松屋日本料理 (已結業)

今晚manager 請食飯以慰勞個幾月嘅 辛勞. 我哋一行五人抱住任食同好食心態一試(之前有同事話好食). 要讚: 1. 南瓜天婦羅, 正!2. 炸蠔, 掂!3. 豆腐, 正!要鬧:1. 食物等好埋先到, 尤以串燒同炸物, 起碼等15 分鐘以上. 一時上得好快, 一落單就有, 一時就等完再等, 仲要追先有.2. 嘢食好普通, 唔太新鮮, 海膽刺身嚟到已經啡啡黃黃(唔同新鮮個種黃); 三文魚同吞拿魚好霉.3. 最出名串燒都係好好好普通, 一d 都唔特別. 串燒極乾得嚇死人.4. 食物款式少, 比起大久保只係$138 任食放題, 佢分分鐘款式得人哋一半, 刺身同壽司仲要得幾款揀(6-7款)5. 成日滴水落我同事個頭! 地下又濕, 差d 跣底個客6. Discount: 之前book 枱問有咩discount, 答到唔清唔楚- onecard 本來有折又話冇. 去到門口見到onecard logo 問有冇折佢先答你有85折. *****最離譜事件*****埋單時,我哋再問一位本來好好態度, 略帶鄉音嘅 女侍應阿青有咩card 有discount. 本來佢話只得匯豐同citiban

公司舊客請食飯, 我又有口福啦! 同埋老闆一行三人1:00黎到松屋, 餐廰有八成滿. 我地被安排o係西餐area坐(唔知幾時開始松屋變成一半食日本野, 一半食西餐). 舊客推薦呢度刺身好新鮮, 我就二話不說跟佢叫刺身定食($128). 老闆話今日想食熱野, 就叫左個天婦羅蕎麥麵($78). 舊客果然無介紹錯, 個刺身定食份量十足, 而且刺身真係好新鮮!定食包麵豉湯, 茶碗蒸, 蟹籽沙律, 前菜, 飯, 當然唔少得o既就係大大盤刺身啦! 有海膽, 三文魚子, 蝦, 帶子, 油甘魚, 吞拿魚, 鯛魚, 八爪魚, 三文魚, 除首三樣外, 其餘都有三件厚切, 每樣都好鮮甜, 好正! 以前我唔鍾意食海膽嫁, 但係今日食完先發覺以前食o既唔新鮮, 所以唔好味!但係老闆o既天婦羅就唔抵啦, 得兩隻蝦同一d野菜, 同埋一碗麵.食完之後侍應仲送雪糕, 我要左芝麻, 老闆要緑茶, 舊客要士多啤梨. 我個芝麻好滑而且好香芝麻味, 但係見到舊客o既士多啤梨, 有粒粒士多啤梨肉, 好似好正咁, 見之前食評話呢度o既士多啤梨雪糕最好, 真係有d後悔呀!

上星期去﹐餐廳原來打通了旁邊的西餐廳﹐兩邊坐都得﹐太左近一倍面積。食物依舊--幾好﹐刺身水準較差﹐三文魚等一般喇﹐仍然是串燒同天婦羅最好。串燒一定要食羊﹐好多汁﹐雞翼都好﹐但冬菰、笳子、番薯就唔惦﹐而蝦、南瓜天婦羅直情系黃牌必選。甜品只有雪糕﹐但什麼味道次次不同﹐最好味的係菠蘿同士多啤梨(我係唔食菠蘿同士多啤梨這兩樣的﹐但都覺得好好味窩)。佢地話的雪糕係日本來的﹐我信呀﹗至於綠茶同芝麻反而普通左。價錢又改了﹐分段時間平了6元﹐現在是208元。

我是在9月30日去食晚飯,8:00至10:30那個時段(比8:00前時段好似貴$20).唸住留空個胃飽餐一頓,果然沒令我失望<br />刺身幾新鮮,我推介大家試白拖羅,我就食了3round!!<br />手卷首選就當然是三文魚(還是吞拿魚!?)腩長蔥手卷,我去到第1round就叫,非常之正,D紫菜好似有烘熱過,點解話好似,之後叫第2round或牛油果軟殼蟹手卷就好似沒(可能太多人).其實評價一間日本菜館得唔得,我覺得首先要看刺身新鮮度,第二就是睇下D手卷o的紫菜,有烘熱同沒相差好遠,有沒有heart去做!!我想最好在第一輪就試手卷,襯佢地無咁忙可能就有驚喜!!<br />串燒就雞軟骨及雞腎一串好多粒,2人1串就比較好,三文魚煙肉串就是1大塊三文魚再在其邊圍上煙肉,ok啦.牛舌,豬頸肉,羊肉都不錯,不過七味雞肉就有少少失望,D雞肉無味.番薯就可以不叫,青椒及白果就可以一試.番茄肉串就幾得意,而推介雞脾菇絕對可以一試再試!!<br />蝦天婦羅正!!茄子ok,不過炸生蠔就有點浪費,好食新鮮但外層有點炸過頭,如果一半炸,一半新鮮

