果子｜海南雞飯·喇沙摻摻 (啟昌樓) (已結業)

呢間位於大埔嘅小店，門口見到好多人叫外賣。餐廳入面亦都坐滿。打開餐牌佢啲食物幾平，而且都有好多嘢揀。我哋叫咗唔少食物，樣樣都非常好食！先叫走地海南雞半隻，啲雞真係有雞味！而且肉質嫩滑，好好食！配埋雞油飯真係食唔停！另外，揀咗串燒拼盤。呢個串燒拼盤最好嘅係樣樣都有啲。串燒有六串，有雞有牛有豬。另外仲有豬頸肉！豬頸肉好好食！見到餐牌有推介火山包，揀咗軟殼蟹火山包，非常有份量！軟殼蟹好脆！火山包好豐富，入邊有海鮮。切埋啲法包食，正！見到有喇沙非常吸引，叫咗一碗share！喇沙辣辣地，椰汁同辣味都剛剛好！再加多個咖喱牛腩煲，點油酥餅，好味道！呢度飲品都好好飲，凍青檸香橙梳打，好解渴！

放工成日經過呢間餐廳第一次食。因為平日有九折都幾抵食。野飲叫左青檸梳打同牛蒡杞子茶，養生一下。雞肉串好惹味呀。小食仲叫左墨魚餅。呢個係海鮮喇沙！都幾多材料，基本蝦，青口，魚蛋都有齊。佢面底係有米粉同油面加埋，個湯底味道都好濃。最後道係最期待ge 咖喱軟殼蟹火山包，超級大份。有好多材料呀，除左軟殼蟹仲有蝦同蜆肉。個面包吸哂d咖哩汁好好味呀。食左咁多野埋單都算好抵食，因為兩個人都勁飽。最好就係食完野可以舒服有個位傾下計。

今日帶朋友到大埔一間在2019年取了港飲港食最人氣新加坡賽大獎嘅餐廳用午膳。上次試過滋味十足嫩滑無骨多汁的海南鷄飯及跟套餐追加的 春卷及惹味喇沙牛肉串燒之後，便愛上這家味道好又實惠的小店。今天天氣太熱無乜胃囗就點了碗開胃的海鮮喇沙摻摻和肉骨茶湯飯， 為咗嘗試多幾款美味小食，我倆還點了一款四色小食拼盤。我的選擇正確，摻擔的喇沙湯底，飄着濃郁的蝦及椰香味，白白的底色面飄着蝦膏的紅紅的油，飲一囗湯鮮甜微辣，胃囗大開，食一口爽彈鮮的蝦肉，吮蝦頭膏汁，再啖 一著傳統雙溝嘅米粉加油麵，口內充滿不同的口感，頓時心滿意足。肉骨茶藥材味配軟骨肉，是新加坡地道風味，蛋一看便知鹵得很入味。小食最愛這裏的春卷，不油膩，剛炸，熱辣辣，脆而汁多，好好味。鷄翼南乳咸香碉得到位，魚餅充滿香茅、香料的微辣，不稔散且有嚼勁夠彈牙，吉列蝦相比對下只可說不過不失。黑糖珍珠奶茶賣相較紅豆奶茶為佳，但兩春味道不賴，值得試。

呢間小店晚市有多款套餐，一人餐低至$80左右，豐富又抵食！我哋幾個人諗住叫多幾款share, 所以揀咗一個二人餐，其他再單點。二人餐$218: 菜/沙律一款、小菜一款、主食一款、飲品兩杯。▶️腐乳通菜用煲上，夠熱！通菜好夠腐乳味！▶️咖哩牛腩煲配油酥餅8件牛腩夠林身，咖哩幾香唔會好辣！油酥餅超酥脆好食呀！▶️南乳雞翼喇沙摻摻南乳雞翼有3隻，雞翼肉質夠滑幾juicy! 喇沙摻摻湯底爭夠味，有魚片、豆卜、蛋等。▶️軟殼蟹新加坡🇸🇬火山包🌋好靚好掂！軟殼蟹好香脆，火山包要即點咖哩。包脆脆地好食！仲有蝦、蜆、青口等！▶️串燒拼盤有豬頸肉、雞肉串、牛肉串、豬肉串🍢超級豐富，已有花生沙嗲醬，好味！呢度食物抵，又好食！

