板神鉄板燒日本料理 (駿業街)

營業中

休息中

有個好鍾意食Omakase既朋友真好，可以帶我周圍搵食今次嚟到觀塘呢間阪神，出乎意料中嘅好食再加上性價比超高佢嘅料理值得咁嘅價錢又有刺身又有和牛環境又舒服，真心唔錯經過一段工廠區，就見到呢間特別高尚嘅餐廳，入到去有幾個獨立空間，可以分幾間房每間房都對住唔同嘅師傅，有刺身嘅都有燒物既，師傅會好細心話俾你聽每一道菜係乜，今次我地揀左時餐，以食刺身和牛為主揀咗餐後首先會比漬物我哋做前菜總括呢餐師傅俾咗幾款唔同嘅漬物我哋食，每款都有佢哋嘅味道，有雞冠草、牛蒡、青瓜漬、海葡萄和20日大根淺漬師傅好好見我哋咁鍾意食漬物，比多左兩款我地食佢嘅牛蒡同埋大根都好爽口好脆，而海葡萄係沖繩既特色，食落口都係脆卜卜然後上一個無花果沙律，味道酸微微幾開胃之後嚟到刺身部份，有5款刺身，都以魚為主有鰤魚腩、海立、金目鯛、鯖魚和鰹魚，由於我地中意食Omakase加比較好學，邊食邊問好多問題，學到唔同既魚。鰤魚係大魚，最特別係佢上面既柚子胡椒，味道好突出海立即鯛魚，配上烏魚子粉食，肉質煙韌；至於平時食既鯖魚好咸，呢個鯖魚不但不咸，仲好重油香味令我對鯖魚另眼相看；而金目鯛都好有咬口好煙韌然後就燒海鮮啦，有三款首先係日本香

聽同事講，公司附近幾個星期前開咗間新嘅日本餐廳，係九龍東難得一見有得食新鮮omakase既日本料理店，仲要性價比高！今日放工就同男朋友去試下啦❤️ 第一次黎咩都想試下，所以我叫左set Omakase，而男朋友就叫左份鉄板燒set-今晚為我地下廚既廚師叫阿仁，一開始就好細心咁問下我地有無咩唔食，大至海鮮敏感，小至薑呀醋呀都有仔細問到，好細心呀。問左佢一下，原來佢一至五都會係度，舖頭就一至六都會由日本番貨，不過星期三就有機會因為豐洲市場無營業而無新鮮既海鮮，想黎試下既朋友仔記住留意番啦!-首先係餐前既漬物，包括紫蘇梅葉蓮藕、柚子蘿蔔、淺醃青瓜同薑，全部都好好味，食得出係心機野。-然後就黎到第一款壽司-赤矢柄，味道清甜，肉質粉粉地，作為第一道壽司幾好，由淺入深，由淡到濃。-然後就到帶子，如常地廚師大大力拍左下帶子先上碟，食落口感分明，極富彈性，非常鮮甜-日本紅衫魚，算係比較獨特少見既刺身，廚師用熱水輕燙過層皮，口感冧身，一放入口會有平時食蒸紅衫魚果陣味出左黎🤣 之後鮮甜味慢慢滲出，好特別-接下來既係香港較為少見天使海老，由於佢係黎自極乾淨既水域，所以連蝦頭都可以食！蝦身晶瑩剔透，唔係濃味既刺

