松屋日本料理 (已結業)

跟男友的紀念日，又來這兒吃串燒，由於在BOOK位時已說明是會員，所以當晚來到後，那熱情的老闆(原來叫友哥)就端出好多紙上冇o既食物出來︰魚濃湯、蒜蓉焗扇貝、煙肉焗青口、炸軟殼蟹、唔知乜沙律、芝士蒜茸焗中蝦和芝士焗西蘭花，味道不錯，最喜歡飲那碗魚濃湯、好鮮甜，仲有豆腐同紹菜，十足十媽咪響屋企煲。串燒今次都仍能保持穩定o既水準，但唔知點解我叫了五次雞軟骨(total都有20串)，但只來了一次及4串，問侍應佢話拎錯，會即刻補番，但到我埋單時卻也是來了2串，希望下次唔會再有咁o既情況發生。

因有coupon,同男友今晚7點黎呢度食放題,原價$228一位,但食物既質素同選擇都不及$138既日式任食,只系環境同服務合格!先講食物質素,刺身毫無鮮味!第2round果d三文魚仲系暗紅色添!麵豉湯過咸!西瓜汁溝水!天婦羅脆漿一夾即似殼咁'luck'出黎!串燒無味!綠茶雪糕得奶味無綠茶味!炸蠔同燒白鱔無貨,聽講鱔而家當做喎!選擇方面極度少,得3張order紙,蚧籽沙律都無,得什菜沙律,軟殼蚧手卷又無!一品鍋又無!較好食既有燒鰻魚,鯖魚,雞軟骨.服務方面,有位阿叔十分搞笑,成日撩d客講野.收碟速度算快,因全店得3成滿.最搞鬼系有個哥哥仔羅住把魚生刀系d客面前來來回回行左3次!當果度系廚房咩!用coupon一送一埋單$275,睇佢捱吾到半年必定摺!

我原係buffet club會員, 見到有推廣幾吸引, 買一送一自助餐, 咪唸住去試下囉!一入到去, 外面餐廳的位已經坐滿, 我地被安排到隔離shop似快餐店的環境食.... 已經唔係咁舒服我地係食自助餐, 但食物只有三張order俾你揀, 且選擇不多, 有d失望!點滿晒野食之後, 要等等等等.... 又催催催先至黎....不過佢地的剌身幾新鮮, 但只係得5~6款俾你揀串燒就差到脾.... 無味羊扒有少出呼意料之外, 幾好食, 無so味!蝦天婦羅size中等, 可惜又係淡而無味埋單原價四百幾, 用咗coupon折實280! d食物質數咁差, 下次再有咩優惠都唔會再去!

其實麻麻地,地方比較舊及唔係好好味

以前在尖沙咀店食過一次, 好正, 但因為幾貴, 所以冇再去幫襯.但因為有buffet club會員咭到月底有七折, 所以6月9日同男友去食晚餐放題. 見到尖沙咀的熱情老闆, 佢佑我地以前幫襯過,就整d正俾我地試, 有order 紙上冇的甜蝦, 芝士蒜茸焗中蝦, 蒜茸焗扇貝. 芝士蒜茸焗中蝦好好食, 我地翻叫兩次. 蒜茸焗扇貝就不過不失啦. 據男友講(因為我唔食生), 魚生, 甜蝦好新鮮,尤其甜蝦, 見佢食到鬼咁滋味, 一定好正.今次再食到佢地的蝦天婦羅, 非常有水準, 食得出係鮮蝦, 仲要剔埋腸, 粉漿唔厚, d汁又岩味, 簡直冇得項, 所以我自己一個人都食十隻.串燒更加唔洗講, 茄子, 燒鱔, 羊脾, 冬菇係心水推介.甜品都有四,五款, 味道不俗, 但可惜我當時已經好飽, 唔可以細心品嚐.埋單: 原價$228 (未計加一), 七折後連加一:約$185我仲申請埋張VIP咭, $30入會費(一年),首月持咭者半價, 其餘人士七折, 首月過後, 全年七折(特別節日除外), 咁扺, 唔食多幾次都對唔住自己啦!

今晚特別去試一試，叫咗個二人餐感覺很普通，而且完全沒有驚喜。刺身亦淡而無味，其他食物亦不是甚麽貴價東西，例如軟殻蚧沙律、燒帶子、燒鯖魚(小片)等，水準一般，但價錢唔係平。二人餐連加一270元，所以唔會再去。與已結業的湾仔青鳥相比，食品質素或價錢無一可比。

有刺生(但款式不太多,好像是四.五款,紙上没有甜蝦,我們是手寫加上去...没有海膽供應)壽司有手捲,及一般壽司串燒,我們叫了銀杏,蒜頭,長蔥,青椒,雞翼,雞軟骨,炸生蠔(但略黑.炸到似雞翼) 還有很多但忘記了凍豆付,燒??魚,另外還有類似有綠茶味布甸的甜品啤酒汽水任飲.雪糕(3 種雪糕)但裝修麻麻地

炸生蠔, 燒羊扒, 南瓜天婦羅good good..

