松菱日本料理

營業中

休息中

灣仔會展酒店內的鐵板燒餐廳，選了生日慶祝去。全部選了定食餐約$500-$1000/位。開始有沙津，全青色菜加大量油和鹽滷海帶，比較少見。之後鐵板燒帶子可能有些過熟，所以比較硬身。牛肉告知三成熟，成功完成！日式雪糕也不錯！可惜我們一行坐位很大油煙，裝潢十分舊，師傅亦比較混亂，食物和油都彈到客人位置！不得不提，洗手間隔音不太好，聽到隔離唱歌怪叫！！！最後買了中環酒店即時做好的拿破崙生日蛋糕，原來跟本沒有放入雪櫃，是暖的，cream也軟的，酥皮也不脆了！！經理只係walkie talkie 問有無同事放入雪櫃，最後無人應機，一句不好意思就了事！！！建議大家不要特別紀念日子光顧，而且坐和食枱，遠離鐵板！！！

餐廳有高級感，但是偏舊。呢個餐牛係超多，海鮮不多。海鮮有蝦或者元貝選擇。牛可以薄燒或一塊咁煎。本人覺得薄銷比較好味，因為中間會夾了很多蔥和蒜，雖然鹹但是十分可口。喜歡吃牛的人這個餐會很滿足。最後會有炒芽菜，麵豉湯及甜點。甜點可揀紅豆綠茶糕或雪糕。唯一缺點是午餐的食物種類不夠多，及餐廳抽風系統十分之差，食完會成身油煙味，中間我們都忍不住咳嗽，因為太大油煙。 廚師話餐廳快要裝修，希望裝修後的抽風系統可以改善。

有些餐廳，真係由細食到大。兒時一年一次半次，老爸會帶我去食鐵板燒。牛肉薄燒卷住蔥蒜一直都穩守在我十大最愛食物的第一位，直至12年前我戒了牛肉，「薄燒」呢件事就從此在我的生命中消失。今次返嚟好耐好耐好耐好耐無來過嘅松菱，那一股傳統鐵板燒的味道依然，沒有失色，沒有走樣，就像是回到我的那些年。兩大不同的是：1) 以前食鐵板燒是極奢華的一頓飯，今次來到松菱，我揀的是豬肉套餐，五百幾蚊就有交易。說真的，今日的香港，五百幾蚊已經不是窮奢極侈的事，比起三十年前的鐵板燒餐還要便宜；2) 這個豬肉套餐，用豬肉片整成「薄燒豬肉」，同樣滿足到我極鍾意食薄燒的口味。這一餐，我食得非常開心，也給我帶回了與老父的回憶。

毗鄰Renaissance 嘅松菱係香港老牌鐵板燒店 （仲老過我 lol），主餐區有鐵板位，而食得鐵板燒就就緊係要坐鐵板位睇住師傅席前炮製~午市鐵板套餐分為松竹梅三款，由二百幾到六百幾都有，算係豐儉由人~我哋通常都係揀性價比最高嘅竹餐，三百幾蚊有沙律；有燒蝦/帆立貝；有燒魚；厚薄兩款燒牛肉；仲有Miso；炒飯同甜品~食物入面薄燒牛肉，燒海老同炒飯係勁好食嘅。燒海老肉質彈牙不在話下，最正係煎香咗嘅蝦頭，脆口得嚟蝦油香四溢🦐薄燒牛肉油花豐富，外香內嫩，包裹會住靈魂蒜片同青葱，簡單但好味師傅會用牛肉切出嚟嘅牛油脂去一齊炒飯，經過反覆炒到無油又乾身先會奉上，每一啖都充滿香氣再加埋牛粒粒好香口，師傅比咗🦖好大一碗都係完美清曬~ 🤭午餐嘛，同師傅無互動都預咗😂 不過今次去唔知搞乜勁慢，食咗兩個幾鐘。真係慢活人生。