開業不久的板神走低調高雅路線,內設三間獨立房間，可邊吃邊看鐵板燒師傅烹調食物，其中兩間更可打通讓16人包場。我們點的是每位$980套餐。前菜是野菜沙律，用上新鮮露筍、羽衣甘藍、小蕃茄、生菜和蜀米，並伴以清爽酸汁。時令刺身由逆時鐘起，分別是赤鯥、拖羅、鰹魚、深海池魚和帶子，攞盤精緻誘人。帶子厚肉鮮美赤鯥和拖羅油脂含量豐富，滿口油甘香氣鰹魚配上一片炸蒜，完全沒有腥味；深海池魚爽脆之餘，滲出鮮甜，一定要留待最後才吃。吃畢刺身，鐵板燒師傅先問我們的喜好和是否有戒口等，就開始烹調第一道菜-燒加拿大銀鱈魚。以香草蒜蓉牛油調味，鱈魚燒得金黃可口，外脆內嫩；還要讚師傅非常細心的把魚骨抽出，吃時啖啖肉。仙台大蝦份量十足，足有一個大碟的長度。師傅預先以蝦頭、蝦膏和蝦殼熬汁，再於燒時加入，使蝦味更突出，質感甚富彈性。宮崎和牛薄切捲上大量炸蒜和蔥，香氣四溢。由於和牛油脂豐富，師傅以麵包墊底，吸走多餘油份，味道如預期細嫩。日本香箱蟹蟹膏澎湃，絲絲蟹肉軟嫩鮮甜，上置的金箔更增添了矜貴度。這道看似簡單的焦糖多士也是驚喜之作，甜度讓人想一吃再吃。

半周年紀念要去食餐好既慶祝🥰🥰 係觀塘新開左間日式omakase餐廳板神，有朋友係附近番工試過大讚唔錯，就book左試一試☺️地鐵行去餐廳要十分鐘左右，比較近觀塘海濱，食完仲可以去散下步🥰餐廳分左好幾開房，每間房大約6-8個位，會由一位廚師細心招呼每枱客人👍🏻廚師好好人，好用心同專業地介紹每一道菜同唔同既食材👍🏻，Service滿分💯💯鐵板一人前主打日本香箱蟹🦀、仙台大蝦🦐、銀鱈魚、鹿兒島日牛薄燒🥩🦀香箱蟹一年入面只得一個月盛產，咪睇佢細細隻，超級多蟹膏🤤 餐廳將蟹肉同膏用杯上，感覺好精緻🥰 食材新鮮唔使用太多調味已經帶出蟹既鮮甜👍🏻🦐日本仙台大蝦長過我手掌✋🏿一上枱不禁嘩左聲，presentation好靚好大隻一咬開蝦頭，驚見大量蝦膏大滿足😍🈵煎蝦既sauce係蝦汁，同大蝦味道當然好夾，令蝦味更香🉐🉐一隻蝦可以切到五大粒肉，可想而知有幾大隻🤭 蝦肉超級爽口彈牙🉐🉐🉐🐟銀鱈魚煎到金黃色，咬薄外脆內滑，廚師鐵板燒功夫一流👍🏻個人好中意食魚皮，廚師將銀鱈魚皮保留，仲煎到脆卜卜，好似炸過咁，食薄又唔會覺得油👍🏻👍🏻🥩鹿兒島牛薄燒，見到d牛既紋同脂肪，已經想像到入口個種牛香味會有幾amazing

從前觀塘區給人的印象是一個舊工業區，但隨著不少新式的商業大廈落成後，隨之而來的有不少高級食肆進駐。這間日式餐廳，相信是區內罕的日式鉄板燒餐廳。店外簡約的和風木系風格，再經一條簡潔的走廊步入餐廳內，先看見一個精緻的吧檯，然後就會看見三個的用餐區，每個用餐區可以坐八人，當關上敞門後，就成為一間私隱度極高的區域，最適合一大顆人一起輕鬆用餐。鉄板一人前 （$500/Lunch)時令沙律/前菜👍👍👍👍用了時令的沙律菜、粟米和車厘茄，這個時令沙律正好為之後的鉄板燒作餐前的準備。鮮嫩的蟹肉和卜卜脆的蟹籽配海帶，佐以開胃的醋汁，成為一個健康又清新的前菜。刺身三點👍👍👍👍👍刺身三款包括北海道帶子、油甘魚和吞拿魚赤身，味道由淡至濃，厚切的赤身口感實在。車海老👍👍👍👍👍Jumbo sized 的大海蝦，肉質肥厚結實，口感彈滑爽脆，蝦味濃郁。放在鉄板上煎至粉橙色，香氣四溢，蝦頭的蝦膏最為豐腴，絶對不能錯過。南非鮑魚👍👍👍👍👍鮮活的南非鮑魚，鮑魚昧濃，厚肉爽身，無論口感或味道皆十足，切片後的鮑片只需點一些粉紅岩鹽，已經能夠突顯其新鮮的味道。美國特級牛柳👍👍👍👍👍這是厚切的美國特級牛柳配香蒜片，師傅先會問客人想吃

