東歐餐廳

環境氣氛很有特色的餐館要有用英語下單的心理準備整體菜式有驚喜不過味道略咸薯餅口感特別 肚餓人士必備牛舌味道非常濃郁 而且很淋 喜歡這個口感的人可試試 略嫌沒什麼芝士味最喜歡炸雞扒 一切開雞扒中的牛油（應該係）流出 雞扒和薯片炸得很脆 要小心隔開薯片和菜式的汁 避免變淋提前在Openrice預約 不過店員未有主動提起Openrice送伏特加酒的優惠 也不好意思主動追問 這次無緣嘗試了 但朋友後來說店內的伏特加超好喝 大家有機會可一試

朋友推介， 見open rice 咁唔有2位訂座， 馬上訂， 還見有volka 送。（去到才知只限平日， 星期六日沒有vodka 送。）點了1)香煎薯餅薯肉餅有d實， 不夠鬆軟， 感覺著通（沒有朋友說的好食）2）俄國宮廷焙鹿肉初嚐味道像紅酒燴牛仔肉， 但鹿肉不蘇， 肉林而扎實， 肉味濃， 汁好味, 送飯一流。 好食， 但價錢略貴3）基輔炸雞扒外型像雞蛋， 切開有黃色香草牛油流出。雞肉實了些， 不夠滑， 如可以軟滑d, 就完美。伴碟炸薯片特別， 不像一般炸片， 比較有口感， 讚4）烏克蘭蜂味蛋糕好喜歡此蛋糕質感， 粗粒有蜂蜜味， 甜度適中。 讚員工年青， 服務欣勤， 讚

今次我地發現一家小店，濃濃既烏克蘭風格，裝修精緻一入去就feel好似去左另一個國度！田園風光既木屋，感覺別有洞天嗌左燉鹿肉，蘋果鴨胸，蜂蜜蛋糕（甜品）我地兩個人食得好飽...因為點左兩個main course...鹿肉最好味，土豆燉牛肉既feel蘋果鸭胸有D接受唔到，果醬入面加左花椒既味道。蜂蜜蛋糕味道香醇，但係...甜得濟。人均300HKD，好飽啊，下次黎既朋友記得千祈唔好叫兩個main course

呢間烏克蘭菜經宣傳後，真係好多好多人黎食，朝聖咁呀！當然我都唔例外啦！上次自己食左一次，覺得真心好食！今次再同朋友黎食！多多推介比大家！因為佢口味都就番香港人，所以都唔怕太重口味呀！招牌芝士焗牛脷盎$98個盎唔大，但食落真係好飽！ 佢好多芝士溶晒落啲湯度！係湯呀！係可以飲埋落肚嫁！ 仲有上面有層好厚既酥皮，職員仲會好細心幫你剪開嫁！加埋啲燉到好林好林，就黎入口就化既牛脷！超正呀！又有牛味！馳名基輔炸雞扒$188呢個真心必食！從來未見過雞扒係圓碌碌嫁！上到黎真心驚訝！切落去仲驚訝！個雞扒好似包實左成個宇宙咁！原來係中空嫁入面！係包實晒啲雞汁！一切落去，流到成半個碟都係雞汁！正到暈！仲要外脆內嫩！係必必必食之選！

餐廳環境方面：疫情之下，我覺得餐廳做得非常好既一點係佢地竟然響每一台客人離開之後，成張台布換走~  清潔度滿分呀~餐廳雖然地方不算好大, 但每台之間都有足夠的間隔。坐得舒服既。食物方面：好有特色呀，係少有香港會食到的味道，尤其鍾意佢地個傳統羅宋湯，同港式西餐飲到的味道完全不一樣，推薦大家要試下。另外點了芝士餃子，呢道菜我覺得係比較平凡，並非因為餐廳煮得唔好，而係餃子本身周圍都可以食到，變相就唔係話好特別啦~酥皮牛肉盅(唔記得個名)，酥皮同我認知的有少許不同，係似薄餅的感覺。食物上檯之後，職員好細心，問我地有無需影相, 我地影完，佢先幫我地剪開個酥皮，用黎配個牛肉，酥皮味道好有特色，個牛肉係好有家庭式風格的，味道比較濃烈。基庫雞扒，我覺得個賣相靓，味道特別，切開入面有大量的牛油湧出黎，效果好好玩~ 而配菜係薯片，好有趣。服務方面：我覺得職員都好用心去解說餐廳既食物, 而且都有留意到食客需要，例如好快會幫你加水，送餐之後會解釋返點樣食係最好，叫佢地幫手影相，佢地都好樂意，而當時餐廳係full house 的。