大埔呢頭選擇幾多，但呢間星馬菜不但價錢取勝，而且味道亦不錯，性價比怎高☺️店內座位都幾多，好快入得😌心諗藍色中毒飯😖但呢個藍碟花椰漿飯又幾好食😋好驚喜外表好靚，不忘打番個卡先食📸食落有淡淡椰漿，帶少少甜味$76可揀3款餸，真係幾抵本身配搭蝦片、滷蛋、江魚仔、花生🥜青瓜自選餸: 惹味牛肉串燒🐮南乳雞翼、日式唐場雞個人推薦串燒🙈配上沙嗲汁，好惹味，而且肉質仲好juicy忍唔住叫多2串雞🐥☺️第一喜愛😊海皇海鮮喇沙滲滲😌海鮮份量十足，有魚片、青口、帶子、蟹柳、蝦🦐配蛋半隻湯底超濃味😆油麵底加入少少米粉，吸盡湯底精華😁$22 森巴醬通菜🤤少少辣好過癮🌶粟米🌽墨魚餅無骨海南走地雞🐣皮薄，脂肪較少最緊要肉質好滑好嫩🙈黑糖珍珠鮮奶🧋

「細路仔先做選擇，我兩樣都要」香煎豬頸肉喇沙摻摻（$62）當初睇唔明咩叫摻摻但食幾啖就真相大白。居然一碗麵兩種麵底咁囂張豈有此理！但古語有云細路仔先做選擇，我兩樣都想要咁點算？嚟呢度就一次過滿足曬食油麵同米粉嘅衝動。簡直係食物化嘅左擁右抱；精神上嘅妻妾成群，都咪話唔爽btw有相為證，湯底一望就知差極有限啦。actually係幾正的無骨海南雞飯（$56）好似讚得太多顯得我份人好假，好啦咁我外貌協會一下～油飯唔夠黃我有啲sad係真嘅——so sad (((( 好啦好啦彈完喇。除咗呢一點又真係冇乜唔好喎，啲雞夠嫩滑、油飯粒粒分明，基本上教科書級別嘅海南雞飯就係咁啦，唔知有咩好批評了薄荷珍珠奶茶（+$12）薄荷奶茶喺市面上比較少見，呢杯意外地飲落都幾好，薄荷味好refreshing黑糖珍珠奶茶（+$16）基本款嘅特飲，水準唔失禮人。甜度冰度都不慍不火，珍珠粒粒都煙韌沙嗲雞肉串燒（$22）沙嗲汁味道豐富，花生味濃，雞肉嘅肉質鮮嫩，就係好食咁簡單———————————————#果子果子 (大埔)大埔汀角路11-13號啓昌樓地下13號舖

如果想試新加坡菜，一定要黎大埔既果子🥴入面有好多菜式選擇👏🏻🥗蕃茄酸辣鳳爪沙律 💵56🍀🍀🍀🍀🍀🍀🍀🍀🍀🍀🍀🍀🍀🍀🍀入面有沙律菜🥬、無骨鳳爪🐓、車厘茄🍅，味道酸酸甜甜，作為前菜好適合，非常開胃🤤份量比想像中大份👍🏻🧆小食拼盤 💵62🍀🍀🍀🍀🍀🍀🍀🍀🍀🍀🍀🍀🍀🍀🍀拼盤有香辣魚餅、南乳雞翼、春卷、香脆吉列蝦，各2件✌🏻🍀🍀🍀🍀🍀🍀🍀🍀🍀🍀🍀🍀🍀🍀🍀1️⃣香辣魚餅➡️味道有啲辣亦好彈牙👍🏻2️⃣南乳雞翼➡️好香口亦有陣陣南乳味～3️⃣春卷➡️咬落勁脆卜卜～4️⃣香脆吉列蝦➡️外面炸得好脆，而炸粉亦唔會好厚👍🏻🥥香茅椰汁煮蜆 💵76🍀🍀🍀🍀🍀🍀🍀🍀🍀🍀🍀🍀🍀🍀🍀入面有蜆、香茅、洋蔥🧅，睇落勁似清酒煮蜆🤪味道勁重椰汁味，啲湯可以飲埋😋份量勁足，超級多蜆😆🍀🍀🍀🍀🍀🍀🍀🍀🍀🍀🍀🍀🍀🍀🍀☀️ps:免費配白飯🍚但我同朋友驚食唔晒，所以走飯🤣食得嘥先好嗌！🌋軟殼蟹火山包 💵168🍀🍀🍀🍀🍀🍀🍀🍀🍀🍀🍀🍀🍀🍀🍀火山包包括有軟殼蟹🦀、蝦🦐、青口、蜆、麵包粒🙊🍀🍀🍀🍀🍀🍀🍀🍀🍀🍀🍀🍀🍀🍀🍀新加坡咖喱較酸酸地，同泰式咖喱各有不同，麵包浸滿咖喱食超有滿足感😚個包又勁大，💵168就可以食到咁多海鮮真係好抵！🍹青檸梳打 💵24🍀🍀🍀