朋友公司最近搬到官塘區，話發現咗一間高質鐵板燒，今日就一齊去試吓新店。店面响呢條街好顯眼，老遠就見到日式裝潢。店內有幾間鐵板燒房，今晚都已被預訂一空，我們只能坐在壽司吧。其實坐在壽司吧都唔錯，可以同壽司師傅交流吓。我們叫咗一個鐡板2人餐，有前菜、沙律、銀鱈魚、澳洲鮑魚/活龍蝦、鵝肝、A5日本宮崎和牛薄燒、炒時令野菜、和牛炒飯、湯、甜品。前菜夠別緻，清新醒胃。沙律菜上有鮮甜蟹肉、脆卜卜嘅飛魚子，仲有食用花點綴，好味又開胃。主菜揀咗活龍蝦，以龍蝦膏炒煮龍蝦肉，龍蝦肉質爽彈，味道鮮甜，正！銀鱈魚煎得外表金黃，魚皮香脆，肉質嫩滑，連伴碟嘅日本青椒都好好味。呢個係我食過最好食嘅鵝肝！外表香脆，入口即溶，一啲都唔膩，非常好味！連麵包都食得架，好正！由於近期不吃牛，因此將和牛換成黑豚，黑豚肉卷住香蔥同脆蒜片嚟煎，香軟多汁，夾埋蔥蒜一齊食，鮮香不膩，好味。伴碟嘅蕃薯、南瓜同冬菇夠鮮味。和牛炒飯改為煙肉香蔥洋蔥，蛋炒飯好香，粒粒分明唔油膩，惹味又好食。如果主菜揀鮑魚就係紫蘇梅子湯，清新可口，好好飲！(飲完先知嚟錯咗)擺盤好靚嘅龍蝦湯。我哋主菜揀龍蝦，所以係龍蝦頭湯，個湯鮮味十足，龍蝦頭仲有好多肉。甜品係

呢排喺觀塘做嘢，發現附近真係開咗唔少嘅日本料理， 咁啱見到同事介紹嘅呢一間“板神”， 有得食鐵板燒之餘，亦可以試下Omakase， 一於埋朋友一齊試下。入到店內已經見到唔少客人都品嚐緊鐵板燒，望落真係都幾吸引， 而且價錢亦都唔算太貴， 好啦就食鐵板燒。套餐由前菜、刺身、主食、甜品都有好多款， 先試下呢度既野菜沙律，入面有番茄、生菜、粟米、蘿蔔絲等等，加埋 開胃嘅沙律汁，唔錯。刺身係由壽司吧嗰邊嘅師傅處理，食材都係由日本直送，賣相好精緻！鯖魚帶有少少油香，肉質有彈性，鯛魚嫩滑綿軟，味道清甜。跟住就試下個日本香箱蟹，蟹籽撈埋蟹肉一齊食，食落好鮮甜，好有海水味。鐵板燒方面有來自仙台嘅大蝦，只見師傅三兩下手勢，清脆利落咁燒好，蝦肉爽口彈牙。加拿大鱈魚好嫩好滑，魚肉好多汁好甜，魚皮脆卜卜，只需加少少鹽已經好好味。薄燒嘅鹿兒島和牛捲住蔥花，外面香脆，入面Juicy，美國牛柳厚切，選擇咗Medium Rare 嘅熟度剛剛好，肉味濃郁。牛肉炒飯炒得清爽，入面有唔少牛粒同野菜粒，令炒飯更加惹味。而湯都好清好香，味道同炒飯好夾。最後食埋個綠茶雪糕，畫上今餐嘅句號。整體食物質素高，而且唔少食材都有日本直送，

