松菱日本料理

營業中

休息中

10/9/2008 之前經過電視既介紹, 都已經對此店心思思, 一經尋找, 原來就在我公司樓下,但上到Openrice, 發覺原來個價錢都非比尋常, 閒閒地慳慳地都五六百, 仲要唔係食和牛添. 更加覺得 非要到此一試不可.今晚有得早少少收工, 呃左老婆落灣仔, 我又時間剛剛好攪掂晒, 於是就向這次華麗日本鐵板料理出發了. 上到門口都幾驚架, 因為冇人響門口, 入到去都唔係滿場, 不過鐵板吧頭位就坐滿了人. 記得電視講吧頭先係正位.(不過係真既, 試過你就知) 冇法啦.待應門唔駛講 整齊既制服, 親切既笑容, 友善既眼神, 係如此高級餐廳必備既.我同太座一於拎個餐牌, 由頭到尾睇幾次.結果點了.野菜沙律 = 都係一堆菜呀之類 不過我呢類食肉獸都會食晒我自己的一兜. 可見係有幾好食.明太子沙律 = 因為等得耐, 師傅請既, 唔係因為免費, 不過真係好鮮甜爽脆.2 隻帆立貝(逐隻計) = 好大隻好厚肉, 有生以來食過既帶子類食物極品級.鐵板美國牛舌 = 可惜, 真係好可惜 是晚冇和牛牛舌, 不過美國既都已經非常香滑.鐵板和牛西冷厚切 = 比起其他地方食既和牛 好食到我兩老婆都傻左, 點好食

是日為預祝阿K牛一，一如以往，我同佢一齊食番餐好嘅。今次嘅主題係鐵板燒，受較早前阿蘇嘅節目影響，我地去咗位於灣仔萬麗酒店嘅松菱食LUNCH SET。講起鐵板燒，除咗松菱之外，以前响銅鑼灣仲有一間千登世，年前結業後，變身成宜家嘅和三味，水準能否保持仲未考究。松菱係比較高消費場所，而且係日本食肆，銀碼驟眼睇起嚟一啲都唔平，但考慮埋食材嘅質素，真係物有所值。如果食LUNCH SET嘅話，咁就更加物超所值喇。响香港捨得食嘅人唔少，要食鐵板燒LUNCH SET，又要坐到好位置，一定要預約了。我地嗌咗一客「松」SET、一客「梅」SET及一客SASHIMI。「松」SET係最豐富嘅，包括大蝦、日本和牛、三文魚、炒野菜和炒飯(或炒麵)；「梅」SET冇咗海鮮，牛肉轉用美國牛肉。阿K唔食牛，轉用黑豚肉，價錢都係一樣。今次我稍為失策，食日本和牛，竟然叫口咗薄切。和牛肉質嫩滑但肉味不濃；相反美國牛味濃但肉質冇和牛咁嫩滑，所以食和牛應該厚切，美牛要薄切。不過唔緊要，和牛不愧為和牛，入口即溶，加上爆香咗啲蒜頭和蔥粒，令我食完一口又一口；黑豚肉選料也十分上乘，一點肉根都冇。三文魚本來唔係好食嘅品種，原本都不存厚望，果

鐵板燒一向食開和三昧，但見這間的價錢也不是太貴，又是酒店出品，質素應該有保證，於是舉家前去試食。我們也是點鐵板燒套餐，試過後大家的意見類似，兩間餐廳的裝潢，環境，服務其實差不多，食物雖各有擅長，但還是覺得和三昧最好。先講松菱較好之處，套餐可選帶子，十分巨型亦很新鮮；另外，松菱的炒飯和炒麵也比較出色；而最後的甜品，可點綠茶雪糕或青檸雪芭，兩款都十分不錯。只是，和三昧的醬汁較好，有沙律醬，用來蘸銀鱈魚簡直是一流，但松菱的套餐內是三文魚，不夠油份，不適合鐵板燒，醬汁也沒特別；此外，松菱的薄牛肉包得很鬆散，進食時十分麻煩；最後也是最重要的，就是沒有了和三昧香滑美味的奶茶！不過，有時候要試過才知哪一間才是最好的。