又到左小金探索’杜生OpenRice’嘅時候，今次呢間’東歐餐廳’係全港唯一嘅烏克蘭菜，仲超有良心💛💛💛正宗烏克蘭羅宋湯$68🥫同港式嘅有極大差別‼️呢個好多蔬菜，紅菜頭味都幾重，反而無乜蕃茄味三文魚肉冷盤$98🍣肉質絕對比你食開嘅煙三文魚厚😏因為又長又厚，所以就咁食會鹹過頭，反而唧幾滴檸汁配埋塊薄多士食就perfect池啦😋招牌芝士牛脷盅$98🥩果然係招牌菜😲係我係香港食過最稔嘅牛脷，牛味超重😍再帶少少芝士嘅香滑質感👌🏻👌🏻👌🏻馳名基輔炸雞扒$188🍗切開無預期中嘅爆汁效果所以有點小失望👉🏻👈🏻不過係見到超級juicy嘅💦雞胸肉嫩滑到難以置信🤭雞味濃郁之餘仲充滿牛油香。外層嘅麵包糠切落去係脆嘅，但就真係好厚好飽肚。旁邊嘅薯片聽講係自家製嘅，食落唔算好油而且超有薯味，但就唔算好薄脆食完先發現今餐好多澱粉質，除左湯之外嘅每道菜都有包🤣🤣🤣*而家用openrice訂枱仲有杯vodka送，仲唔快啲來happy Friday?!🥃

一早已經有留意開依間餐廳見係母親節 一早已經上網book定位準時六點到達餐廳 大概只有兩枱客到咗咁呢我哋就一行三人去嘅 侍應睇完Booking之後就帶咗我哋去大堂中間嘅一張二人枱我同阿爸阿媽都呆咗 我哋三個人企咗喺度等侍應set第三個位見係大時大節 我哋都冇跳船 照坐低咗跟住就係極唔滿意嘅一餐嘅開始其實餐廳菜式嘅選擇唔多 所以樣樣都係招牌菜飲慣港式羅宋湯 依個傳統羅宋湯 確實唔夠味鹿肉 - 一放落枱成個韓式鍋咁滾緊 味道OK嘅鹿肉唔係特別‘so’另一個招牌酥皮焗牛脷 - 牛脷炆得林得滯 個酥皮又硬到成塊餅咁 浸落啲汁道都浸唔淋仲嗌咗個薯仔餃子 不過食到呢個時候張枱已經冇位擺 所以都冇心機影相 如果餃子亦都唔啱口味小妹有幸幾年前去過波的三國 當地好興一種飲品叫kvass 係當地超市賣得平過可樂嘅見依道都有得嗌 咁就叫左兩枝回味下 依個size索價$65枝 味道有啲似酸梅湯 定價有點兒過高其實成餐飯味道都係其次 食傳統菜當然係唔同香港嘅口味 重點係侍應嘅服務同場地安排好有問題正如文章開頭所講我哋三個人入去食飯 竟然係安排一張二人枱 仲要係未set好枱嘅 我哋一路食飯 留意到後面有另一枱客都

呢間係香港唯一一間烏克蘭小黃店呀！老闆娘都係烏克蘭人，做既野食保證正宗呀！book左成個月先有位！！好開心終於食到💛呢度環境好靚！有啲烏克蘭既風景睇！仲有好多特別既民族風佈置！加埋民族音樂背景，真係置身烏克蘭一樣！考有feel呀！正宗烏克蘭羅宋湯$68呢個羅宋湯同平時飲既好唔同！佢有少少偏酸，但又其實唔酸🤣只係感覺冇落好多糖，係自然既蕃茄酸黎！仲有啲肉都好好食！油脂味好重！食落又唔韌佢白色好似心心咁係sour cream黎，撈埋一齊真係超有風味呀！三文魚子醬薄餅$148呢個都係好好食！必點！ 佢既pancake底好香蛋味！好薄但又唔會易爛！咬落仲好煙韌添！加埋三文魚子醬、sour cream、蔥、蛋碎， 夾埋一齊食，食到好鮮既味，又有蔥既爽脆口感，加埋啲蛋碎味，超正！