朋友喺觀塘返工，發現駿業街附近開左唔少新食店， 當中有一間專門食日本菜嘅料理店，有得食omakase 同鐵板燒，感覺非常吸引， 鍾意食日本嘢嘅我 即刻好想試下。一入到去環境非常別緻，好有空間感， 環境非常舒服。一坐低，店員就馬上送上綠茶 ，飲落有淡淡清香， 感覺係有用心思嘅茶，令我非常期待之後嘅食物。我哋選擇咗兩個鐵板燒套餐，價錢只係980蚊，相對坊間出面食鐵板燒嘅高級料理店，下下都需要過千蚊嚟講，呢個價錢相當抵食，性價比好高， 抵過喺將軍澳或者觀塘區內唔少嘅日本料理。先嚟嘅係日本漬物，同埋野菜沙律， 賣相非常精緻， 清甜嘅粟米，配上酸酸甜甜嘅蕃茄同野菜，味道非常清新開胃。漬物富有傳統日本嘅味道，尤其係蘿蔔， 淡淡嘅甜味， 味道唔錯。跟住出場嘅就係五點刺身， 賣相真係好吸引，擺得好靚，好似藝術品一樣，侍應介紹我哋要跟住刺身擺放嘅次序，由淡到濃味開始食。我比較鍾意食嘅就係鰹魚同埋赤貝，鰹魚帶有淡淡嘅魚香味，但又唔會太濃， 而且赤貝就好鮮好甜，好有彈性。跟住鐵板燒師傅就先處理好日本仙台大蝦，喺佢處理大蝦嘅同時，侍應就送上日本香箱蟹，等我哋一邊食一邊等住大蝦鐵板燒。香箱蟹表面用上金箔點綴，下

套餐($980)🍣時令刺身5款分別有帶子 鰤魚 魚腩 甜蝦 吞拿魚腩首先先食帶子同鰤魚因為呢兩種比較鮮甜同清爽冒感覺🤫之後其餘三個都冇所謂厚切吞拿魚腩 係非常肥美 入口即溶🙈上面仲放左啲柚子汁 有種清新既感覺🦀🇯🇵日本香箱蟹十月至十一月係食蟹既季節🍂賣相細心精緻 用心設計利用左蛋白作托盤托起蟹殼入面有蟹膏 蟹肉 😍可以選擇撈埋一齊食或者分開食分開食就食到嗰種先甜味 蟹身本身既肉汁 十分出色👏🏿🦞🇯🇵日本仙舌大蝦非常大隻嘅蝦 經過左灼燒之後🔥因為呢一隻係高質大蝦🍤絕對冇經過灼燒然後冇左種鮮味漏出爽甜先甜的感覺😋旁邊亦有海鹽檸檬🍋如果唔夠鹹可以點一點🐮🇯🇵鹿兒島日本薄燒 (五成熟)首先先講個擺切有冬菇 南瓜 薄切嘅牛肉 麵包🎃麵包放喺牛肉底其實係為咗吸油等啲牛肉唔會太過油牛肉入邊有蘿蔔蔥花🥕咬落去嘅鬆軟程度係每樣野都啱啱好非常之好食 巧滋味😻🍨🍞砂糖麵包配雪糕佢個砂糖麵包係熱辣辣新鮮整出嚟嘅多士爐調較得非常好唔會太窿 亦都相當脆皮👍🏿上邊有滿滿既砂糖再加埋綠茶味 芝麻味既雪糕🍵整成好似窩夫咁😽🔻整體來講呢一間係絕對高質日本Omakase🇯🇵價錢雖然好貴但你食完之後會覺得價錢合理🤑要喺香港食

