板神鉄板燒日本料理 (信和廣場)

營業中

休息中

繼上次去左觀塘嘅板神食左個lunch set後，今次再去佢地銅鑼灣嘅旗艦店試下lunch omakase。銅鑼灣嘅旗艦店位置相當大，分開左壽司同鐵板燒section，成個裝修以黑色為主調，比人非常乾淨而高級嘅感覺。 佢地嘅✨特上手握壽司御膳（$450）包左沙律前菜、9件壽司、麵豉湯/烏冬、甜品/飲品，以lunch omakase 黎講算係中價位。9件壽司分別係：✨左口魚壽司第一件壽司通常味道會較清淡，師傅將少許青檸汁加左係魚生上作調味，令成個口感更清新。✨雞魚壽司第一次食呢款魚，味道同樣偏淡，慢慢咀嚼下會食到魚生嘅鮮味。✨深海池魚壽司我都幾鍾意嘅一款，鮮甜得黎油份唔會太重，口感偏爽口。✨牡丹蝦壽司新鮮嘅牡丹蝦真係好好味😋味道清甜，口感稠密，非常好味❤️✨赤貝壽司相對頭先果幾款較為清爽嘅一件，赤貝都幾新鮮。✨鰹魚壽司鰹魚壽司偏重口味，魚味突出，上面加左少許姜蔥作調味。✨海膽三文魚子卷海膽同三文魚子都係我嘅最愛❤️雖然我個人偏向分開兩件食，但加埋一齊味道同樣出色。✨炙燒左口魚邊壽司都係我嘅最愛之一，左口魚邊經過炙燒之後油香非常突出，魚油嘅焦香係口腔久久不能散去🤩✨中拖羅壽司最好味嘅通常留係最後

銅鑼灣ISA附近開咗板神鐵板燒日本料理旗艦店近排因為教主去完😍變咗人氣鐵板燒專門店旗艦店環境寬敞 空間感十足 設有廂房，私隱度高我一於約埋朋友去食 lunch set😛板神便當🤩前菜係海藻莖，冷盤已經好高質，爽口又有口感，讚👍🏻季節沙律係解肉沙律🥗 蟹肉非常鮮甜 好好味茶碗蒸 估唔到都有驚喜啊！蒸蛋口感嫩滑，香濃蛋香味加入菇類同銀杏 用料十足🥚主菜上枱，賣相一流，非常精緻每一小碟放滿各種日式料理先品嚐刺身，有油甘魚、呑拿魚、金槍魚刺身鮮甜 好新鮮啊😋再食壽司 三文魚🍣、呑拿魚等等好香魚油好味 熟食方面最有驚喜 👍🏻😍銀鱈魚西京燒肉質嫩滑 加上燒汁甜甜地 魚油脂豐富 口感香滑🤩美國牛肉薄燒😚👍🏻牛肉片燒至5成熟捲住香蒜片同香蔥一啖食落口 口感豐富🤤非常香口炸物 天婦羅有大蝦、南瓜片、番薯片天婦羅勝在炸皮非常薄炸天婦羅蝦肉質爽口！麵豉湯 用料十足 有別於一般日本餐廳清甜解渴！最後以日本人氣京都士多啤梨蛋捲作結好滿足呀🥰

為咗慶祝朋友生日所以就喺板神訂咗檯，上次已經食過佢嘅鐵板燒😋 所以今次就試下佢地嘅omakase😋一入到去店員已經好nice，帶咗我地去坐bar檯，之後個師傅已經開始準備，問咗我地有咩唔食之後就開始切刺身～🥳 依個時候我地先食個茶碗蒸，個蒸蛋好滑溜溜，蛋香慢慢喺口中散發出嚟🤤而佢啲配菜（菇、白果）成功突顯味道之餘又唔會遮蓋到蒸蛋嘅味道😋 兩者配搭非常夾呢👍🏻特別一提，壽司師傅等我哋食完之後先開始攞壽司飯出嚟搓，避免味道有異，真係好貼心🥰我地總共食咗九件壽司， 有幾件特別想讚揚下：先係北海道甜蝦，本身依件壽司喺唔同類型嘅壽司店都可以食，但係板神真係整得好出色💯 將蝦嘅鮮味完全呈現到出嚟🤤 平時食甜蝦個陣，因為擔心蝦會有浸腥味，所以我都會點好重豉油🙈 但今次唔使點之餘，仲要係一啲腥味都冇😍😍 加埋佢綠色嘅飛魚子真係配搭得好好👍🏻❤️另外就係大拖羅，本身我都幾鍾意食吞拿魚，但出面壽司店嘅吞拿魚質素真係好參差，見到師傅拎起件拖羅個陣已經好期待😚 結果冇令我失望！依件壽司成功將拖羅嘅肥美油脂鎖住，食落去個陣就感受到肉質鮮嫩同埋油脂比例平均🤤 食完之後仲有魚鮮味留咗喺口中，真正做到齒頰留香，好好味😋

