松屋日本料理 (已結業)

2008年2月4日，松屋。今日有D趕時間，很快的到松屋買了一個飯盒：金菇牛肉飯：四條金菇牛肉卷，醬汁和白飯，無湯、配菜。白飯很熱，是最大的優點。牛肉卷有D韌，唔係好靚牛肉。真係24元的質素。不過如果堂又係同一牛肉卷，我就覺得唔係好抵…

2008年1月24日，松屋。上次來試了，今天跟另一半來試其他食物。豬扒蛋飯：麻麻地喞，豬扒有D乾燥。叉燒拉麵：麵可以，叉燒一般。此外，可能上次讚壞了，這次有一個應該在門口帶客人的男職員（可能是較高級的），竟然在差不多夠45分鐘的時候，無禮貌大大聲的對女侍應說：喂，夠鐘喇，好叫D客…。女侍應都被他搞到好尷尬，同我們說不好意思。喂！你睇唔睇到D客就係坐你前面！都係夠鐘咋，有禮貌D好喎！

2008年1月21日，松屋。12點45分離座，多個套餐減價20-30元，很超值的樣子，所以吸引了我們來。咖喱雞扒定食：中規中矩，以40多元的價錢來說，OK喇。燒鯖魚定食：份量唔少，配菜好食，感覺比咖喱抵食。值得一提的是這個減價的運作。第一，燒鯖魚需時，但沒多久便來了，有充分時間給客人進食。第二，12點半時，店員來很清楚的問客人是否選以特價付款，如果是的話，請客人先付款，這樣一來就不經意的提醒了客人等一下夠時間便要離開了。所有人也都很識趣的依時離去。這樣的模式令客人感覺舒服很多。麗嘉酒店那間榮川如果有幸再開業的話，真的要學習學習。

第一次來仲諗住話曬金鐘區地方應該好好,點知入到去坐低張凳好污糟吓仲要好近整串燒個D油煙味勁到呀,話有冇得坐第二張有個四眼肥仔唔知經理定老細一口答(冇),但我D同事話算話都坐低左算啦!三文魚等剌身都幾好串燒普普通通,走單都幾嚴重所以叫就要叫定多小小,吹多兩次單個四眼肥仔就定過來眼超超,真係唔明要比錢食野,食到一肚氣!

要跟一位洋朋友吃飯，一早鎖定吃日本料理，幾經商討，最後來了這裡。大抵可能認為洋人對味道的要求較寬鬆，這裡又是任食任吃的關係。星期五的晚上，分兩段時間，只有「尾圍」，即八時四十五分開始。檯面一個圓竹筒，插上三色的餐單，吃什麼隨便剔，不知何解，忽然有點覺得似去了另一間「放題」名店~大久保一般。先挑一埋刺身，三文油甘池魚等等。行過壽司檯，見其刺身是一早切定的，不太合口味。另挑了一支炸軟殼蟹手卷，紫菜脆口，炸軟殼蟹熱辣辣，加上一點沙拉醬，也可以；之後掃來一埋串燒﹝終於有得吃，哈哈﹞，計有羊架、雞軟骨、牛舌、雞腎、雞翼、豬腸、銀杏、大蔥、蒜頭、蕃薯等等等等。這裡的串燒是即叫即燒，似乎是只有鹽燒而沒有汁燒，合個人口味。羊架美味，肉質鬆軟，調味又不錯，吃罷立即追加一客；雞軟骨也不錯，是難失手的一味，有另一款雞胸軟骨的，吃落較硬，有咬口又有「趙頭」，需要有一定牙力才能應付；牛舌切丁方，吃落有咬口又不韌，簡單的用鹽及胡椒調味，也很好；豬腸雖是雪藏貨，燒起上來賣相一般，但吃起來，又不算差，洋朋友也輕易的吃完。非肉類的串燒選擇，用料尤關，這裡是「放題店」，水準自然差一點。蒜頭仍然香，但燒得不夠腍身；燒長蔥與

夜晚8:30pm入場，野食好快上彈左先：對任食刺身要求唔會高啦，但有一塊成個正方體3cm*3cm*3cm既吞那魚刺身你食過未？未食過就去依間試下啦。=p熱柑吉檸檬酸到，你不如直接俾個檸檬我「選」算啦...但凍既都ＯＫ..唔知果個係經理定係老闆，佢\竟先同我講8:30後半價但埋單兩個人都要$306，唔係啊化老細...不過都算大件夾抵食要讚既：天婦羅炸蠔串燒(款式多到連燒大腸都有，勁！)手卷魷魚刺身甜品得三種雪糕，今次服務可以！講真咁既價錢都算ok~不過唔知係咪就離放工，Ｄwaitress傾計我九丈遠都聽得清清楚楚，但隔離台傾計就一句都聽唔到..，仲有佢\商場個洗手間都好乾淨(我食完即刻放返低Ｄ野)總括離講，你要求唔係特別高既，依間就真係抵食，如果住港島，不妨一試！

