東寶小館 (已搬遷) 新店位置

簡評如下價格: 單碟價貴過大酒樓，特別係招牌菜，實在食水太深，非一般街坊可接受，可幸是免茶免加一，但5 位(其中3 位長者) 埋單接近600。味道:70分，ok la, 但招牌雞用雪雞較失望，好多招牌菜外面都有。環境:街市環境，大排檔格局，有冷氣亦幾清潔，但客太多有點迫。再去機會:一年一次吧，畢竟香港特式食店不多。後記:成個街市就旺東寶一間，其他全拍烏蠅，我反為有興趣試下其他的。

同朋友夾埋4個人打完羽毛球就來呢度醫肚, 9點幾都仲係好多人下黃金蝦- 今晚$15/兩, 最低消費要10兩, 咁就要10兩啦, 食完碟野我同朋友都覺得新和富整得好食d墨魚麵- 墨魚算新鮮, 食完個口會黑色, 但味道只係一般另外叫了兩個食送因為又太普通可以不提, 另加兩支啤酒, 埋單每人$95, 價錢唔貴, 但無咩意欲再去

比以前差左, 今晚叫左好普通既四個小菜. 黃金蝦已經冇以前咁吸引. 沙拉骨都仲ok. 椒鹽九肚魚,唔熱唔脆. 個菜就好多油,冇蝦醬味. 甜品都依然係涼粉, 冇新意同埋唔涷.

每逢長假期返來香港，都總會約埋三五知己到東寶食飯。在英國久不久就會想起東寶的風沙雞、沙拉骨。所以一回來就急不及待去品嘗。上星期五就約埋D朋友去食，依然係咁多人，好彩唔係等咁耐，一來我們便叫了風沙雞一隻、沙拉骨、荷葉飯、黃金蝦等等。今次水準都保持得幾好，但唯獨風沙雞，好像無以前咁好食，D肉無咁嫩，朋友們都是這樣的說，我心想可能是咁今日師傳失水準，所以打算臨回英國前再去多次東寶食風沙雞。昨晚我再次光臨東寶但今次是和家人，他們都是常客，今次點的菜和上次差不多，最主要都是再食風沙雞。但我和家人都覺得隻雞無以前咁好食，好像無乜雞味的。有點兒失望啊！希望我下次返來會食到好食的風沙雞啦！祝東寶生意興隆！

去完沙灘，用搏一搏既心態睇下唔book位等唔等到位... 去到見到有十幾人等緊位，但山長水遠黎到又冇理由唔食架... 點知位o個陣只不過要等半個鐘, 最後都唔駛10分鐘就有位喇!!4個人食左半隻風沙雞，炒蟶子，沙拉骨，炒油麥菜，當然唔少得啤酒啦!! o係呢度飲啤酒好有風味，因為係做碗飲既，而且個碗仲要係凍既... 正!!風沙雞果然名不虛傳，炸得好香口但一d都唔油，隻雞好嫩好滑!!!炒蟶子好大隻，好新鮮，唔會滿口都係沙得黎又炒得剛剛熟，好味程度係連配菜既青椒同洋蔥都食晒!!!沙拉骨既醬太"結"，有d膩!!!炒油麥菜冇乜特別，ok!!有樣野都覺得佢幾細心，食到一半既時候都識得同黎倒骨，雖然唔係換碟，但o係大排檔可以做到咁，都己經相當唔錯!!見到成晚傳菜不停，樣樣都好似好好味咁，下次一定要一班再黎試過!!

因為有朋友生日，於是去0左聞名已久的東寶!!地點好方便，一出地鐵站就見到!!因為得兩個人的關係，所以有好多出名的0野都食唔到(eg. 風沙雞)!! 我0地叫0左鼓汁蟶子+黃金蝦+沙拉骨+XO醬炒通菜+一支啤酒鼓汁蟶子-- 好夠味，不過我食0左3隻，有一隻有沙，有d 唔開心!黃金蝦-- 好好味!!!!!!!!!! 我同我朋友都讚不絕口!! 而且佢唔會成碟底都係油!!! 絕對要試!!~沙拉骨-- 幾好味，不過食唔晒!~XO 醬炒通菜-- 伙記介紹，夠味，不過食得辣的我，就覺得唔夠辣!埋單時仲有薑汁涼粉送! d 涼粉切成一條條幼條，好有心思，我自己就嫌唔夠薑味，不過我朋友就覺得夠!~食到食唔晒，total 都係$260，算幾抵la!~不過，請大家留意，原來兩個人係唔接受訂ga~!!~ 佢0地話7點前到就一定有位，結果我6:45pm 到，都真係即刻有位，不過，我眼見2-4人就真係唔多，人少少的，就真係要早d 去la~!~

為左食餐飯等左2個鐘對我呢d懶人黎講都算難得,呢餐6個人食左7xx平到笑啦,墨汁墨魚意粉好一般,俾電視節目吹噓到丫~個人覺得正o既係黃金複,好香蛋黃味,仲有蛋白蒸蟹一流,攪到我都返屋企整左俾媽子食,豉椒聖子都幾好,沙拉骨嫌佢酸左d,基本上d野好好味,如果唔駛等咁耐就仲好.