銅鑼灣信和廣場是一個有「米芝蓮星級商場」之稱的廣場，當中開設了不少米芝蓮星級餐廳，其中板燒鐵板燒料理旗艦店便開設於此。板燒鐵板燒料理地方超闊絡，據知他們分格了不同區域作不同料理場所：炭火燒、鐵板燒、壽司吧、日本酒吧、WineRoom，今次lunch 便初嚐炭火燒，嚐嚐他們的串燒燒物。炭火燒中選擇了六味御膳，已包含了前菜、沙律、蒸蛋、自選六款串燒、燒飯團、麵豉湯、甜品/咖啡/紅茶，價錢只需$280都相當抵食。先來了前菜、蒸蛋、沙律，雖然只是頭盤小食，但都落盡心思，令人醒胃起來。店內是利用備長炭作燃料，無錯是備長炭！備長炭具遠紅外線效果，負離子補給和豐富礦物質，而且其溫度更可以高達800度，瞬間鎖住肉汁，令食材可以受熱均勻，別具風味，色香味俱。要做到用備長炭燒串燒都唔係咁容易，店內要做到非常好的抽風系統，否則真係唔好諗！日本黑豚腩肉黑豚腩肉顏色有光澤，黑豚腩肉肉質柔軟，油花均勻，肉質中更帶有淡淡的甜味，肉味香濃多汁。雞翼燒雞翼我自細鍾意食，有炭燒雞翼又點可以錯過！雞翼燒至金黃色，撒上點點味噌雞胸將味噌加入雞胸內醃製，再經過炭燒後香味撲鼻，而且還保留了雞胸那口感嫩滑，軟腍彈牙嘅味道。雞頸 /

之前係觀塘食過鐵板燒 味道令人印象深刻 知道最近係銅鑼灣開左旗艦店 餐廳寬落左 而且仲多左唔同款式既野食 於是就同朋友黎試下啦 今次我地揀左$450既omakase set lunch 成個set有前菜、9件手握壽司、稻庭烏冬或麵豉湯同甜品 整體黎講魚生都幾新鮮 性價比算係高~深海池魚壽司魚生鮮嫩爽口 壽司帶有淡淡柚子味 令口感味道層次更為豐富牡丹蝦壽司牡丹蝦口感黏稠彈牙 味道鮮甜無比海膽三文魚子軍艦壽司海膽同三文魚子味道都十分鮮甜 但個人都係鍾意分開食多d 始終三文魚子較為濃味 有d搶左海膽既味道 如果個軍艦可以大d就更好啦~炙燒左口魚壽司本身都已經好鐘意食左口魚 但呢到既炙燒左口魚更驚豔到我 左口魚相當肥美 油脂味十足 入口即溶中拖羅壽司拖羅油脂恰好 味道濃郁食完9件手握壽司 師傅俾左兩件迷你玉子我地食 唔知點解個玉子味道有d苦澀 要扣少少分稻庭烏冬份量都幾多 烏冬較扁同幼身 口感滑溜 比想像中高質最後個甜品士多啤梨蛋糕味道不過不失 士多啤梨味道都幾出食完成個set都幾飽肚~ 可能係因為揀左烏冬 下次會想黎試埋佢既炭火串燒!