上回講完日式韓燒。其實鐵板和牛都唔錯,但要找對餐廳及師父。點講呢,那是因為一般不論在日本東京,大板,北海道,或香港之鐵板燒。大部份都係將d牛肉在鐵板切開小塊後,好似亞媽炒牛肉那樣,兜兩兜就一野放在你面前,點會好味呀。應該好似在灣仔松菱那樣,師父先把根除去,然後將D太過肥的油脂切下,留作炒飯用。再來就係按人數切多少成一口和牛,約一吋X吋半。用快火每件每邊都封煎及按客人要求成數,才一件一件放在你面前的方包上。這時應馬上用酸汁搪一搪令表面更脆,然後才放入口中一咬,那和牛應有的表現,一一在口中表達出來,那滿口牛油芳香及唔使兩下就溶化的感覺。那才是食鐵板燒的真正功夫,慢慢來。當然要有這種服務及效果,自己都要投資一些,多去幾次同一師父。同師父熟詻已後,那就會掌握到自己的要求。想要點食就點啦。

I always like going to this restaurant for Teppanyaki but the teppanyaki rooms were all reserved that night so we were seated at the private room that holds up to 4 ppl (with no teppanyaki table) that evening. Which is even better because we could chat easily and we didn't have to be soaked in the smell of teppanyaki. Sashimi was very fresh in generalI would recommend the Scallop which was pretty tasty and huge and their Toro & spring onion & sesame Handroll is one of my favourite. I also tried

早已聽說灣仔的松菱日本料理的大名, 今晚終於有機會去試一試~星期三晚8點去到~人唔多~而且多數都係外國人~我地二人訂左坐鉄板燒枱~點左兩個set dinner ~分別係美國牛的set同日本牛的set~同樣有前菜~沙律~海鮮~牛肉~炒飯/麵~炒雜菜~同甜品~海鮮試左大蝦同帶子~帶子好爽口~一d都唔腥~大蝦的頭部加牛油燒至干脆可以連殼食~好味~聽waitress的意見~美國牛薄砌+蒜片燒而日本牛就用厚砌原片燒~medium rare~效果不錯~可以食到牛肉的鮮味之後師父將牛肉的脂肪部位切粒炒飯~那炒飯超好味~雖然好飽~但都成碗食曬~最後貪得意叫左師父燒一塊吸油用的方包試食~連那方包都好好食~又甜又脆~特別推介~日式燒牛舌(因為我最鍾意食燒牛舌)~切得好薄~好爽口~一d都唔韌~不過得8-10片左右食完大約$800/人埋單~都幾貴~果然係一分錢一分貨~不過好食就得~希望有機會再去食過~下次想試壽司同刺身~

阿P和細妹的男友Mr.R都在8月生日，爸媽說來松菱吃鐵板燒替他們賀壽。一行6人包了間房，是晚專攻鐵板燒，由一位年輕師傅替我們操刀。點了少許剌身作starter，左口魚薄切、Hamachi和牡丹蝦刺身都有水準，當中以Hamachi刺身味道最為突出。燒toro壽司極度肥美，只略嫌表面燒得不夠燶。食完刺身，待年輕師傅步入房內便開始入正題。先來燒日本帶子(3隻)，非常厚肉，火喉控制剛好，沒半點韌，爸爸更說帶子極甜，笑問師傅有否在肉內加了糖水。接着是肉質很爽的本地游水大蝦(3隻)，師傅細心地將蝦頭半煎半炸，連膏吃，滋味無窮。接着是令我驚喜的北海道蜆，加了少許蒜蓉調味，為嫩口的蜆肉增添風味，鮮味充斥着整個口腔。在serve肉類之前，師傅按我們要求煎了些牛油沙糖麵包給我們吃，男友吃罷大讚，說有點像French Toast。接着就是最考師傅功架的炒蒜片，看他手勢極度蕭灑，三兩吓手勢已將一大盤蒜片炒至金黃香脆，最掂係味道不帶半點苦澀。席間跟師傅閒談，問：蘇絲黃介紹完生意係有無好到呀？嗰個叫Kelvin嘅師傅又係唔係好多人mark呀？他說，係呀，Kelvin都不知幾忙，成日要過枱架！說完便向媽媽遞上咭片，