🇺🇦走進東歐美食🇺🇦推介指數 ❤️❤️❤️❤️❤️第一次食烏克蘭菜，完全零概念，仲有啲緊張... 擔心個胃夠唔夠大食唔哂想食嘅嘢嘛，哈！店舖2001年開業至今，所有廚師由烏克蘭聘請，務求確保原汁原味！位於中環雲咸街頂，可以砵典乍街直上轉入雲咸街，想舒適啲可以經半山自動扶梯行荷里活道都容易到達。疫情下限聚令需要分枱而坐，但無失去分享食物嘅雅興，比較忙要傳碟啦！7個人叫咗11款嘢食，有沙律、頭盤、湯、主菜同甜品。店員體貼會主動建議份量，某啲菜式份量較細。🥗 酸三文魚沙律 HKD88：食材新鮮，酸三文魚酸度適中，沙律菜爽脆同蕃茄清甜，醬汁甜酸度剛好，好開胃！🍴招牌芝士焗牛脷盅 HKD98：牛脷獲得全晚No.1 大獎，用上酥皮做蓋，點埋芝士汁食好邪惡！牛脷食落嫩滑軟腍，牛肉濃厚，再加埋拉絲，食完又再食。盅入面仲有磨菇，材料十足！🍴傳統豬肉餃子 HKD88：一碟有三粒，豬肉味濃郁。🍴烏克蘭香煎薯餅 HKD88：煎得香脆，食落有薯仔條增加質能，再配上乳酪醬又好夾，大推！🍴烏茲別克雞肉餃子HKD88：一碟有四粒，整體味道偏淡。🥣正宗烏克蘭羅宋湯 HKD68：烏克蘭式用紅菜頭製成，顏色紫紫紅紅、有別於港式羅宋湯

After several attempts to book a place, finally manage to actual make reservation.Walking in to that place makes me think Im not in Hong Kong. I like the decoration a lot! Feels like Im in Europe.Service was ok due to busy night which I get it. Food still awesome.Staff who recommended us the vodka bottle was very nice and helpful. Ordered a bunch a food and a bottle of vodka!Pelmeni and the lamb dish are a must!Would come here again for sure!

終於嚟到東歐餐廳食飯，但食物質素好似同expect嘅差好遠...價錢都偏貴😕————————❦ 馳名基輔炸雞扒 $188呢個炸雞扒同平時食開個d唔同，佢係一個吉列嘅波咁🤣 一切開入面d牛油就湧出嚟，但我覺得個餡係流心芝士嘅話應該夾d。肉質食落唔似雞肉，如果有d酸嘅醬點下就好，因為食得多都幾膩。評分：🌕🌕🌕🌗🌑-❦ 正宗烏克蘭羅宋湯 $68呢個羅宋湯應該係用紅菜頭整，好紅！飲落好足料好多菜，好鮮甜。評分：🌕🌕🌕🌕🌘-❦ 招牌芝士焗牛脷盅 $98牛脷真係好淋，唔洗點用力就可以咬開，但我平時好鍾意食牛脷嘅都覺得有陣騷味😕同埋我覺得牛脷同芝士唔係好夾。。評分：🌕🌕🌕🌑🌑-❦ 烏茲別克傳統牛羊抓飯 $198呢個飯好乾好乾，連d肉都係肉乾咁，好似擺左好耐咁。。味道就正常。評分：🌕🌕🌑🌑🌑-星期日夜晚去坐得好迫，staff又好忙，送餐個陣仲整跌左d配菜....價錢又偏貴，不過服務態度幾好。

呢一間位於中環嘅東歐餐廳非常出名, 如果想食就要提早幾個月預約大食妹一家趁住媽媽生日呢個機會, 過去試一試<烏克蘭香煎薯餅>首先上枱嘅係呢份烏克蘭香煎薯餅大家可能覺得香煎薯餅有咩特別, 但呢份烏克蘭香煎薯餅絕對令你一試難忘, 香煎薯餅有少少洋蔥嘅甜味, 外面煎得超級脆<正宗烏克蘭羅宋湯>正宗烏克蘭羅宋湯同港式嘅羅宋湯完全係兩件事, 唔單止質感比較水, 味道都冇咁酸, 而且係唔辣嘅, 鍾意港式風味嘅朋友可能有啲失望但大家都不妨一試呢個味道天然嘅正宗烏克蘭羅宋湯<南瓜忌廉湯>另外我哋仲嗌左南瓜忌廉湯相信鍾意南瓜嘅朋友一定會鍾意, 南瓜忌廉湯嘅南瓜味道非常重, 仲飲到沙沙嘅口感, 相對羅宋湯, 質感更濃稠更creamy<傳統蘑菇薯仔餃子>餃子應該係手工制嘅,外皮有啲厚同凹凸不平, 口感煙韌, 裏面包着蘑菇同薯仔碎, 係一份唔錯嘅素食小食<傳統豬肉餃子>傳統豬肉餃子同薯仔餃子都好相似, 只不過餡料變咗豬肉碎, 味道同樣鹹鹹地, 但大食妹就比較偏好蘑菇薯仔味啦<招牌芝士焗牛脷盅>呢份招牌芝士焗牛脷盅都