This Japanese restaurant has several outlets, and I visited the newly opened flagship located in Causeway Bay Sino Plaza, spanning over 14,000 sq. ft. There are five different sections and instead of trying out their teppanyaki, I booked for the sushi section, because of Chef Okura. I remembered the first meeting with Chef Okura was a few years ago, at his sushi restaurant in TST. That was a wonderful experience and thanks to him I was introduced to Kohada, one of my favourite’s sushi ingredient

終於完成手頭上大PROJECT，要同同事好好慶祝一番!BOOK左銅鑼灣板神食Omakase，LUNCH SET價錢相宜，有齊前菜、茶碗蒸、甜品等，性價比相當高～揀左特上手握壽司御膳，有手握壽司九件、麵豉湯或稻庭烏冬可選。前菜先上蟹肉沙律，絲絲蟹肉好鮮甜，新鮮沙律菜再淋上酸甜醬汁，特別開胃。茶碗蒸雞蛋質感滑溜豐盈，入口即化。九件壽司分別有：左口魚肉質細膩鮮美，滲出甘甜魚油。伊佐木油脂含量適中，微甜軟腍好爽滑。深海池魚細緻爽口帶油份，味道相當鮮甜。鰹魚油脂不多，肉質緊實有彈性。赤貝爽脆中帶點柔軟幼嫩。牡丹蝦細綿帶爽，口感豐盈，味道甜美。海膽鮮中帶清豐腴濃郁，口感非常creamy。拖羅鮮味且帶魚油香，魚味香濃，入口即化。燒海鰻肉厚肥美，彈牙香甜。稻庭烏冬可選冷或熱，食完咁多件壽司，最岩食返碗熱辣辣既烏冬！稻庭烏冬軟彈有咬口，湯頭清爽鮮甜。最後再飲返杯咖啡，大滿足！

朋友今天升職，在快樂心情下，我們一起吃了這個日式午餐定吃，真的不錯。店內的裝修令人感到置身日本，網上一看，環境裝潢全由著名室內設計師梁志天設計，配合各種燈光效果，現代感大，遠望的景象美美。日式前菜日式蕃茄，加點小菜，感覺清甜。醃漬小菜常常會在定食中見到一小盤醃漬品。這店子的碗都有日式感，而夏天也總會有一兩盤想來點涼菜。料理中的小菜，涼菜也常見～這漬物，吸引。刺身拼盤吞拿魚刺身～劍魚腩刺身～油甘魚刺身，新觧手握壽司三文魚口感很好，令人想到師傅之技術，手握壽司充滿了師傅之溫度。茶碗蒸日本風味小吃，最愛吃的日本料理中～是最喜歡吃的菜餚雜錦天婦羅其實很多蔬果也做到天婦羅，最好吃一定是南瓜！這店吃得到日本南瓜做出～很甜好好吃～外脆薄衣，不失鮮味的天婦羅～麵衣薄，油炸的海鮮或蔬菜天婦羅，薑蓉、蘿蔔蓉提升味道，虎蝦也不可不吃呢。牛肉薄燒牛肉入面夾住大量香蔥和炸蒜，肉腍入味，配自家調製的醬汁，味道不錯～入口也相當好吃～加上醬汁味道也是非常棒！味噌湯實在有滿滿的日本感覺。這裏的食物份量精準，調味得宜，即點即做，新鮮熱辣。串燒以外，前菜、湯品也很好吃；氣氛很熱鬧，侍應服務夠主動，讚喔。餐廳有晚市，經常爆滿

這個餐廳設開放式廚房，朋友的身份上升，邊飽覽海景邊欣賞鐵板燒，聚會慶祝一流，值得一試！今年夏天特別熱，令人胃口不好，飯前佐吃一些清涼前菜最能開胃解暑。今天一個午吃有10道菜，主菜有牛肉跟銀鱈魚，令人快樂。餐廳主打各款鐵板套餐，全部現場即整，開放式廚房，客人可邊歎美食邊與大廚傾計互動。棒銀鱈魚西京燒這次銀鱈魚非常日式，我用京都那邊的味道來形容，也很合理，這個味噌不會很鹹，有點甜味。味噌不只做味噌湯, 也可以做醬類或醃東西，方式很簡單，但味道令人快樂喔。牛肉薄燒鐵板燒香葱牛肉薄燒嫩適中，包的葱蒜很多，也是惹味。牛肉薄燒，牛肉薄薄一片，塗上燒汁輕輕一燒，燒到微微焦，感覺很棒。牛的濃郁跟蒜香直是天作之合，完全能帶出牛肉的味道。雜錦天婦羅天婦羅是著名日本菜式，期間限定款式推介。套餐有沙律、前菜、漬物、麵豉湯和甜點。餐廳以開放式吧台設計，一邊用餐，一邊欣賞匠心打造的割烹饕宴。