今天一行四人到松菱吃午餐，選擇午餐時間光顧最大原因是午餐較晚餐便宜得多，而且他們不會在午市套餐中偷工減料，你仍然可以吃到具水準的日式美食。午市套餐有三款："松" 主菜是日本和牛及海鮮($4XX)"竹" 主菜是美國牛及海鮮($19X)"梅" 主菜是美國牛($12X)經大家商議後點了四份"竹"，不消一會師傅已拿著新鮮的食材來到鐵板前為我們炮製食物，依序烹調的是："大蝦" 肉厚無雪味，蝦頭有羔"珍寶帶子" 味鮮"三文魚" 只煮約七成熟，入口很嫩滑"薄切牛扒" 將牛肉包著炸過的蒜片及蔥一併燒，很香口及入口亦有即溶感覺"厚切牛扒" 不太特別，口感似在吃西餐廳的西冷扒"雜菜" 吃完肉類後清新之選，可惜芽菜比例太多，似在吃淨炒芽菜"炒面" 太油膩，女士們不會太喜歡"炒飯" 即炒即上的炒飯怎會不好吃一頓豐富的午餐就此完結，大家都相當滿意！

中學時期爸爸很喜歡帶我們來松菱，近年我和妹妹各有各忙，已很少來幫襯了。若不是阿蘇在電视介紹，我們也快把這裡淡忘。年前這裡曾大裝修，感覺反而沒以前有格調。可幸的是，從前相熟的manager都仍在，大家有傾有講，是懷舊的一頓飯。食物方面，點了很多以往必食的菜式，食評如下：-牡丹蝦，體積夠大、肉質夠黏、味道夠鮮，超班-鹽燒銀杏，個人喜好青色銀杏的甘純，面前的比以前略遜，但仍有水準-油甘魚頭，有幸吃到即劏貨式，果然非同凡響，肉極嫰，油脂豐盈，入口卻沒丁點肥膩-拖羅&海膽壽司，中上水準，但驚喜不大-燒牛脷，切得非常薄，是晚失準，有點鞋價錢當貴得合理，有免費泊車，服務一流，誠意推介大家來。順帶一提，這裡的lunch 非常抵吃，不過要及早訂位。

公司週年聚餐選定了松菱食鐵板燒六個人叫了四個鐵板燒套餐及三個定食套餐上一次到松菱已經是三四年前的事了裝修過後更高雅食物味道不錯但比較起旺角女人街的和井師傅的手勢有所不及不過這裡的服務員就人手不足的和井好得多了

公司食aunnal dinner呀!成600幾蚊個!好貴呀!是晚食左薄砌牛,牛扒,羊扒,鰻魚,蛋包炒飯，鵝肝，炒蒜片...都食得幾飽!獨立房比較靜!所以我覺得好悶!吾知係咪同老細食飯既關係!不過都好,食得咁豪!

環境清幽鐵板燒食物水準一流價錢合理我真係諗唔到有什么理由令我不對它情有獨中撇除無敵的鐵板燒外,我都會有時幫襯那裡的sushi bar 不過若然唔係同sushi bar個師傅熟絡真系食唔過有次去到先知相熟的師傅放假點知D sashimi就真系十級差勁... 個人誠意推界:炸魚皮真系不得不試!! 跟外面街厚搭搭的魚皮不同這裡的乾淨薄得像紙一般咬落爽脆沒有油一定要試!