5年未離婚紀念日.我地都未試過東歐菜,朋友都話好食, 網上又見多人都話好食, 所以去試下, 之前好似仲有靚靚烏克蘭美人,一早BOOK 左8點食, 但後來早左餓, 打去改時間, 妹妹話OK, 就係PP 過去,去到果時食客魚貫入內, 全場滿座,現場氣氛好好, 充滿貫國風情,音樂好輕快, 感覺好似係啤酒節果時咁,因為之前做定功課, 一早決定左要食咩, 好快就落左ORDER, 今次我地食左~~~烏克蘭香煎薯餅-男人叫既, 香脆可口, 但我會覺得佢會佔用胃既空間, 唔敢一次過食曬烏茲別克牛肉湯-男人飲曬, 一啖都試唔到(嬲)貝魯魚子醬-配以青蔥, 蛋絲,酸忌廉同PANCKE, 正確食法係用PACKCAKE ROLL 起魚子同其他配料一齊食, 但我生啪左魚子, 哩個價錢的話, 的確唔係驚喜既味道,鯡魚伴洋蔥-平時我唔食洋蔥既, 但我都忍唔住試下件鯡魚既洋蔥, 鯡魚?我一早食曬XDDD宮廷焙鹿肉-軟焾香濃, 蘑菇薯仔等配料, 香濃汁醬味道係寒冬係會好想要佢.酥皮燴牛仔肉-配料相約, 哩個汁既味道應該比較適合港人~PANCAKE X  MIX  BERRY X 雪糕, 又係比男人食曬, 我偷食左啖雪糕

話說想食呢間東歐餐廳好耐，但係之前一路二人限聚有禁晚市， 都冇咩心機約朋友食，今日終於的起心肝，約埋啲朋友去試吓呢間人氣東歐餐廳<正宗烏克蘭羅宋湯$68>食東歐嘢冇理由唔飲佢嘅羅宋湯同港式羅信湯嘅味道，唔係好同，更加酸同埋多咗蔬菜做底陣味鍾唔鍾意就見仁見智啦<烏克蘭香煎薯餅$88>煎薯餅係幾出色嘅香脆夠燶，燶個位仲要係薯仔邊，係幾正嘅<傳統豬肉餃子$88>東歐嘅餃子似足外國嘅餃子，皮係偏厚嘅<傳統蘑菇薯仔餃子$88>蘑菇薯仔食落好creamy，口感幼細，味道清新<香燒豬肋骨$198>本身以為豬肋骨係平時西式燒嗰種，沾滿BBQ醬風味原來唔係㗎佢係似日式豬軟骨嗰隻煲到豬軟骨好淋好入味咁平時食日式豬軟骨骨甜甜地，仲有餐廳嘅豬肋骨硬身少少，同埋有酒嘅香味<羊仔扒$188>羊仔扒一陣羊蘇味，鍾意食樣嘅人一定鍾意嘅

朋友生日，建議吃這家非常馳名的東歐菜餐廳。它的預訂很爆滿的，而晚飯分兩個時段：6-8時及8-10時。到達餐廳，被它東歐色彩的裝修吸引著。鮮紅色的枱布，東歐風花紋的咕𠱸套，加上牆上掛有家庭式的裝飾，以及播著旋律輕快的音樂，整體感覺很有特色。我們點了三道食物，包括：正宗烏克蘭羅宋湯（$68）鮮紅的色澤，用料豐富，幾乎有原個蕃茄再加上薯仔。味道方面，是清甜而有陣陣香草的芳香，每一啖都吃到蕃茄蓉。湯內亦有一些豬肉碎，但份量不太多。招牌芝士焗牛脷盅（$98）服務員剛送上的時候，酥皮是完整的，她給我們時間拍照。接著，她為我們剪開酥皮，看見裡面的食材。牛脷雖然厚身，但極之軟腍，可輕易咬開，可見肉質鮮嫩。芝士醬汁味道不算濃，恰到好處。俄國宮庭烤鹿肉（$228）配薯角（$38）燉鹿肉用鐵窩盛載，保持極高的溫度，內裡的醬汁仍在沸騰。大家可能好奇鹿肉是甚麼味道和質感，其實它和牛腩肉差不多。如果不告訴你這是鹿肉的話，真的會以為正在吃牛腩。它的肉質一梳梳，炆得極為腍身和入味。窩內的配料有磨菇和薯仔。配菜薯角絕對是大堆頭，令我們有驚喜。薯角是炸得腍身，不是香脆的口感。這晚整間餐廳繁華熱鬧，氣氛不錯。