都想食海南雞 所以經過依間果子就決定嚟試下海南雞同喇沙係招牌菜依度嘅餐牌有兩款海南雞我地問咗staff有咩分別原來一般無骨海南雞嘅脂肪比例較多食落油脂重啲香口啲而走地雞就會口感輕盈啲最後我哋揀咗走地雞色澤同平時食開嘅黃色海南雞唔同嫁坦白講個賣相冇一般個啲咁吸引嘅不過食落有驚喜🤩雖然話走地雞嘅脂肪含量較少不過食落外皮都仍然好香口滑嫩而肉質口感的確係比較結實啲不過少啲脂肪 感覺都健康好多🤩海鮮摻摻 主要係有大蝦同蜆肉我平時好少食喇沙呢碗喇沙比我嘅感覺係偏油膩 不過椰奶好香濃 味道冇想像中咁濃味而摻摻係咩嚟呢原來係mix咗粗麵同米粉幾有趣嘅配搭我地加咗小食 薯仔炸蝦卷薯仔冇想像中咁趣口 有少少失望雞肉沙嗲串燒Wow依個好好食 沙嗲汁香濃仲咬到啲花生碎同朋友一人一條係絕對唔夠喉推介encore檸檬薏米水 健康～薏米足料朋友嘅水蜜桃梳打佢話飲品都有驚喜唔係出面飲到嘅死甜同埋好浠嘅感覺整體來講呢度嘅餐牌選擇好豐富有好多特色小食個人認為小食比起主食更出色

平時自己嚟多數會叫set海南雞飯，今次同老婆嚟食，可以點多啲唔同花款。肉骨茶煲（1-2人份） $78本身包埋白飯，不過我哋想食多幾款小菜，就叫咗走飯。材料頗豐富，有排骨、雞蛋、豆腐卜、金菇同枝竹等，好鍾意嗰陣濃郁嘅藥材味！！跟餐會有埋醬油、指天椒同油炸鬼，個醬油基本上我哋都冇乜點用，因為食材本身都好入味吓；至於油炸鬼，真係肉骨茶嘅良伴嚟，又香又脆，點落個湯度好好食。香茅椰汁煮蜆 $76我哋又叫咗走飯香茅椰汁好清香，加埋蜆肉嘅鮮甜，呢個配搭係無得輸嘅蜆肉嘅份量多，唔會淨係得啲殼，而且都幾新鮮，食到少少海水味。原隻菠蘿海鮮炒飯 $89呢個就係我哋走曬啲白飯嘅理由喇～菠蘿炒飯係呢度嘅新meun嚟，梗係要試吓。個飯份量都多，入面有蝦、魷魚、青口、蟹柳同雜豆等，塞到滿滿。啲飯炒得幾好，粒粒分明而且唔會有白飯，抵食又好食。馬拉盞炒通菜 $50馬拉盞好惹味啲菜夠新鮮，炒得啱啱好，爽爽地唔會太腍。班蘭咖央多士 $22雖然已經好飽，但呢個真係好好味中間層班蘭咖央醬好滑，唔會太甜，夾喺脆多士入面食真係好正，建議幾飽都要點！熱黑珍珠奶茶 跟餐+$14茶味幾香，珍珠彈牙，份量適中。熱檸檬薏米水 跟餐+$8整體

呢日去完慈山寺洗滌心靈🙏🏻 就出返去大埔醫下肚好耐冇食過星馬菜又見到呢度嘅午市套餐睇落唔錯就去試下😋.🌟海鮮喇沙摻摻（微辣）($60)摻摻係星馬出名嘅湯麵🍜麵底用左油麵同米粉一齊放湯 好有歷史典故餸菜方面就有蝦🍤、蜆、魚片、豆腐卜同芽菜 都好豐富精粹在於湯底有好香椰奶味 微辣🌶️更令我地胃口大開.🌟肉骨茶飯 ($56)肉骨茶當然有排骨、蛋、豆腐卜而且餐廳仲好貼心咁用另一個碟分開裝起油炸鬼 咁就可以自己浸湯 控制軟硬程度 湯底好有藥膳味 感覺好滋補😛仲跟一碗白飯🍚 將飯加落湯底就可以搖身一變做埋湯飯.🌟絲網春卷 2 件 (+$15)大食嘅我地當然會追加小食😋春卷炸得鬆脆 餡料用上芋頭同肉碎 🫔食落份量十足.🌟馬鈴薯炸蝦卷 2 件 (+$20)呢個蝦卷整得好精緻🍤大廚用左馬鈴薯捲着隻蝦然後油炸非常香脆亦都都唔油膩.🌟芒果沙冰 (+$20)雖然已經係九月 但係天氣仲係好熱 真係要加個特飲沙冰消下暑 沙冰嘅芒果足料 非常大杯🥭香甜嘅芒果味仲好解渴解.🌟鮮檸天葵梳打 (+$16)天葵一直都有聽過係健康食材 所以都好想試吓同養生飲落天葵冇乜藥味 同檸檬仲好夾添🍹.餐廳好闊落坐得都好舒服而且店員仲好

第一次嚟到大埔食嘢，見附近有間食越南野，價錢唔會好貴，正正常常，又冇乜人，一入嚟就有位坐。咁啱係下午茶所以就叫咗一個海南雞飯，不過成日食開佢海南雞飯，見肉骨茶飯好特別所以嗌埋。海南雞飯啲雞肉幾嫩口同滑，不過雞嘅份量就少咗啲，如果份量多番少少就好啦！佢仲有包埋碗雞湯，同一杯熱飲。掛住食肉骨茶飯都唔記得影相，食完先記得影返，真係好好味，味道好特別，肉骨茶再加埋啲飯一齊食，真係好過癮，推薦大家試食！如果大食嘅話可能要加埋小食先夠。個人好鍾意佢杯熱檸檬薏米水，適合女士們，飲完真係好舒服。

喺大埔太和站附近有好多平民小店，今次揀咗呢一間食星馬菜嘅餐廳，價錢非常大眾化，$50左右就有一個餐，非常超值。叫咗個海鮮喇沙煲，見到其他人推薦呢間嘅喇沙摻摻幾出名，但係又唔想食麵，所以就叫咗個喇沙煲，個喇沙湯味都唔錯，唔會太淡，入面有蝦，蜆，青口，魚片，豆卜，芽菜同生菜，份量都唔少㗎。另外仲叫咗個二人份嘅肉骨茶，個湯唔會好重藥材味，煲入邊有四五條排骨，都幾抵食。馬拉盞通菜，係用砂鍋上嘅，所以一路食都keep住一路熱辣辣。仲有菠蘿炒飯，應該係用新鮮菠蘿，所以唔會令到成個飯好甜。