東歐餐廳

因為有折所以lunch同同事去左呢度食野，睇食評以為好食點知都係伏黎。叫左好幾樣野食，可以睇圖，我地單嗌冇嗌set-羅宋湯 正常但唔係等特別好食-海鮮crepe，勁細份78-兔肉意粉，好似2百幾，兔肉得一舊，話係法國黎，鞋到飛起-芝士水餃，78蚊4舊，食完唔知食左咩-豬肪骨，有個酒做調味，係勁勁勁難食，一d都唔夾！🤢食左一啖就嘔返出黎佢餐飯最好食係個蒜蓉包...等左成個半鐘d野都未上哂。成間野得2-3個人，佢話因爲我地單嗌所以唔係事先做準備...咁都得。唔明點降咁多好評，可能我唔識欣賞啦，但其餘3位同事都係覺得又貴又唔好食。一定唔會再去！

又同朋友去開餐，今晚去咗呢間專食東歐菜嘅餐廳。地點稍為偏僻，上完德己立街條斜路右轉雲咸街一直向前行一陣先到。呢間餐廳或者因前排俄國世界盃所以hit過吓，而家先食只能話有心唔怕遲....餐廳偏細，今晚係星期五所以幾多人，我哋由8:00食到差唔多11:00，期間都冇點少過人keep住坐滿八九成。不過唔會覺得太焗促，環境尚可啦。講返嘢食，我哋分別叫咗芝士焗牛脷盅、烤肋骨、焗鹿肉、Honey Cake、煎Pancake配雜莓果醬及雲呢拿雪糕。我唔太好飲酒所以叫咗個有汽蘋果汁，朋友叫咗杯啤酒。飲品就唔多評論，唔會有咩驚喜，唔會難飲啦。朋友話杯啤酒都幾好。至於食物就真心唔錯，水準幾高！芝士焗牛脷盅 - 睇咗好多朋友都大力推介，一試果然堅正！牛脷好稔又好味，芝士味唔會太濃郁但好香，個酥皮稍偏硬但真係脆，蘸芝士汁極度好味，而且雖然餐廳將呢味放喺頭盤餐牌，但份量真係唔細，真正抵食又好食！真心推介烤肋骨 - 又係招牌菜，上菜時waiter會即席點火，視覺效果幾正。份量只有五件唔算多，但又係好軟熟，味道亦好夠，亦係好唔錯嘅。焗鹿肉 - 其他人同紅酒焗牛尾冇咩分別，只不過主角換成鹿肉，果然冇咩肥肉，但食落唔乾

臨近生日總係有好多飯局，諗食咩都諗到頭都大埋。由於生日大曬，迫左個同事山長水遠去上環半山搵食，結果食唔到。😌行到身水身汗，就隨便入一間俄國菜餐廳。餐廳入面氣氛裝修都種神秘感覺。正想落單，外籍侍應突然間講中文。唔抱有期望，當食物放入口竟然超級有驚喜，原來俄國菜係咁好味嫁😇😇😇豬肉餃子感覺好中式，好重香料味，味道好特別。酥皮燉牛仔肉酥皮唔係平時食到果種，比較硬身，但配合湯汁，係意想不到咁好味。牛肉同薯仔都好軟身，好入味。比起牛，羊肉更加令我驚艷，石鍋上菜氣勢十足。同樣地，羊肉更嫩更軟。

1️⃣)俄國雜錦沙律🥗 💲7️⃣2️⃣賣相幾好啊~~ 食落幾清新 我都幾中意❤️-2️⃣)傳統豬肉餃子🥟 💲8️⃣8️⃣賣相係普通左啲 但的確好味 餃子下面有淡忌廉😳😳😳 同餃子又出奇地配合喎👍🏻👍🏻👍🏻👍🏻-3️⃣) 馳名基輔炸雞扒🐔🥩 💲1️⃣8️⃣8️⃣佢一嚟 完全睇唔出係雞扒😂😂😂 一切開 入面啲汁係瘋狂湧出(或者噴出😂) 令我超級驚訝😱😱😱 所以即刻問下健談既老闆 呢個菜既做法係點🙈🙈•原來係將雞肉包住一條牛油😳😳😳之後拎去炸 再去拎去焗🙈🙈🙈 中間嘅牛油就會融化左 所以一切就湧出👍🏻•呢個好味喎 雞肉亦算嫩滑 加上即炸新鮮薯片 非常滿足😚😌-4️⃣)芝士焗非鯽魚🐟 💲1️⃣4️⃣8️⃣首先焗薯好味 表面鋪滿芝士🧀🧀 最驚喜係 連薯仔皮都好香脆😳😳😳😳😳 第一次遇到 正🤤🤤🤤•條魚非常大條🙈🙈🙈 而且魚身上即𠝹痕中滲滿淡忌廉🤤🤤 魚肉又香又嫩 值得一戰！

