松屋日本料理 (已結業)

尋晚6:35到, 竟然已經有好多枱到咗啦...一坐低就問你飲D乜呀, 覺得招呼OK啦! 我要咗diet coke! 跟住剔刺身啦, 選擇唔多, 全部切到細細, 麻麻哋!! 跟住再剔串燒啦, 雞胸軟骨, 大葱, 白果, 牛脷... 串燒好o店!!! 另外, 仲剔咗蝦天婦羅, 鱈魚骨啦, 金菇牛肉卷, 沙津(生菜青瓜+醋汁, 正!!)食物幾好,招呼ok, 但好多時漏單!!

28/6(WED)同埋老婆食飯，好幾個月無，18:45入坐人數已經有七、八成。幾日前訂位，被安排左較新裝修的那邊。坐底見到友哥，由於他態度熱情，服務優質(好多時有好食0既推介，好唔好食問下佢都會話你知)，總之有特別REQUEST佢都會盡做。其他的員工其實都好好，只是友哥特別熱情(對其他客人也是如此)。一坐抵向友哥REQUEST魚生刺身"厚切"，厚就幾厚，只不過師父唔係打斜"片"出，所以SIZE唔算大，白拖羅就特別新鮮，燒羊都好味，連我老婆平時唔肯食羊，到呢度都會食，話呢度D羊唔"騷"，燒露筍都好味，不過要視乎當日有無入貨。各樣食物質素都ok，不會過鹹(試過1次好鹹好鹹，係第2間分店)只是炸蝦天婦羅皮不夠脆(6只中有2只)，如果個醬油有埋蘿蔔茸就好D勒!爭d唔記得讚個甜品...紅豆雪糕是也!另有一樣食物都可以推介比大家，就係神戶牛(好似話係神戶種澳洲養)，都幾"稔"同"鬆化"，口感OK，可能脂肪分佈唔係好密，食落無好似係日本食的神戶牛噤多油，面頭蒜片唔夠香，只係四十幾蚊一件，質素算幾好啦! 看到之前有D食友話佢成日漏單，但我食過好幾次都無試過!可能星期五、六、日人多

同班朋友聚舊, 想傾吓計, 呢到完全provide唔到咁既環境, 一入到去, 人逼, 地方窄, 仲要噪到同對面個朋友講嘢都聽唔到. 雖然味道OK, 但感覺好似係籠屋食飯咁, 週身唔舒服.

I am still having my sashimi with rice lunch box while I am writing this review.Having tried their takaway several times, not because it's great just because there's no japanese restaurants around at low price (<$60 for this lunch box). However, I promised myself NEVER to go there again.They did not give me any sauce for the sashimi( I ordered by phone and didnt check if they had put them inside the bag when i took it away). They are always reluctant to give ppl sauce, I dunno why)The food.

其實松屋我都有幫襯過,仲唔只一次.地方係舊左d,不過服務應該ok!漏單情況也不算嚴重,通常再order一次就ok.食品(剌身)size細,我亦曾與老闆反映(以前沒有任何折扣HK$268+10%我也會光顧).是否將價就貨?他說並沒有刻意切細.只是有時不想太浪費食物,有顧客因放題任叫任食,飽也照點.大家如下次點剌身時好寫上"大件厚切"便可.小妹也食過其他日式放題,質素也不特別比松屋好.而且佢任飲任食,仲有綠茶同芝麻雪糕.以這價錢(有折扣),還ok呢!可能我去多兩次,知道有d日子要回備下(我會先打電話訂位同問下),我同我的"蝦子餅"多數會選星期一,二幫襯,人少d,無噤多油煙,如佢有人book 左party 我唔會去,因好大機會坐唔到新裝修那邊.其實佢d食物水準ok啦(除左豬頸肉)...例如炸蝦天婦羅,燒雞亦,燒羊肉,燒牛舌...燒雞軟骨...拉麵,烏冬,大蔥吞拿魚,蟹羔手卷(落單要寫"多"字).大家參考左我的經驗,可再試試吧!

我以前去過幾次都唔錯，今次都ok喎﹗首先，魚生都幾新鮮，白拖羅、魷魚同油甘魚都正。雖然細片d，但係反正任叫，叫十幾round都有問題。串燒就以牛同雞翼最好味，上得好快，熱辣辣﹗其他野都ok，甜品得三款雪糕太少選擇，不過芝麻雪糕都好味﹗free drink可以選罐裝汽水，都係任飲。我又唔覺得要追單，只係邊樣野冇唔會主動話你聽。老闆好熱情，直頭有少少煩﹗

同事是會員而且識得個經理，介紹我去試。環境：坐得唔舒服，而且有油煙的局促感。服務：除了個經理送了兩樣食物外，整體服務都使人　　　　不太開心。味道：低水準（不論是送的還是比錢的）抵食：絕對不乾淨：一般評論：好老實，有野送都唔再去！