男友好鍾意食串燒，但每次去食日本菜時都要就住就住，因為如果狂點串燒，五百元也不夠埋單，所以把心一橫，帶他來這兒吃個夠，一來有咁多食家都讚好，二來任點任食，也不驚會埋單結帳時牙痛咁聲。晚上八時來到，不是太多人。坐下時便有侍應走過來向我們講解一下任點任食的規矩(寫上的數字便是出菜份量)。看一看單目，串燒約有廿款；卷物、壽司、手卷、刺身約有廿款、一品料理又有約廿款，還有推介的6款美食，可選擇的也算多了，先叫了刺身︰油甘魚、三文魚、北寄貝和白拖羅，各要了三片，尚算新鮮。一心帶男友來吃串燒，所以全晚柯打了十次有多(數過插在筒內的竹籤，起碼有40枝)，個人覺得最好味是雞軟骨、牛、牛肋筋同羊扒，串燒菠蘿和雞翼也不錯，其他也可一試；至於一品料理則不太吸引，而且味道麻麻，最好的要算是天婦羅，即點即製。最欣賞佢o地服務，冇得彈，那晚還送了八隻生蠔給我們。飯後甜品的雪糕也很好味，夠滑，芝麻味極濃。正！一定會再來。

I think the previous comment has done a very full and fair description of the restaurant, except that the price is $214 (plus 10% service charge)for 5:45pm to 8pm and 8pm to 10pm. A 15% off will be given if you have a Citibank Card. So the final bill will be $200 each.They're also giving away discount cards of 20% off valid until end of 2005.刺身is of limited choices, only five and are small. 串燒are much better, all of them are good, espcially羊扒。天婦羅are particulary good, 蝦、南瓜、番薯天婦羅should be tried.Ma

前幾日睇左大家0既食評,昨晚終於決定去食餐勁。我係去尖沙咀0個間的,食最平0個場5:45-8:00PM $208/未計85折星期日至星期四去食就有8折。其實我一向唔多食日本料理,因為幾貴。但係食完呢度後,發現原來都可以有幾抵食0既地方。當然,你要鍾意食日本0野先覺得抵啦。去到坐底後,問你想飲什麼,就立刻送上一份刺身拼盤同飲品兩杯。比你開開胃。份量依你0既人數比。不過唔夠食唔緊要,因為那些刺身都可以任點任食的。包括白拖羅都有。開始叫0野食啦!可能我0地去時未有人,(6點未夠) 0野食出得好快!順便一提,刺身係填上件數的。填個數字幾多,就有幾多件上桌啦。無記錯應該有5款刺生。包括三文魚、吞拿魚、魚、北寄貝、白拖羅。 三文魚刺生幾好食,幾肥美。 白拖羅唔洗講,放入口會溶的,好香。總之即叫即切的,新鮮。(睇住佢切的)跟住就食手卷,平均餐牌價$30-60。最正當然係牛油果軟殼蟹手卷,仲有吞拿魚腩手卷同蟹膏手卷。手卷做得幾好,D料唔係得個面,中間都有。又唔係好大件想你食D飯食飽晒。我0地怕食手卷太飽,每人都係忍口食左3件。但係要留意,佢寫到明唔可以食剩0野浪費0家。不過只要唔點得多,應該都唔會食剩