親愛的編輯們，請勿刪去<>符號和當中的codes，否則圖片無法顯示，謝謝。來松菱因為我想吃鐵板燒，而上次去過銀座，就一試別的店吧。在松菱的餐牌中有一欄寫著「日本牛肉」，但香港政府應該還在禁止日本牛肉入口的啊？！同場加影老公和部長的對話：老公：想請教一下，日本牛肉好像還未被批准可入口？部長：是的，還未准入口。老公：那這些「日本牛肉」是....？部長：這些是真的「日本牛肉」。老公<img src="http://pic.wretch.cc/icon/blog/smiley/msn/y12.gif" alt=""/> <img src="http://pic.wretch.cc/icon/blog/smiley/msn/y12.gif" alt=""/>部長老公：<img src="http://pic.wretch.cc/icon/blog/smiley/msn/lightbulb.gif" alt=""/> 啊，明白，謝謝！部長：供應商自有他們的辦法，好像很多人去日本旅行也會帶牛肉回來。收到收到，訊息接受得非常清楚！午市套餐

足足等咗個半月, 等到松菱(matsubishi)裝修後重開, 昨晚同公司d 同事去咗吃飯. 大約八年前已開始幫襯, 水準一直都保持得好好, 重未試過失望而回. 昨晚我地一共八個人, 叫咗以下食物和飲品:1) 七個teppanyaki套餐(@$350) 包括牛肉, 大蝦/帶子, 炒飯/炒麵, 湯, 炒菜及甜品2) 兩客鵝肝(@$170)3) 兩客雜錦蝦tempura (大約@130)4) 兩客deluxe sashimi (@$650)5) 4支紅酒6) 3杯西瓜汁sashimi非常新鮮, toro 同鐡板燒嘅鵝肝一樣, 入口即融. 牛肉同海鮮一樣有水準, 師傅更特別為我地整咗件鮮油多, 食到d同事lam lam 脷. 蝦tempura有三隻蝦同幾款蔬菜, 炸得好乾身, 唔會油膩.想食teppanyaki, 不妨試下lee間. 價錢合理, 水準高

老豆老媽子返黎咁耐都未同佢真正出過飯.今日一月一日放假正好做下孝順仔. 地點由家姐點.五個人點了午市套餐, 有沙律, 可選蝦/帶子, 三文魚, 牛柳/薄牛肉卷, 還有飯和雜菜. 我們share來吃.醬汁有醋, 酸甜醬和芝麻豉油.師傅先將海鮮煮起, 幾下手勢燒熱個鐵板, 將大蝦切開頭和身, 再去殼, 而且做法認真, 面帶笑容, 吃也吃得開心.大蝦雖大, 但十分新鮮, 味道甜而爽, 沒有老的感覺. 帶子也十分鮮甜, 沒有渣, 兩味都好但個人愛蝦多一點.三文魚不知是否以前吃得太多, 雖然都好食, 但沒有之前的兩味海鮮那樣討好.薄牛肉卷我們要半生熟, 薄薄的牛肉卷內有蔥段和蒜片, 蒜片薄薄的先經炸過, 脆得像薯片, 但味道淡淡沒有蓋過牛肉的味道, 很好吃.牛柳也好吃, 一粒粒完全沒有筋, 肉味夠.最後的炒飯色香味皆不錯, 師傅用了之前薄肥牛多餘的油脂用來炒飯, 飯仍有淡淡的牛油味. ^___^炒雜菜略淡味少少, 不過炒得冇咩油也算不錯.侍應有禮貌地請我們到一房吃甜品, 美如其名是沒油煙, 實則是有人等吃鐵板燒, 當然我們也識做地轉位.甜品是朱古力慕絲, 中規中矩.埋單前侍應還送上糖果, 一包六