以前食過，朋友想再食， 但係見呢到d食評講到有d嚇人， 一直拖得就拖，等到佢生日還佢一個心願。 牛排無之前某d食評寫既咁差 (話薄過茶記快餐), 海產類都好新鮮， 係鰻魚質素差d , 不過都明既，而家鰻魚難求， 無奈自己鐘意食。 其他咩炒飯炒菜中規中矩。 服務方面， 呢類餐廳服務總會帶點ego , 但佢地反應好快而且盡量係你未開口已經幫你處理好， 呢方面我覺得無咩好挑剔。 可惜食到咁上下有一群印藉人士入座肆無忌憚高談闊論仲坐到逼埋我朋友到， 餐廳都主動話幫我地換位，不過個環境實在變得太吵鬧(真係嘈過午市茶記) 就埋單走， 唯一遺憾無得傾多陣。

I’ve been coming here for years now, I would say 20+ years, always loved the food and atmosphere. The food is always good but I think the staff changed and it’s only natural as I suppose the old staff must be retired by now. Regardless, I still love coming here and will be coming back whenever we get a chance. The lunch sets are still pretty good value despite the slight increase in prices.

我們三人上星期六去吃鐵板燒午餐，他們要食兩輪，我們訂了1:30那一輪。到達時只有幾台客十幾人，侍應卻要我們緊接在一組5人的旁邊一字排開坐。我們想坐在長枱的另一端，避免擠迫及談話互相騷擾，卻要和兩個着西裝的captain 理論後他們才同意。我們坐下後都沒有見到新的客人入座。我們補錢要了美國prime beef鐵板燒套餐，兩份簿燒一份厚燒，6、7成熟。我們吃了30多年的鐵板燒從未見過厚燒的牛扒那樣薄，比茶餐廳的牛扒飯還要薄。不知是牛扒太薄還是那廚師經驗太淺，上碟時牛扒是全熟的，很難食。差不多$500一份午餐十分不值得。

⭐️ 美國薄燒牛肉每塊都有深厚嘅牛肉味道，牛肉片的厚薄度恰到好處，保持了肉質的鮮嫩⭐️ 黑豚肉黑豚肉片嘅質感真係好出色，肉質鮮嫩多汁，帶有微微的油花，入口即化。黑豚肉本身就有濃郁嘅豬肉味道，再經過燒烤，肉味更加濃郁⭐️ 日本西冷西冷牛肉片嘅厚度啱啱好，係火候掌握得恰到好處，佢哋特地揀用高質素嘅牛肉，帶有濃郁嘅牛肉香氣，每一口都滲透住濃郁嘅牛肉味，師傅仲善用鐵板嘅高溫，將肉片燒烤得微微焦香，增加咗層次感。⭐️ 帆立貝帆立貝新鮮而彈牙，每一口都充滿鮮甜嘅海鮮風味。佢哋將帆立貝片精確地烹調喺燒烤鐵板上，令到佢哋外皮微微焦香，內裡仲保持住濕潤多汁⭐️ 大蝦⭐️鮑魚經過簡單嘅烹調，大蝦變得微微焦香，而仲保持住佢哋嘅原汁原味。每一口大蝦都好彈牙，至於鮑魚，佢嘅質感滑嫩，師傅嘅技巧絕對值得稱讚。佢哋將大蝦同鮑魚烹調得剛剛好，冇過火，令食材保持最佳狀態。