到觀塘區午餐不想擠茶餐廳，剛巧見到新的一梗大廈，有一個隱閉的入口，看一看餐牌原來是日本菜。當時連OpenRice都沒有，但見環境不錯，決定試試。和友人各選了一個鐵板餐鱈魚剪得外脆，內裡剛熟，魚汁爆發大蝦用蝦頭熬製而成的醬汁來炒，生熟程度剛好，很彈牙 很好吃鵝肝煎好放在麵包上索油，吸滿鵝油的麵包很香看見別人吃帶子刺身也想吃，於是吃了一份煎來吃，師傅把裙邊也炒來吃，十分爽口半份牛和牛肉薄切最後還有師傅特制的麵包甜品，非常有心機的一餐！

見有新舖開張，又耐無食鐵板燒，就試試吓先！首先留意，夜媽媽工廈地下係難見佢個門面嘅！ 全場三間房，高私穩，絕對無人𥄫。今晚叫咗兩個一人餐，另加鐵板燒食物同燒物。師傅會按順序將食材合併，先煮海鮮、肉、飯咁嘅前菜係咁嘅一開始餓都暈就比最生猛嘅海鮮你吃，帶子、龍蝦（佢仲郁緊，但對唔住，真係新鮮好好吃）嘩！你睇，專注嘅師傅係堅嘅跟住到和牛同厚切美國牛扒，唔使講，係好好味嘅認真到上菜都比塊有logo嘅生命麵包吸油，無得輸到燒雞扒，夠曬大塊，皮好脆，好味燒物叫咗牛舌、雞翼、雞肉串，唔夠位擺相，但都係好味嘅另叫炒野菜同海鮮炒飯，個海鮮炒飯係得嘅，除咗食材新鮮，食得出係個醬油好味，不過師傅話係me me，唔透露你知！最後有兩樣甜品，生命麵包又出場了不過加埋沙糖、牛油同埋師傅嘅手勢、心機，即刻升哩啦！ 最後嚟埋個雪糕，綠茶同紅豆味都好正！連嘢飲平均消費每人六百，算抵食又Happy啦！

觀塘區開左間少有的日式高檔鐵板餐廳見外部的裝潢都幾靚又有喜歡的魚生飯定食與友人即入內一試內部裝修走簡約路線有幾間鐵板燒房及一個壽司Bar我們就被安排座左係壽司Bar枱由於午餐關係，不想吃太多，所以我們最終只叫左魚生飯定食！先來個前菜沙律，羽衣甘藍等都好新鮮，個汁酸酸甜甜的，好開胃啊兩位廚司態度好友善，又好窩心，會先同我們溝通今日有咩魚生，問我們有邊款魚生唔食，可以幫我們轉，跟住好用心及專注的，將每片魚生鋪得靚靚的才遞給我們。嘩！魚生飯到啦！原來有七款魚生咁多啊魚生真係超新鮮，款款都好鍾意！尤其是海膽，鮮甜無腥味，赤貝又爽口，個柚子醃章紅魚更是份外清新起初仲以為個價錢係食裝修，原來價錢真係反映一切，物有所值！再來個湯打開蓋一睇，唔係一般的面鼓湯喎！因為從來未飲過呢款湯。心急一試，𠵱！有驚喜喎！原來係梅子鏗魚湯，咸咸地，酸酸地，入口好清爽順喉，個人黎講好喜歡！相信其他女士們都會鍾意已經飽到上心口的時候，個餐仲有咖啡或雪糕兩選一㗎！好！就要綠茶雪糕啦！個雪糕又幾夠茶味喎，只是忘了拍照😂最後想講，呢度不論餐廳經理及侍應們都好有禮貌，而且服務貼心，真心讚！值得一試！等我下次再來試鐵板燒先

My husband and I went shopping at Kowloon Wan the other day. We shopped till about 19:00 and decided to have dinner near by. I remember my sister commented that she had dinner this restaurant that serves good quality sushi which was recently opened at Kwun Tong. If you take MTR, you get off at Kwun Tong and take the APM exit, and then walk about 8 mins to the restaurant.We arrived at the restaurant at 19:30 and there available table for us right away. The restaurant is nice and private. The