如果有睇開草根會知道我哋唔係第一次食板神，上次食過$380嘅lunch set已經覺得價性比超高😍。今次去嘅係喺銅鑼灣新開嘅旗艦店，環境裝修夠chill之餘地方真係好大! 未食嘢單計環境幾乎已經拎滿分💯，今次我哋嗌嘅係新出嘅鐵板燒便當。.📍板神弁当（$480）呢度都應該係我哋見過最大個嘅便當set🍱，個set嘅所有items包括刺身同鐵板燒都一次過上晒枱，好似話可以係嚟得好快，唔使好似平日食鐵板燒咁慢慢等，不過就冇咗師傅👨🏻‍🍳係你面前即席表演嘅嗰種感受。.🔻漬物、蟹肉蕃茄沙律🥗、日式蒸蛋荀同蘿蔔都醃得入味，食落仲有啲肉同埋蒟蒻。係個唔錯嘅開胃菜。沙律清新🥗，蟹肉量唔多但都食到鮮味🦀。蒸蛋非常嫰滑🐣，加咗冬菇、蝦同白果，好好食😋。.🔻薄燒牛肉可以話係我哋食鐵板燒其中一樣好鍾意嘅菜式，一共有4件。叫咗3成熟，煮得啱啱好，油潤嫰滑。卷得好好唔會輕易散開，入面放咗炸蒜🧄同香蔥，非常惹味🤟🏻😚。.🔻西京燒醃得非常入味，濃郁又帶甜味🐟。魚肉嫰滑油潤，魚皮充滿膠質，非常好食😍。.🔻壽司有4件🍣，魚生新鮮肥美，壽司飯嘅醋味又啱啱好，唔錯。.🔻刺身有4款，分別係拖羅、鯛魚、太白同太刀魚。當中嘅拖羅腩最

今晚又有好介紹呀，雖然落住大雨。但同朋友都去咗銅鑼灣信和廣場一間日本鐵板燒餐廳，餐廳名＂板神＂入到去餐廳接待員，張雨遮放好後，給我們雨遮號碼牌，真的招呼得體和細心，餐廳座位非常之寬闊，擺設非常之優雅好高的檔次。侍應安排我哋坐喺鐵板燒前面，我哋order 左松月美國牛肉鐵板兩人套餐，首先是廚師出一盤海鮮，上面放咗一隻澳洲新鮮大鮑魚，足足有成一斤重，而且仲非常之生猛在擺盤上盤旋活動，跟住就先巨型的大蝦，睇落都差唔多有半斤重，加上巨型的帶子，白鱈魚再配上甘筍冬菇紅椒，令到整個擺盤色彩鮮明。首先就是前菜，岩石蛋，南瓜凍湯，時令沙律菜同蕃茄，跟着的有Wasabi配刺身，包括三文魚，深海池魚，油甘魚，三款刺身非常之新鮮，甘甜。鐵板師傅系鐵板前表現他的日式烹煮技巧，首先係將的鮑魚連殼放在鐵板上，經過廚師巧手的將鮑魚肉切割出來，然後切片經過輕巧的煎燒，加上少許日式豉油，非常的彈牙鮮甜，跟住原鱈魚，正正方方的鱈魚柳，不需加任何的調味，輕輕的煎一下已經鮮味非常，大蝦先分開兩邊去煎，蝦頭經過廚師處理之後的蝦膏和汁，淋上大蝦身上，本身大蝦已經非常新鮮加上濃郁的蝦汁，錦上添花，令到呢道菜生色不少。跟住落嚟的係薄