從來不寫食評，但今日午餐的經歷實在不吐不快。 今天一行五人食鐵板燒午餐，該師傅手勢很差，而且一直煎燶，不停黐抵。烹煮時過程非常凌亂，蝦殼蝦頭撈埋一堆，但蝦頭是煎返俾我哋食，蝦殼是垃圾，但撈埋一堆。薄燒牛肉求其煎，完全唔香。最經典一幕出現，五人中有一位朋友是不食葱，一早提醒師傅其中一個炒飯走葱，佢答：「哦」，但不到兩秒倒晒啲葱落去炒勻，佢落完知道賴嘢，於是先上四碗有葱炒飯，然後入去再拎一份新食材，獨立炒一碗飯。佢重新炒的期間，發現沒有白飯，於是又行返入去拎白飯，結果幾分鐘後出來，該份食材又燶咗😑，呢個時候佢再打算第三次炒飯，於是打咗隻蛋由得佢煎，然後行入去再拎一份新食材來炒飯，當然等到佢再出返來，隻蛋已經煎到⋯ 😑佢繼續將白飯及食材撈落隻蛋度炒一次，去到差唔多炒好嘅時候，佢⋯再落一堆葱😑😑我朋友即時出聲：「我唔要啦」 ，呢個師傅終於醒返，發現自己炒第三次都係炒錯。然後默默地炒埋最後一度「炒雜菜」（極難食）。埋單時我哋有即時向經理反映呢件事，但⋯ 為免大家遇上和我們相同的慘痛經歷，因此決定寫出來；唔好洗錢之餘仲要勞氣。（PS 已幫襯呢間嘢十幾年，唔係第一次去，但首次遇上咁經典的師傅）

同事生日，承機敲上司一餐，他也樂見其成地帶了我們去吃鐵板燒， 餐廳安排了一位置，剛好適合我們一行五人自成一角。我們選了套餐［竹］，套餐其實很豐富，有前菜沙律， 燒魚， 燒車海老／帶子， 牛肉， 燒野菜， 燒飯／麵， 味噌汁，香の物。因為我們有五個人， 所以車法老及帶子我們都要了分著吃，牛肉部分升級了至特上，選了燒飯，因為鐵板炒飯一定超好吃。光是看鐵板燒師燒在煎煎炒炒，那滋滋的油溫聲配上食物香味就很療癒。第一道先上海老蝦，香口彈牙，帶子鮮甜嫩口。我吃了那蝦頭，煎脆了混著蝦油香得很，真想來一杯。三文魚不是我所好，但吃得出新鮮不腥。牛肉我們要了厚切及薄切分著吃。那就可以同時吃到兩種口味及口感。薄切是卷著蔥及蒜片吃的肉卷，香滑軟嫩。而厚切就會切粒，配著煎脆了的蒜片。我比較喜歡薄切。每次吃日式鐵板燒，我期待最期待的是炒飯環節，看著師傅把蔥蒜及剛才的牛油脂炒香再用來炒飯，真的香呢！最後喝一口味噌湯，潤一潤喉嚨特別舒服。

一直都話同朋友去食一啲傳統嘅鐵板燒, 終於能夠實現了🤪🤪今次又係我去跟朋友食好西的時候，吃了和牛，最愛嘅海膽刺身，海蝦🦞，仲有好多好多嘅刺身，最唔少得嘅係一支sake😆😆呢段時間來講，幸好有你們一直陪住我💕💕

日式鐵板燒在香港一直都很受歡迎，而松菱日本料理由銅鑼灣擴張業務，在尖沙咀加開分店，及後又搬到灣仔， 50多年一直屹立不倒，吸引不少平日寫字樓的領導和一般白領，又或在週末一家大小扶老攜幼過來享受家庭樂的。這裡地方寬敞舒適，員工貼心和殷勤的招待，每次來到總被勾起童年美好的回憶，那種味道，是別的餐廳給不了的。其實這裡的魚生食材新鮮，而且和食款色繁多，不過如果時間許可，我都推介來個鐵板燒套餐，慢慢去享受一道接一道的菜色（見照片），每次光顧也叫人大滿足的捧腹離開。

