東寶小館 (已搬遷) 新店位置

同七位友人相聚，今日型仔老細心情唔錯，好helpful and nice。食物保持水準，朋友仔食得好開心。我的心水推介:1. 墨魚汁墨魚+墨魚麵 好鮮味，個個人個咀都黑左。嘿嘿2. 黃金蝦 鹹蛋味好香，連個殼都食埋!3. 薑蔥蠔煲 蠔夠大隻，薑蔥吊起蠔香味4. 贈送嘅蕃薯糖水 十分足料! 薑味十足。

同男友2人好早到, ~7:00, 唔駛等位,即坐.冇墨魚咀, 失望,叫左:風沙骨- 好味, 但如果腩排比例多d 會更好涼瓜黃喉滑蛋- 蛋好滑, 炒得好覵, 不過d 蛋冇乜味.蜜豆炒豬下青- d 豆略為熟及老左d但買相全部非常好, 炒得好靚, 又好熱騰騰, 呢樣已經加好多分, 總括, 唔錯, 但都幾貴

媽媽生日的大日子, 當然要大事慶祝. 頌揚眾人加上家屬, 一行17人來東寶食大餐.17人食了19樣菜色, 仲唔係大餐?田氏白肉: 7分, 跟從前詠藜園的金獎雲白肉還差一線, 切得不夠薄, 口感差了點.炸雙卜: 8分, 兩款豆卜都炸得好香口. 不俗.吊桶春炒蛋: 8分, 東寶叫炒的菜色一定無問題. 香口的炒蛋加上吊桶春, 好過食蝦仁炒蛋.炒聖子: 8分, 沒有聖子皇, 叫了豉椒炒聖子, 一樣的鮮甜. 旁邊的弟兄C都破戒食了一隻.炒雞軟骨: 9分, 弟兄M的最愛, 炒得剛好, 一流的送酒小吃. 雞軟骨跟油炸鬼實屬天作之合. 南乳炸豬手: 8分, 炸得比科隆的更好, 炸過的豬手唔會太乾身. 但此等肥物實非一眾姊妹可容忍. 最後還剩下不少.陳皮狗仔鴨: 9分, 姊妹們以為真係狗肉, 當然唔係. 鴨肉好稔, 陳村粉拈上鴨汁, 味道立即加分.風沙雞: 9分, 之前幾次食東寶的風沙雞都係一般, 今次一上桌已經眼前一亮. 當仁不讓, 先取了最味美的黑肉部份, 果然精彩. 雞肉嫩滑, 雞皮炸得很脆.除了鳳城的炸子雞, 東寶的風沙雞都係一流.黃金蝦: 8分, 炸成金黃的蝦, 火喉十足, 但蝦的鮮味欠了點.

12月26日去晚飯，嘩！好多人兩個人8點幾到乜都無得食風沙雞及荷葉飯無訂無得食，我無訂所以無得食。胡椒豬肚湯沙拉骨大肚婆炒飯通通都正唔洗講不過同方姐飲下啤酒最過癮

今日同屋企人一行六人去食, 好在訂左位, 如果唔係都唔知等幾耐, 去到座無虛席, 我地叫左6個餸,4支啤酒+酒水.埋單$634...碟頭都算大, 食到飽飽...風沙雞- 真係皮脆肉滑, 個汁好味又唔會太濃羊腩煲- 羊肉足料, 又唔so, 正...旦白花x酒蒸蟹- 旦白好正,又滑又香,蟹好新鮮又多肉楜椒豬肚湯浸豆苗- 清清地, 唔錯炸雙卜- 抵食, 送啤酒一流炒雞軟骨- 我鐘意炸雙卜多d, 呢個入面油炸鬼多過雞軟骨, just so so蕃薯湯水- 送既, 好鐘意佢夠辣, 好味伙記態度都幾好, 原先電話訂位時好似都串串地...總括係唔錯, 會再幫襯...

風沙雞, 凍瀨尿蝦, 糕蟹蒸飯.... 全部超好味!