和男友相識紀念去食的, 男友從同事那裡弄來一張七折會員咭, 見有折頭, 咪去試下law~ 因為早前已好想食日式放題..唔... 去到位置嘛嘛... d裝修都幾殘呀~食物紙上的食物都有幾多, 但就真係唔係樣樣都有.. 印像中食物水準都ok.. 無可否認係細件左d, 但我自問唔係太大食, 而且係放題, 太大件食得唔多款就唔好la~ 而味道方面, 一般la.. 唔差亦唔係話好好味..而見倒各位人兄話佢地成日漏單, 經小女子幫襯完後發現完全屬實~ 機乎每張單都有漏, 試過叫一個金菇牛肉卷, 寫左四次單佢都冇黎到, 最後男友開聲問佢幾時先送黎, 係咪賣晒? 佢先話唔好意思, 即刻整比我地, 然後唔駛一分鐘就有了~ 大佬, 唔通下下開聲問, 佢地唔煩我都厭la~所以, 我都係咁話, 冇下次~

好耐以前已經聽聞過呢間既自助餐\\\\\\\,咁岩上星期見到話做緊6折,所以咪約埋幾個朋友去個度團年lor!野食一般,魚生係細片D,但都算新鮮,叫既野都9成黎左,無話漏單得好犀利咁

早D睇到樓下嗰位人兄既食評就好啦!我見有咁多人評分俾正就去試下啦,點知賴野......我同我朋友一入去坐低,有一位中年男士走黎問我地想食乜,跟住就開始介紹佢地既任飲任食自助餐,我見都有幾多選擇,咪話OK囉......點知想像同現實完全係兩回事,D刺身切到又細塊又薄,好似驚死你會食得多咁,串燒簡直係垃圾,求其燒兩野就俾你,又唔好味又細串;你諗住叫多幾次補番數?太天真啦,佢地會好醒目地cut你單(入五張cut兩張);你狂追佢地單呢?佢地咪即刻say sorry話可能漏左單,佢會幫你跟......跟住就影都無埋,你追多幾次都夠鐘要走啦......值唔值得去?我既答案一定係No!

昨日路經松屋，鋪頭外面見到有$238 二人套餐，好似好多野食，咪諗著走入去試試。坐低後打開餐牌，搵極都搵唔到有$238 套餐，於是叫左個貌似老板既中年男子詢問。中年男子話因為$238 套餐內好多食物都售罄，所以冇將套餐餐牌拎出黎，跟手又sell 我地一個二百多元一位既任食套餐。我與友人即刻表示不滿，中年男子先死死氣地先拎出$238 套餐餐牌，跟手搵左個女侍應招呼我地。細問女侍應下，發覺完來二十多款食物裡面，只係有三樣售罄！今時今日都估唔到重有Ｄ食店用如此手法做生意！食物方面，量多但則素只係好普通，一定唔會再幫襯！

在十一月左右時,此餐廳的會員有半價優惠知道有網友話上菜慢,漏單,我在當時做半價優惠,並沒有幫診,但過後在十二月中訂位時,侍應話之前半價反應太好,有好多會員訂唔到位,所以上次半價時沒有到松屋的會員,今次有六折可能當時半價反應太好了,所以漏單,慢也不出奇,但我以前幫診一直覺得他們服務不錯,講真原價就貴了些少,會員自身好似有半價,其他同枱好似有七折

1)刺身超細片--如最細的麻雀啦.5片等如正常一片 所以我們6個人共都叫了100 片,但都唔夠喉.2)常常漏單,唔知真定假,好似之前個網友話--入6次得一次有單啦.果次仲係係張點菜紙上寫了"等左好耐"四個大字先有彴得食.3)食物一般啦.好彩是半價,否則就唔抵啦.4)服務OK,個個都幾好.

收到會員通知信，說由即日至12月11日，只需出示會員證，全便會有半價優惠，咁吸引，冇理由唔去。 昨晚七時入座，果然FULL HOUSE，所以預佐上菜會慢，於是便一口氣叫，不斷入紙，情況不出所料，入了五張紙，只齊兩張，雖然說人多，但著實宥點過分，幸而侍應全都好有禮貌，忙說抱歉，我也懶得追單，出得幾多便算。 總括而論，質素沒有因人多而大幅下跌，只是雞軟骨好淡口，其他如牛、羊扒、煙肉車厘茄、雞腎、雞翼、粟米…都不錯，新推出了大蔥鴨肉串，但由於入了數次單都沒有來，所以試不到，另外炸生蠔、燒三文魚頭、天婦羅、凍豆腐等也不俗，最正係生蠔，新鮮香脆，掂！還有特別款式如木瓜大蝦沙律、煙肉葡汁焗青口、燒白鱔、魚湯、蒜蓉BB龍蝦，全都是水準之作，不過訂位要趁早，聽說已FULL到下星期。

今日老細請食飯, 第一次上去食lunch, 估唔到d 野食咁好味,尤其係壽司,嘩...好正,不過唯一美中不足就係個lunch 一d都唔平,要成八十八蚊,好貴呀,不過係金鐘食野係咁,不過整體上都係好既。