昨晚又來，今次唔見尖咀分店那位熱情老闆，但尖咀分店o既其員工依然好熱情。 點了第一輪串燒，成20分鐘都未上，覺得奇怪，便問一問，才知有半邊燒爐壞了，心想今次真係唔好彩，除了等得耐之外，食物一定唔夠火喉。過多約10分鐘，第一輪的串燒終於來到，果然不出所料，燒得唔夠香，雞翼和牛好似燒得唔夠熟，煞是失望哩！點4、5round 後，情況未見好轉，於是轉戰食炸蠔、炸豆腐、天婦羅等一品料理，炸蠔幾好，但粉漿過厚，另外燒三文魚頭、焗扇貝、炸軟殼蟹都幾好，起碼夠熱，味好也不錯。 雖然今次力棒的串燒大失所望，但我仍會繼續棒場。

今日係我地的特別日子一週年紀念.去左金鐘松屋食午市放題: 首先一人一杯柚子蜜, 我地先食左牛油果軟殼蟹手卷, 蟹羔手卷.打定底. 之後食魚生. 魚生有叫: 三文魚, 吞拿魚, 八爪魚, 立魚, 拖羅. 細細塊,可以食多幾件. 串燒就食左雞軟骨及雞腎串好多粒, 粒粒都一樣size, 羊肉都不錯,七味雞肉就一般啦. 有幾種味既. 亦有多春魚同, 燒秋刀魚, 都幾好味.炸生蠔, 燒羊扒, 南瓜天婦羅, 蝦天婦羅. 全部都好好味.有叫埋炒雜菜同雜菜沙律, 一般啦.甜品食左綠茶雪糕及紅豆雪糕. 紅豆雪糕有紅豆味多d.

好耐無黎幫襯，今次再黎都一樣好滿意，佢地知我之前都有幫襯過尖沙咀分店(現已結業)，便好客地送了我們一些特飲，試了一杯咸檸七後，忍唔住再叫多一杯，咸檸檬有舒喉作用，配合埋7up的味道，超正！之後有朋友想飲sake，諗住問下有冇得送，點知佢地鬼咁好人，真係送佐幾樽暖暖的給我們喝，食住sashimi飲暖sake，大快朵頤!食物都保持水準，炸生蠔好得，encore佐兩次，手卷、串燒尤其好味；今次早訂位，還可以選擇坐房，靜靜地傾偈，間中還有個多口友入黎搞下笑(佢地有個waiter叫亞友，好多野講又搞笑，簡直有埋免費娛樂….)這晚老友們都很滿意這裏的食物及地方，話下次可以再來呀!

我同男友在情人節去食dinner buffet的, 要成$268/位(加一另計), 但都FULL曬!Why 搵笨? Because 個menu 同宣傳雜誌內的唔同, 少了D貴野,for eg. 銀雪魚, 芒果炸蝦卷,網燒牛肉, 香芒蝦salad, 牛油焗生蠔, 全部都無!!! 最搵笨就是order 紙上有炸蠔, but order 了好久, 追問下才知"今日無" then that means menu 同一般($138)任點任食o個d日本餐廳一樣, then I don't know y I need to go there la but the prince here is a double!!! 另外, 蒜蓉焗扇貝, 是有ga, but not in the order sheet, 要問先有. at 8:30 want to order more.then the ansewer is "無LA wor"!!! But the buffet last still 10:30pm ga !!! 因為太多人加人手唔夠, 上菜either漏單or錯單, also 等極都

最近得知尖咀分店已結束營業，令我煞是失望，因為沒有海景看(雖然看得不是很清楚，但好過冇)，昨晚跟男友二人金鐘店，品嚐一番，順道探望一下尖咀員工(全部都調來金鐘店，包括熱情老闆)，一入去，發覺金鐘店大了很多，裝修有點似時下o既caf憿C 那位熱情老闆又一見到我們，很開心，但又立刻呻被人迫遷，很是好笑。 是晚也吃了差不多五十串串燒，今次男友試了燒羊扒，他說不錯，不o鞋不韌，但羊羶味欠奉，另外新加入的蒜蓉焗扇貝，很鮮味，惜蒜蓉味不夠香，刺身今次失色了，北寄貝有點霉，白拖羅又不夠肥腴；其他揚物如炸蠔、天婦羅…均能保持水準：串燒牛舌、雞翼、煙肉車厘茄、雞腎也不俗，不過雞軟骨就燒得太乾，很柴哩~~~我會繼續keep住來支持他們的！^.^

因為見佢地有半價(1:45pm 後入坐) 唯起上黎大約$50-$60一個set. 所以近排成日同班同事去食lunch. 另外佢同隔離日式西餐廳係同一集團. 所以可以crossover咁叫野食.日式定食推介有: 照燒雞扒(雞扒香口嫩滑. 個汁撈飯好食) 男友會胃口同埋天婦羅定食. 西式推介有香辣大蝦天使面. 跟餐個莧菜忌廉湯好濃但唔會過杰. 坐位方面. 西餐個邊夠光猛闊落. 但檯同卡坐的高度不太夾. 所以要"就住"黎食飯; 而松屋個邊. 環境殘dd. 唔夠燈光. 不過我反而覺得好feel D.

我一向也喜歡吃日本的食物，正因為這樣，我今年的生日我男朋友就帶我到這裡吃飯。今次是我第一次光顧，整體而言，食物的水準很一般，並不是抵食那種。刺身沒有鮮甜味，款式只得4、5款，反觀手卷不錯。另外串燒方面，燒的功夫不錯，但不明白這是否是日本人的口味，每一款串燒的調味也是一樣的！另外，天婦羅是不錯的選擇，尤其它的醮汁有別於其他的日本餐廳，整體配合得不錯。最後還試了綠茶雪糕及波蘿雪糕，前者可以試一下，後者即可免了，因為味道有點假。