又有壽星🎂今次我地就揀左灣仔會展呢間鐵板燒，我地10幾人book 左間房暢飲暢食💙🥢 沙律沙律清新得黎上面加左啲櫻花蝦仲有啲天婦羅脆脆😋🥢銀鱈魚壽司🥢海膽壽司🥢鰤魚刺身🥢金倉魚腩刺身🥢鮑魚鮑魚好大隻丫，不過就見唔點郁🤣但係口感係好嘅，切完片都有咬口得黎唔會韌，但係我就覺得黑椒味重手左🥢帆立貝呢個就真係好好食，煮到啱啱好，煮熟嘅時候仲會有啲焦香，令佢哋嘅味道更加豐富，鮮味十足🥢日本雞肉肉質煮完都ok ，但係個雞皮就卜卜脆好正，唔會過鹹又唔會過軟，點醬汁食仲好食🥢黑豚肉🥢美國薄燒牛肉黑豚肉同牛肉一樣包住啲蔥花蒜片，煮得恰到好處，咬落肉質好嫩口，肉嘅油脂再加埋蔥蒜嘅香氣，兩樣口感味道一流🥢日本西冷肉質嫩滑多汁油脂好重帶動牛嘅香味出哂黎，5成熟啱啱好，每人兩件都好滿足，對於牛肉愛好者一定係一個唔會失望嘅選擇🥢炒飯食鐵板燒最後黎一個燶邊荷包蛋炒飯係必須的😆炒飯係乾身粒粒分明，但係有小小硬，不過加燶邊荷包蛋小小豉油真係好正，我自己都食左2碗丫🤭整體而言，餐廳內裝修營造出日式餐廳嘅氛圍，而且我見全場坐滿，氣氛好好，不過就係房內冷氣唔夠，keep住都有啲熱，不過鐵板燒能夠欣賞到烹飪過程，十分精彩，飽覽

#konggirlss同其他鐵板燒一樣 餐廳一邊係鐵板燒區 有幾個廚師係度煮緊嘢食 另一邊就係普通枱 每張枱都好闊落 我估大家嚟得食鐵板鐵都想坐鐵板區望住廚師即刻煮比你食 如果係嘅話大家要早少少book位 因為呢度鐵板燒位好快full哂(≧▽≦) 嘢食方面我地4個人一共叫咗2個special course 另外再散叫嘢食🔻Special course: $550-580/set 1. 前菜: 紅酒牛尾 好味好淋 沙律同其他高級少少嘅餐廳一樣 係醋沙律 好開胃 2. 配菜: 有海鮮 可以選擇蝦/ 帆立貝/ 鰻魚/ 魷魚 我地就揀咗帆立貝同埋鰻魚 帆立貝幫我地一開四後都有肉食 算幾大粒 燒得好平均好好食 但係個鰻魚就略嫌燒得太燶 同埋佢好薄所以有少少乾身唔夠juicy 之後仲有炒野菜 其實即係炒芽菜 佢加埋菇一齊落去炒 都幾惹味 3. 主食: 可以自選肉類 價錢唔一樣 我地揀咗牛& 黑豚肉 個牛係切粒上碟 但佢係燒完再切粒 因為唔係面面都有燒過 係好食嘅 因為都幾有牛味又唔韌 個黑豚肉切得好薄 包住啲蔥一齊燒 出奇地好食 可以夠薄佢唔會韌 之後仲有一碗味噌湯 味道啱啱好唔會太咸又唔會似粉

今日係年廿九，公司食團年飯~同事揀左食鐵板燒咁大約2個星期前預約，對上一次食松菱已經係大約五年前，記憶係唔錯既餐廳但未去到驚訝，咁既然都要黎啦，就本住再試吓既心情啦每人叫左一個松菱定食set ,㨂左A4 Japanese Tenderloin Steak $980呢個SET包左一個AppetizerGreen SaladGrilled Prawn/Scallop/Eel/Squid (4㨂1）Fried Vegetables Fried Rice/Noodle (2㨂1）Miso Soup and Pickles Seasonal Fruit/Ice Cream沙律前菜另外叫既刺身燒車海老Tenderloin 里脊肉炒飯炒什菜另外 A La Carte 叫既飛驒牛 $1500 一嚿總括黎講師傅係火喉控制方面係唔錯，牛同個蝦都好有水準唔老好夠嫩口，另外同事比左粒帶子我試都係啱啱好老，至於其他都係正正常常平平穏穏啦，同我預期中一樣無咩大驚喜，我自己會比80/100分，其實佢保持到幾年前水準既， Service 黎講師傅都有講有笑，有留意我地有咩需要，至於其他Server就真係好一般唔講太多