住北角呢頭成日都有朋友問我有冇去過東寶食飯咁北角都仲有好多選擇既．．．次次都係答：「有去過，不過都係出名之前」幾日前同成班朋友去聽講宜家好出名喎．．．咁就返去試試啦唔記得食過乜（好似有墨汁墨魚丸）只係幾記全部都幾好味，冇乜邊一樣係特別好味的只係份量都太少好似計過一樣，樣樣都係一人一粒、一人一塊就冇晒價錢比預計之中貴左少少下次都要諗諗先冇理由只係因為佢出名而去

Recommand:鴨汁荷葉飯狗仔鴨河粉底甜麵醬生菜黃金蝦Of course, the main dishes should be seafood of your choice and the style you like to cook it e.g. 豉汁豆腐蒸鱸魚, otherwise, you don't need to choose a restaurant need a fish market, do you?A lot of people choose to get the seafood from the restaurant, ok, if you like it, but for me, I always choose to get my own seafood fresh from the pier market right next to it. You can see what is fresh and you have more selections there.I have been to this place for many many times, s

其他唔講, 因為已經太多人講啦, 想講講試過兩個"食送"花蟹蒸蛋白- 蒸蟹就好難有問題, 最正就係d蛋白, 滑到...真係滑過豆腐花啊!!!銀魚蒸勝瓜- 我本身係唔食勝瓜0既, 因為嫌佢有陣菜青味, 但係試過佢之後, 每一次去都要叫, 原來勝瓜, 銀魚同薑碎配合一齊會有咁0既化學作用0既!!!p.s. 其實我都好鐘意佢d糖水, 冬天有番薯糖水, 夠晒薑. 夏天就有薑汁涼粉條, 配合起唻又係好鬼正.

今次已經係第4次去....昨日兩個人去, 食到超飽.....6:30到去到已經大約3成滿梅菜蒸豬下青(糯米飯底) - 極力推薦!!! 用荷葉包住, d飯索晒荷葉同梅菜既香味, 掂! 梅菜都好香, 係d豬下青肥左少少豉椒炒蟶子- 食第一啖覺得同鯉魚門有得揮, 但愈食愈覺得唔好食, 好細隻, d汁又唔正炸桂花魚- 好食, 皮香而不失魚既鮮味, 配合底下既汁料就天衣無縫椒絲腐乳炒通菜- 用大棵既通菜, 炒得好入味本來唔諗住d service唔會太好, 但出乎意料之外, serve我地o個位四眼哥哥好nice! 其他服務員態度卻是一般好記得第一次去, 6個人, 用o個d碗飲啤酒, 另有一番風味~ 下次要多d人去, 一黎可以重溫呢個場面, 二黎可以叫多幾款野食~

6月10日7:30pm 久聞東寶大名, 終於一試了. 一共5人, 3大2 小朋友. 朋友7時已到等位. 我7:15到達時, 還多等15分鐘才有位子. 真的可用座無虛席來形容. 因為想爭取時間吃東西, 朋友已想好菜色, 待我們一坐下來, 就馬上點菜. 我們點了4菜1湯: 菜乾豬肺湯, 炸豬手, 魚湯浸白菜, 風沙雞, 炒素翅. 附送薑汁涼粉. 個人較欣賞菜乾豬肺湯和風沙雞. 湯中沒有味精,我喝了3碗, 又吃了不少豬肺. 我愛豬肺湯. 風沙雞外貌似燒雞. 雖然近骨的位置有點不熟透, 我覺得肉質很好, 皮很脆. 因為我不愛炸物, 我只吃了1 件炸豬手, 味道尚可. 至於炒素翅的賣相就很特別. 以蕉葉放下面, 上有一塊大冬瓜, 素翅,芽菜等. 分開冬瓜時, 覺得略硬, 但口感就軟硬適中. 一共$400. 就食物水準而言, 價格適中. 當然環境一般, 不會是詳談的地方. 因此大朋友轉移灣仔Philosophy 喝咖啡, 小朋友就回家了.

話說約兩星期前,去到北角唔知食乜好. 依稀記得北角街巿出名,咁就黎左了,事前無做資料搜集的.路過見人地黑色一碟野好得意,即點,原來係墨汁墨魚,食落真係好似食墨汁咁,真係好似細個寫毛筆字的墨汁.味道不討好,但總算叫試過,幾得意,但係下次唔會再叫果種.舖底冷麵清爽彈牙,反而更討好.還有見咁大個魚缸,叫些海鮮吧.同行友人去到邊都要食蒜蓉開邊蒸蝦,就叫了,哇,成10蚊兩的,最少叫10兩,好,照叫.蝦是超讚的,新鮮有糕,可惜煮出來沒油水,浪費了大好的蝦.奶油炒蟹.10?11?12蚊兩?忘了.只記得奶油煮法要每兩加一蚊.照加.未試過嘛.一食,同行三人變臉.最愛食蟹的好不容易清左佢.這個煮法,最好味的是個蟹槓沒沾到汁的部份.想不到大大隻蟹,卻是很鮮甜.只是..煮法又浪費了靚蟹.餐牌上的椒鹽田雞寫著連皮,上枱才知原來要講明連皮先會連皮.否則一般會怕啲客嫌核突去皮炒.沒法子.想不到再叫些什麼,便叫侍應哥哥介紹,是碟牛頸脊乜乜.忘了.上碟有薄脆圍邊,中間有紅色汁的肉. 肉"那"過龍,薄脆有油益味..後面果圍人有小朋友,一直在尖叫+奔跑.全餐飯在背脊骨落.一行三人埋單七百多,唔飽,但已經食唔落了.食左少野唔

首推介, 黃金蝦, 係用旦黃炒蝦, 超正, 不過因住膽固醇過高, 哈哈~~!! 另外, 清清地可以試試個牛油什菇, 好正, 牛油味好香~再黎, 炸榴槤~不過本人就唔鍾意, 但朋友食完都讚不絕口, 喜歡食的可以一試.

The environemnt there is not good.But it's worth a try! the food is not bad! Especially the fried durian, it's very delicious!