影片
更多
2021-08-23
232 瀏覽
板神鐵板燒日本料理喺有「米芝蓮星級商場」稱號嘅銅鑼灣信和廣場開咗新分店，係香港首間最大型鐵板燒料理，開幕無耐就極速喺社交平台洗板，梗係要試吓啦！環境寬敞，充滿格調﹐空間感十足，餐廳分開五大區域，包括鐵板燒區、壽司吧、炭火燒區、Sake Bar同Wine Room，超有氣派。面對西九景觀，可一邊欣賞海景，一邊食嘢，夠晒chill！喺香港有炭牌嘅餐廳並唔多，板神就係其中一間，串燒係全炭火燒熟，火氣十足！由於炭爐無大細火開關，串燒要燒得好，全憑師傅嘅經驗去控制火候！餐廳選用備長炭，油脂同肉汁滴落炭上面會散發出獨有嘅煙薰香氣，令串燒留有炭香味，增加風味。炭火燒區全部都係席前座，可以近距離欣賞師傅即席炮製串燒嘅技藝，動作純熟利落咁轉串燒、搽醬汁、搬炭，撥扇，客人可以感受撲面而嚟嘅色香味誘惑，帶嚟五官體驗！Lunch set可以自選6款串燒，當中有多款雞嘅部位可以揀，亦有黑豚腩肉提供。套餐亦附有前菜、沙律、蒸蛋、燒飯團、麵豉湯、甜品 / 咖啡 / 紅茶。雞腎香脆鮮美，嫩滑有咬口，口感一流！雞心柔嫩細緻，超有彈性，入口帶有蔥香。雞翼外皮香脆帶有炭燒香氣，肉質緊致。味噌雞胸肉味濃厚，質感軟腍嫩滑，一啲
環境寬敞，充滿格調﹐空間感十足，餐廳分開五大區域，包括鐵板燒區、壽司吧、炭火燒區、Sake Bar同Wine Room，超有氣派。
面對西九景觀，可一邊欣賞海景，一邊食嘢，夠晒chill！
喺香港有炭牌嘅餐廳並唔多，板神就係其中一間，串燒係全炭火燒熟，火氣十足！
由於炭爐無大細火開關，串燒要燒得好，全憑師傅嘅經驗去控制火候！
餐廳選用備長炭，油脂同肉汁滴落炭上面會散發出獨有嘅煙薰香氣，令串燒留有炭香味，增加風味。
炭火燒區全部都係席前座，可以近距離欣賞師傅即席炮製串燒嘅技藝，動作純熟利落咁轉串燒、搽醬汁、搬炭，撥扇，客人可以感受撲面而嚟嘅色香味誘惑，帶嚟五官體驗！
Lunch set可以自選6款串燒，當中有多款雞嘅部位可以揀，亦有黑豚腩肉提供。
套餐亦附有前菜、沙律、蒸蛋、燒飯團、麵豉湯、甜品 / 咖啡 / 紅茶。
雞腎香脆鮮美，嫩滑有咬口，口感一流！
雞心柔嫩細緻，超有彈性，入口帶有蔥香。
雞翼外皮香脆帶有炭燒香氣，肉質緊致。
味噌雞胸肉味濃厚，質感軟腍嫩滑，一啲都唔嚡口。
日本黑豚腩肉肉質嫩滑香口，咬落去肉汁豐富，油香滿滿，風味濃厚。
番薯香甜軟綿，令人著迷，好味爆燈！
燒飯團一口咬落去外層焦香，內部鬆軟，入口有兩種米飯嘅對比口感，有層次感。
整體嚟講，串燒火候精準，即叫即燒，新鮮熱辣，結合咗炭香、醬香、肉香同油香，味道有水準有驚喜，滋味無窮。
張貼