上星期同個烏克蘭朋友食飯，佢話home sick要去食家鄉菜，佢就帶左我黎呢間餐廳。好像話係香港開左十幾年，上年搬左黎呢度。裝修幾得意，一入到去好似去左外國。因為係平日夜晚所以人唔係好多，服務都幾好，我望住個餐牌都唔識叫，咁岩個侍識廣東話，介紹左幾款招牌菜比我，仲請我地飲vodka。點菜梗係等朋友拍板食佢想食既。三文魚子醬呢個菜係用塊薄餅加自己鍾意既配料食，好似咸薄餅咁幾特別！宮廷鹿肉睇d煙就知好熱，肉味幾重，好入味，點知食左幾舊先知原來係鹿肉係香港真係少見。掛住傾計怕人地話港女影左好少相咋。烏克蘭菜比我感覺多醃製食物，唔似平時食開嘅西餐，但係都岩香港人口味。我朋友話佢地好正宗，有時都會同同鄉黎。個人最鍾意羅宋湯，唔似一般用好多茄醬整，佢係用紅菜頭健康d又好味。下次我想返去試其他菜影返多d相！

food is not good. very very far from real ukranian or russian food. and service is terrible. they keep gathering the plates despite you still eating what i think is very impolite. no people in the place and we just want to eat slowly and quietly,but they keep taking your plates even if food is still on them. never will visit this place again! totally disappointed in my favourite cousine.

之前太忙而家補番食評。餐廳雖然位於SOHO區, 但佢處於高少少, 如果平日少泥的人都唔會話嚇親。一入到門口:Sorry唔知點解打橫左LOL 個日咁岩有個伙記冇番, 野食泥得比較慢, 但因為朋友未泥齊, 都還可以接受。我地叫左:1. 烏克蘭羅宋湯: 味道一般2. 招牌芝士焗牛脷盅: 質感軟, 夠入味3. 俄國宮廷煙鹿肉: 一開始唔敢食, 但肯放入口就會覺得比牛肉更香, 亦都易咬4. 焗蘋果鴨胸: 一樣入味最後埋單個陣, 老闆請左我地試左少少VOLKA禁多隻任揀, 入落去比其他VOLKA易入口, 但我地唔係好識飲, 試完就算。

我哋特登揀咗聖誕節之後嘅日子去，諗住冇咁多人好坐啲，一想到去就係一個身穿紅白格仔裙嘅外國女人招呼我哋，佢口音唔似我哋平時聽到嘅英文唔識形容，不過招呼好好。成間餐廳個報警都幾靚不過唯一就係因為我哋好早去到間餐廳好似開六點 去到嗰時勁熱。食嘢方面其實我哋都係睇其他食評佢揀返類似嘅。正宗烏克蘭羅宋湯：成個湯好紅色，唔知係唔係啲蔬菜嘅顏色，好好飲好香，我連啲菜都食晒。烏克蘭芝士餃子：個感覺有啲似尼泊爾餃子。我記得餐廳仲有鹿肉食。不過冇食開呢啲野唔係好夠膽試。由於OpenRice做優惠，所以買單兩個人加埋只係＄500多啲咋！又平又高水準下次會再來。

第一次試依間東歐餐廳，環境舒適，有恍如置身歐洲既感覺，原本是想試佢地既salad bar,但原來已經再無salad bar提供，十分可惜。set lunch menu 選擇唔算多， 因為睇openrice食評話牛脷唔錯，我就揀左個芝士牛脷（配飯）試一試。餐前可以選擇salad 或湯，我揀既羅宋湯唔錯，主菜芝士牛脷十分嫩，味道同口感都好有驚喜，就算我本身唔多食牛脷都覺得值得一試！餐飲既咖啡好飲，但餐後點品就有待改善。

週念記念，他帶我去食東歐菜興祝！東歐未去過，正宗東歐菜未食過。去之前已經勁期待！Book 左8:30，但提早七點半上到去！我地係今晚既第一枱客！Waiter帶左我地入左間房，有三張枱。佈置全部以紅色爲主，音樂都係播東歐歌！真係好似置身於東歐禁Waiter 好熱心禁介紹d菜式每人叫左一個湯：正宗烏克蘭羅宋湯 - 原來東歐既羅宋湯係以紅菜頭為主，酸酸甜甜！非常開胃！烏克蘭三文魚湯 - 好多三文魚，重好大舊前菜叫左個紅菜頭魚柳沙律 - 又係紅菜頭, 出面好少餐廳有得紅菜頭既餸,見到梗係必食啦!紅菜頭既甜, 魚柳既鮮, 沙律醬既酸, 好開胃既菜地道香燒豬肋骨 -waiter 上菜後會點火，令豬肋骨更加香噴噴，重特意提點我地要連汁吃!肉煮到軟淋淋，d汁好濃既酒味，酒配肉真係無得彈䄂珍豬肉餃子 - 配酸忌廉, 可能我習慣呷醋, 酸忌廉立刻感覺勁西化. 皮薄餡靚, 豬肉新鮮.香燒白香魚 - 佢放左d醃料係魚肚都一齊燒, 好香, 再放d檸檬汁. 堅好味, d魚肉唔會好"un"飲品: 叫左杯Home make red wine fruit juice, 紅酒配佳餚, 