上星期六去食lunch (12:30-2:30) 自助餐..$99 + 10% service嘩..d野食好普通但d態度就極度惡劣, 試想一下, 你去食自助餐就梗係勁叫架啦,但係呢間野佢可以你有你落單, 佢自己幫你cut單, 呢d咁架地方我都係第一次去, 我同朋友4個人去食, 先後落左2次單, 佢d野食就黎極都唔齊, 再追又話跟一跟, 但係冇覆番話燒緊定就到架, 隔多陣再追一追, 佢先講, "係啊, 張單冇左啊, 你地再落過啦"...頂...係就你早講丫, 你唔好等到人地走先講丫之後我地再落多次單, 個到d人都明顯唔想接單同做生意, 佢可以黎d平架蔬菜天婦羅,就唔黎d貴架野囉, "賣哂", 就係佢架答覆, 仲要係好踇氣咁答你囉, 我覺得如果你唔想d食自助架客係咁食, 怕回唔到本, 你就唔好做自助餐啦...之後番到去, 仲要衰到我同我女朋友都肚痛...下次真貼錢都唔黎呢到食啊

阿妹想吃日本野，原本想去Hal’s，後來俾個管理處阿姐點左來呢到度。見門口個經理幾服務態度很好，就係咁來了這裡吃晚飯。入座後，D位好迫同好污髒。選了日式自助餐，魚生唔新鮮同好乾身，天婦羅蝦的炸粉唔係炸開的那種，壽司d飯太實，唯有專攻串燒歸本，原來成餐最好食係甜品的芝麻，紅豆或綠茶雪糕。咁既價錢，係金鐘食好D一D都唔難。

上星期六同幾位友人黎試下~ 同事推介, 但仍好擔心, 因劣評唔少~佢地晚上8:30就比我地入去坐, 款式唔多,可能我唔食得生野, 所以選擇更少.友人叫了魚生, 唔係太新鮮兼細得好緊要,不過一分一分貨, 兼且供應不絕同埋效率高, 都無咩所謂..叫了軟殼蟹手卷,都唔差,塊紫菜好好..串燒亦唔錯, 雖則質素參差, 有時燒得好黑~烏冬都ok~飲品選擇一般, 綠茶同柑桔都過甜, 穩陣些都係汽水好~環境真係過度油煙, 攪到周身煙味~唯獨是服務好好, 好有禮貌~

今年4月18號,我18歲既大喜日子去完灣仔攞身分證之後就黎松屋試下la,間舖頭又難搵仲要裝修緊tim,心情已經大打折扣喇...好始點野食,發覺真係好少野食囉= =又唔新鮮,唔洗一粒鐘就食完,走果陣,我同阿媽都話:''下次唔黎呢間喇!!''可以講''咁既價錢,真係寧願去食銅鑼灣一生或者郎田都值d囉,唔該=,=

..you so....ready my post before going. I plead with you only to save your little bun(s) from going raw rubbing with toilet tissues.

好差真係好差之前成日經過門口聞到好香bbq味勁期待結果勁失望壽司類我懷疑舊飯係普通中國米而五係日本米一d黏性都無亦無醋味同食碟頭飯無分別魚生類照爆五新鮮三文魚有骨切到奇形怪狀Order 左北寄貝黎左一舊全白色五知咩味既魚生手捲類Order 左軟殼蟹手捲隻軟殼蟹d蟹肉超唯一塊紫菜林得黎幾好味燒物類燒栗米好硬燒茄子一般無燒牛肉燒雞軟骨五香無味天婦羅天婦羅蝦五甜炸皮太厚價錢一早係飲食男女睇左松屋晚市價錢先去既點知比錢既時候Cashier 臨時話加左價雖然五係話加左好多但未免太五老實HKD357 兩位食埋d咁既野五值環境係門口望入去超大油煙入左去就更加五洗講啦成身煙味出番黎枱櫈五多乾淨有幾張四人摺枱油煙+摺枱 好似食大排檔總結去個到食飯係一個錯誤既決定

5個人各自叫了三款食物, 包括魚生飯, 蒿麥麵, 烏冬, 刺身, 燒牛肉, 天婦羅, 雞軟骨餃子, 銀雪魚.食物味道可以, 但環境較迫及有點熱.因為有會員咭有9折. 否則每人平均要$107.80.

去到同d朋友狂叫~3文魚刺身都ok.吞拿魚入面食到有雪~好差! 但立魚都ok~ 另外玉子受c都ok~ d蝦同南瓜天婦羅都炸得幾好.但係d蠔炸到老哂.又乾!唔能夠接受!d串燒算ok~全部野都係熱0既!不過146.2 我覺得唔抵食!

前日有同事約去中環松屋食晏,我以為呢間價錢會好貴,試過之後原來唔算貴,我食左一個3款餐都係100唔駛,野食賣相整齊,魚生好新鮮......我見呢間算唔錯又知道佢地有夜晚buffet,於是昨晚再去試,真係有好多款野食選擇,有羊扒,牛利等等(串燒好好味,好新鮮,但係因為係即叫即燒所以大約要等10分鐘),因為我係8:45後入座,有50%折扣,真係抵到飛起,埋單大約百五蚊一個,推薦呢間係食buffet的好地方.