上星期同朋友去食過大家都好滿意讚不絕口環境當然麻麻地啦大排檔係咁上下啦因為好多人, 服務都係麻麻主要係食品實在好正唔怕唔乾淨就一定要去試下啦

昨晚跟女朋友去食晚飯, 點了三道菜:一) 黃金二) 台式炒蟶子三) xo醬爆黃鱔第一道菜很出名, 但其實麻麻地~第二道菜明顯唔夠鑊氣, 係個"欠"幾好~第三道菜幾好, 不過都係普通大排檔貨色~埋單唔洗$300, 不過覺得物非所值~有機會一定要試下避風塘炒蟹同瀨尿先得~

嚟東寶食飯已有多年，由無冷氣到有冷氣，由成日撞到蔡瀾到而家變咗遊客勝地，露脾兄由珠圓玉潤變成標準型男！？唯一無變都相信都喺爆棚盛況，食物方面已經好多人評論過，但有一樣就比較少人提，就喺例湯，其實幾好，不過大部分食客都着重咗食物方面，就疏忽咗呢樣好嘢。有一次去食飯，帶咗支vodka去飲，露脾兄走埋嚟攞起支酒睇兩睇，跟住講句「我洒柜大把呢D酒」，跟住走開咗，轉頭就切咗碟檸檬俾我哋，做大排檔可以細心到客飲乜嘢酒跟咩，相信都幾難揾到第二檔。

知道東寶好耐, 始終未試過. 今日終於一試, 真係好多人. 記住訂位.六個人. 點了風沙雞, 炸得唔錯, 皮薄, 不油膩.荷葉飯, 份量都ok, 每人都有兩三碗細碗.黃金蝦, 我很喜歡吃咸蛋. 所以一向都很喜歡黃金x的食物. 東寶這味黃金蝦很香的, 殼都炸到食得, 但多d蛋黃會更好.胡椒豬肚湯, 這味真係唔係個個食到, 因為太多胡椒, 過辣了.金銀蛋青瓜, 這味很家庭菜式, 不特別.椒鹽鮮魷, 呢味真係好味, 又係炸得剛好, 唔會太多炸粉, 鮮魷很爽.仲有好多唔同菜式想試. 下次啦.

久聞呢間店舖，可以喺街市做到响哂哚，有咩咁特別呢？所有嚟試吓！朋友講，要預若先好去，結果訂咗晚上6:45，因為多啲人可以試多啲嘢食，所以另約七個人去！首先叫咗個炸豬手，幾乾身、唔油膩，女仔最怕啲炸物油淋淋。另一款較有特色嘅係墨魚麵，口感幾鮮味、幾特別，不過食完之後唔好即刻講嘢或笑，因為食完之後成口黑蚊蚊嘛，一開口就嚇親人，都係飲返杯水先好講嘢囉！仲有，好多人都講過話啲蟹好味，我哋叫咗個膏蟹兩味，蟹就用豉椒炒，有炒麵底(似肉絲炒麵嗰啲麵)，蟹夠惹味、蟹殼夠脆，而蟹膏就蒸蛋白，口感滑溜，直得推介，不過價錢就海鮮價，當然啦，蟹喎！另一款就普通啲，係鼓油皇炒麵，但見麵身非常乾身，碟底竟無油，難得！最後一樣係鴨汁荷葉飯，話幾出名吖嘛，咪試吓囉，不過較為「立」口，飯身較為濕，味道就一般。但見間舖越食越多人，真係名不虛傳呀！不枉我千里迢迢去「見識」吓！總括嚟講，食物質素唔錯，款式特別，但地方環境太嘈，一大班人難傾偈！

實在太耐無去,九點正仍然人山人海,不過好快已經搵到位。叫左一個墨汁魷魚,中菜西式煮法,食完成咀黑晒,不過好正!一個椒鹽田雞煲,好好味,好香口,一個炸鯪魚球,拍得住羅富記,田氏白肉又係極佳佐酒物,由於有「戰鬥碗」的激發,一共叫了八支啤酒,本來二人前,臨走前突然多左個「路人甲」,又飲多少少,其中'哈啤'真係幾麻麻地,又同露比爹幾句,同N年前ge肥佬身形,家下真係fit左好多!東寶始終保持特色,夠「寸」又過癮!我中意~