好耐無食Omakase啦!今日放假特登一早BOOK枱，同屋企人一齊歎返個LUNCH。-揀左板神鉄板燒日本料理，位於銅鑼灣信和廣場，店舖位置鄰近地鐵站，好方便。-LUNCH MENU有好幾款選擇，揀左個特上手握壽司御膳，包沙律、茶碗蒸、烏冬，好豐富!-蟹肉沙律爽甜彈牙蟹肉配爽脆沙律菜-茶碗蒸口感滑溜，蛋香十足。-左口魚新鮮爽口質感結實，魚味清鮮。-伊佐木入口爽滑，味道鮮甜彈牙。-深海池魚油脂豐厚，嫩滑爽口，魚味突出。-鰹魚脂肪含量較少，帶有點鮮甜味。-赤貝爽脆鮮美，令人再三回味。-牡丹蝦肉質細緻甜度高，蝦肉極甜美。-海膽色澤橙黃，甘甜嫩滑，入口即溶。-拖羅油脂分布均勻，肉質軟綿，口感討好。-燒海鰻肉質紮實，入口細緻彈牙。-再食返碗熱騰騰既爽滑鳥冬暖暖胃，好滿足！-最後可選咖啡或甜品，香醇咖啡醒神一流。

板神鐵板燒日本料理喺有「米芝蓮星級商場」稱號嘅銅鑼灣信和廣場開咗新分店，係香港首間最大型鐵板燒料理，開幕無耐就極速喺社交平台洗板，梗係要試吓啦！環境寬敞，充滿格調﹐空間感十足，餐廳分開五大區域，包括鐵板燒區、壽司吧、炭火燒區、Sake Bar同Wine Room，超有氣派。面對西九景觀，可一邊欣賞海景，一邊食嘢，夠晒chill！喺香港有炭牌嘅餐廳並唔多，板神就係其中一間，串燒係全炭火燒熟，火氣十足！由於炭爐無大細火開關，串燒要燒得好，全憑師傅嘅經驗去控制火候！餐廳選用備長炭，油脂同肉汁滴落炭上面會散發出獨有嘅煙薰香氣，令串燒留有炭香味，增加風味。炭火燒區全部都係席前座，可以近距離欣賞師傅即席炮製串燒嘅技藝，動作純熟利落咁轉串燒、搽醬汁、搬炭，撥扇，客人可以感受撲面而嚟嘅色香味誘惑，帶嚟五官體驗！Lunch set可以自選6款串燒，當中有多款雞嘅部位可以揀，亦有黑豚腩肉提供。套餐亦附有前菜、沙律、蒸蛋、燒飯團、麵豉湯、甜品 / 咖啡 / 紅茶。雞腎香脆鮮美，嫩滑有咬口，口感一流！雞心柔嫩細緻，超有彈性，入口帶有蔥香。雞翼外皮香脆帶有炭燒香氣，肉質緊致。味噌雞胸肉味濃厚，質感軟腍嫩滑，一啲

前兩日同屋企人慶祝生日，帶咗佢地一齊嚟食板神嘅omakase😋 一早訂好檯因為驚lunch會好多人🤣 雖然未試過佢地嘅omakase但之前食過佢地嘅鐵板燒真係太正了🤤 所以我對板神好有信心❤️‍🔥不得不再次提灣仔依間分店環境真係好靚，今次食omakase所以係坐bar枱師傅等我地ready好之後就問我地有冇啲咩唔食，然後就開始切刺身🤤首先上檯嘅係沙律，酸酸地好開胃😋之後上檯嘅係茶碗蒸，一開蓋就聞到陣陣嘅蛋香味，食落去蛋香依然好濃郁，仲要加埋冬菇同白果去調味，令到茶碗蒸嘅味道唔會過鹹，冬菇仲要好香好開胃，以前菜嚟講真係冇得彈！之後我哋就食咗九件壽司，每一件嘅質素都好高😋而且我仲留意到師傅喺我地食緊前菜嘅時候係未拎醋飯出嚟整壽司，咁係為咗想保持返醋飯嘅溫度，真係做得好認真好厲害💯特別一提係海膽壽司，海膽味好鮮甜，質感仲要好滑溜🤤要知喺香港食到唔腥嘅海膽已經好難，甘甜味仲要咁高，食得出板神嘅貨源真係好新鮮😍最後上枱嘅熱烏冬都好好味，湯味好香濃，但唔會遮蓋到本身烏冬嘅味道，仲要好彈牙😍  屋企人就叫咗個凍烏，望落賣相好靚！整體依個omakase都好滿足，屋企人都食得好開心呢😙💕地址：銅鑼灣告士打