落左一個星期雨，好彩無落雨下入左大埔覓食。一去到門口好多人等位，好彩等左一陣就到。本身聽餐廳名仲以為係甜品鋪，原來食星馬菜。有粉麵類，飯，夜晚食就更多選擇，睇下餐牌個咖哩殼蟹包幾吸引。而今次叫左兩個午餐。海鮮喇沙摻摻開心有兩隻蝦，唔駛爭，亦很爽口。湯底非常濃郁椰奶味道。摻摻既意思係有兩溝麵咁解，長知識了😂走地海南雞油飯其實咁大個人第一次食走地雞，比平時雪雞比起黎有雞既鮮味，顏色落去比普通雪雞白。謝謝waiter 哥哥既推介。沙爹雞肉串燒，不過不失啦。香煎魚餅，平時好鍾意食魚餅，因為有好多唔同香料既味道。紅豆薏米水，去水腫人仕恩物！唔會太甜，薏米煲得夠淋。

今日同朋友去大埔行街，行到餓餓地，朋友話附近有間食馬來西亞菜嘅都幾好味，於是我哋就一齊去食🤪🤪👍🏼因為今日係平日，我哋又早去，所以唔使排隊就入得去，入面嘅裝修幾光猛，又坐得舒服，好適合去嗰度食飯聚舊😝😝👍🏼餐牌有好多嘢揀，價錢都唔貴，所以我哋兩個人都揀咗好幾樣嘢食😍😍三餸碟豆花椰漿飯：椰漿飯藍色好迷人，打卡一流😍👍🏼食落有淡淡的椰漿味，都幾特別，串燒嘅沙嗲醬超有馬來西亞街頭小食風味😝😝👍🏼好好食😋最吸我地睛嘅當然係佢個原隻龍蝦喇沙摻摻😝👍🏼分量大，龍蝦肉超爽彈😍😍😍👍🏼 佢已經幫你切開咗一半，所以食得都好方便🤪🤪👍🏼總的來說，係一間喺大埔區性價比高嘅馬來西亞餐廳🤪👍🏼值得再去！😝👍🏼

之前係Openrice做功課，已經見到好多人都話呢間新加坡小店抵食又好味，而家仲有軟殼蟹火山包，見到好多食客都讚不絕口，加上自己係麵包愛好者，所以餐廳已經係我腦海留下深深既烙印😆。不過，當日同友人商討後，最終點左好抵食既二人餐，內有兩款小食、一個沙律、兩個主食、兩杯特飲，咁多野都唔過$200，如果唔試佢，真係同自己銀包過唔去😅。特飲先打響頭陣，凍紅豆薏米水、凍美祿恐龍(+$2)前者唔係好甜，飲落好有豆香；後者太甜。小食揀左馬鈴薯炸蝦卷、沙嗲牛肉串前者唔係新鮮炸，蝦亦比較細，一般；後者燒得比較乾身，沙嗲醬幾鹹，都係一般。蕃茄酸辣鳳爪沙律呢個沙律比想像中多，沙律菜新鮮，撈埋個酸甜汁好好味，鳳爪就麻麻地，唔係好入味。海鮮喇沙摻摻呢個摻摻材料好豐富，蝦、魚片、蜆、豆卜、芽菜，麵底都唔少。湯底偏椰味，細味品嘗會食得出海鮮味，個人覺得喇沙唔夠香，同埋可以鹹番少少。咖哩牛腩拼炸雞椰漿飯本身睇餐牌圖片係白色既飯，點知上枱果陣係藍色飯，友人即刻比佢嚇親😂，因為佢只中意食白飯...好彩呢個藍飯食落同普通飯無乜分別，無乜椰漿味。咖哩牛腩分量唔少，而且件件都係肉多過肥膏，咖哩香濃惹味，唔錯。炸雞類似唐揚炸雞，

今日我地黎到大埔呢間馬來西亞菜餐廳食dinner，由於我本身就麻麻地食東南亞菜，所以一開始黎都會驚口味會唔會太重，但呢間餐廳既食物卻出其地好食。我地首先嗌咗去親東南亞餐廳都必叫既海南雞配摻摻，海南雞夠滑、而且醬料都好惹味，摻摻既湯底都調到味出黎。另外我地仲嗌左一個藍蝶花椰醬飯，配以豬肉串燒、南乳雞翼同埋香茅豬頸肉。呢個飯既口感幾特別，令人想一試再試，同時果子既配料都幾爽，尤其是係豬頸肉。之後我地仲嗌咗一份馬拉盞炒通菜，呢個通菜除咗好味外，亦都唔會太油，非常適合用黎伴飯之用。最後我地仲嗌咗一杯熱咖啡同熱檸水，總計價錢大概係$250，唔算太貴既價錢就食到幾啱香港人口味既東南菜餐廳，實在係唔錯！有機會再黎幫襯。