接上文:膏蟹兩食,呢個無須預留,Walk-in也有得吃.膏蟹用XO醬炒,蟹羔用蛋白蒸.膏蟹夠肥美,蟹鉗部份啖啖肉.蟹膏蒸蛋白,隔離的朋友意見是蛋白太過水汪汪.有同感,不過面口咸香到極的蟹膏,已經搭救蛋白本身的過濕.椒鹽雞腎,用椒鹽去泡製雞內臟,一向效果麻麻,此味雞腎經油炸洗禮過後,也算香脆可口.底下的腰果,似乎認受性更高,妹仔大過主人婆.鴨汁荷葉飯,一打開已聞到荷葉飄香,荷香同鴨汁,完全滲進粒粒分明的飯粒裏面.飯身不過濕,已經重拾我上個世紀吃的水準.份量頗大,十五個人也夠份.大圍局的話,必叫之菜式.陳皮狗仔鴨,用缽仔盛之,同狗肉無關,只係用順德人炆狗肉的做法而已.隻鴨炆到稔熟,非常入味,有朋友在缽仔尋找之下,發覺底下別有洞天,原來仲有河粉在底,河粉索晒日月精華,吃罷眾人叫好.又係預留的風沙雞,皮脆肉嫩,隻雞肥瘦適中,雞肉也能吃出點點雞味,照小弟推斷係冰鮮貨色.炸雙卜一卜兩味,用鯪魚肉同蝦膠釀在豆卜內,後拿去炸,無論魚肉同蝦,兩者同樣打到起晒膠,彈牙的口感,與炸得香脆的豆卜,又幾匹配.豉油王炒麵,尋常地方也吃得到,但東寶的水準,超出我們想像.炒得很乾身,滴油不沾,麵條幼如米粉,彈牙到嘩嘩

有些食店,無須經常光顧,隔一排無去,個心會痕痕的.吃過多年的東寶,正是其中之一.剛在年頭的一役,已經夠慘烈,命為"撞車".有出席的朋友,一定知道點解.日前突然興起,想來個大龍鳳,又想要聖子皇,風沙雞,荷葉飯,想一次過滿足三個願望,非東寶莫屬.即刻召集眾友人開局,不消一會,十五個人舉手報名.學友人話齋搞東寶?無難度.)之前已留定幾味菜式,去到再略略睇個餐牌,吃過多年,點菜基本上無甚難度可言,吃回之前吃過的,已夠有突.好吃,不妨一吃再吃.不久有個"年青,當打,有身材"的啤酒妹.走過來硬銷喜力,席上大多人對喜力麻麻,盛情難卻之下,先來半打大支,倒水般倒在戰鬥碗內,看來今夜,席上會有人被檯離場...Let,s go! Rock & Roll!第一味打頭陣的墨汁麵,墨魚肉很爽勁彈牙,底下的墨汁麵,有Al Dente效果,外面很多西餐廳,也沒有這個效果,席上有人見到其他朋友吃罷成口烏卒卒,好似好似一隻黑蟋蟀,登時被嚇窒.吊桶春無貨,改為涼瓜黃喉炒蛋,黃喉即係豬喉嚨.涼瓜甘甜不苦爽口,黃喉爽脆,炒蛋火喉剛好.這個臨危受命的菜色,也不錯吧.炒雞軟骨,材料除雞軟骨外,仲有青瓜,油炸骨等一起炒.雞軟骨固然

去親渣華道街市都會見到一個奇怪現象，就係當東寶好生意到排隊排出門口時，其他隔離幾間食肆則甚為冷清，誠如其他食客所言，我都要個機會試試佢差別係咪咁大。東寶的成功在於他們的菜種類繁多，而且當中不乏具特色的，例如墨汁墨魚麵，炸榴槤等。再者佢價錢真係算相宜，如果一大班人去大擦一餐海鮮宴，都只不過係百零蚊落樓。雖然係大排檔格局，但有大師傅手勢，偶而一試這種地區特色風味都不失為一個好選擇。有別於一般街市菜館，佢既不設電視又無乜套餐優惠，個餐牌仲要好寸咁講明有乜佢唔整，在在都顯出佢傲視同儕信心。不過講真，食大排檔都要等成個鐘我個人就無咁耐性，訂幫助不大，因為最多俾你打少少尖，而且度食都幾熱氣，真係唔可以成日食。