魚生唔掂,其他唔錯,手卷好味, 串燒都好

請editor update 尖沙咀中心呢個地址啦- 尖沙咀麼地道66號尖沙咀中心一樓, 113-114舖, 電話: 2739 2622/2633地方比較細, 但作為一間居酒屋都可以接受, 坐位好少, 除了間房大外只有四五張window seats, 氣氛唔及五味鳥咁多日本人聚腳, 平日晚上幫襯既人真係唔多喎...招呼一流, 分兩個時段收錢, 但因為當晚人少所以俾我和朋友早些入去食, 唔駛等到八點, 大家好啦: ) 一坐低就整了一碟燒魚試試, 我唔食魚既都試o左d, 感覺好新鮮, 無介紹錯喎!! 呢間出名串燒當然主攻呢個items 啦, 牛舌, 雞骨腸, 豬大腸, 羊扒, 雞翼, 雞軟骨, 雞腎... 應有盡有, 係佔一整張order 紙的, 牛舌不俗, 豬大腸好香, 雞骨腸好味, 我朋友話有肚會叫多件羊扒... 真係令人無失望過喎!!刺身款式唔多, 有吞拿魚, 魚, 北寄貝.... 六七款, 對我黎講唔算特別, 但都算新鮮; 壽司方面有手卷, 有蟹膏, 軟殼蟹, 同埋話事人推介的吞拿魚腩, 佢話食兩件已經歸本喎...熟食都有好多款, 凍豆腐, 燒餃子, 南瓜天婦羅, 烏冬, 拉麵

第1次幫襯係金鐘分店同同事farewell,記得食物係唔錯，所以今次同男友週年紀念日，我就一早book定要window seat而地點就轉移到尖沙咀中心分店! 老實講地點有點難搵，入左尖沙咀中心上到1/F都係唔識去!!!!一去到，門口既哥哥話搵唔到我RESERVE O既RECORD.不過態度都仲係好好~ 經我地搵左一輪之後發覺佢"留"寫左(因為當日下午仲有打電話俾我問係咪黎，冇理由冇!!!!)之後一坐底靓靓CUTIE WAITRESS就問我地要唔要刺身拼盤，咁梗係要啦~~睇睇個特別餐牌，有我最鐘意既油甘魚，即刻密密食! OVERALL黎講，服務好，刺身水準唔錯夠新鮮，燒物亦好好味(推介: 白鱔，牛舌，羊"PA"，雞軟骨!)，料理方面就OK冇前者咁特出!! 雪糕好失望，因為冇PINEAPPLE味金鐘有架!!!!)但係紅豆都好好味~~!!! 我地自己仲叫左清酒，好抵!!!$25枝!! 因為有飲食男女既15%OFF COUPON，所以2人食到飽飽都係UNDER $450，男友不停話下次再黎，亦都誠意推介俾大家!

我食o個間係尖東尖沙咀中心.個老細服務真係冇得頂,殷勤得黎唔會煩.佢會真誠地推介食物俾我地,又唔會話避開d貴野食唔介紹俾人,一d都唔孤寒.一黎到,先俾碟刺身,正如之前d食家所講,白拖羅係首選!碟刺身並唔係你諗得兩三塊咁樣,而係入面有四五款,每款起碼有十幾廿塊(我地5個人),你仲可以再叫.未黎哩間之前,我對串燒真係冇乜特別喜好,覺得自助餐食串燒係好唔抵,但哩次改觀,d串燒真係好正,味道好惹味,推介的有白鱔,露筍,雞軟骨等.另外,一定要試的有軟殼蟹手卷,手卷唔太大件,唔怕話食一兩件手卷就飽晒,紫菜好脆.仲有,佢定期會有幾道菜式推介(即話唔係期期都有,通常係d貴價野),早幾個月就有海膽刺身,但好可惜,我去個次已經轉左.或者大家訂位時,可以問問.

我們到尖吵咀店.時段為8 點.刺身不錯.新鮮.但選擇不多.大葱牛肉手卷正.燒鰻魚,蝦天婦羅好好味.串燒當然正正正啦.串燒雞翼皮脆有肉汁.而且選擇得多.總括食物質數高.服務懇勤.仲會主動向我們推介串燒.但我們坐門口位.有很多小虫在飛.很不舒服.p.s忽然一周有coupon 八五折.折後每人約$220

我想問下尖沙咀好味定中環好味呀仲有,佢依家好似分開晒時段, 八點前同八點之十點呀好似...咁如果我七點去食係點計

刺身比一般自助餐多有白拖羅和"臘"魚,都頗新鮮,上菜幾快,串燒也不錯,其中雞軟骨,燒白鱔和雞骨腸幾好火侯'調味不錯, 但主打刺身及串燒, 熱葷如火和煮物沒有供應...天婦羅不脆..不過二百五十元食四個鐘包汽水啤酒雪糕都幾好啦!

hello:<br />我想問下剌身有咩選擇,同多唔多海鮮