呢間係第三次去，香港少有嘅東歐菜或者叫烏克蘭菜，場在有一半都你外國食客在香港的俄國人應該也經常幫襯，老闆好熱情好建談，老闆兒子是香港長大中烏混血兒也在餐廳幫手佢個仔仲免費請我地試佢自己釀製嘅伏特加真係好香好醇回味有合桃香氣，我們點左必叫嘅魚子醬，當時你想食豪啲可以點黑魚子醬佢地都有，另外點左烏克蘭雜菜沙拉我女友好喜歡呢個話好話，另外點左燉兔肉，同烤羊架，其間老闆好熱心幫我地影左好多靚靚合照，你問我我比較欣賞呢間餐廳嘅熱情所以由假鋪到新鋪前後黎左三次

我通常寫open rice, 有兩個極端，一係好好食，一係超級難食。今次係屬於前者，事緣係老婆屋企人生日黎慶祝食飯。所以去左依度。一坐埋位已經覺得好有氣氛，重重的木椅，好多俄烏的裝飾品。初初都覺得奇怪就係，俄鳥餐廳怎會有香港人？原來佢哋係家庭經營，父香港人，媽俄國人，仔係mix, 家庭組合負責樓面。當然主角當然係野食，五個人點了，兩個沙律，一個小食，二個main, 二個甜品。個個都有特色和好食，正如老闆所講,餐牌的菜都選過係啱香港人口味，抱歉未能提供main 的相，因為我只負責食，影相責任係老婆果邊，大家想睇main 的相問我老婆就可以。兩個main 係燒豬肋骨，煲牛腩。main 既份量都係偏少，可能我哋沒預到main 原來都唔大份。其餘d 菜唔多介紹，自己睇相，應該前面的文都有講。食完甜品後，再意外係老闆令左7，8支 vodka 擺係我哋前面話，可以每人選兩杯黎飲，我覺得老闆幾好客，但坦白講飲唔慣vodka 的我就唔太識欣賞。最後的評語係可以再 encore

我今晚４個人,叫左4個湯:2個羅宋湯, 2個三文魚湯2個頭盤:沙律+芝士牛脷3個主菜:牛仔肉+豬肋骨+羊肩2個甜品:炸芝上球+草莓薄餅4杯野飲:2支立陶菀啤酒+cocktail+cranberry juice推介:三文魚湯, 羊肩, 芝士牛脷,牛仔肉,同個老闆ivanＤ肉好嫰,又唔係好重味,冇味精(當然Ｄ好鍾意重味既就唔會認同我)食完之後,老闆又請我地飲酒,幫我地影相.我第－次飲烏克蘭既volka,—隻叫Honey Pepper,真係好特別,先甜,中辣,後甘好開心好特別既－餐飯

今日同老公慶祝生日，因為老公想去特別既餐廳，又咁岩見到openrice有訂座優惠，就二話不說咁book左喇不過要留意，原來訂座優惠要限6-8點呢段時間埋單，我係優惠券確實無睇到呢個信息，以為係呢段期間訂座就ok，而出優惠券時哥哥仔又無講，等我淡淡定咁食埋件蛋糕,8:30pm先埋單！差d就做成誤會喇！好在呢間餐廳係家庭式，老闆娘應該係烏克蘭人（好似係），老闆係香港人（應該係），幫我落單個位哥哥仔應該係仔仔（幾靚仔的）！後尾埋單時老闆比較惡，可能係優惠券到有爭議掛！但全程哥哥仔服務我地，態度都好好，好有禮貌最後都有做返優惠比我地(主餐6折，都差成200蚊架)好，入正題喇！餐廳環境非常好，好靚，好特別，又浪漫！情侶黎就一流啦！不過行上去就比較遠，而且要經過蘭桂芳，人流雜d，女仔去就要小心d喇！價錢方面都合理的，尤其係中環黎講，而有埋openrice main course 正價6折，就更加抵啦！記得係8:00pm前埋單！因為一到8:00pm就開始多人喇！我地叫左兩個前菜，上面係魚子醬三文魚沙律！e魚子醬好正呀！我好鐘意食！麵包又卜卜脆，好新鮮！而下面係醃鯡魚伴洋蔥呢個前菜真係好特別呀，同之前

Ivan the Kozac transports away from Hong Kong and to a different era. It was nice to be there during a cold day as the atmosphere was warm and homey. The furnishings were a bit old for such a new restaurant.The food was authentic. I would imagine these recipes being passed on for generations. The appetizers were great, the mains (duck and ribs) had good flavors but unfortunately the meat was way too chewy on the duck. A knife couldn't slice it and required a bit of jaw work. The desserts weren't