影片
更多
2021-09-06
50 瀏覽
今日同老公去左大埔睇樓盤，睇完都已經晚飯時間，咁啱行到呢間餐廳門口，見到餐牌都啱食喎，所以就行左入去。入到餐廳就覺得好光猛，好乾淨，地方都算大，職員安排我哋坐卡位，坐位闊落舒服。呢度咁多嘢食，好難揀。最後老公就揀左個二人晚市小菜套餐，然後再散叫左個沙律同小食。蕃茄酸辣鳳爪沙律：沙律菜乾淨，車厘茄比較甜，鳳爪多，爽口，整體酸酸甜甜，好食開胃。小食拼盤：有南乳雞翼、春卷、香辣魚餅同埋香脆吉列蝦各款兩件。每款都係剛炸起，入口仲係熱，南乳雞翼好入味，春卷同吉列蝦好鬆脆，唔太鹹，香辣魚餅唔覺得辣，有口感，有芫茜味，幾香幾特別，點埋甜酸醬仲好食。馬拉盞炒通菜：通菜炒得青綠，唔會黃晒，入口鹹鹹香香。呢個係用熱鍋上，食到底d菜仲係熱，唔會凍晒，幾好。無骨海南雞(半隻)配油飯：重要嘅事要講三次，海南雞真係好嫰滑，好嫰滑，好嫰滑呀！仲要無骨，可以大啖大啖食雞脾。另外佢有三款醬，一個係薑蓉，一個係甜甜辣辣，一個係鹹嘅，我就鍾意點鹹果隻醬。油飯食落好香，軟硬適中，配埋無骨海南雞一齊食，無得頂👍海皇海鮮喇沙摻摻：海鮮每款都大大件，有睇頭。有大蝦、帶子、青口、蜆仔、蟹柳、魚片同豆卜，連湯一齊食，帶鮮味。呢個湯底帶
入到餐廳就覺得好光猛，好乾淨，地方都算大，職員安排我哋坐卡位，坐位闊落舒服。
呢度咁多嘢食，好難揀。最後老公就揀左個二人晚市小菜套餐，然後再散叫左個沙律同小食。
蕃茄酸辣鳳爪沙律：沙律菜乾淨，車厘茄比較甜，鳳爪多，爽口，整體酸酸甜甜，好食開胃。
小食拼盤：有南乳雞翼、春卷、香辣魚餅同埋香脆吉列蝦各款兩件。每款都係剛炸起，入口仲係熱，南乳雞翼好入味，春卷同吉列蝦好鬆脆，唔太鹹，香辣魚餅唔覺得辣，有口感，有芫茜味，幾香幾特別，點埋甜酸醬仲好食。
馬拉盞炒通菜：通菜炒得青綠，唔會黃晒，入口鹹鹹香香。呢個係用熱鍋上，食到底d菜仲係熱，唔會凍晒，幾好。
無骨海南雞(半隻)配油飯：重要嘅事要講三次，海南雞真係好嫰滑，好嫰滑，好嫰滑呀！仲要無骨，可以大啖大啖食雞脾。另外佢有三款醬，一個係薑蓉，一個係甜甜辣辣，一個係鹹嘅，我就鍾意點鹹果隻醬。油飯食落好香，軟硬適中，配埋無骨海南雞一齊食，無得頂👍
海皇海鮮喇沙摻摻：海鮮每款都大大件，有睇頭。有大蝦、帶子、青口、蜆仔、蟹柳、魚片同豆卜，連湯一齊食，帶鮮味。呢個湯底帶甜味，唔太辣，麵底係米粉同油麵crossover，最後食都仲係彈牙，唔會浸到淋晒，幾好。
飲品：老公叫左凍焦糖朱古力，個樣都幾靚，仲有cream响面，老公話淡淡焦糖味道，幾香，甜甜地，唔錯。我就叫左個熱榛子朱古力，呢個幾好飲喎，榛子唔會蓋過朱古力味道，熱飲味道比凍飲濃，唔太甜，好飲。
張貼