最新疫情放緩，週末總愛去探索新地方，今次去了太和遊玩一圈，原來太和有一間受到泰國認證的泰國佛教寺廟🛕寺廟後面溪流旁邊還有一間荒廢樹屋🛖真的是一個隱世祕境，不用走山路就已經能體驗泰國山林探險之旅。 探險過後肚子開始打鼓，在附近找了這家人氣頗高🤓主打星馬泰菜的餐廳，新加坡一直與香港準備通關，泰國布吉更在7月開關，所以先來嚐一下地道風味。 🪵門面招牌與室內裝修一脈相承，使用簡單木系設計，場內掛上充滿熱帶風情的畫作，另一邊牆上間隔著不少仿真植物格子，真的為我帶來絲絲渡假的感覺🏖 🦀新加坡軟殼蟹火山包 $168 7/10從門口餐牌已經覺得相當吸引，上菜時感覺比圖片更豐富，很多蜆就分佈在麵飽旁邊，混合著深黃的咖哩汁。巨大的炸軟殼蟹就騎在麵飽頂蓋，差點把身後的藍青口和鮮蝦擋住🦐這個價錢有如此多海鮮絕對超值，麵飽軟身易吸汁。 🍢串燒拼盤 $86 7.5/10雞、肉、豬各有兩串，還有一份燒豬頸肉，串燒醬汁在上菜前涂得很均勻，每一口都能吃到濃厚得沙嗲花生味。火喉控制不錯，肉質仍能保持嫩口🐔豬頸肉的焦香風味獨特，口感軟滑爽彈，肥瘦適中，油香令肉更加惹味，如果有酸辣汁去提味可能更佳🥓 🥘肉骨茶煲 $78 7.

Not just yummy, the decorations are beautiful !!!!! The seats are comfortable. What’s more, the price is super reasonable 👍🏻👍🏻Must order drink 🍹: 檸檬薏米水 ， the waiter claimed that they boil by self ~ the taste is very good which suits Summer.The vegetables are also yummy ~ long time not try this 馬拉盞炒通菜 😋We ordered this crispy well-known snacks~ 炸魚餅（a bit spicy but acceptable ) and the springroll! The 沙嗲醬 is delicious 😋 This is the signature dish-the taste of coconut is strong~ Very full for two pp

今日難得踩完單車，晚餐就係大埔附近搵食，汀角路呢頭夜晚餐廳真係超級多選擇，七點後仲好死多人要排隊，所以今次我地六點就食，揀左呢間專食星馬菜既餐廳。見餐牌介紹呢個新加坡既軟殼蟹火山包好吸引，同點左個二人餐198。個咖喱麵包軟殼蟹上碟大大份，個麵包多士好香脆，沾上咖喱汁，十分惹味。軟殼蟹大大舊，外脆內軟，掛汁度一流！二人餐都好抵食，有兩份泰式小食，要左鳳爪同泰式魚餅，菜有一份要左馬拉盞炒通菜。主食再選兩款，要左香茅豬扒併雞翼椰醬飯，呢個較特別，係藍色既飯，原來係由蝶豆花整成的，充滿馬拉特色，有花生、乾魚仔同辣醬做配料。另一款叫左海鮮喇沙摻摻，即係會有米粉同油麵做麵底，份量超大碗，岩哂大胃王，配料有大蝦、蜆同豆卜，超足料。飲品要左檸檬薏米同紅豆薏米水，兩款都好清新解渴、消暑一流！

又來到大埔這次選了近太和站的小店去到剛好還有午餐🍴豬頸肉喇沙摻摻配料有七八片豬頸肉、三塊魚片、半隻雞蛋、三塊豆卜豬頸肉醃過 有淡淡鹹味 而且爽口配料吸了湯好味湯底有椰香味 香而不膩摻摻米粉較少 而油麵過軟了一點🍴香茅豬排南乳雞翼飯香茅豬排有用鬆肉粉醃過的味道軟得黎鬆散不好吃南乳雞翼南乳味香濃 肉質尚算嫰滑可惜致命傷係飯太硬這個不太推薦🍴雞肉沙爹、森巴醬通菜小吃選了雞肉串和菜雞肉串沙爹味不濃之餘 雞肉有點過軟菜煮完後無將水倒乾淨 底下全部都係水所以個菜好淡除了喇沙正常以外 其餘都一般